|
حبيت ردودي .. بهالموضوع ..
كتير حبيتن .. يا زلمي أأقراهن وارجع اعجب بنفسي :D أما بخصوص .. هل ممكن .. اكيد ممكن نحاور واكيد ممكن نعيش الاختلاف مصدر غنى والتشابه محدودية .. |
حوار شو ؟؟
ومشان شو ؟؟ طيب الحوار بكل انواعو واشكالو هو بالنهاية حوار ...... ممكن يجيب نتيجة انو يصير في فهم لوجهات النظر او الطرفين يللي عم يتحاورو يصير في بيناتهون شيء من القبول بس الشغلة بترجع للحوار ونوعو ... ومين الطرف الاقوى فيه ... طبعا الاقوى هون بكون اما بالتعداد يللي خلف احد اطراف الحوار او بالنفوذ والمال او القوة بس يا ترى شفتو حوار طلع منو حدا لا غالب ولا مغلوب ؟؟؟؟ مستحيل بس دايما بحاول احد الاطراف وهو الضعيف دايما انو يتمسك بالمبادئ والانسانيات حتى يطلع باقل خسارة واي نوع من الحوار بتقصدو فيه ؟؟؟؟ حتى نتناقش فيه |
اقتباس:
المشكلة بالاغلبية واحيانا اسباب التطرف وقلة الوعي هي وراثيه او نتيجة البيئه اللي بيخلق فيها وافكارو عبارة عن عادات اكيد ما اجت نتيجة لتفكير وهاد الشي اللي بيخلق التعصب او التحجر للفكرة هلئ بأي موضوع ممكن يكون في نقاش بس لازم الطرفين متل ماحكينا يكون عندن وعي لتقبل الفكر الآخر وما بالضرورة يكون في غالب ومغلوب المهم يوصلو يكون في حوار بدون مشاكل وبعدين مع تكرار الحوارات ممكن يوصلو لنتيجة او لفكرة بتجمعهن |
و للأسف ..
في الأخوية و في الحياة العملية .. يقتصر الحوار فقط عالسياسة و الدين .. أنو نحنا شعب أفهم أمة الله بالدين و أفهم أمة الله بالسياسة طبعاً شاطرين بشغلتين الأولى نكفّر بعض و التانية نحكي عـ الدولة و شرطك لما يعدي شرطي مرور الكل يسكت و نتنهامس بين بعض " خالتك عم تسلّم عليك " طيب مثلاً ما منفكر بشكل من الأشكال نفتح حوار تاريخي - أدبي - صحي - و و و و و و لمّا منفتح هيك حوار لدقائق معدودة و مرات نادرة .. أنو مثلاً أنا كـ هندوسي أو بوذي بتفق معك كـ مسيحي أو كـ مسلم أو كـ ملحد .. أنو بكره الأرض اللي بتمشي عليّا غادة السمان .. و بقدس شي اسمو نزار قباني .. يعني في نقاط اتفاق بيني و بينك بغض النظر عن الأيدولوجية الدينية .. ليه دايماً أنا و انت مختلفين كوننا مختلفين في الدين أو انت موالاة و أنا معارضة .. أو أو أو أو .. لمّا منقدر منبحث عن نقط مشتركة ووفاق بيناتنا .. رح تتحسن لهجة الحوار السياسي و الديني لاحقاً .. كوني عرفت عنك كتير اشيا .. و صار في بيناتنا اتفاق بموضوعٍِ ما .. و طالما حوارنا مقتصر على السياسة و الدين ما في أمل :cry: خلونا نجرب ولو مرة نطلع برا السياسة و الدين و نشوف كيف المختلفين هلأ رح يصير متفقين بموضوع أدبي مثلاً و العكس بالعكس و الخلود لنضالنا النقابي :lol: |
اكيد ممكن يصير حوار وبين الكل وبكل المواضيع بس هيدا وقت بيكون الاشخاص يلي عم يتحاورو ع مستوى الحكي مش كل واحد مصدق انو احسن شي ووقت بيمتلكو العلم والثقافة وارائن وافكارن هي نابعة من خبرة وفكر ووعي مو هيك انا وهيك الناس يلي بعرفن كل شي ممكن بالعقل والعلم والثقافة
|
كهربجي ...الحوار ليس له علاقه لا بدين ولا بطائفه معينه سواء كانت سياسيه او دينيه .كل الاديان السماوية حثت على الحوار البناء لو لم يكن هناك حوار بناء لما نجح الرسل في التبليغ عن رسالاتهم ...........وبالنسبه للمصطلحات يلي انت زكرتها بمعرض حديثك ويلي بيزكرها المسلمين اثناء الحوار معك او مع غيرك فاسمحلي قلك انو لو لم تتقبل هذه المصطلحات اثناء النقاش فلن تكون محاور جيد ولن نصل الى مستوى الحوار المطلوب ....
الحوار كلمة راقية جداُ كمفهوم وراقية جداُ كتطبيق .. سؤال / الك كهربجي باعتبارك صاحب الموضوع / هل تستطيع وصف مايدور تحت سقف الاخويه من نقاشات بين الأعضاء بصفة الرقي ؟؟؟؟ جوابي انا / لااااااااااااااااااااااااااااااااااااااااا .... وانا واثقه انو جوابك بيطابق جوابي :D لأنو باختصار شديد المعادلة بتقول { حوار = رقي } ......... ونحنا مانوجد عنا رقي لحتى ينوجد حوار .. الحوار بيستلزم الرقي في الالفاظ وفي التعبير واي مناقشة استوجبت وجود تسفيه او استفزاز او تقليل من شأن الطرف الأخر ...(كما يحدث في الأخويه ) ابعد مايكون عن مصطلح حوار والاجدر ان يطلق عليه مسمى (جدل ) او خناق او شد شعر متل مابيتريدو:lol: بس بعدوا عن كلمة حوار لانو ماعم تلبقلنا الحوارات بنوب لحتى يصير عنا حوار كهربجي لازم نبعد عن كل مايخدش بالحوار يعني مثلا المسخرة .ومايستتبعها من محاولة اثبات الزات بطريقه سطحيه جدا ..الاعتماد ع الالفاظ وقوتها دون االاهتمام لاثبات الحقيقه وتوضيح وجهة النظر ..يعني الاعتماد باثبات وجهات النظر عنا يااخويه بيكون باسلوب سلطوي ..يعني كل مين بيتسلطن على غيرو وانا الصح والكل غلط دون اي اعتبار ات لحقوق الاطراف المشاركه بالنقاش ( بالمشرمحي اسلوب اغلبوهم بالحكي ) وبدكن يكون عنا حوار اي شو هاد يا :pos: وناس كتير تفكيرها حلو جدا ووعم طالب باقامة حوار بناء بس مع الاسف كل ماشافت رد ازعر نط الشيطان لراسا و تزعرنت معو بقى كيف بدو يصير حوار ؟؟ :? مية ورده :D |
اقتباس:
انا بتمنى يكون كلامي غلط .. بس المشكلة اني عم بحكي عن تجربة.:pos: |
اقتباس:
لو كل شخص احترم مساحة الحرية للشخص الآخر كان كنا بألف خير . بس لا وين رايحين لازم نعمل كوبي بيست عن أنفسنا .. لازم نكون الأفضل دائما .. ويا ويلو يلي عادينا ..:dabeek: |
اقتباس:
لإني مثلا ً كـ سوري بس قلت لأردني مثلاً أنو الملك حسين يا أخي عميل هي الحقيقة .. و هوي كـ أردني قلي بشار وريث للحكم وين الجمهورية عندكون ,.. علقنا و ما عاد نلتقي لا بموضوع أدبي و لا اجتماعي و لا عاد نسلم عـ بعض .. بالعكس رح نتنتظر بعد عـ غلطة .. طبعاً ما عم أحكي عن الناس المو مؤهلة بنوب هدول ما في داعي نحكي عنوّن لإني دواهون الطناش .. و على عيني :D |
اقتباس:
|
اقتباس:
التطبيق بحاجة لـ جهد جماعي .. من الجميع .. و عيّني خير .. :D |
أنا بالنسبة ألي ما في أحلى و أسهل من النقاش بأية موضوع ..و برأيي أنو طبيعة النقاش بتحدد تبعا لهدف النقاش..
أنابالنسبة ألي بعمري ما ناقشت حدا لأقنعوا برأيي ..و إذا كان أية حدا بدو يناقش ليقنع فنقاشو رح يكون عقيم.. كتير من العالم من المستحيل النقاش معن.. بس بالنسبة ألي فيني ألكن أنو أنا متناقش مع حوالي 15 شخص كلن من دين مختلف عن ديني بموضوع الدين بالتحديد..طبعا النقاش بلش مع شخص و امتد لأنو تجمعوا حوالينا بقية الأشخاص و كان النقاش أكثر من رائع ومن بعدا قدرت أكتسب احترام الشباب كلن اللي حكيت معن..الشغلة ببساطة بدها شوية ليونة و كبر عقل.. |
أعترف بأنني لم آت إلى هذه الحياة لكي أتفق مع الجميع، فالاختلاف شرط إنساني حضاري، وهو نقطة الانطلاق الأولى للتطوُّر في كافة المجالات، فالاستكانة هي عربون الثبات والتخلف، وهي الشرط الأول للموات، لكن للاختلاف الخلاَّق أصحابه وأهله..
هي اقتباس من مقال ل بسام كوسا و هدا رأيي كمان بموضوع الأديان بنظري مافي مجال للحوار و مناقشة فكرة و المهم أكون على اطلاع على دين الآخر ايمانه معتقداته و بس ما أكتر لكن المزعج هو اقحام الدين و الله بكل موضوع و أظن بموقع أخوية في اختلاف كبير بالأعمار كمان و هاد عبخلي لما نادرا بكون في حوار بنزل مستوى الموضوع أو حتى ما ياخد الموضوع حقو و أظن أنو صعب يخلق حوار ع النت ممكن واحد يعطي رأيو أو يشارك بغنية كتاب أو ... أما الحوار أنا استصعبتو و شكرا ع الموضوع :D |
| الساعة بإيدك هلق يا سيدي 16:35 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون