|
طيب سؤال لو سمحتو.
مين الاحق بأنو يحكم بلادنا مثلا؟؟ يعني من انو دين لازم يكون, لتكون الو الاحقية بأنو يحكم هالبلاد؟ |
اقتباس:
:confo: يعني انت موافق ع المبدأ و ما بقي عندك مشكله غير طبيعه الدين .. ؟؟:confo: |
على انو مبدأ عم تحكي؟؟
بالنسبة لسؤالي انا بدي وصل بنتيجة من وراه |
اقتباس:
لتقبل فكره الدين بنتناقش اي دين .. لانو اي دين سماوي يحكم بالحق و هو دين حق .. فما هي المشكله |
اقتباس:
وليست كل الاديان سماوية :D |
اقتباس:
ليش شو النا عم نحكي من الصبح!! طيب مو مشكلة اللي كان بدي وصلو من كلامي. انو اي انسان من ابناء الوطن شو ماكان دينو (حتى لو ما كان عندو دين, او حتى لو كان ما بأمن بالله كلو من اصلو). هو الو الحق بأنو يحكم هالبلد. وهون مشكلة من مشاكل الدين بالدولة. لانو طيب انو دين من الاديان بدنا نطبق للدولة؟؟ |
اقتباس:
|
عيني ربك عيني.
|
اقتباس:
يا حضرة لما بيغيب العقل و الضمير، الدين بيفقد دورو، هي الاسرائيليين متدينين، و احد وصاياهم "لا تقتل"، و مع ذلك فاقدين الضمير و عم نشوف شو عم يعملوا... اقتباس:
اقتباس:
شوف معلم، المقدمات الخاطئة تنتج بالضرورة اجابات خاطئة، و بالتالي التحدث عن امور ميتافيزيقية (غير مثبتة علميا) سيوصل بالتأكيد إلى عدة تفسيرات، و جميعها ستبدو منطقية لبعضنا انت عم "تبحث" عن تفسير منطقي و حقيقي، لأنك لسا ما وجدتو، كيف عم تدافع عن شي ما عثرت على حقيقتو؟؟؟؟ او على الاقل على تفسير منطقي لحقيقتو؟؟؟؟ خيو، خليك عم "تبحث" ... لأ جد عم بحكي، بس بعقل منفتح على كل الاحتمالات، و خلي ببالك دايما انو العقل هوي الشرع الاعلى للانسان، و هالشي ما بيخالف ايمانك، لأنو حسب ايمانك الله هوي خالق العقل... انا كنت متلك، باحث عن الحقيقة.. و اسوأ شي ممكن يحصل معك انو تلاقي الحقيقة لأنو ساعتها رح ينتهي بحثك، لذلك، ادعي دايما لربك انك ما تلاقيها، صدقني معلم... ما في امتع من رحلة البحث عن الحقيقة، اوعى انك تنهيها اقتباس:
ما في اصعب من الاخ يقتل اخوه، ما في اصعب من الوضع بالعراق و فلسطين صليلهم معلم، صليلهم بركي الله بيسمع منك يرحم ترابك يا أمير "عبد القادر الجزائري"، لولا حكمتك كانت سوريا اليوم غرقانة بحمامات دم متل اللي عم تحصل بالعراق و فلسطين و متل ما حصل بلبنان و الله يديم عقلاء هالبلد، ويبعت لاخواننا متلهم اقتباس:
اقتباس:
اقتباس:
يا باشا لما ما بدك تفوت بحوار تاريخي.... ليش عم تستشهد بشواهد تاريخية مش متفقين على صحتها ؟؟؟ و اصلا انا برفض اني ناقشك بحوار تاريخي قبل ما تكون على الاقل قاري "تاريخ الطبري" عموما بعيدا عن الحوار التاريخي، يا ريت (للمرة التانية عم اطلب هالطلب) انك تذكرلي العهد الذهبي يللي حكيت عنو اديش استمر؟؟؟ هاد تبع الدين الصحيح اقتباس:
شو رأيك بفكرة انو يسود الاسلام بالعالم كلو؟؟؟ فكرة منيحة مش هيك؟؟ بس هي اسمها يا كابتن عولمة عموما معك خبر انو نحنا السوريين ... اسياد العولمة؟؟؟ العالم كلو بيمشي على الارقام يللي اخترعناها (اسمها الارقام العربية، بينما من كتر تخلفنا منسعتير ارقام من عند جيراننا الهنود و منكتب فيها.. ) اغلبو للعالم بيكتب بابجدية نحنا اخترعناها و عند الفرح او الحزن بيتبع طقوس نحنا وضعناها و بيحاكم نفسو بقوانين نحنا سنيناها و بياكل و بيشرب من مأكولات و مشروبات نحنا تفننا فيها (النبيد و البيرة على سبيل المثال) اكتر من مليون و ميتين الف اختراع .. ما زلنا منستعملهم لليوم، متل الدولاب و العربات، ...الخ، اخترعهم اجدادك لك حتى الاديان، طلعت من بلادنا حاج لهون لأنو العولمة مش موضوعنا و يا ريت ما تغير المحاور اقتباس:
يا رجل، يا رجل، طالما مش رح لاقي واحد حتى لو رجعت لورا كزا قرن (كذا هيك بتنكتب بعرف، بس لذات السبب السابق كتبتها هيك) ع شو عم تناقشني؟ بدك ياني اتبع نظام بيعتمد على كاريزما لشخصية ... ما اجت منذ قرون خلت ؟؟؟؟ طيب على فرض انو وجدنا اليوم هالملهم ... شو بيضمنلي انو بس يموت يجي واحد تاني، و اللا بدك ياني استنى كمان قرون ليجي واحد تاني، و بهالوقت بيتمقطعوا هدول تبع المصلحة الشخصية يللي مو طايقهم حضرتك فينا ؟؟؟؟ والله يا معلم كيف ما عم ابرمها معك .. ما عم لاقي حل احسن من العلمانية، يعني صدقني انا حابب لاقي حل تاني، بس ما عم لاقي اقتباس:
عموما احترامك و تبجيلك الو ناتجة عن صحوة ضميرك، بالدرجة الاولى رغبتك بتحرير عقلك من قيودو بالدرجة التانية و ناتجة عن عدالة و حكمة و شجاعة و عفة شافيز بالدرجة التالتة، و هي هيي الفضائل نفسها يللي قلت عنها انها بتودي للعولمة و ما عجبتك اقتباس:
و كما قال الشاعر: العلم يبني بيوتا لا عماد لها = و الجهل يهدم بيوت العز و الكرم اقتباس:
عموما قصدت الاله القادر على فك اسرو هوي و رفقاتو، ببقى بعرفك عليه شي يوم... هوي التاني صاحبي اقتباس:
اصلا العلمانية هيي مجموعة من الظواهر، كيف بدك يكون الها جوهر؟؟؟ العلمانية يا حبيبي هيي انو تتخذ القرارات و تنسن القوانين و التشريعات بناءا على حاجة المجتمع بغض النظر عن النصوص المقدسة ... يعني لما اختاروا اللون الاحمر لحتى توقف عليه السيارات باشارات المرور .. ما اهتموا ازا هالشي "حلال او حرام" و طالما انو هالقوانين ما الها قوة غير قوة التطبيق يللي بتقوم فيها الحكومة، و بالتالي ممكن تغييرها ازا (نفس الملاحظة) بيوم بطلت تخدم مصلحة المجتمع... يعني بوكرا رح تصير السيارات تطير، اشارات المرور الحمرا ما عاد ممكن تنظم حركة السير، و بالتالي رح يحطوا انظمة جديدة بتتناسب مع الموقف، بغض النظر ازا الله و اوصياؤو علينا باركوا هالخطوة و اللا لعنوها.. عرفت عليي كيف؟ اقتباس:
اقتباس:
يا سلام اي لا عاد تقول انو الاسلام ما عم ينتشر بحد السيف لكان بعدين الله تبع المسلمين هوي يللي بيهدي من يشاء .. مش اخوات الـذين تبع الارهاب |
اقتباس:
مابعرف ليش عم صرت شايفة باكتر من رد هون الغاء وجود اي سلطة بالدولة العلمانية وانو الامور رح تكون سايبة:? اكيد حياتي بالدولة العلمانية في وجود لقانون رح يحكم وينظم امور العالم ورح يكون قانون يناسب كل افراد الشعب ومايفرق بين مسلم ومسيحي وغيرو من اديان |
اقتباس:
و بعدين انا متل ما قلتلك ماني ضد العلمانيه بل انا معها .. بس مو العلمانيه اللي عم ينحكا عنها هون .. علمانيا منظمه اكتر شوي من ما هو متعارف عليه ... اسسها سابقه الذكر شكرا:D |
اقتباس:
اذا الكل بدو يحكم مين بدو ينحكم:shock: .. انا ما بيهمني ديانه الحاكم بيهمني مبدأ الحاكم.. المبني على مبدأ ديني اي كان هو ... ما بالضروره الدوله تطبق دين كامل .. اي يعني بما ان الله واحد فما مهم تحت اي اسم اجا الدين او من تحت اي دين اتاخدت الاحكام المهم ان تكون احكام دينيه مقبوله مشكور |
اقتباس:
و اما الاديان الغير سماويه فهي مبنيه على اسس معينه بغض النظر عن ايمانها فيها او لا ولكن هون بنرجع للنقطه انو يعني هي مو علمانيه لانو رح تحكم عن طريق مبادئ دينيه معينه .. شكرا:D |
اقتباس:
والعلمانية مافيها تكون غير منظمة لانها بتاخد العقل قاعدة الها ومافيك تاخدي الوضع بالبلدان العربية مثل لانو العلمانية ماتبطقت مظبوط باي بلد منها ولهي عم تشوفي التخبط بالعلمانية :D |
اقتباس:
و الحياه كانت ماشيه بس اساسا الدين ليش اجا غير لينظم حياه البشر ؟؟ بما انو نحنا عم نتحاور هون فمعناتها عقل الانسان ليس قادر وحده ان يحكم لان ما قد اراه صحيح قد يراه غيري خطأ سعيده جدا بالحوار معك:D شكرا |
اقتباس:
ونحنا ماعم نقول نرجع نطبق نفس قوانين حمورابي او القوانين القديمة بس المعنى انو فينا نطلع بقوانين حديثة بشرية وتكون انسب من اي شي قديم حتى من القوانين الدينية اللي احدث واحد فيون عمرو 1400 سنة وانا كتير سعيدة بالحوار معك :D |
اقتباس:
ناس اليو اللي م يا دوبك عم تعرف تربي ولادها ؟؟ لهيك اليوم و بالوضع اللي نحنا في لازم القوانين الدينيه الاقدم و الاحدث و المنطقيه هي الي تسير امورنا شكرا:D |
اقتباس:
|
اقتباس:
خيو هلا فيك والله خجلتني بهالحكي والله انتي بردك اثبتلي اليوم شغلتين اثبتلي انو الحكي اللي سمعتو اليوم غلط (ما حدا يسالني شو الحكي لانو ما رح قولو مع انو في عالم بتعرفو ) واثبتلي انو اسا الدنيا بخير خيو انا ما وضحت وجهة نظري بشكل كامل لانو ما بدي اطلع عن الموضوع الرئيسي اللي هوي العلمانية ما بدي انتقل لمناقشة موضوع وجودية الله ومن اين نبعت الاديان والخ الخ الخ اللي كل موضوع رح يوصلك للتاني لهيك حبيت علق تعليق صغير فيك تقول نقطة للانطلاق بنقاش جديد بس يخلص النقاش بهالموضوع طبعا ومنبقى منفردلو موضوع تاني بعيد عن مهاترات الاعضاء اللي ما بيستاهلو تحية للكل :D |
اقتباس:
اولا خلينا نتفق على وجودو وبعدين منشوف اذا بيقدر او لاء معلش خيو خلينا نحكيها بصراحة انا واحد عندي شك بالله ما كتير بيخرط مشطي خيو بحس يا اما واحد معقد يا اما واحد معو انفصام شخصية مع هيك بحترم الجميع وماشي حسب ضميري ما بأذي حدا و بحب الكل بحكم عقلي بكتير امور وبعتمد علي اكتر من اعتمادي على خوفي من الدين ومن العقاب والثواب والالخ الخ الخ فهل يطلق عليي لقب علماني ام لاء ؟ :D |
اقتباس:
حابب علق على جملة لازم يجي من اسس فكر اكبر من الانسان حددها "الله " مثلا انو يا اما انا فهمت الجملة غلط يا اما فهمت صح ورح اسال على اساس انو فهمتا صح (بعتذر اذا كان فهمي الصح غلط ) ليش مستهونين بعقل الانسان وعم تعتمدو بكل شي على الله والدين ليش خيو عقل الانسان كخ يعني ما بيسوى يعني انا ما بعرف ليش هالاتكالية الزايدة على الله بعدين خيتو سؤال على السريع شو هيي العلمانية اللي عم تحكي عنها او اللي انتي معاها شو اسسا المنظمة تحياتي للجميع :D |
ليش مستهونين بعقل الانسان وعم تعتمدو بكل شي على الله والدين
ليش خيو عقل الانسان كخ يعني ما بيسوى يعني انا ما بعرف ليش هالاتكالية الزايدة على الله والله يا اخي معك حق وكانو الله مس}ول عن تسهيل امور كل بني ادم عايش عهل ارض لك الواحد ما بدو يحكي مشان ما يقولو ملحدين و هيك لك ليش الله لكن قال خلقتكم على صورتي و مثالي هي كلمة مشفرة بس بدك تقرا مابين السطور انا ما رح قلكون شو بتعني انتو فسروها واذا ما طلع معكون شي سالوني |
اقتباس:
تعليق صغير على الهامش شو مشان انا وعم اقرا ردك طرفت عيني على مطرحك وفيك تقول اني انخضيت حاطط مطرح حلو كتير مية وردة الك والله يفك اسرو :D |
اقتباس:
المهم ممتاز الي في عالم متل حكايتك عايشين لهلق:D |
و انتبهت شلون قلتلك الله يسمع منك يا رب لك صرنا نتكل على الله و نعلق على شماعتوا كل شي لا اراديا
|
اقتباس:
|
اقتباس:
|
أول شي مسا الخير..
حبيباتي كلكن.. من زمااان ما شفنا موضوع بيعبّي الراس متل هاد.. يعني الحوار كتيير حلو.. وأحلى شي هو أنو ما في تعصّب (هي مو متأكد منها) هلق ع الحالتين أنا اللي طرحتو كان فتيشة... توقعت صراحة أنو يقلب الموضوع يا مسبّات يا سبام.. والتنين ماصاروا ف ع راسي الشباب والصبايا كلن هلق أهم شي بالنسبة لإلي أنو ينفهم أنو العلمانية بالمحصلة إلها علاقة بالدّين و بنفس الوقت ما إلها علاقة لا بالله ولا بالدين.. يعني العلمانية فكريّا هي إبعاد الإيمان والتديّن أو عدمه عن الحياة التشريعية والسياسية، بس عمليّاً هي يتتجاهل تماماً الدين والله والإلحاد والإيمان.. يعني هي مجرى معين عقلي بعيد تماماً عن المجرى الروحي تبع الأديان، والعقلي تبع الإلحاد... والسبب أنّو عقية الإلحاد هي أقرب لنقاش الغيبيات.. أمّا العقلية العلمانيّة فهي بعيدة عن الغيبيّات.. بمعنى أنّو بتتجاهلها... وائل صار عندي خطأ مطبعي.. نسيت من مين كان الاقتباس حبيبنا... بس عالحالتين أنا متابع كل شي.. وشكراً كتير إلكن كلكن مرّة عاشرة... |
اقتباس:
بس بدي اسالك سوال مع كامل احترامي و تقديري الك و لاسلوبك الحلو بالكلام كم نوع من انواع لاعلمانية في مع الشرح المبسط و اذا بدك بعالمنا العربي فقط يعني يليب عم انشوفون او الي لازم انشوفون هلق |
عفوا قصدي العلمانية لانو يمكن انفهمت غير شكل صار في خطأ مطبعي
|
اقتباس:
هاد الشي مقتبس من قانون الحرية في الحياة :D |
اقتباس:
|
اقتباس:
|
لما يكون في ديموقراطيه اولاً .... بعدا بنحكي
والشعب بيبقا بيقول مين بدوا |
اقتباس:
منرتاح شوي :D |
اقتباس:
دوخونا بهل مواضيع .. الله ومحمد والمسيح ولعبيد وملحد ومؤمن....... ومدري شو ... والبعث اعد بالحكم ولكل عم يدور بحلقه مفرغه كم موضوع عن الديموقراطيه في بالمنتدى ؟ :cry: مابظن ترتاح جيمس ;-) تحياتي:akh: :confo: |
حبيب العلمانية انا بشوفها هية الطريق للديمقراطية.
او اذا بدك بدون وحدة منهون التانية ما رح تكون موجودة. بالنسبة لذا مورنينغ اقتباس:
يعني منطقيا ممكن حدا يفكر هيك؟؟؟ بكل الاحوال, بس قوانين دين ما بتمشي على قوانين دين تاني. فممكن قوانين دين تسمح بقتل المجرم, قوانين دين تاني ما بتسمح بهالشي. طيب حليها لشوف. |
اقتباس:
و برجع بقلك انا ماني ضد العلمانيه ... بس ضد افكار معينه .. و أنا مع العلمانيه عندما تصل الى اسمى حالاتها .... مشكور:D |
اقتباس:
أولا مافي داعي تعتذر لانو هون نحنا عم نتحاور .. انا ممكن افهمك غلط بتصلحلي انت بتفهمني غلط بصلحك ..:D أنا ماني مستهينه ابدا بعقل الانسان بالعكس بعترف بعظمتو و قدراتو بس الفرق بيني و بينك اني انا بأمن انو الله هو عطانا هالعقل و انت ما بتأمن انو اجا من عند لله .. و أنا هاد الشي بحترمو كتير و ما عندي مشكله في .. و انا يمكن بالصفحه خمسه او سته او التنين ذكرت العلمانيه الي انا معها ... معلش عزبك تقراهن من هنيك ...:p مشكور |
********
اقتباس:
نحنـــــــا منفصلين عن الله خلئـــــــــــــــــة ؟؟؟؟!!!!!!!!!!!!:shock: :shock: مين قال هالحكي .... وإذا كنت من عشاق الفيلسوف يلي مش عم تتذكر اسمه ؟؟؟ !!! مش معناه انو نحنا نتقيد بكلامو .... للاسف في كتير بيتأثر بكلام هالفلاسفه ... ومن كتر حبهم لهودي صاروا ملحدين ... ودخلك مين مدبر هالحيـــاة برأيك :frown: :frown: ؟؟؟؟!!!!!! وعلى قصة الفيلسوف يلي مش عم تتذكره ... يا ريت لو اتذكرته ... تخبرني ;-) |
| الساعة بإيدك هلق يا سيدي 17:05 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون