لك تعي لهون إم الريم، شلون عطوكي الأردنيين جواز أردني؟؟؟؟؟ بعلمي ما بيسمحوا بإنو تنعطى الجنسية الأردنية مع جنسية عربية تانية؟؟؟ عنجد خيلتيني!!!!!!!!!!!!!!:shock: :shock:

هلق انا بدي احكي ع حد علمي... قرار الرفع الي طلع من 400 ل800 اجى بعد ما الاردن قررت الرفع من جهتها كمان ...فراحوا السوريين انو صارو يعاملوا بالمثل....هلق القرار اكيد فاد كتير لانو في عالم كتير بتنزل عند اهلها خميس ع جمعه وبصراحة كانت شغلة الخروجية من سوريا و الضريبة ع الحدود الاردنية بالطلعه واجار سياره وهيك كتير ...و علمك ع الاردن بالذات في كتيرررر طلاب سوريين هون

هلق لاي بنك راح..ما بحط بذمتي:cry:

ههههههههههههههه ما احلاني وانا قايتلتك :clap:
;-)

إي لكن، الدعم لناس و ناس، ستي... تتهني بهالجنسية، هلأ صرتي مو بس "متمتعة" بالجنسية السورية، لأ و "متمتعة" بالجنسية الأردنية كمان، نيالك شو محظوظة!!!!!!!!!!!!!

اف اف اف ع شو...الله وكيلك ما بتفيد كتير .... بس شوي :p

ليش عصبتي عليي:cry:
عفوا هي المعلومة أول مرة بعرف أنو موجودة بالأردن بعتذر عالخطأ... و لو أنو في طريقة أحسن بتقدري فيا تفهميني انو غلط:pos:
يعني أنا كنت عم أحكي حسب خبرتي الشخصية لأنو رايحة عكتير بلاد بس لسا ما رحت عالأردن
عالعموم بعتذر عن الخطأ مرة تاني...:D
بس مع هالشي أنا بظن أنو شغلة الخروجية مالا طعمة أبدا ...

لك له، هلأ بيسمعوكي و بيسحبوا منك الجنسية8) ، مشانك عمبحكي أنا.:gem: :D

يسلملي الرايقين كلن :p

لك يخرب بيتك نزعتلي مراقي لا وعم يشكرنا عالحوار الراقي
لك يا ريتك تعلمت شي منو :jakoush: :jakoush: :jakoush:

العلويين بسوريا اثبتو وجودن من خلال التماسك العشائري يلي هوي نبع عن ضيع صغيرة و انتشر بشكل كبير بسورية وصار جزء كبير من الحكم بل كل الحكم

يا سيدي الله و ايدن لأنون متماسكين مو متل غير عالم :D

مؤشرات الديموقراطيه ارتفعت الى حد ما

من 10 سنين ما كنت تشوفي حد يقول هالحكي ويضل بالبيت

ممكن بعد 10 سنين يقولو للرئيس في وشو هالحكي
ممكن بعد 30 سنه يخلعو الرئيس بواسطة الديموقراطيه عن كرسي الحكم

ابو حميد اول شي مساء الخير
صدقني اغلب الشباب فهمانين شو هيي الديمقراطية من خلال افكارن واجوبتن وحوارن الراقي ومتل ما شفت الاغلبية كلامن صحيح وبيعرفو شو المغزى والهدف من كلامن
بس الا ما يطلعلو شي حدا امثال الاخ :jakoush:

العلويين في سوريا ...من لما حكم حافظ الاسد (الي عم يتهموا بالعنصرية .. وانو حط كا المقربين منو من العلويين ...مع انه الزلمة كان علماني ) اعدم كتير من افهم الرجال العلويين زمان..كتيرر... ومو كل المحاطين فيه كان علويين... مثلا طلاس...
بس هوي متل اي حد اكيدكانو المقربين منو في منهن علويين ...
االعلويين في سوريا في منهن مثقفين , في منهن من حثالة المجتمع... في منهن معارضة الاكبر ...
فهالهجوم المدسوس ع العلويين غير مبرر ابدا....

:?
حدا قرا الرد تبعي

مشكلتك ان قلبك طيب
انا لو كنت مشرف وحصل معي هيك بعطي كل واحد رد فالموضوع وما علق على ردي تنبيه 01%

انكم تدلعو الاعضاء هيك رح ينفسد اخلاقهم و ولائهم وطاعتهم واحترامهم ,

اذا قلت الموضوع مش في قسمي ما بقدر اعطي تنبيهات , برد واقول الموضوع عند مجود

مو معقول تترك اخوها .(انا جاي اهدّي النفوس:D )

بالنسبه للرد انا قريتو ,
بعلق على نقطتين

فكرة انعدام بديل بتعمي ان الامه غير قادره على ان تلد زعيم قائد(برجع واقول طيب كيف رح يكون مصير ها بالمستقبل)
طبعا مافي امه غير قادره من الناحيه المنطقيه

النقطه التانيه
الاصلاحات الديموقراطيه
بتاخد وقت طويل "عشرات السنين" بس بيكون في برنامج محدد الو اهداف(مرتبه ترتيب زمني) واضحه ومحدده وقابله للقياس .بتقدر عن طريقها تعرف اذا البرنامج ماشي صح او لاء
يعني بعد سنه تشوف اهداف السنه وتقيم وتصحح الاخطاء ان وجدت , وبعدين السنه اللي وراها
وهيك :p
النقطه التالته (انا كدبت وقلت نقتطين مشان لا تزهقو من طول الرد :yahoo: )

بالنسبه لموضوع ثقافة التغيير واللي منها تغيير الرؤساء والقدره على اتخاذ قرار

*العمليه محتاجه اعداد اجيال فاهمه ثقافة التغيير وعندها الاستعداد اللازم للتغيير
اما الاجيال الحاليه تم اعدادها بصوره خاطئه من المدرسه والبيت اولا

الاب لما اولادو بيكونو 5 سنين بيسمح الهم اتخاذ قرارات متل :

اختيار الملابس * اختيار المدرسه *اختيار الوجبات
كلو تم اختيارو بواسطة الاب او الام (على مستوى الدوله الاب هو الرئيس والام هي الحكومه)
بيطلع الجيل غير قادر على اتخاذ قرار او الاختيار
هكذا كان اعداده بصوره خاطئه .
الديموقراطيه في نظري مهمة المجتمع
في البيت والمدرسه والشغل والشارع (مهمه مشتركه) بنائها بيحتاج لوقت شوي .

يعني مو مهمة رئيس او ملك ومع ذلك لازم يكون مؤمن بتطبيقها .

كان بدي اعلق عنقطتين كمان بس خفت عليك يا سيزار من الصدمه (من ولا رد لرد حجمو كبير)
كان الغرور رح يصيبك :p

يا عيني عاللي بيفهموا
وما لازم ننسى أن المرافق الشخصي للمرحوم حافظ الأسد كان اسمه خالد الحسين وهو المرافق الأول وأصله فلسطيني وكان مدير المراسم واحد من بيت السعداوي ومدير مكتبه أبو سليم من دير عطيه
يعني أهم الشخصيات التي كانت عند الرئيس الأسد الأب هم من السنه
فليش الظلم والتظلم
عيب استحوا الرجل صار من أهل اللآخرة

مساء الخير
في كل مجتمع في كل النوعيات والشخصيات
بس روقي مشان روجي ما تحس انك منفعله :D

هل هذا سؤال استنكاري لما نفعله؟

او تهديد؟

اذا الاولى بتكوني ضد الديموقراطيه

واذا التانيه بتصيري دكتتاتوريه

حددي موقفك مشان الشعب وقيادتو تتصرف تجاه سياستك المنبريه الجديده

اما الثوره او الانقلاب
في ثوره بيضاء (غير محببه الي):x
وثوره حمراء (اعشقها) كلها دمويه وقتل:sosweet:

اما الانقلاب رح يكون باستخدام قواتك وجيوشك :o

بس عنجد الموضوع احتوى افكار جديده تستحق المناقشه, تقدري تقولي جدد نفسه بنفسه

اي طبعا حدا قراه
بس متل ما بتعرف اللي بيحكي صح كتير متل اللي بيغلط كتير
المعنى انو ما بتلاقي كلام مناسب ترد عليه فبتفضل تسكت
وانت هون كلامك كتير صحيح .....

:lol: على قولة الحكيم نقزت من عل كرسي و انا عم اقرا

غاليتي ريمي، في نقطة ما عمتتوضح هون، أول شي نحنا بنووووووووب مو ضد العلويين، و تانيا
نحنا ما عمنقول إنو حافظ ولا بشار أعوانن كلن كانوا علويين، بس المشكلة إنو أغلب المناصب
الكبيرة و الحساسة كانت لعلويين مجرمين يا دوب مخلصين إعدادي، لاحظي أنا ما شملت كل
العلويين، أنا أشرت لفئة معينة بذاتها، بعدين روحي على كل الدوائر الحكومية، 99 بالمية من
الموظفين علويين، و ما حدا بينكر هالشي لأنو واقع ملموس، كمان ما بدي تفهمي إني ضد
هالشي، بس لما يكون المستلم علوي بالواسطة بكون شي بحز بالنفس، و بتلاقي هالموظف عنصري لطائفتو، و لك يا ريت بيشتغل بقلب و رب، لك ما بيعرف شو هوي الشغل، و صار يرتشي و يعمل و يكتر، ليش يا حزرك؟؟؟؟ لأن عرفان إنو في مين يدعمو من فوق، بيدعمو يللي حطوه، و بيسند ظهروا إنو من جماعة الرئيس، لو كان المتعين متعلم علوي كان الوضع غير شي، لأن رح يكون مثقف و فهمان، و ما ممكن يرتشي أو يكون عندو عنصرية، بس يا حسرة كل العلويين يللي بالدوائر الحكومية يا دوب ناجحين بالتاسع أو البكالوريا، و بتلاقيهن شاغلين المناصب من الموظف العادي للمدير العام.
المشكلة ببلدنا إنو المو مثقف عم يتوظف بالدولة على حساب المتعلم و المثقف، و هيك خربت البلد و وصلت لحالة الفساد و الانحطاط يللي هيي فيه.
الدليل على كل حكيي، روحي عالدوائر الحكومية، يللي بشهادة الكل الفوتة عليها ما بتسر القلب، بتلاقي الموظفين الغالبية العظمى علويين و بالواسطة، لك حتى العلوي العادي، يعني الفهمان و مو مدعوم، بتلاقي بيقرف من الفوتة عالدوائر الحكومية. أنا سبق و حكيتلك عن واحد علوي بعرفو قللي إنو حرروا الشام، و إنتي قلتي مو شرط إزا واحد غلط يكون كل العلويين غلط، بس لا تنسي إنو هاللي غلط مدعوم من جماعة أبوه، يللي هنن على نفس الشاكلة، يعني باختصار كانوا و ما زالوا ماسكين البلد، و القرار الأول و الأخير إلن.

شو القصة؟؟

ابو طريق مابعرف من وين عم تجيب هالحكي:?
هلأ لقلك انا بالاصل عايشة بالساحل بمنطقة الاغلبية فيها علوية بتروح فيها على دوائر الحكومة بتشوف انو الاغلبية علوية بس اكيد مو واصلين لل 99 بالمية بس الاغلبية علوية وهون شي
طبيعي لانو هني بهالمنطقة النسبة الاكبر من السكان بشكل عام...... وبالتالي لما بتشوف نسبة الموظفين بالنسبة لنسبة السكان بتحسها انو منطقية

بس لما شتغلت باوراق من دوائر حكومية بالشام ماكان في علويين غير ماندر...... يعني معلش تقلي كيف طلعت معك انو بالدوائر الحكومية 99 بالمية علويين؟؟؟

بتمنى بس بدك تناقش بهيك امور تكون موضوعي ولما بدك تعطي معلومات تعطي معلومات واقعية ومو متل انت بتتخيل الوضع

مرحبا سيزار
هلق أنا مو بس قريت ردك ، لا و بدي ضيف كمان
برأيي أنو النظام هوي اللي عم يحاول دائما يصور الوضع أنو نحنا أمام خيارين لا ثالث لهما، نظام يحقق الاستقرار نقبل فيه على عيوبه (لأنو ما في شي مثالي بالحياة) أو و حتو خطين تحت أو فوضى عارمة : لأنو رح تجي مجموعة دموية متعقصبة دينيا أو مجموعة ديكتاتورية جديدة جيوب فاضية تبلش من الأول أو احتلال أميركي أو .. يعني بالمحصلة فوضى و يمكن صراعات دموية

خلينا نعيد ترتيب الصورة :
النظام ما عندو رغبة بالتغيير و هدفوا الأول و الأخير هوي الحفاظ على احتكار السلطة و بالشكل الحالي
هلق لو في نية حقيقية بالتغيير كنا شفنا نتائج ملموسة على أرض الواقع، و كان النظام فتح المشاركة لما يصطلح على تسميته بـ "المعارضة" و اللي بالحقيقة هني عبارة عن ناشطين بيطالبو بالحقوق المدنية و السياسية و الاجتماعية مو بيطالبو بالسلطة

النظام هوي اللي عم ينغلق على نفسه و يقسى على العالم و يتمترس ورا الشمولية بشكل أنو ما ممكن يزيحه إلا خصم عنيف و عن طريق العنف حصرا ، يعني النظام هوي اللي عم يقوي الخيارات أمام الخصوم الأسوء ، لا و عم يقوي هدول الخصوم بشكل مباشر و غير مباشر و عم يقضي و بشراسة على أي محاولة سلمية للتغيير

اللي بدو يغير بيآمن بالمشاركة، و ما رح قول بيلغى الوصائية بس بيشجع المبادرة الوطنية بالتدريج لتحل محل الوصائية بالتدريج (هي إذا كان بدنا نحكي على موضوع التغيير بيحتاج لزمان) الحقيقة التغيير بدو زمن بس زمن لحصد نتائج أما التغيير الحقيقي لما بيبلش فما بيصعب ندركه أبدا ابتداء من نظام العمل و الزخم بالعمل و أسلوب العمل بس أنو النتائج الإيجابية اجتماعيا و ثقافيا بدها وقت لتظهر أكثر و لجميع المواطنين بكل المناطق برجع و بقول هذا إذا كان في نية التغيير


تغيير الرئيس ما رح بيقدم و لا ربيأخر لا و يمكن يأخر ، الفكرة بالتغيير من القواعد من أسلوب إدارة البلد ، وين دور النقابات ببلد الاشتراكية ؟ لك حتى أنتو اللي كاتبين تلت ارباعكم ما بيعرفو شو يعني نقابة (مو للتقليل من ثقافتكون ) وين دور الإدارات المحلية؟ النظام لما بيفكك القواعد الشعبية و بيحولها لأجهزة شكلية و ديكور و بيقضي على دورها و بتتحول إلى عكس دورها الطبيعي كله باسم الاشتراكية و العلمانية جريمته (و ليعذرني اصدقائي على استخدام كلمة جريمة) جريمته مزدوجة : القضاء على الحياة المدنية و السياسية، تشويه سمعة و معنى مفاهيم مهمة مثل العلمانية الاشتراكية

الحل: برأيي الحل هوي بحراك مدني على طريقة الثورة البرتقالية بأوكرانيا ثورة الورود بجورجيا حركة كفاية بمصر، هلق مو أنو هي الثورات حققت المعجزات بس هي فتح باب الديمقراطية و المؤسساتية و المشكلة أنو نحنا كل ما ضيعنا وقت و تأخرنا كلما الوضع عم يزداد سوء و تعقيد و النظام عم يلعب لعبات دنيئة بتعتمد على توظيف الطائفية و البلطجية و إبرام صفقات خارجية على حساب مصلحة الوطن

عيب يا جماعة
 

يعني عنجد ما بيعرف الواحد شو بدو يحكي قدام هالبشاعة وهالحقد عالطائفة العلوية
ما عم دافع عن النظام او عن حدة بس الفهمان يللي عم يحكي يراجع التاريخ شوي ويقرا كيف كانوا العلويين قبل السبعينات ولحد الان أفقر ناس بسوريا هنن العلويين ولهيك بيركضوا عالوظيفة لحتى يعيشو لأنو البركة مصاري البلد كلها مع تجار الشام وحلب السنة طبعا بعدين بتمنى أنو ماتنقاس الطائفة العلوية ببعض النلس يللي نزعو صورة العلويين وكمان الأستاز يللي حكى عن أنو في علويين مثقفين وفي منهن حثالة بقلو يكتر خيرك بس مين أنت وشو ثقافتك لحتى تقييم شعب أو طائفة وأنا ما بدي هاجم حدا بس بحب زكر هالشباب الطيبة أنو بكل طائفة في ناس مسيئة مثلا الاخوان المسلمين أو الاخوان المجرمين بالأحرى كتير شوهت صورة الاسلام والسنة فازا كل واحد بدو يرد على هالحكي الفاضي مصيبة وما رح نوصل لحل ومسلألة النظام شي تاني والها حل بس طبعا بدون أحقاد تاريخية وانتقامات وشتائم لا بتقدم ولا بتأخر وبتمنى أنو نوصل لمستوى من الوعي نفصل الدين عن الدولة ونشوف الغرب وين ونشوف حالنا وين

اسمحيلي أنا ما بعرف منين عمبتجيبي هالحكي:shock: ، أنا ما قصدي 99 بالمية يعني تاخديها حرفي، أنا بقصد الأغلبية العظمى، و يا ستي هالحكي يللي جبتو مو اختراع من عندي، لأ واقع، مافي دائرة حكومية ما رحت عليها، رحت عالنفوس و عالمرور و عالجوازات و العسكرية و الخارجية و ....الخ، و بالتالي عندي خبرة عملية كبيرة بهالمجال، و الموظفين حفظناهن، أما تجي تقليلي إني عمألف هالحكي، هي ما حبيتها منك بنوب، أنا عمبحكي واقع، شو اعملك إزا إنتي ما احتكيتي كتير بالموظفين؟؟ روحي سألي كل الناس بأكدوا هالحكي.
بعدين إنتي هيك عمبتحوري مغزى الفكرة تبعي، أنا ماني ضد طائفة أو فئة تستلم، بس تكون قد المقام، مو يجيبوا حثالة هالطائفة و يحطولنا ياهن، حتى العلويين الفهمانين نفسن مو راضيين عن هالشي.
المهم يا سيدتي، أنا ما عمبتخيل أو احلم، إنتي بهالصورة عمترميني بحجارك، و عمبتشوهي صورتي، و تظهريني على إني حاقد و طائفي أنا عاقل و بعرف شو عمبحكي و بدون عنصرية، و روحي اسألي أبوكي، و إخواتك و قرايبنك مين محتكر الدوائر الرسمية؟؟؟؟؟؟؟ بس اسمحيلي بهالكلمة، مو يعني إزا طلعتلك بعثة مدري منحة، تجي تحاولي تمسحي جوخ، لأ، احكي الواقع أحسن، إنتي بتستحقي الإفادة، مو شحدتيها شحادة، يعني أخدتي حقك، فما في داعي تدافعي عن الباطل.

خليك كبير يا كبير ولا ترد ......

ما سمعت بـــ ( طنش تعش تنتعش )

تسجيل متابعة

بيجوز تأخرت ع الرد بس بعتقد أنو أسلوبي ما كان فيه أي تهكم أو استخفاف أبدا وبعتقد أنو التساؤل يللي انطرح ما انطرح بهدف السخرية منك ام من أرائك بل كان بهدف اني افهم وجهة نظرك بما يتعلق بمستوى المعيشة بسوريا خصوصا أنو ما كتير مقتنع بوجهة نظرك عن تقييم هالمستوى المعيشي المتواضع جدا أو حتى الضعيف للمواطن السوري.....

ياسيدي المحترم انا ماعم مسح جوخ ولا بعمري عملتها ولا رح اعملها ولاعم دافع عن باطل..... بس عم احكي اللي شايفتو ............وكمان ماني بحاجة اسأل حدا انا شايفة بعيوني وعايشة الوضع متلك واكتر يعني لما كنت عم اشتغل باوراق البعثة ضليت حوالي النص السنة متشنشطة بين الدوائر الرسمية بين الساحل الي ساكنة فيه بالاصل وبين الشام ولحد هلأ كل زيارة عسوريا عندي شغل بلاوي بالدوائر الرسمية يعني حافظتها حفظ وشايفة بعيوني الفرق الشاسع بين المنطقتين بنسبة العلويين بالدوائر الحكومية...... وبقلك عالاكيد انو مافي هالشي اللي متخيلو من احتلال العلويين للدوائر الرسمية
وبتمنى منك او من اي حدا يجبلنا احصائيات بالموضوع اذا بتتوافر واكيد تكون الاحصائيات مو عن الساحل اللي فيه اغلبية سكان من العلويين
وع فكرة لا انا ولا انت ماعم نألف حكي بمعنى التأليف بس كل واحد الو ملاحظات وللاسف ملاحظاتنا كانت متضادة وبظن الفصل الاكيد رح يكون باحصائيات:D

بدك إحصائيات؟؟ أنا معك، لازم تعرفي إنو أنا و كل مواطن سوري، و بالأخص الشباب، عبارة عن دائرة إحصاء عامة مستقلة بذاتها، ابتداءا بإحصاءات الرواتب و انتهاءا بإحصاء عدد المواطنين السوريين يللي عايشين على و تحت خط الفقر، نحنا مارق عراسنا كلشي بتعرفي و ما بتعرفي، اسمحيلي وين رحتي بالشام؟؟؟ عالتعليم العالي و التربية و التعليم و الخارجية؟؟؟؟؟ كلن كام دائرة، و ما احتكيتي هالاحتكاك يللي نحنا مرينا فيه، بس قبل ما احكي أي شغلة لازم تعرفي إنو أنا ماني ضد حدا، مشان الله فهمي هالشغلة، مو يعني إزا عمعلق على هي الظاهرة معناتو أنا ضد طائفة معينة، و الله مو هيك، بس الفكرة إنو هالموظفين عاملين شغلة إنن من جماعة الرئيس حجة مبررة للفساد تبعن، يعني يللي متلن بسهلولوا أمورو، بس لما يشوفو مو موافق عتصرفاتن ببلشوا يتمردوا عليه، أما يللي مو منن ما بمشوه إلا بواسطة أو رشوة، و نادرا ما يكونوا ولاد حلال و أكابر.
و الله العظيم كلشي حكيتلك ياه هوي من وحي الواقع، يعني أنا عمبلمسو شخصيا، أما هدول يللي بالشام، بجوز لهجتن مغيرة لأن تعودوا على لهجة أهل الشام، بس هادا الشي ما بينفي تمييزن العنصري، و الدليل أكتر من 16 مليون مواطن سوري مذلولين من ورا هالشغلة.
بس بتعرفي، إزا هالنقاش رح يسود صفحتي و يطالعني طائفي و كذاب، فأنا بعتذر و ما رح علق عشي، فخار يكسر بعضو، المهم أنا مرتاح من أشكال الموظفين يللي بتقطع الرزق، و مرتاح من معاملتن المهينة و المذلة و لأسباب طائفية بحتة، صحي صرلي أكتر من 10 سنين بهالدوائر، و كل سنة عمكحل عيوني بشوفتن البهية، بس هلأ انا مرتاح:melody: ، و إنشالله دوم هيك.

[MEDIA][/MEDIA]انا لما حكيت عن احصائيات رسمية مو احصائيات اشخاص متلي ومتلك لانها بتكون بعيدة عن العواطف بمعنى تاني مانها مع طائفة ضد طائفة (وانا ماعم اتهمك انت انو هيك) وكمان مانها مع النظام او ضد النظام ....... لانو لما بنكون عم نعيش واقع مع نظرة مسبقة الو بنصير نشوف الشي اللي بيخدم نظرتنا المسبقة وبس...... يعني لما عندك نظرة مسبقة عن الوضع انو الطائفة العلوية هي الاغلبية وهي عم تشجع الفساد بتصير لما بتشوف كم واحد منون (وانا مابقول انو مافي شي منو ابدا) بتصير تحس انو هالشي كتير قوي واقوى بدرجات من الواقع الحقيقي

وانا ماقلت انك طائفي وماقلت انك كذاب وبعتذر اذا فهمتني هيك...... بس رأيي سبق وشرحتو بالكم كلمة اللي فوق بانو مافي اي انسان يكون واقف عالحياد من اي ظاهرة حواليه وبالتالي وبشكل لا شعوري رح ينظر للظاهرة بطريقة عاطفية ممكن تضخم من هي الظاهرة:D

بتمنى يكون وضح رأيي وماتضل مدايق مني :D

يعني ملاحظ انو مصطلحاتك كتير كبيرة وعم تبين انك متحامل علينا بس مانك حاسس وما بدك تعترف
بس الله يسامحك بتعرف ليش ولا يلا بلاها احسن ما اجرح مشاعرك متل ما انت عملت :D

وهي لامراة من ورق :D

........:D

لك كيف ما سمعت هاد ابن حارتي ولو :p
اهلين صيادو
واهلين بالاخ بس روق روق هيدا الشي منو كتير ولا تدايق حالك يعني عم ينحكى عالكل
يعني متلنا متلن .. لا تزعل ولا تحملها كتير .. وهيدي الك :D

نسجيل متابعة ومشاركة :p

مرحبا شباب هاد الموضوع فعلا مهم، بالإضافة للأشياء يلي حكيتا فوق بدي علق على نقاشكم أول شي و بعدين ضيف رأيي:

هلق أنتو الأثنين عم تحكو من وحي تجربتكون الخاصة مو الإحصاء يعني بغض النظر عن التحيز اللاشعوري أو الأفكار المسبقة اللي حكت عنو امرأة من ورق ، بدكون تاخدو بعين الاعتبار التجربة الشخصية بتتأثر بظروف الشخص، يعني أمرأة لما بتجي من الساحل حيث التركيب الطبيعي أكبر بتحس بفرق كبير و بوجود عدد أقل و بشكل ملحوظ من العلويين، بينما أبوطريق و بسبب حساسيتو الظاهرة للموضوع بحس بأنو أعداد هائلة بالوظائف، الشغلة التانية أنتو الاثنين احتكاكون بطبقة معينة هني موظفي الخدمات العامة و الإدارية و يلي باحتكاك مباشر مع المواطنين بينما الدولة فيها وظائف إنتاجية و غير إنتاجية (معامل و مؤسسات إدارية..) يعني كيف ما كان تجربتكون مو شاملة أبدا و العينة كتير متحيزة و ضيقة (دوائر محددة بوزارات محددة) احصائيات رسمية مافي

الشغلة المهمة أنو على أي أساس عم تحددو و تعرفو أنو الموظف علوي؟ على لهجتو؟ شكلو؟ عفوا بس في إذا أخدنا موضوع اللهجات و تحديدا حرف القاف.. الغالبية العظمى من الناس بتفكر أي واحد بيقافي علوي و هي مغالطة كبيرة لأنو في كتير ناس لهجتون فيها قاف بتبدا بلهجة الدير و الحسكة اللي سهل تمييزها عن الساحل و بتمر بلهجة السويدا يلي أصعب شوي و ما بتخلص بقرا حمص و حماه و أدلب و حتى الساحل يلي فعلا صعب على غير سكان هديك المناطق تمييزها و حتى إذا تميزت اللهجة فهي مو دليل أبدا على دين أو طائفة صاحبه و اللي بيعرف اللهجات بيعرف تماما شو اللي عم بحكي عنو أنا

المحصلة : لا تاخدو تجاربكون الشخصية كمصدر وحيد للتعميم و البث في الأمور و إنما سمعوا و نوعوا مصادركم و حاولو تناقشو لب المشكلة بدون ما تنحازوا عاطفيا (طبعا الكلام بينطبق علي و على الكل )
هلق أنا باعتقد أنو أمرأة من البداية ما قصدت تكذبك و إنما تعلق على وجهة نظرك و بالنسبة للتملق أنا فعلا متابعها بحياتي ما شفت عندها تملق أو حتى مديح للحكومة
أبوطريق أنا فعلا بحس أنك مانك طائفي من حيث المبدأ و من كتاباتك و آرائك يلاحظ أنك بتفهم شو يعني طائفية و بتكرهها و بتحاول تتفاداها بس بنفس الوقت أنت ببعض الأحيان ممكن تقول شي أو فكرة فيها محتوى طائفي بس بعتقد المهم المبدأ و أنتي لما بتغلط فهي ناجمة عن الوضع الخطأ للنظام

أنا حابب ناقش الموضوع أكتر من ناحية دور الحكومة والسياسات الحكومية يلي هي حجر الزاوية بالموضوع بس مابدي بس صف حكي و مشاركات طويلة مملة يعني رح اترك هي النقطة لألكن لتحركوها بعدين بحط مشاركة فيها