|
قصتنا مع الملل ما رح تخلص...
قريباً رح نزل كم قصة من قصصي مع الملل... :D |
الملل والفراغ
نفسى اتخلص منهم بس مش راضين يفارقونى |
اقتباس:
انشالله بينتهي الملل ولنشوف عن شو بتحكي قصصك اسير واكيد كل شي بملل بهالدني حتى الحب هاد ازا كان موجود |
اي بنرجع لقصتنا...مع الملل والاكتئاب...
قصتي مع الملل احلى من قصتي مع الاكتئاب.. المهم... قصة قديمة شوية... بتذكر لما كنت بالشام ...ومن حالة الملل اللي اصابني وقتها اني همت ع وشي بالحارات..اتصلت برفيقي كان بيشتغل بمحل بمنطقة بعيدة...قلت انا جاي لعندك لحتى اشرب كاسة شاي ونحكي شوي...قال اهلا وسهلا... حملت حالي مع الملل ركبت السرفيس دفعت 5 ليرات حديد لشوفير...وانا ئاعد بالسرفيس اكتشفت لعبة ...انو منشان تقوي ذاكرتك يا هادي... احفظ ارقام السيارات...بقا لحتى وصلنا حفظت كذا رقم... المهم وصلت وشربنا الشاي وحكينا ...بس انو حالة الملل تروح ...عبث ..ظل ملاصق إلي...بقا هالصديق كانو عندو قطة بالمحل...رشيقة حلوة...وجسمها انسيابي كتير... قلت خليني اتسلى بهالقطة...عن طريق تجربة رح قوم بيها...وهالتجربة هي انو.. مرة قلي واحد انو القطط بتتوازن عن طريق اشعار متل الشوارب وعن طريق حواجبها... فأنا قمت مسكت القطة وجبت القداحة لحتى احرق الشنب والحواجب... لحتى شوف ازا رح تقدر تتوازن وتمشي ع الحيط وما توقع... الظاهر اني ما قدرت استلم النتايج لتجربتي ..لانو القطة خرمشتني وهربت بنص شنب وشوية حواجب... انا كتير نعسان... بنشوفكم بيوم جديد..وماني عرفان شو عم اكتب.. :na3san: |
خطر ببالي متل مبارح بالليل... والمتل هو.." شو فهّم الحمير بالطب.."
هالمثل قريب للواقع من عدة اوجه...بقا رح نتطرق لكل وجه بكلام... :D |
اقتباس:
|
يا ابني حالتك صعبة ..... :nono:
عمول شي قعدة مع الأذرز The Others أحسن دوا شم الهوا :o :confo::confo::7amwi::7amwi::nono: |
هلا ومرحبا بالكل ...
ومشكورين ع التضامن.. ع سيرة التضامن..بتذكر بيوم من الايام اني كتبت جملة التضامن العربي ع الحيط... سألوني يا ولد ليش عم تشخبط ع الحيط...قلت انا عم نادي بالتضامن العربي ع الاقل ازا ما في وحدة عربية...تبسمر الزلمة بأرضو..وبعد برهة من الثواني اجى سلخني كف محترم وطيارة ع البيعة... من بعد هالحادثة فهمت انو الوحدة العربية والتضامن العربي كلو كذب بكذب...واللي عم ينادي بهالشعارات بيكون واحد غشاش عم يبيع فول وشعارات للناس.. ...وع سيرة التضامن..بذكرني هالاسم بباصات النقل الداخلي الاخضر مو الاحمر ..بدمشق...وبتذكر موقف هالباصات ورا قصر العدل.. بعد محلات بيع التريات...وازا ما خاني الذاكرة مقابل فندق الاخضر...المهم ..القصة قبل ما تنقرض هالباصات من شوراع دمشق..انو ولا مرة شفت هالباصات فاضية...والناس يا لطيف متل جماهير بشي ملعب ...وع دفش وركل..وعياط ومسبات من العيار التقيل... لك أخ..تذكرت ثانوية دمشق الوطنية بنفس هالشارع..انو في حدا من هالثانوية هون..؟ اكيد ما في حدا.. لكل مين بدو يطلع ع الشام بنهاية هالشارع ورا مبنى الاتصالات في محل ببيع كنافة غير شكل وغير طعم...بتأكل الصحن واصابيعك ورا ما تخلص الكنافة... بنرجع...الملل حالة نفسية ممكن تنحل وممكن ما تنحل...هيك انا بشوف.. |
خيو روح عالعراق سويلك عملية انتحارية احسنلك :o
هاد انت عايش بكندا وهيك شو بدنا نحكي نحنا اللي عايشين بالسعودية :sick: |
اقتباس:
بس نصحيتك ما عجبتني بنوب...صحيح انو الانتحار طريقة للخلاص..بس انو تكون هالعملية متل ما بيعملوه اليابانيين بانفسهم ولوحدهم فقط... مو انو تجي وتقتل معك كذا واحد من بينهم اطفال...بعملية انتحارية...بسموها استشهادية..يلعن ابو هيك شهادة... ويا هلا...:D |
بلاقي حدا مالل متلي بهالوقت..
|
سديني اخي اسيرو
كلنا هيك وقال كبرهاا ابتكبر وصغرهااا ابتصغر اذا بدك شريك ركب مطاطة لخلأك عم امزح ابو الشراك يلا لنشوف قوم صصح شريك بدي قلك بس لا اتفكر شي اذا بدك تبكي عنجد ابكي لانو يمكن انت مخنوق من جواتك والبكاااا كتير بيريحك صدقني |
حمير...هالناس فعلاً..
وكل حمار بما لديه فرح..:lol: |
ههههههههههههههه
ع سيرة الحمير بدي أجيبلك هالهدية استنا لحظة .. |
اليوم المتشرد شكلو معصب :frown:ما في بالعادة:?
|
اقتباس:
ماني معصب وردتي...بس عم حاسس اني عم احكي حكي فوق طاقة البعض بالفهم.. لاء والمصيبة انو حتى ما عم يقدروا يتفهموا المصادر والمراجع القديمة... هلأ خلينا من هالحكي...كنت بحالة ملل قبل شوي..هلأ صرت منيح بدخولك لديارنا...بقا شو اخبارك..؟وانشاله هيك خلصتي هالدراسة وصرتي شي شغلة بالمجتمع الحر عنا...بعدين عن التمديد واللعب بالدستور..؟ وياهلا...:D |
اقتباس:
لو كنت عارفة انو بدخولي رح يروح مللك كنت دخلت من زمان:o بالنسبة للدراسة قربت خلص بس أنت ادعيلي ... بعرف دعواتك مستجابة :pos: |
هادي شو بيك:cry:سماع غنية عندي حالة ملل لسميرة سعيد
فيروزة اشتقتلك كتيييييييييير:sosweet: |
اقتباس:
لا تخجلي مني...مو نحن متل الاصدقاء وأعز... طبعاً بدخولك بننسى همومنا وبننسى تشردنا البعيد ببلاد التلج..(وع سيرة التلج..مسكت استاذ وقلتلو لك شوهاد شو الحياة اللي هون... قال طول بالك يا عيوني هادي...بلادنا باردة وناسها باردة..بقا مو نصيحة لحدن بيحب يسهر وبحب الجمعة والروابط الاجتماعية انو يجي لهون...)..بنرجع.. اي بقا بدخولك بننسى حتى وجع اسناننا.. ومنشان الدراسة...انشاله هيك تتوفقي وتنحجي وتصيري شغلة كبيرة...وع الدعوات لا تخافي رح اتصل هلأ ع شيخي ومولاي لايص وخبرو انو يدعيلك بصلاتو...علماً انو هو هلأ مشغول كتير...بزوجتو اللي تزوجها ع طريفة المسفار.. والله نورتي الموضوع...وانا كتير سعيد بوجودك...:D |
اقتباس:
|
اقتباس:
ع فكرة الشيخ لايص بحبك كتير...;) |
اقتباس:
|
ما بعرف شو هالشغلة اللي عندك...انو عنّاد ام شو...
يا مخلوقة(المنسقة ريمي).. ازا مافيكي تفهمي شو مكتوب راجعي شي اكبر منك او احكي مع حسام ... بنرجع بنضيف ما تم حذفو بسبب تخلف بعض المنسقين اللي هون اللي عندهم قصور فكري لما بين السطور... المهم..كنا عم نحكي ونتدوال موضوع كلمة.."دبـر.." قلت من خلال مراجعتي لبعض المراجع والمصادر التاريخية وطبعاً القاموس اللغوي لقيت انو هالكلمة متدوالة بكثرة..وطبعاً ضمن الجملة والمعنى المراد من الكلمة... متل ما ورد ببعض الكتب..ادبر الرجل...اي هرب...وولا تولوا ادباركم...يعني لا تعطي ظهرك وتولي الهرب.. وبالتاريخ بنلاقي استخدم كلمة دبر عند بعض البعض بعصر الجاهلية اللي هيك سموه...وبصدر الاسلام وبعد صدر الاسلام...والاستخدام للكلمة متعارف عليه من قبل علماء الدين..من ناحية الفتوى الدينية متل هل يجوز ادخال الزوج اصبعه بدبر زوجته...وهكذا... هلأ كمان في مرداف للكلمة واللي هي الأست.. هالكلمة تم استخدامها بكثرة من قبل العرب وقت السب والشتم ع بعض..ومذكور هالكلمة ببعض الكتب شيت تعليم طرق ومبادئ الحياة الجنسية... وفينا نشوف باللهجة العراقية كلمة عز بدل دبر واست..وكلمة عز من دون تشديد ع حرف الزاء...متل يا لكبر عز فلان..أي انو بيملك دبر كبير...ودلالة ع غناه المادي.. وهيك رح نقدم بالحلقات المقبلة بعض الكلمات العربية القديمة مع شرح بسيط...لحتى نقضي ع حالة الملل اللي فينا...ونستفيد شوي من ماضينا التاريخية باللغة... ويا هلا...:D |
بس هيك يا ريمي الناس عرفو انو في هدية بس ما عرفو شو هي ..
لذلك احذفي هالرد كمان اقتباس:
وبعدين انسي ردودي شومشان ردود DrDre ما كانت مخالفة .. ليش شطبتيها ؟ ع أساس انو مو انتي يعني ؟:o _____________ انا كمان ردودي ما كنت مخالفة .. بس انحذفت لغايات شخصية من المنسقة الكريمة |
اقتباس:
واكيد البكاء حالة من التنفيس للنفس.. وبكرر شكري لك..:D |
| الساعة بإيدك هلق يا سيدي 17:44 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون