|
5 ملف مرفق .
ساحة الكونكورد والمسلة المصرية
يلا شباب....خلصت الساعة...تجمعوا لشوف... راح نكمل مسيرنا بالشانزيليزيه لنوصل ع ساحة الكونكورد.... طيرو تصورو جنب النوافير....ولا تنسوا تتفرجوا ع المسلة المصرية.......... |
6 ملف مرفق .
كاتدرائية نوتردام.....Notre dame de Paris
للتوضيح شوي Notre dame تعني our lady يعني سيدتنا وهيك بيكون اسم الكاتدرائية....كاتدرائية سيدتنا سيدة باريس....اي العذراء شدوا الرحال شباب....راح ناخد المترو من جنب ساحة الكنكورد ونروح ع الكاتدرائية الاشهر في باريس....الواقعة ع نهر السين.....التصوير مسموح ويللي بدو يطعمي الحمام ياخد معو كيس بزر.....ههههههه |
5 ملف مرفق .
اي اخواتي
عتمت..... وهلق كمان فترة صافية....يعني فيكن تتفرططعوا.... يللي بحب يسهر ويشرب ويرقص....فيه يروح ع Moulin Rouge...بس نصيحة ياخد دفتر الشيكات معو منشان يحط بحسابو انو بدو يدفع منيح....ويللي بيحبو فيهن يروحو ع شي بار يشربو ويسمعوا موسيقى...ويللي الهم مراء..نصيحة يروحوا يتعشوا ع شي ضهر مركب-مطعم بنهر السين.... بركة بنلتقي الصبح لنكمل الجولة السياحية بباريس ان شاء الله تكونوا انبسطتوا اليوم..... |
بدي اعتذر ع مقاطعة الموضوع بس ذا لايط موضوعك بيجنن :D .. و يبعتلو ميت حمى حظي ع هالعيشة اللي عايشتها :pos:،، |
لك شو هاد يا thelight شي بياخد العقل........يعني صحي فت عملة كتييير ...بس شي بيجنن شو بدك بالحكي....:D :D
الله يطعمنا و لا يحرمنا:cry: |
اقتباس:
كان الله بدو يطعمني زيارة فرنسا بس الله لايفقو شيراك دخيل عينك اذا عندك شي عن موناكو هيك شي كم صورة وكم معلومة اذا مافيها سئلة |
اقتباس:
اقتباس:
اقتباس:
|
على فكرة
مترو الأنفاق هادا عنا متلو تماما بحلب وبشبهوا كتير مع شوية اختلاف بسيط |
اقتباس:
|
أنا بدي أجي لعندك .... يا زلمة ... شي بيجنن ... ( وعفكرة الأسلوب كتير بيشد ) هلق بس في نقلة شوي استغربتا ؟ أنو من الكنيسة عالمولان روووووج ... يا زلمي ...
|
اقتباس:
بدك تروقي شوي ولا تستغربي....انا هيك مخي بيضوي احيانا....:p بعدين اعطي لله ما لله واعطي لقيصر ما لقيصر.....:shock: |
اقتباس:
|
ذا لايت أنا قررت اتراجع بكلامي ماراح اتحركش بالموضوع من جديد
عن جد اسلوب عرض الموضوع بيجنن يسلمووووووووووووو:D :D :D |
هو بالفعل موضوع حلو :D
|
ذا لايت بشكرك كتير على موضوعك وبحب شارك فيه بس مع الاسف ماعندي صور:oops:
وهي نبذة عن المطاعم.................:D ((مطاعم ينصح بزيارتها)) مطعم لو قراند كافيه Le Grand Cafe في منطقة الاوبرا ومن المطاعم اللي تفتح 24 ساعه ،مختص بالماكولات البحريه واكلهم خياااااااااالي. مطعم هيبوبوتامو Hippopotamus مختص بالستيك والاكلات الامريكية .. له فروع كثيره فيه واحد في شارع في منطقة الاوبرا امام القراند كافيه. مطعم بودا بار Boda Bar مطعم عالمي وجلسته حلوه .. ولازم حجز .. واحلى يوم له الاحد. مطعم مكسيم Maxim's شارع Rue Royale من المطاعم الحامضه من ناحية الاسعار بس ان فخامته تحكي يعني ماعليه كلام ابد ا.. يكفى ان عندهم مدرسه عالميه للطبخ. |
يا جماعة الأشخاص اللي من خارج سوريا ... وحابين ياخدونا رحلة ... بالموضوع ... معلي يبعتولي برايفت ؟ :D
|
انا من فلسطين بس بلدك احلى:cry: :cry:
|
اقتباس:
خيو ايهاب يستر على اختك غير هالصورة لك يازلمة فكرت حالي انا كاتب هالجملة بعدين لشفت اسمك ابوووووس ايدك غيرا :D |
يا سلام شو هالرحلة الحلوة هي
:D |
اقتباس:
هي لغتي الغزولية :? ! شو أول مرة بتعرف :shock: ؟؟ |
5 ملف مرفق .
صباح الخير جميعا....يتمنى تككونوا قضيتوا ليلة حلوة مبارح....انا من ناحيتي كنت بالمولان روج وبصراحة تخورفت وهلئ لفئت.....
ع كل حال....خلونا نكمل جولتنا اليوم.....وراح نبلش أول شي بالقهوة والفطور الفرنسي....شو رأيكن نروح ع شي كافيه ع الرصيف...... انا راح اشرب قهوة واكل كروك مسيو....وفي عنا كروسان وخبز فرنسي وزبدة ومربى.....شو....؟؟؟موافقين... يلااااا استبينا لكن.......... |
5 ملف مرفق .
صحة وهنا شباب.....
بما أنو اليوم الاحد تعو ننزل ع المارشيه...يعني ع سوق الاحد.....في كل شي....خضار,فواكه,لحوم,سمك,جبن ة,خبز,يللي بدكن ياه..... انا من ناحيتي راح اشتري كيلو فريز........... يلااااااااااااااااااااااا |
اقتباس:
|
7 ملف مرفق .
متحف اللوفر.........
انا بقترح انو نمر ع متحف اللوفر اليوم لانو كتير كبير وخلونا نحاول نكسب الهار من أولو.... هلق لا تتفاجئوا بالاهرامات الزجاجية يللي صارت ومن سنة 1989 سنة بناءها...صارت مدخل اللوفر....أنا بشوفها انو عمل فني قائم بحد ذاتو لمزجه فن العمارة الحديث بالبناء ذو الطراز الكلاسيكي وخطوة كتير جريئة من الرئيس الفرنسي الراحل فرانسوا ميتران يللي اطلق المشروع....ع فكرة المهندس المعماري يللي صمم الاهرامات هو مهندس ياباني الاصل اميركي الجنسية اسمو L.M.Pei وهو يللي صمم متحف Miho باليابان الهرم ارتفاعو 20,6 متر وطول ضلع قاعدته 35 متر ومؤلف من 603 قطع زجاجية معينة الشكل و70 قطعة مثلثية الشكل... شرفوا شباب.... |
يعدمني ياكم فاضلي ساعتين ونص وافطر ما تاكلو قدامي:sick:
حدا يرجع معي للمارشيه نسيت ساشي تبع الخضر:oops: انتظرونا بمتحف اللوفر بس ما تبعدو مشان ما اتوه عليكم. |
8 ملف مرفق .
يلا معليش....ادفعو شوي مصاري وفوتو....يعني مو معقول عن الباب....ما حلوة نصير قدام اللوفر وما نفوت....ما بدكن...اي اصطفلوا...انا فايت....طقواااااااااا:p
|
5 ملف مرفق .
يلا شباب ...شدوا الهمة
بدنا نروح نزور كنيسة القلب الاقدس Sacré Coeure De Montmartre.....وهي موجودة ع تلة بشمال باريس وبهالشي بتكون الكنيسة اعلى نقطة بباريس....بس شومعناتها هالحكي....معناتها انو في دراج عالية بدنا نطلعها قبل ما نوصل.... المهم ع السريع...الكنيسة بلش بناءها سنة 1865 وهي من تصميم المهندس المعماري Paul Abadie...النمط المعماري للكنيسة روماني بيزنطي وع واجهتها في تمثالين للقديسين جان دارك ولويس التاسع....انتهى بناؤها سنة 1915 يعني استمر بناؤها خمسين سنة وتعتبر من اهم معالم باريس...... شرفواااااااااااااا ع المترو لنروح لهونيك.........وشوفو منظر باريس منها ما احلاه.... |
7 ملف مرفق .
ال Panteon
أمر ببناءها الملك لويس الخامس عشر في سنة 1744 تكريما للقديسة Genevieve ثم اصبحت مدفنا لعظماء فرنسا..... بدك تنبسطوا كتير و ع فكرة هي موجودة بالحي اللاتيني بباريس...... |
شباب ما عاد عنا وقت نلفت وندور كتير بباريس.....وقت الطيارة ع جنوب فرنسا قرب.....شدوا الاحزمة.......
ويييييييييييييييييييييييه ا |
8 ملف مرفق .
موناااااااااااااااااااااا اااااااكو
ع الكازينو شباب....وما بدها زعرنة....العبو بس لا تروحوا كل مصرياتكن...انا راح اعمل لفة بالفيراري الحمرا تبعيتي..... بنلتقي بعد ساعة.... |
5 ملف مرفق .
كااااااااااااااااااان
مدينة المهرجان السينمائي الشهير...... يلااااا لا تطولو كتير....بدنا نلحق نروح ع مرسيليه |
5 ملف مرفق .
مرسيليه......
انا بحب هالمدينة....والحلو فيها انها معقل المافيا الفرنسية....يعني شي رواق...بقا ديرو بالكن ع حالكون..... انا من ناحيتي نازل اعمل فتلة باليخت تبع ابن خالتي محافظ مرسيلييه....يلا بدو يجي معي..... |
8 ملف مرفق .
شباب سوري بس بدنا نطلع ع الشمال....يعني بعرف انو نزلتكون من باريس ع الجنوب وهاق بدي رجعكن ع الشمال الغربي بس هالمنطقة بتستحق الزيارة.....وهي المنطقة يللي عاملة متل شكل قرن بشمال غرب فرنسا واسمها ال Bretagne
طبيعة ولا أروع.....شواطئ رائعة....مناظر خلابة....طواحين هوائية....حقول ممتدة ع مد البصر....منطقة رائعة.... شرفواااااااااااااا |
4 ملف مرفق .
Normandie
هو الشاطئ الشمالي المقابل لبريطانيا....وهو الشاطئ الاشهر بفرنسا كونو الشاطئ يللي تم الانزال الشهير لقوات الحلفاء بسنة 1945..... والمنطقة من اجمل المناطق بفرنسا..... |
8 ملف مرفق .
Mont saint Micheal
لساتنا بالنورماندي وراح نزور هالجزيرة الغريبة.....بالواقع هي أثناء الجزر عبارة عن جبل مبني عليه كنيسة وأثناء المد بتصير جزيرة....حلووووو مو هيك...؟؟؟ كنيسة وحواليها مدينة صغيرة...يعني بيوت وحارات وأسواق....وبالقمة في تمثال من الذهب الخالص للقديس ميشيل تعرض لعدة محاولات سرقة بس تم استرجاعو بكل مرة.... روحو تمشو ع الشط بما انو هلق جزر بس خدو دليل معكون لأنو في رمال متحركة ومابدنا حدا ينبلع...وانتبهوا المد بيبلش الساعة 10 وبيصير بسرعة رهيبة يعني خلال عشر دقايق بيتغطى ل شي لانو المد بيصير بسرعة حوالي 40 كم بالساعة اذا ماني غلطان....انا بدي اشرب قهوة وبعدين بدي زور الكنيسة.... |
ما بعرف شو بدي قلكن بس حاسسكون حنيتو للرجعة ع البلد.....يعني شباب....زيارتنا قربت تخلص.....طيارة أخوية راح تطير بعد شوي....يعني بدنا نشد ع المطار.....
بتمنى تكونوا انبسطتوا وقضيتوا وقت حلو....وبعتذر اذا كان حجم الصور كبير ومللتكون بالتحميل..... بتمنى كون لساتني معكون بأخوية وقت الرحلة الجاية:cry: .....واذا ما قدرت كون معكون...فبتمنالكون احلى الاوقات..... الله معكون اخواتي......:D |
اقتباس:
بس يا عمي شفنا مناظر حلوة كتير خصوصي صبايا حارة برج ايفيل :lol: طيبات يا معلم طيبات خيو رحلة الرجعا بدا تكون متعبي شوي شنو الرحلة طويلة شوي نزلونا بمعيتكن شي ربع ساعة ب ايطاليا خلينا نشوف هديك الشوفات يقبرو قلبي :lol: شكرا لايت رحلة بتجنن وصور روعة و شكرا للطيار حكيمنا و المضيفة :adal: المضيفة :frown: شو بعرفني شي وحدة :lol: مشكور معلم :D |
اقتباس:
بصير انا ضل هون وماارجع معكن شي اسبوع بس لسه ماشبعت والله يعطيك العافية ذا لايت ...:Dوالله كانت رحلة الاحلام ..شي بيجنن على الاخر |
لا دخيلك ذي لايت ما بدي ارجع اليوم:cry: .الرحلة كتير ممتعة:deal: .بدي روح لديزني لاند:oops:
 |
اقتباس:
|
| الساعة بإيدك هلق يا سيدي 15:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون