|
اقتباس:
من ناحية تانية هم مش عاجبهم اللي بيصير بس حلوة بحقهم كفلسطينيين يعبروا عن رفضهم الاخوة بالداخل " وارفض كليا تسميتهم عرب اسرائيل " اول الانتفاضة طلع صوتهم بعدها ولا كلمة مش حنكر انو في 13 شهيد على ما اذكر من اراضي ال 48 بس بعد هيك ما عدنا سمعنا اشي ! يمكن سمعي اللي في مشكلة بس اشي ومنو يعني ! |
اقتباس:
اي انا بعرف و انا معاك انتو تستنكر الي عم بصير النا و مو عاجبكم من مررررررة و رافضين رفضا بتاتاااااااااااااااااااا و عم تشدو على ايدينا لنصمد ..................طيب و بعدين ؟؟؟؟؟؟؟؟؟؟؟؟؟؟؟؟دخلك شو فرئتوا عن اخوانا العرب الله يديمهم يا رب ؟؟!!!!!!!!!!!!!!!!!!!!!! شو عملتو ما راح احكي لألنا لا بلعنه احنا دخلك احكيلي شو عملتو لفلسطين الي اصلكم منهاا؟؟؟؟؟؟؟؟عايشين و مبسوطين من مطرح للتاني و احنا بتعرف اديش بلادكم جوا حلوة بفضل اسرائيل الله يديمها عاليكم يعني مو ناقصكم شي خيوو جرب تنقطع عنك الماي شي اسبوعين تلات ما تلاقي تشرب او تتحمم بعدها تعال احكيلي احنا متلكم ......بعدين احنا اكتشفنا بقطعو عنا الماي بالصيف عالشان يعبولكم برك لسباحه;) |
والله يا اختي انا عاذرك
بس في طريقة للكلام اروق من هيك واهدى متل ما حكيت احنا اختى بأمس الحاجة لأي انسان بيشعر بفلسطينيتو انقربو اكتر منا ونحكيلو ان انتا عمقنا وما تتخلى عن تراثك وانا من ناحيتي واثق تمام انهم عاجلا او اجلا ستكون الانتفاضة الثالثة من عندهم بس انتم اصبرو ارجو عدم التعميم لانه يؤدي للوقوع في الخطأ لذلك ما تحكي اختى انهم كلهم على الشواطئ ليش ما بتذكري يلي بتقوم في الحركة الاسلامية في الداخل ليش ما بتذكرري يلي قام في النواب في الكنيست من احتجاجات واعتراضات بعدين اختي مو ذنبهم انهم عايشين بأمان ليش بتحكي هيك اذكري انهم ما هاجرو من بيوتهم في الوقت يلي كانت سمعت الهجانة اسوء سمعة دمتى بخير |
روقي خيتا روقي اعصابك جوليانا ولموش!
عرب ال 48 حبيبتي لما بشوفوا الاخبارر وبشوفوا كم واحد بموت من فلسطين بصيروا يبكوا من قهرهن ويصيروا يدعوا على اليهود وانت جاي تقولي مكيفين! وبعدين مين يليي عم بطالب انوو اسرائيل تنسحب مش هني عرب ال 48 ! ومتل ما قال ارسلان مين يليي بملأ ساحات مسجد الاقصى ؟ ومين يليي بعمل دايمن المظاهرات ضد اسرائيلل! حتى تتحرر فلسطين! الله يسامحكن التنيتين يا رب!! انت اغلطتن بحكيكن اكتيررر! وبتمنا اتراجعن حالكن وحكيكن! وفي كتير فضائل لعرب ال 48 على عرب الموجودين في الضفة بس انتو بتنسوا بسرعة!! وبعدين ليش هيك يعني بتلوميي فينا عرب ال 48 انو عايشين بامان وانا عارفة شو حسب اعتقاداتك يعني؟!! احنا مو ذنبنا انو عايشين احنا هيك بالعكس بما انو احنا عرب وانتو عرب لازم تتمناا انو تتحسن الاوضاع اكترر متل ما حنا امنتمنا الكم كل الخيررر!! رجعي حكيك مرة تانيةة ورح يكون الي رجعة تانية لارد منيح على الحكيي سلاماات |
انا شايفة الحكي معكن انتن التنيتن جوليانا والتانية لموش
مش رح ينفع بتجادلو على ايشي غلط من اساسو! وتفكيركن مش بمحلو والله يساعدكن على هيك التفكير رأيكن ما بهمني بالمرة وما بهم معظم عرب ال 48 بكفي انو اغلب اهل فلسطين والضفة املهن معلق ب عرب 48 شكرا شكرا.. بكمل كمان بكفي انو اغلب اهل الضفة بموتوا على ايشي اسمو عرب 48 وبكفي انو لما منسافر على الادرن .. في كتير بسالونا من وين انتو منفخر " من عرب ال 48" وبصيروا يحيواا فينا واهلا وسهلا فيكم وانا عارفة هاذ اهم ايشي فنحنا ما بحاجة لالكن يعني ولا شو .. ولا شو رايكم يا اعضاء المنتدى يلي من عرب ال 48 ؟؟ وخيتا جوليانا شو شايفتك بتحكي عبري "محسوم" والله عال ناس بتحكي عن غيرها وبتنسى حالها لا اله الا الله؟!!! |
انو يا نينوش انتي كمان روقي :)
مش محرزة عصبيتكو انتو كلكو..بالنهاية كلنا فلسطينية يا ناااااااس :D |
اقتباس:
كتبتلك ياها محسوم خوفي ما تعرفي شو يعني كلمة حاجز ^_^ بعدين ليش معصبة يا قمر كل واحد اله رئي و بالاخر الاختلاف بالارئاااااااء لا يفسد للود قضيه;) |
اقتباس:
الله يحيي اصلك يا مروى :D |
لا خيتا ما كتبتيها الي كلمة محسوم كتبتيها لارسلان
وبعدين خلصص ارتاحي.. خيتا انت بس بدك تحكي ومش عارفي شو بدك تحكي يعني وشو مفكرتينيي يعنيي شوو انا تني ما اعرفها بالعربي وبعدين الميي اللي بقطعوها عنكم حتى يعبوا البرك باسرائيلل لليش بتوجهي االحكي للعرب يعني كال بقطعوا عنا المي حتى يعبولكم البرك احنا شو ذنبنا خيتا العرب 48 اذا انقطعت عنكم المي اللي بسمعك بقولل اه شو الميي للبرك هي لالنا عرب ال 48 الله يعنيكك خيتا |
اقتباس:
;);)في مثل بحكي لا تجادل الجاهل لانه بتوصلو لنقطة ما بعودو يفرقوا بينك و بينه ...من هيك روئي مو حرزانه :D |
هدو الموضوع مش لهاي الدرجة
مش عارفة ليش منرفزين ! في اللي هيك وفي اللي هيك وهاد اللي من الصبح بنحكي فيه و ع رأي جولاينا الاختلاف في الرأي لا يفسد للود قضية و عاشت فلسطين حرة عربية وانها لثورة حتى النصر وهدو الوطن ضاع والارض ضاعت ويا حوينها اللي ترمّلت بدري ! |
لا بس لموش وجوليانا انا اتضايقت منكن لانكن
بتلومن باهل ال 48 وكانو في حق عليهن اذا هني عايشين غير عنكم وانا عارفة شوو.. وطالعات بالعالي ومعصبات مش فاهمة ليش يعني!! برك السباحة اللي حكيتي عنها جوليانا ما خصنا فيهاا احناا مش احنا اللي قلنا يقطعوا المي عنكم! |
احنا عايشين بامان وعز بتحكوا صح
اتفضلو فوتوا هون وشوفوا - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
انتي ليش معلقة على برك الماي:larg: ,,,,,يعني عادي خالينا ننحرم منها و انتو اسبحو فيها ما صار شي;) هي اجت الشتوية هلئ بشتغلو فينا بالكهربا:o و مشكلة الماي بتنحل:D بعدين لا تزعلي يا امورة مو حرزانه .....بظل حبر على ورق لا راح و لا اجى:D:deal: |
مرحبــا ..
بصراحة انا مقدرتش أقرأ كل التعقيبات لأنهم كتار ما شاء الله .. اولا بحب اعرفكم انو انا من عرب الـ 48 ... وبفتخر وكل الفخر والحمدلله .. وبحب أشكر صاحب الموضوع .. لأنو عنجد نادر ما تلاقي حدن فاهم شو هني عرب الـ 48 .. يعني احنا عايشين متلنا متلكم بالزبط ما في بختلف .. غير انو في معنا ناس بحكوا لغة تانية يهود يعني .. كتير منواجه عنصرية مش شوية .. بس ربك بعين اخرتها بتهون ... بقدرش أحكيلكم عن حالي أكتر لانو مجال كتير واسع .. يعني حياة كاملة بس اذا في حدا عندو سؤال معين .. انا جاهزة ... بس ملاحظة .. انو العرب في اسرائيل مش حيالله ناس عايشة زيادة عدد ... احنا أحسن منهم بمليون مرة ... بكفي انو ... كأس اسرائيل في كرة القدم أخذتو فرقة عربية ... " اتحاد أبناء سخنين " ... وكمان كتير جوائز علمية للدولة استحقها طلاب ومثقفين عرب ... وكتير رياضيين .. أحرزوا مداليات ذهبية في اسرائيل ... بحب أنبه على شغلة صغيرة ومهمة ... انو عرب الـ 48 في كتير فصائل منهن يعني في مسلمين ومسيحيين ... " وهدول رمز النضال والمقاومة " ... أما الدروز والبدو " ومتمركزين بالجليل والشمال يعني " ...هدول على الدنيا السسلام .. عندهم شارون ولي ما شاء الله والكل بكرههم عل كندرة ... اصلا بعتبروش حالهن عرب ... شي تاني .. انو عرب المثلث يلي مختلطين أكتر مع اليهود ... بالععكس محافظين على دينهم أكتر .. يعني عاداتنا وتقاليدنا متحفظة أكتر من أهل الشمال المعروفين بالتحرر ... واسألو اي فلسطيني من الـ 48 بقولك هالحكي ... عكل حال احنا منحبش هالتقسيمات بكفي احنا قسم بدنا نقسم حالنا كمان ... احنا كلنا فلسطينية وان شاء الله منرجع سوا ... نقطه تانية بحب أقولها ... انو عرب الضفة والقطاع وغزة .. ما بيحبونا كتير ... السبب في ذلك .. انهم زيكم كمان ما بيحملوا الوعي الكافي عن عرب الـ 48 .. يعني بفكرونا ... انو معنا مصاري ونسينا حالنا ونسينا قضيتنا ... مع انو احنا منعاني الأمرين زينا زيهم .. هيييييييييه شو بدي أحكي تا أحكي .. وعلى فكرة : عنا احنا عرب الـ 48 وقت كان يجي مسلسل باب الحارة اذا كنت تفوت على اي مدينة او قرية مكنتش رح تشوف ولا أي مخلوق بالشارع حتى الامام بالجامع صار يقصر صلاة التروايح والخطبة لحتى الناس تلحق باب الحارة والله العظيم ما بكذب والكل متأثر عنا بالمسلسلات السورية ومنعشقكم لأبعد الحدود ... وانا شخصيا ... حلمـ حياتي إني أزور سوريا ... ولولا ما بحبكم ما بتشوفوني بينكم ... إتشرفنا .. |
كلامك ام العز ذهببب
بس بدي اصحح شغلة عرب المثلث ما كتيرر مختلطين مع يهود اكتر عرب كلهن هناك اهل الشمال يليي بين يهود انا متلا من الشمال ما في جنبنا ولا بلدة عربية بالمرة.. واحنا ببلدي محافظين كتيررر كتيررر والحمد لله ما اتاثرنا من اليهود |
اقتباس:
اقتباس:
|
اقتباس:
|
:larg:هههههههههههه
الله يسامحك يارب يا ام العز ههههههههههه شوفتي بالله ياجوليانا لك كيف بتحكمي علينا هيك واحنا والله بنموت فيكم اه والله وبعدين ليش تنكرهكم اختي الله يصلحك يارب ************ خليتي جوليانا تنبسط :p |
اقتباس:
بعدين أكيد مش رح نلاقي الكل ما بحبنا كتير .. يعني في هيك وفي هيك بس في فئة موجودة ما بتحبنا وهالفئة بيني وبينك كتير كبيرة ;) بسيطه أرسلان ... منضل شعب واحد خيو وللا ايش؟ |
اكيد اختي ولو
اهم مافي الموضوع ان الانسان قدر مستطاعو يبرز الحجات الحلوة في شعبو وحتى لو في ناس ما بحبو نا اكيد مو لازم نعطيهم اهمية اختي ونحاول انعزز الناس يلي بحبونا حتى لو عدد قليل يعني كان لازم عليكي اختي تحكي ( والحمدلله في ناس اكتير بحبونا بغزة وبالضفة واحنا بنحبهم وكلنا اهل ) وعلى هيك اختي ممكن حتى يلي ما بحبنا يحبنا او يخجل على نفسو الله يخليكي يارب |
كلامككم عسل "ام العز وارسلان"
الله يخليكم يا اهل الضفة وانشالله الاغلبية اللي حكيت عنهم ام العز يصيروا اقلية |
بسيطه يا جماعة ...
بس خيو أرسلان انت من وين؟ من جوا وللا من بره؟ :lol: |
ام العز انت من وين؟
|
اقتباس:
انا من بلد اسمها جت المثلث ؟ بتعرفيها ؟ بحد باقة الغربية ... |
اهلينننننن ام العز فيكييي
اه ولا اكيد بعرفها لجت بس ليش اهل المثلث دايمن بيجوا من عنا يشتروا سممك؟؟ ما في عندكم محلات سمك غاد؟؟ وانسيت كمان الدوالي "ورق العنب" هههه |
منين يا حسرة بدنا نجيب سمك يعني ؟؟؟؟
البحر بعيد عنــا ... بعدين بدنا نكسبكم يختي زعلانه؟ |
لع والله خيتا ماني زعلانة بالعكس
|
بجد العنوان استفزني كثير معقوله لهدرجة وصلنا انوا الفلسطينين يلي قاعدين بالأرض المحتله
صرنا نناديهم ونحكي عنهم مثل ما بنادوهم هم عرب 48 بجد مو عارفه شو احكي هله ليه هيك عقليتنا صارت ما بعرف ويلي بيقهرني أنوا أهل فلسطين عم يحكوا هيك كمان بالردود والله زمن اخو ........ :x وألي عودة لأحكي يلي عنديــ  |
<<<<<:?>>>>>
|
اقتباس:
|
انا اخني جنون عودي .........................
|
اقتباس:
زمن اخو شو ؟؟؟؟ :shock: |
اقتباس:
انه انا مش عارفه اذا انت عايشة بفلسطين و كاتبه الرد هاذا معناه مصيبه ;)و اذا عايشة بسرائيل فبكون ردك عادي ما علي تعليق عاليه.:D...بعدين يا اختي ما حد بحكي عنهم عرب 48 هما مسمين حالهم هييك;) اذا بتشوفي اي حد فيهم بتسأليه من وين انت بحكيلك و بكل فخر انا من عرب اسرائيل خيتو ليش تزعلي من الواقع .....بعدين دخلك روحي على بروفايلاتهم و شوفي شو كاتبين 99%منهم كاتبين الاقامة عرب 48 او بقسم الترحيب بتلاقيه كاتب هاي انا من عرب اسرائيل رحبو فيني اقتباس:
|
jouliana ....
مش فاهمة شو مالك على البنــت ... إنو حكيها صح .. هي قصدها انو احنا كلنا فلسطينيين ... ما في اشي اسمو عرب الـ 48 أ, عرب الـ 67 .. أو عرب الـبطيخ .. كلنا بالنهاية فلسطينيين ... شعب واحد ... انا مش شايفة بردها شي غلط .. بالمره بالعكس بحييها عليه ... اقتباس:
شو القصد يعني بكل فخر ؟ انا بقول بكل فخر اني من عرب إسرائيل ... مو لانو عايشة باسرائيل ... بس لأنو عربية وعايشة بإسرائيل لانو العرب ... خونه وهم عايشين بين اهلهم وببلدانهم العربية بس انا عربية شريفة ووطنية وعايشة بين اعدائي .. فشوفي الفرق ... وبعتز وكل العز إللي ... انا بالنهاية عايشةة ببلدي .. بس محتلة ... ما هربت ... وما خنت .. وما اتجسست ... لذلك لما تقولي بقولوا بكل فخر ... حددي على شو بيفتخروا .. |
اقتباس:
شو عرفك انو بدل النقط كلمة مش منيحه ... :p بس هيك حبيت إمزح .. يعني ما تحكمي على البنت غلط بلكي نيتها سليمة |
اقتباس:
|
اقتباس:
هاي ناس نيتها سليمة وعندها .. postive thinking >>> :lol: |
اقتباس:
|
ام لاعز كانك جملتي كل الشعوب العربيه بانها خاينه و من هل حكي هاد ؟؟؟
معلش انا كسوير بلاقي انو سوريا اكتر دوله خدمة الفلسطينيه بكل شي ، فما تعممي حكيك ... بدي افهم انا كم موضوع بدي فوت عليه واحكي ما تعممو خصصو |
| الساعة بإيدك هلق يا سيدي 02:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
.........وعلى فكرة مبروك الاسم لجديد امورة كتير احلى من الي قبله
هههههههههههه 
