|
اقتباس:
و معروف انو مايكروسوفت كانت رح تتأمم لو ما تنازل بيل غيتس عن نص حصتو و شركة ساوثورن بيل تأممت فعلا باميركا اقتباس:
يعني مين حكا انو الماركسية متأخرة :shock: اقتباس:
|
اقتباس:
أما التانيي قصدي فيا أنو الماركسي ما الشي يلي حكو ماركس و إنكلز و لينين و أنا بقول أنو في شغلات لينين قالها غلط و ماركس قالها غلط و إنغلز قالها غلط لأنو الماركسي علم ما دين يعني ما هيك انكتب بالقرآن و ما بصير يتغير الماركسيي هي فلسفي بتقوم على الماديي التاريخيي أي تطبيق الماديي الديالكتيكيي على المجتمع يعني رح اشرحلك إياها باختصار الماديي الديالكتيكيي هي جمع بين الماديي الفلسفيي و الديالكتيك و الماديي الفلسفيي هيي النظري يلي بتآمن بأنو الروح هيي انعكاس عن المادي أي أنها بشكل مبسط إيمان بالعلم بدل الدين و الديالكتيك هويي صراع المتناقدات يلي بأدي للتطور و بالنهاي الماديي الديلكتيكيي هيي صراع المتناقدات بالطبيعة يلي أدت لتغيير وجه الكون من مليارات السنين حتى الآن هلق الماديي التاريخيي هي صراع المتناقدات في المجتمع أي الطبقات التي أدت لتطور المجتمعات إلى ما وصلنا إليه الآن و ستبقى المجتمعات تتطور إلى أن نصل إلى المجتمع الاشتراكي و هون أنا عم بختصر كتير من كتير شغلات حكوا ماركس و لينين هلق الماركسيي متطورة و بالتالي يعني أنو الفكر الماركسي بيتغير مع الزمن شرط بقاؤه يسير على الفلسفة المادية الديالكتيكية يعني ما في شرط بشخص لنقول عنو ماركسي غير أنو يكون مؤمن بالماديي الديالكتيكيي و الماديي التاريخيي هلق منشان التالتي فانهيار الاتحاد السوفييتي على أنو ما كان دولي اشتراكيي لأنو حسب الماديي التاريخيي فحركة التاريخ بتمشي لقدام ما بترجع لورى و بعدين ما أنا أول مين قال أنو الاتحاد السوفييتي مانو دولي اشتراكيي بل أحد قادة الاتحاد السوفييتي الرفيق نيكيتا خروتشوف لما قال أنو الاتحاد السوفييتي غير قادر على الاستمرار بحزب واحد و هاي الجملي خليت جماعة الأمن السياسي بالاتحاد السوفييتي يضغطوا على اللجني المركزي لطردو من الاتحاد السوفييتي و استبداله بالأهبل بريجينيف و طلع خروتشوف معو حق بالأخير |
حبيبي حسون
كلامك حلو كتير و سدئني اضطريت اني احفظو لحتى اتخرج من الجامعة و الحكي كتير كتير حلو بس الواقع شي تاني المشكلة انو " توت توت توت " اعلن حرب البسوس و انا منبري فيها و ماني قادر رد بشكل مطول بس رح قلك نقطة صغيرة انا من رأيي انو الاشتراكية آخر آخر شي رح تكون هيي المنتصرة بس..... لا انا و لا انت و لا مليون غيفارا رح يطبقوها يعني هيي رح تطبق لحالها هلأ ايمت بالظبط ما بعرف بس اكيد مو ع ايامي و لا ع ايام ولادي حتى و انا ما كتير بحب اسبح بعكس التيار الشرط الاساسي لتطبيق نظري الاشتراكية هوي تحقيق نظرية مالتوس التشاؤمية هالنظرية بتحكي انو ما بينصلح حال البشر إلا اذا تقلص عددون بشكل كتير كبير بالحروب و الكوارث الطبيعية ساعتها بتصير الموارد الاقتصادية بتكفي حاجة الناس و منقدر ساعتها نطبق الاشتراكية هاد بالمدى البعيد اما بالمدى الاريب فالراسمالية قدرت تطور العلاقات الاقتصادية تبعها (شيلك عن الوضع الاجتماعي) بشكل رهيب بينما الاشتراكية بعدها جامدة ما قدرت تطور شعرة (مع انو بعرف انها علم متطور مش دين بس الواقع انو ما حدا اشتراكي تطور شعرة) و المشكلة انكم ناطرين تهدوا كلشي و تعمروا من اول و جديد الصين فهمت اللعبة و أخدت الباكدج الراسمالي متل ما هوي و صارت لاعب اساسي بينحسبلو الف حساب بالتحليلات الاقتصادية الناس مع يللي بيتطور عن جد يعني مو تقول عن حالك انك متطور و اجدد كتاب عن الاقتصاد الاشتراكي عمرو 30 سنة |
اقتباس:
المالثوسيين بيقولوا انو الكوكب بعمره ما رح يشوف رخاء اقتصادي لأنه كل ما تحسنت الحالة الإقتصادية البشر رح يبلشوا يخلفوا ولاد و بالتالي رح يزداد عدد السكان و يرجع الفقر و الشقاء بس الحقيقة انو مع ازدياد المدخول الإقتصادي و تحسن الإقتصاد الإنسان بيصير بيجب ولاد أقل... المراة بتصير بتشتغل و العيلة بتكتفي بولد او ولدين لانو كلفة انجاب طفل زيادة عم تزيد.. بينما لما الإنسان فقير و المرأة على كل الأحوال قاعدة بالبيت بلا شغلة و لا عملة... فأكيد رح تجيب كتير ولاد بقى النظرية المالثوسية خاطئة و اذا الشباب معتمدين عليها لتحقيق الإشتراكية فبحب قول انو ما كتير تكون الآمال عالية |
شباب انا حابب اعلق على كذا نقطة قريتا
1-نظرية انو الاشتراكية هي بالنهاية راح تكون المنتصرة برايي نظرية خاطئة و موجودة بس بالكتب لأنو الفكر الاشتراكي كان موجود من وقت ما افلاطون حكى عن المدينة الفاضلة و مر على هالحكي آلاف السنين و ما صار فاذا قصدكون بالنهاية نهاية العالم فيمكن وقتا اوافقكون 2-سبب فشل التطبيق الاشتراكي بالاتحاد السوفيتي هو الحرب الباردة كسبب غير مباشر و القانونيلي طالعو كربتشوف عند استلامو كسبب مباشرو الي كان بفكرو انو راح يطور الاقتصاد فيه وهالقانون نص على توزيع المرابح الاقتصادية على الشعب كل بحسب موقعو و هالشي ادى الى توزيع غير عادل بنوب فاصحاب النفوذ و الضباط و اليهود خصوصا صارو ياخدو اغلباموال الدولة و صار اكتر من 80 بالمية من الشعب يعيش على الخبز و المي و بعد 5 سنين صار الانقلاب...يعني الغلط مو بالنظام الغلط بالعوامل يلي اثرت و تحكمت فيه 3-حاليا مستحيل تقوم دولة اشتراكية ناجحة(الا اذا شيتعلى خطىالتطوير الجزئي باستخدام بعض الاساليب الراسمالية)وهالشي بسبب موجة الراسمالية القوية يعني لبين ما تبني الدولة حالا ذاتيا بتكون تاخرت شي50 سنة لورا... :D |
اقتباس:
اقتباس:
. اقتباس:
لان هاي نفس افكار المحافظين الجدد و بظن انو تقليل عدد الناس فكرة غلط لان مافي بلد بالعالم ما بداخله موارد بتكفي الحاجات الاساسية لكل مواطن طبعا مع محاربة الفساد ولاستغلال وتمركز رؤوس الاموال بايدي قلة واكيد الحروب هي بلدرجة الاولى من مصلحة الدول الراسمالية متل امريكا التي تسعى لاستغلال موارد العالم والسيطرة علية وتسخيرا لخدمة مصالحلها العليا فقط |
الاشتراكية : الكلمة حلوة .............. حلوة كتير كمان , المشكلة أنو اللي احتكروها مجموعة من الهمج ( الاتحاد السوفييتي مثلا ..... اتحدث عن القيادة طبعا).
خلينا نحكي فلسفة , شو بتعني لكل واحد كلمة اشتراكية , أنا بفهمها أنو اشتراك عدة أشخاص بشيئ ما.... بس اشتراك بشو ؟ خلينا نفترض قطعة أرض ... 100 دونم مثلا , وفي 10 أشخاص ,كيف نعمل اشتراكية بهالمعادلة؟؟ الحكي جد , ماعم بتمسخر.... يا ريت تجاوبولي عالسؤال !!! ع قولة ديموزي................ اسلمو اشتراكيين :lol: :lol: |
اقتباس:
ثورة شو و حرب شو؟ مين بدك تحاربي و كيف و على مين بدك تثوري؟ صرعونا بالثورة و لهلأ ما حدا عم يعرف يشرح لا شو هاي الإشتراكية و لا كيف رح تصير... احسن شي طلع معكون انو هلأ لازم يكون في رأسمالية و بعدين رح تنتصر الإشتراكية... ثم هاي النظرية مانا افكار "المحافظين الجدد".. هاي نظرية شيوعية قديمة و طلع بعدها نظريتين حديثات بس لسا الجامعات بسوريا عم تدرس النظرية القديمة كنوع من الحفاظ على التراث |
أنا أرى الاشتراكية بعيدا" عن أي فكر . . انها أن يأخذ كل شخص نصيبه من الدولة تبعا" لتعبه وجهده .. فلا يظلم ولا يظلم ..
يعني أرض 100 دونم بدنا نقسمها على 10 أشخاص .. كل واحد بياخود حصتو حسب جهدو .. :D |
اقتباس:
الأشخاص جميعا متساويين بالقوة و المركز الأشخاص وصلوا إلى الأرض مع بعض يعني لم يعثر عليها احد قبل الآخر الأرض فارغة و متساوية بالموارد الأرض ما لحدا بهالحالة رح يحصل تقسيم للأرض لكل شخص 10 دونوم.. هاي حالة مثالية تماما بتفترض عدم وجود خلافات شخصية و تحالفات دينية و عنصرية الان اعود لكل حالة من الحالات الأربعة: 1- في حال وجود اختلاف بالقوة و المهارة و الخبرة (المركز) بين بعض الأشخاص: الأقوياء سيطمحون لمزيد من الأرض أولا لان قوتهم العضلية او خبرتهم في العمل في الأرض تسمح لهم بذلك أو ببساطة لأنهم قادرون على ذلك... شخص اخر قوي و نتيجة علاقة مع عدة اشخاص ضعفاء قد يقوم بحمايتهم و حماية أرضهم.. في المقابل قد يقوم الضعفاء بتقديم نوع اخر من الخدمة للقوي.. مثلا العمل على جزء من أرضه بينما يتفرغ هو لحماية الأرض كلها ----> ينشأ الإختصاص في العمل و الذي هو أول الطريق لزيادة الإنتاج و لمزيد من الإختصاص صحيح أن الرجل القوي سيكون أفضل في العمل في الأرض + العمل كجندي.. و لكن مصلحة الجماعة و العمل تقتضي ان يختص كجندي بينما يقوم بتوظيف الضعيف كعامل في الأرض 2- الأشخاص وصلوا في أوقات مختلفة قد يكون قد وصل شخص واحد فقط في البداية... فأعلن أن الأرض ملكه و بدأ يعمل فيها. جاء شخصان جديدان.. لأسباب متنوعة قررا العمل معه و ليس قتله و سرقة الأرض.. فحصل التوظيف. جاء المزيد من الأشخاص... سيحصل نزاع و حرب لأن المجموعة الاولى قد لا تريد توظيف او العمل مع المجموعة الجديدة.. 3- الأرض غير متساوية في الموارد: يعني يوجد منطقة غنية و منطقة فقيرة... حتى في حال وجود تساوي في القوى فسيحصل نزاع.. و في حال وجود اشخاص اقوى من غيرهم فسيحصلون هم على المناطق الأغنى او يستولوا عليها 4- الأرض لشخص معين تقريبا نفس الحالة الثانية |
اقتباس:
ممكن توضح شو يعني تعب و جهد؟ كيف بتقدر تقيم التعب و الجهد؟ بركي الواحد بيتعب بسرعة؟ مستحيل تقدر تقسم الأرض حسب الجهد... كيف رح يصير هل شي؟ رح تعمل مسابقة مثلا مين احسن عامل و اكتر شي عم يتعب؟... عن جد سؤالي جدي جدا لأنو المفهوم غامض جدا سلامي |
اقتباس:
قلتلي أنك حفظت هالحكي لنجحت بالجامعة يلي بشوف كتابتك بقول هادا ما بيعرف الفرق بين الاشتراكيي الطوبويي والشيوعي لما بدك الاشتراكيي تجي لحالها و بعدين إنتا عم بستغرب منك شي بشوفك عم تحكي بالديموقراطيي و شي بشوفك بدك نص العالم يموتوا |
اقتباس:
يعني يا هيك السطحيي يا بلا يعني لما بقول نوزع الأرض حسب الجهد رح تكون الأرض ملك ليلي عم بيشتغلوا فيا ما ليلي عم بيسرقوا :wink: |
انا ما بعرف ليش كلمة ثورة بتنكرزك هيك وكاني عم قول يا شباب تعو في جو بدنا نعمل عليه ثورة .... اسمع لقلك نحن شباب عربي عايشين بهالوطن وشايلين همو وبانلنهاية بدنا التغيير هلا التغيير ممكن يكون بثورة سلمية لتحسين الوضع الداخلي بس الاكيد انو رح يكون مسلحة ضد كل محتل ببلادنا
بالنسبة للمحافظين الجدد انا اكيدة من كلامي وعندك عدة كتب صدرت مؤخرا بتاكيد كلامي وبتكشف كامل المخططات الموضوعة للمنطقة والعالم وعندي استعداد اجبلك اسماء الكتب بساعدوك شوي |
مرحبا غيفارا
اقتباس:
بس ما بتقدري تقولي "لازم" ((يمكن)) ((لو)) في غيفارا يمكن كان حكيك مزبوط اقتباس:
(لاحظي انو عم نحكي عن المجتمع و الشباب مو عن الاشتراكية) قبل 500 سنة كانت المرأة جزء من ملكية الرجل بكل العالم...اليوم و باستثناء بعض الدول المتخلفة (و هون ما دخل المصاري والحالة الاقتصادية )كل دول العالم بتعتبر المرأة شخصية معنوية مستقلة بذاتها ... هالشي صار بدون ثورات بس صار لانو لازم يصير هلأ بالسويد او بسويسرا مثلا ليش لحتى يثوروا فينون بكل بساطة يصوتوا ليللي بيحققلون مطالبون و اذا كانوا اكترية بتتحقق هالمطالب بدون لا ثورات و لا دم اقتباس:
بس انا لافف ع جماعة مايكل مور إن وجدوا اقتباس:
انا لما حكيت عن نظرية مالتوس ما قلت اني معها و ما قلت انها صح بس قلت انها الحل لتطبق الاشتراكية بعدين ما فيكي تحددي اذا الموارد بالدول بتكفي او لاء و الشغلة طمع بطمع يوم ما تشيلي الطمع من قلوب الناس ساعتها بتقدري تحددي اذا الموارد بتكفي او لاء اليابان من افقر الدول بالموارد بس عمليا هيي من اغنى الدول و السودان بالعكس تماما اقتباس:
:D |
اقتباس:
انا يللي مستغرب منك مبارح كان بدك توصل للحكم بالديمقراطية و اليوم صار بدك ثورة شو عم تضحك علينا و بس تستلم انت و حزبك بدك تحكم بقبضة ستالينية بعدين ليش انت مفترض انو بدي نص العالم يموتو .... انا نقلت النظرية مو اكتر اقتباس:
يعني انت كمان ما فسرت شي كل يللي عملتوا انت و حسام انكم حطيتوا شعارات يعني شو التوزيع حسب الجهد ما هي قمة الراسمالية لانو بالراسمالية ما في واسطة و اذا كنت شاطر بالشغل رح يزيد معاشك اما اذا كسلان رح يقلعوك، هيك منكون وزعنا حسب الجهد يا أخي متل ما قلت انا ما بفهم بالاشتراكية، منيح و انت كل يوم نازل سفق مواضيع عن حزبك و عن بياناتو، منيح ممكن تعمل شغلة مفيدة بدل التهكم و تشرحلنا شو قصدك بالتوزيع حسب الجهد بالمفهوم الاشتراكي |
حسون رجاءا بلا اهانات شخصية و خلينا بالموضوع
عادة انا بعرف السطحية = الشعارات و الكلام المبهم السطحي... و الكلام يلي انا دائما عم احاول احكي فيه لما عم ناقشكم هوي الدخول لعمق الموضوع... و للأسف كل مرة عم تأثبتوا فشل ذريع بالدخول لعمق الفكر الإشتراكي و حتى شرح لأبسط أبسط الأفكار الشيوعية الإشتراكية... هاي بتحكيلي بالثورة و شخصية صرلها ميتة شي اربعين سنة و أنت بتحكيلي بأخذ المصانع من أصحابها غصب عنون بطريقة ديمقراطية بس قال هادا ما اسمو سرقة لانو بياخدوا تعويض.... يعني هلأ انا بجي باخدلك بيتك و بعطيك تعويض... روح انبسط :lol: كيف بتقسم الأرض حسب الجهد؟؟ مثلا عندنا أرضين... و عندنا عاملين حسون و ميسون... حسون قبضاي و ميسون فشانة... هلأ تنيناتون عندون نفس المهمة لازم يخلصوها على اخر النهار... و كل واحد خلص شغلتو ع اخر النهار متل ما هوي مطلوب... ميسون يا حرام فطست من التعب و الجهد و خلصت شغلا بس حسون كان عم يشتغل كأنو عم يلعب... منقوم منعطي الأرض لميسون لأنها تعبت كتير؟ :roll: صدقني ماني عم اتخوت... بس انتوا هيك قلتوا بالحرف... التعب و الجهد مفهوم التعب و الجهد ما بيكفي ... التعب العضلي ما هوي المدلول الوحيد لكمية الانتاج |
الاشتراكية هي الشرك بالله :lol:
لاء شيلو المزح ...أنا فيني أحكي عن حالي و ما بعرف اذا في شي حزب أو شي منظمة تفكر بنفس الطريقة هلق أنا بعتقد أنو اذا جبنا بلد أياً يكن و اجينا بدنا نعمل في اشتراكية عن حسن نية يعني منكون ما عملنا شي غير انو أخرنا البلد شي 50 سنة لورا و خلقنا شعب كامل بيكره الله اللي خلق ماركس . ليش لأنو حستن النية مارح يطعمي العالم خبز . بس نحنا بالاساس كنا بدنا نعمل الاشتراكية مشان نطعمي العالم خبز :confo: هلق ما زبطت معنا و لا رح تزبط لأنو في فساد و في نقص بالموارد و في ظروف اقليمية و ضغوط خارجية و عدم قدرة القطاع العام ( الاشتراكي ) على تلبية حاجات المجتمع ( الاستهلاكية ) بالاضافة الى انو روحنا نص ميزانية البلد لدعم حركات التحرر العالمية :? أنا هيك بحس الدول الاشتراكية ...يعني صحي الوصف مانو دقيق بس واقعي نوعاً ما .....ما بظن أنو كارل ماركس ضد الجينز بشكل أو بآخر ...بس القطاع العام السوفيتي و غير السوفيتي كان يوقف متل الاجدب قدام الجينز :lol: طيب هلق نحنا كيساريين شو منعمل ؟؟؟ :confo: :confo: يعني اذا استلمنا السلطة عم نفوت نحنا و البلد بالحيط و اذا ما استلمنا السلطة منصير بدنا نترازل و نعمل مشاكل و تفجيرات و حركات ( ثورية ) . بس نحنا اساساً ما بدنا نترازل ..نحنا بدنا نطعمي العالم خبز ( خبز يعني كلشي ما حدا يفكر قصدي انو بس خبز ) ....طيب شووووووووووو الحل :? بكل بساطة مافي حل :P يعني ما حدا منكن يتأمل أنو يشوف الشيوعية عم تتحقق ع أيامو أو الاشتراكية مثلاً . لحتى يتساوى العمل الفكري مع العمل العضلي كشرط من شروط تحقق الشيوعية لازم تكون البشرية قطعت مراحل بعيدة جداً بالاتمتة ..مراحل أنا شخصياً ماني قدران اتخيل كيف ممكن يكون شكلا . و من هلق لخداك الوقت كلشي منقدر نعملو هو أنو نلعب دور روبن هود ....ما انو نسرق و نعطي للفقرا ...لاء , قصدي انو اليساريين بالعالم لازم يتركو كلشي اسمو سياسة و احزاب و يتجهو للعمل النقابي ...و ما شابه . الشيوعية تحتاج الى قفزة خيالية من التقدم التكنولوجي هالتقدم اللي ما ممكن يتحقق بظل الانظمة الاشتراكية و متاهات القطاع العام ....خلينا نستغل الرأسمالية شوي لحتى تنتجلنا ادوات الثورة الحقيقية ....الثورة التقنية اللي رح تكون المفتاح لحل المعضلة الشيوعية . ملاحظة: ما حدا يضحك اذا بتريدو :frown: |
مرحبا ابو نهلا
حكيك كتير منطقي بس بالآخر نزعتا انا ماني فهمان طالما انت شايف انو الاشتراكية مانا قادرة انو توازي التطور الراسمالي ليش بعدك اشتراكي؟ و المنطق تبعك منطق لصوصي .. يعني طالما شايف انو مارح يطلع بايد الشيوعيين انو يتطوروا بعكس الراسماليين معقول بعد ما يخلصوا الراسماليين التطوير و كلشي و يصير يجي الدور انو يرتاحوا يقوم يجي الشيوعيين هيك بكل برادة يستلموا و يقولوا (شفتو شلون كان معنا حق من الاول) انا بشوف انو نهاية الموضوع رح تطبق الافكار الاشتراكية متلك بس مو لانو الاشتراكيين رح يربحوا لانو بتكون الراسمالية عملت دورها يعني ما حدا رح يستغل الراسمالية هيي لحالها رح تطور و تصير اقرب ما يمكن لسعادة البشر بس بعكس الاشتراكية بدون ما يكون الموضوع خيالي هلأ في كتير بلاد راسمالية بتطبق كتير افكار اشتراكية متل مجانية التعليم و الصحة و الخدمات العامة بعدين في شغلة كتير مهمة ... انت قلت انك يساري ... و انا كمان باعتبر حالي يساري بس ماني اشتراكي المترجمين الفهمانين عملوا كلمة اشتراكية بتوازي كلمة يسارية و هاد غلط قصة اليمين و اليسار انو لما تشكل اول برلمان فرنسي قعدوا يللي بيطالبوا بالمحافظة ع الوضع والتراث و ... (المحافظين يعني و خصوصا الدينيين) قعدوا بيمين المجلس اما يللي بيطالبوا بالتجديد و هيك شغلات ( و جزء منون الاشتراكيين) قعدوا بيسار المجلس قاموا الناس صاروا يقولوا ع المحافظين يمينيين و ع التجديديين يساريين اقتباس:
مو معقول مشان ما يزعل كم واحد حابين انون يتمسخروا نقوم نصير نحط هالعبارة بالمنبر كل ما حبينا نكتب شي شغلة :jakoush: انت كاتب رايك بصراحة و يللي بدو يعمل ارهاب فكري يدور ع غير محل لانو ما حدا قصير حربة بهيك شغلات يعني لازم شوية احترام متبادل لآراء الجميع و يللي بدو ينقد فينو ينقد بدون تهكم مشكور ابونهلا :D ملاحظة: ما حدا يزعل اذا بتريدو :frown: |
اقتباس:
أنا قصدت الجهد والتعب بالعمل وليس بالجسد .. يعني أكيد سمعان واحد عم يقول عن شخص انو والله هالزلمة تعيب .. تعيب أكيد ما قصدهون فيها أنو بيتعب دغري .. وأنما يتفانى بالعمل ويعمل بقوة ودأب .. وهي الفكرة باختصار .. أنا ما بدي فوت بأصل الاشتراكية ومفهومها وفوائدها ومضارها لأنو ماراح نوصل لأي نتيجة بالنقاش .. وهذا ليس انهزاما" أنما لسبب بسيط أنه لكل شخص وجهة نظره في موضوع الأنظمة .. أنا بالنسبة الي لست اشتراكيا" بالمعنى الاصطلاحي لها .. أنا زلمة بفهم شغلة انو أنا اشتغلت عشر ساعات باليوم بشغل مثمر ومنتيج فأنا لا أريد أن أخذ اكثر من حقي .. وقد ذكرت ذلك في دري الأول وقلت .. لا يظلم ولا يظلم .. فلماذا لم تنتقي من كل كلامي الا كلمة تعب او جهد وكانت محور نقاشك .. أرجو ان لايكون الهدف من النقاش مجرد الانتصار والبحث عن نقطة ضعف في الكلام ( وهي لغوية ) وليست بالمعنى .. انا أعترف أن النظام الاشتراكي .. أثبت فشله بالتطبيق وليس كفكر .. الدين الذي هو عند المؤمنين أعظم شيء وأقدس شيء .. فشل في مجتمعات معينة لعدم تطبيقه بالمرجو منه وعدم تطويره مع تطور الحضارة والزمن .. أنا عنجد بعتذر أنو ما بدي احكي كتير بهالموضوع .. لأنو عنجد طلع على لساني شعر من النقاش فيه .. أنا الصراحة جوي .. مافي أي شيء بالعالم مهما كان فكر او دين او أدب .. باخدو متل ماهوي وانما بعطي عليه طابعي الشخصي والابداعي .. وبعيش على أساس القناعة اللي بوصللها .. أنا مثلا أؤمن بأن رأسمال في الدولة هو أقوى أسلحتها .. ولكنني أيضا" أؤمن أن توزيع الثروات الداخلية والمداخيل على الشعب ليش بشكل متساوي وبالمحاصصة .. وأنما تبعا" لجهد كل منهم ( وقد يكون هذا الجهد فكري ) فانا لا أطالب أن يعطى الزبال مثلا" أكثر من الدكتور ولو كان الزبال يعمل عشر أضعاف ما يعمله الدكتور .. فذاك تعب وبذل جهد في دراسته .. وجهد الطبيب أعطى منفعة للمجتمع اكثر من جهد الزبال .. (وأنا هنا لا اهين الزبال لأنني احترمه) .. أنا بخلاصة رأيي ليس فقط في موضوع الأنظمة وأنما حتى في أي موضوع في الحياة .. ان يتم احترام الشخص وتقدير جهده تبعا" لظروفه وامكانيته ومقدار استغلاله لهذه الامكانية.. يعني كل شخص له مجال ابداعي معين .. ووظيفة في الحياة فالناس ليسوا متساوين بالذكاء والاشتراكية المتداولة والقديمة التي ينادي بها الناس لايمكن تطبيقها الا اذا كان كل العالم متساوون في الامكانيات الفكرية والعقلية والذكاء والقوة الجسدية .. وهذا مستحيل .. أرجو ان أكون قد أستطعت توضيح وجهة نظري لأني بصراحة أملك أفكار جيدة .. ولدي ثقافة لا بأس بها .. لكن ينقصني اخراجها بطريقة مختصرة .. لذلك دائما" أرغب بمجالسة محاوري والحديث معه بالكلام .. :D |
اقتباس:
أنا ضد فكرة الثورة المسلحة و أنا بقلك ماركس و إنكليز و لينين كانوا غلطانين لما طرحوا الثورة المسلحة أما بالنسبي للتوزيع حسب الجهد فهادا بكون بأخد الملكيي من الرأسمالي يلي قاعد ورى إسطبلو ما عم بيعمل شي و إعطاءها للعمال يلي عم بموتوا بالمعمل منشان شغلون و ما يقبضوا شي و لمعلوماتك أنا و حسام ما كنا عم منحط شعارات بس كنا عم بنطرح وجهت نظرنا و شغلة أني حط بيانات حزبي عالموقع فهادا حقي و يلي ما عاجبو لا يقراهون ما حدا مسك عليك الفرد وقلك قرا بيانات حزب العمل |
يا شباب
الاداء الاقتصادي بالانظمة الاشتراكية بتم من خلال التخطيط المركزي لان الدولة يلي هي ممثلة للمجتمع بتمتلك وسائل الانتاج او غالبيتها والهدف مش احتكار بعض رموز الدولةللانتاج متل ما صار لا الهدف بالنظام الاشتراكي الصحيح هو اشباع الحاجات الاجتماعية لغالبية افراد المجتمع ومن ناحية تانية بتتحمل الدولة عبئ تنظيم العمليات الاقتصادية المختلفة الخاصة بالانتاج والتوزيع من خلال التخطيط المركزي فالاهداف بتكون بان اولا تحديد اهداف معينة للاستهلاك والانتاج من حيث الكم والنوع تانيا تحديد توزيع الموارد الانتاجية بين الاستعمالات المختلفة تالتا تحديد القطاعات والوحدات الانتاجية التي ستقوم بالانتاج وتحديد الاهداف لها بلمكان والزمان ورابعا تحديد كيفية التوزيع للناتج على النحو الذي يضمن تحقيق الاشباع الفعلي للحاجات يلي تم تحديده بالخطة وبالتالي فان كافة القرارات االاقتصادية من انتاج واستهلاك وتوزيع وادخار واستثمار وتصدير واستيراد وتوزيع لموارد وغيها بتتخذ بطريقة مركزية وبانسبة للتوزيع فبتم لكل شخص حسب عمله وحسب مساهمته الفعلية في النشاط الاقتصادي وبصرف النظر عن الخبرة والقدرة انا شخصيا بشوف ان النظام الاقتصادي الاشتراكي بيشتغل بهالطريقة بدون ما نسطح الامور ونخليها قطعة ارض او بابعرف شو كمان واكيد واضح اني رجعت لكتاب عندي لحتى اقدر اعطيكم معلومات اكتر دقة :hart: :hart: جيفارا :hart: :hart: |
اقتباس:
اقتباس:
يعني انت عم تناقض حالك شفت شلون الاشتراكية و الديمقراطية ما بتزبط اقتباس:
بس انت لهلأ ما وضحت شي .... هي لمعلوماتك بس اقتباس:
شفتني ش مرة رديت على شي بيان من بياناتكم حسون انا ما بحب هالطريقة بس انت اضطريتني احكي هيك يا ريت نكون واعيين اكتر لما نتناقش و بالنهاية انا حابب اكسبك كصديق |
ياكريمبو اذا بدك نحكي بتعريف الاشتراكية فالاشتراكية كمفهوم الها عدة تعريفات بس بالنهاية فيك تلاحظوجود تعريفين الاول بشوف بالاشتراكية تعبير عن عن كل صورة من صور تدخل الدولة بالنشاط الاقتصادي وقيامها بالمشروعات العامة الاقتصادية او بمجرد تقييدها لحريات الاقتصادية للافراد سعيا لتحقيق العدالة الاجتماعية عن طريق سن التشريعات لعمالية و التامينية والعمل على رفع مستوى المعيشة للعمال والتخفيف من الفروق بين الطبقات بالمجتمع
بس الاتجاه التاني فهو بتناول المعنى العلمي للاشتراكية زي ما كانت مطبقة بدول المعسكر الاشتراكي وهاد التعريف بقول ان الاشتراكية هي النظام الذي يقوم على الغاء الملكية الخاصة لوسائل الانتاج واموال الانتاج كلها سواء كانت اراضي زراعية او مصانع وتحويلا لملكية عامة للدولة وهاد التعريف مرادف للتعريف الشيوعي الماركسي بتمنى من الشباب نرجع شوي للاسلوب الحلو بالحاور ونتم عم نعرض نقط جديدة ونتحاور فيها بدون السخرية والاستفذاذ حسون :) شوباك بعرفك اقوى من هيك لا تسمح لحدا يستفذك بكلام خارج نطاق الموضوع انت موقفك قوي ومعك حق بكلامك وافكارك بس حاول تشرحها برواء اوكي :) :wink: :hart: :hart: جيفارا :hart: :hart: |
أنا بزماناتي سألت : من هم العمال؟
لسا ماحدا جاوبني صدقوني ماعم اتمسخر, سؤال مهم كتير |
اقتباس:
1. ما هي الشيوعية؟ الشيوعية هي علم تحرير البروليتاريا. 2. ما هي البروليتاريا؟ البروليتاريا هي الطبقة التي – من بين كل طبقات المجتمع – تعيش كليا من بيع عملها فقط، لا من أرباح أي نوع من أنواع رأس المال. ولا تتوقف معيشتها بل وجودها ذاته، على مدى حاجة المجتمع إلى عملها، أي أنها رهينة فترات الأزمة والازدهار الصناعي وتقلبات المنافسة الجامحة. بإيجاز إن البروليتاريا هي الطبقة الكادحة لعصرنا الراهن. 3. هل وجدت البروليتاريا منذ القدم؟ كلا. لقد وجدت دائما طبقات فقيرة كادحة بل إن الطبقات الكادحة كانت في أغلب الأحيان فقيرة. أما الفقراء والعمال الذين يعيشون في ظروف كالتي أشرنا إليها سابقا – أي البروليتاري – فهم لم يكونوا موجودين في كل الأزمنة. كما لم تكن المنافسة حرة وبلا أي حدود. 4. كيف ظهرت البروليتاريا؟ لقد نشأت البروليتاريا في إنجلترا خلال النصف الثاني من القرن الماضي (الثامن عشر) على إثر الثورة الصناعية التي قامت منذ ذلك الحين في جميع البلدان المتحضرة في العالم. كان الحافز لهذه الثورة الصناعية هو اختراع الآلة البخارية ومختلف أنواع آلات الغزل والأنوال الآلية وعددا كبيرا من الأجهزة الميكانيكية الأخرى، التي بحكم ثمنها الباهض لم يكن قادرا على شرائها سوى كبار الرأسماليين، مما أدى إلى تغيير شامل لنمط الإنتاج السابق وإلى إزاحة الحرفيين القدامى نظرا لأن هذه الآلات أصبحت تنتج سلعا أفضل وأرخص من تلك التي أنتجها أولائك الحرفيين بأنوالهم اليدوية وأدواتهم البدائية. وهذا ما يفسر كيف أدى دخول الآلة على النشاط الصناعي برمته إلى تحويله بين أيدي كبار الرأسماليين وإلى إفقاد الملكية الحرفية الصغيرة (أنوال، أدوات عمل...) كل ما لها قيمة، مما مكّن الرأسماليين من السيطرة على كل شيء في حين فقد العمال كل شيء. ولقد أدخل نظام المانيفاكتورة – أول الأمر – في صناعة النسيج والملابس ثم ما أن كانت الانطلاقة الأولى لهذا النظام حتى انتشر سريعا ليشمل سائر الفروع الصناعية كالطباعة وصناعة الخزف والمعادن وأصبح العمل مقسما أكثر فأكثر بين مختلف فئات العمال، بحيث أن العامل الذي كان في السابق ينجز عمله كاملا صار لا يؤدي إلا جزءا فقط من هذا العمل. وقد سمح تقسيم العمل هذا بإنتاج سلع على نحو أسرع وبالتالي بكلفة أقل و صار دور العامل مقتصرا على أداء حركة آلية جدُّ بسيطة ومكررة باستمرار تستطيع الآلة أداءها ليس فقط بنفس الجودة بل بأفضل منها. وسرعان ما سيطرت المكننة والصناعة الكبيرة على جميع فروع الإنتاج الواحد تلو الآخر تماما مثلما حصل بالنسبة للغزل والنسيج وهكذا وقعت كل الفروع الصناعية بين أيدي كبار الرأسماليين وفقد العمّال بذلك هامش الحرية الذي كانوا يتمتعون به سابقا. وزيادة عن المانيفاكتورة ذاتها وقعت الأنشطة الحرفية شيئا فشيئا تحت سيطرة الصناعة الكبيرة، إذ تمكن كبار الرأسماليين من إزاحة المنتجين الصغار المستقلين وذلك بإنشاء الورشات الكبرى حيث المصاريف العامة أقل وإمكانية تقسيم العمل أوفر. وهذا ما يفسر الإفلاس المتزايد من يوم لآخر للطبقة الحرفية الوسطى والتغيير الشامل في وضعية العمال ونشوء طبقتين جديدتين سرعان ما انصهرت فيها بقية الطبقات شيئا فشيئا ألا وهي: – طبقة كبار الرأسماليين الذين يحتكرون في كل البلدان المتحضرة ملكية وسائل العيش والمواد الأولية وأدوات العمل (الآلات والمصانع) اللازمة لإنتاج وسائل العيش. إنها طبقة البرجوازيين أو البرجوازية. – طبقة الذين لا يملكون شيئا والمضطرين إلى بيع عملهم للبرجوازيين مقابل الحصول على الضروريات لإبقائهم على قيد الحياة. إنها طبقة البروليتاريا أو البروليتارييون. 5. ما هي الظروف التي يبيع فيها البروليتارييون عملهم للبرجوازية؟ إن العمل سلعة كغيرها من السلع وبالتالي يتحدد سعرها على أساس نفس القوانين المعمول بها بالنسبة لأية سلعة أخرى. وفي ظل سيادة الصناعة الكبرى أو المنافسة الحرة (مما يعني نفس الشيء كما سنبين فيما بعد) يساوي سعر أي بضاعة ما – دائما – ما يعادل كلفة إنتاجها. وبالتالي يكون سعر العمل هو أيضا مساو لكلفة إنتاج العمل. لكن كلفة إنتاج العمل تتمثل في كمية وسائل العيش الضرورية لجعل العامل قادرا على استئناف ومواصلة عمله ولإبقاء الطبقة العاملة بصفة عامة على قيد الحياة. فالعامل إذن لا يتقاضى مقابل عمله سوى الحد الأدنى الضروري لتأمين تلك الغاية. وهكذا يكون سعر العمل – أو الأجر – هو الحد الأدنى الضروري لإبقاء العامل على قيد الحياة. وبما أن الأحوال الاقتصادية قد تسوء تارة وتزدهر تارة أخرى فإن العامل يتقاضى مقابل عمله أقل أو أكثر حسب تلك الأحوال، تماما مثلما يتقاضى الرأسمالي مقابل بيع سلعة ثمنها قد يرتفع أو ينخفض حسب الأحوال الاقتصادية. وهكذا، كما يتقاضى الرأسمالي – إذا عادلنا بين ازدهار الأحوال و كساده – ما يساوي كلفة الإنتاج لا أكثر ولا أقل، فإن العامل لن يتقاضى كذلك أكثر أو أقل من الحد الأدنى لإبقائه على قيد الحياة. ومع تغلغل التصنيع الكبير في جميع فروع الإنتاج، يتعاظم التطبيق الصارم لهذا القانون الاقتصادي للأجور. 6. ما هي الطبقات الكادحة التي وجدت قبل الثورة الصناعية؟ عرفت الطبقات الكادحة مختلف الظروف واحتلت مواقع متباينة في مواجهة الطبقات المالكة والمسيطرة وذلك لاختلاف مراحل تطور المجتمع. وقديما كان الكادحون عبيدا للمالكين مثلما يزال الحال في عدد كبير من البلدان المتخلفة وحتى في القسم الجنوبي من الولايات المتحدة الأمريكية. وفي القرون الوسطى كان الكادحون هم الأقنان الذين تملكهم الأرستقراطية العقارية كما هو حتى الآن في المجر وبولونيا وروسيا. وعرفت المدن طوال القرون الوسطى وحتى قيام الثورة الصناعية ما يسمى بـ "الصناع" الذين يعملون تحت إمرة حرفيين بورجوازيين صغار. ومع تطور المانيفاكتورة، برز شيئا فشيئا العمال الذين أصبحوا يشتغلون فيما بعد لدى كبار الرأسماليين. 7. بما يتميز البروليتاري عن العبد؟ في حين يُباع العبد دفعة واحدة، يتعين على البروليتاري أن يبيع نفسه كل يوم، بل كل ساعة. والعبد بمفرده هو على ملك سيّد واحد تقتضي مصلحته ذاتها أن تكون معيشة عبده مضمونة مهما كانت يائسة وحقيرة. أما البروليتاري بمفرده فهو تحت تصرف الطبقة البرجوازية بأسرها إن صح التعبير. فمعيشته ليست مؤمَّنة لأن عمله لا يتم شراؤه إلا عندما تكون ثمة حاجة إلى ذلك. وهكذا لا يكون وجود الطبقة العاملة مضمونا و مؤمَّنا إلا بصفتها طبقة بمجملها. في حين لا يعرف النظام العبودي المنافسة، يوجد البروليتاري في صميمها. وهو بالتالي يعاني من كل تقلباتها. وبينما يُنظر إلى العبد كبقية الأشياء، لا كعضو في المجتمع المدني، يُعتبر العامل كائنا بشريا وعضوا في المجتمع. لذا قد يكون للعبد عيشة أفضل من العامل لكن هذا الأخير ينتمي إلى مرحلة أرقى من مراحل تطور المجتمع ويجد نفسه بالتالي في منزلة أرقى بكثير من منزلة العبد. ويتم تحرير العبيد بمجرد القضاء على علاقة واحدة فقط: ألا وهي العلاقة العبودية من بين جميع علاقات الملكية الخاصة مما يسمح له بالتحول إلى أكثر من عامل. أما البروليتاري نفسه فإنه لن يحرر إلا بالقضاء على الملكية الخاصة بوجه عام. 8. بماذا يتميز البروليتاري عن القن؟ يتمتع القن بأدوات إنتاج وقطعة أرض صغيرة مقابل تسليم "سيده" حصة من محصوله أو القيام ببعض الأعمال المعينة بينما يشتغل البروليتاري بأدوات إنتاج هي على ملك شخص آخر ولحساب نفس ذلك الشخص ومقابل حصة معينة من الإنتاج. فالقن يعطي والبروليتاري يأخذ. معيشة القن مؤمَّنة، في حين ليس للعامل أي ضمان في معيشته. القن يوجد خارج علاقات المنافسة، أما البروليتاري فإنه يقع في صميمها. ويمكن للقن أن يتحرر: – إما باللجوء إلى المدن متحولا فيها إلى حرفي. – إما بتقديم المال لسيده عوضا عن المحصول والعمل المطالب بهما متحولا بذلك إلى مزارع حر. – أو بطرد سيده الإقطاعي متحولا هو نفسه إلى ملاك إقطاعي. وبإيجاز يصبح القن منتميا إلى الطبقة المالكة ومنخرطا في دائرة المنافسة، في حين ليس للبروليتاري من أمل في التحرر إلا بالقضاء على المنافسة ذاتها والملكية الخاصة وجميع الفوارق الطبقية. 9. بماذا يتميز البروليتاري عن الحرفي؟ في الورشات الحرفية القديمة، لم يكن الحرفي الشاب أكثر من عامل مأجور حتى بعد أن ينهي فترة تدريبه. لكنه يتحول بدوره إلى معلم بعد عدد معين من السنوات. هذا في حين أن البروليتاري يبقى عاملا مأجورا طوال حياته. الحرفي قبل أن يصبح معلما يكون زميلا للمعلم يعيش في بيته ويأكل على مائدته. أما العلاقة الوحيدة بين البروليتاري والرأسمالي فهي مجرد علاقة مالية. الصانع في الورشة الحرفية ينتمي للفئة الاجتماعية ذاتها التي ينتمي إليها معلمه ويشاركه عاداته وتقاليده، بينما البروليتاري يفصله عن الرأسمالي عالم كامل من التمايزات الطبقية. إنه يعيش في بيئة أخرى ويتبع نمط حياة يختلف جذريا عن نمط حياة الرأسمالي وتختلف مفاهيمه عن مفاهيم الرأسمالي. ثم إن الحرفي يستخدم في عمله أدوات تكون عادة على ملكه أو يسهل عليه امتلاكها إن شاء ذلك، أما البروليتاري فهو يشتغل بآلة أو جزء من آلة ليست ملكا له ويستحيل عليه امتلاكها. الحرفي ينتج بضاعة كاملة في معظم الأحيان وتلعب مهارته في استخدام أدواته دائما الدور الحاسم في إنتاج هذه البضاعة، أما البروليتاري فهو لا ينتج في أغلب الأحيان سوى جزء صغير من آلة أو جهاز، أو يساهم فقط في أداء عملية جزئية من مجمل العمل اللازم لإنتاج هذا الجزء، وتأتي مهارته الشخصية في المرتبة الثانية بعد عمل الآلة. وغالبا ما تكون الآلة – على كل حال – أجدى منه من حيث كمية المنتجات أو تركيبها. الحرفي – تماما مثل معلمه – محميّ من المنافسة طوال أجيال عبر القيود الحرفية والأعراف السائدة، بينما العامل مضطر إلى التضامن مع زملائه أو الالتجاء للقانون حتى لا تسحقه المنافسة. ذلك أن الفائض في اليد العاملة يسحق العامل لا سيده الرأسمالي. الحرفي – مثله مثل معلمه – كائن محدود، ضيق الأفق، خاضع للعصبية الفئوية وعدو لكل ما هو جديد، بينما العامل في المقابل مضطر لأن يضع نصب عينيه في كل لحظة التعارض الكبير بين مصالح طبقته ومصالح الطبقة الرأسمالية. عند العامل، يحل الوعي محل العصبية الفئوية فيدرك أن تحسين أحوال طبقته لا يتم إلا بتقدم المجتمع بأسره. الحرفي – في نهاية الأمر – محافظ ورجعي حتى عندما يتمرد بينما العامل مجبر باطراد على أن يكون ثوريا. إن أول تقدم اجتماعي تمرّد عليه الحرفيون هو بروز نظام المانفكتورة، الذي يتمثل في إخضاع الحرفة – بما فيها المعلم والصانع – لرأس المال المرابي (المركنتلي) الذي انقسم فيما بعد إلى رأس مال تجاري ورأس مال صناعي. 10. بماذا يتميز العامل عن عامل المانيفاكتورة؟ كان عامل المانفكتورة منذ القرن الثامن عشر لا يزال يملك أدوات عمله: نول الحياكة ومغزله العائلي وحقل صغير يزرعه أثناء أوقات فراغه. أما العامل فلم يكن يملك أي شيء من ذلك. ويعيش عامل المانيفاكتورة بصفة دائمة تقريبا في الريف ويرتبط بعلاقات أبوية مع الملاك الإقطاعي و صاحب العمل، بينما يعيش العامل في المدن الكبرى ولا تربطه بالرأسمالي سوى علاقة مالية صرفة. وتقوم الصناعات الكبرى بانتزاع العامل المانيفاكتوري من علاقته الأبوية فيخسر ما تبقى له من ملكية صغيرة متحولا بذلك إلى عامل. |
اقتباس:
و بهيك حالي فيك تاخدا بدون ثورة مسلحة لأنو الفكرة من ضرورة الثورة أنو الرأسمالي ما رح يتنازل عن أموالو ببلاش هوي و مبسوط فبرأيي فيننا نستغني عن الثورة المسلحة و ذلك بقيام الدولي الاشتراكيي بشراء ممتلكاتو و إعطاءها للعمال |
اقتباس:
كلامك حلو بس ما استفدنا شي يعني اذا كان مع العمال مصاري تشتري معامل الراسمالي ليش ما يعملوا مصنع و يضاربوا ع مصنعو؟ المشكلة يا حسون انو العمال ما معا مصاري، يعني منين بدها تجيب تعويض الراسمالي؟ هلأ تجي تقلي بالتقسيط كمان ما رح يمشي الحال لأنو رح يكون التقسيط متل الارباح يللي عم يقبضها، و لا تنسى انو في شي اسمو اهتلاك و عمر الآلة يعني من وقت ما يبلشوا يقسطولو المبلغ لوقت ما يخلص بتكون تختخت الآلات و صارت للكب يعني بتكونوا خدمتوا للراسمالي خدمة العمر فكرة التعويض مانها زابطة متل ما وضحتلك فوق |
اقتباس:
|
حسون مين قلك انو الحكومة بيكون معها مصاري لتشتري معاملها و مصانعها
قيمة الأملاك بالدولة و المبادلات التجارية "يمكن بيوم واحد فقط" بالدولة بتفوق بأضعاف ميزانية الدولة.. و بركي صاحب المصنع ما بدو يبيع؟ حسون انت فحصك مو بعد شي اسبوع؟ يلعن اخت البروليتاريا خلص فحصك اول شي و تعى لسا محضرلك مفاجآت :wink: |
أبو نهلة شكرا عالمقتطفات .....
السؤال لساتو خاي من هم العمال؟ شيلك من التنظير هلأ ( ما عم قول انك عم تنظر شريك... عم احكي بشكل عام !!) .... هلأ الحكي بالمشرمحي : العامل بس أبو شاكوش و مفتاح رنش ... يعني أنا بعد عمر طويل بس أخلص دراسة و بدي اشتغل شو وضعي ؟؟ رأسمالي؟ المبادئ الاشتراكية كلها حلوة , وواقعية , و لهالسبب أنا مؤمن بها, عم يصير أنو شغلات واضحة عم يتعفس بالتطبيق ( هلأ بيقولو شو عم يحكي هالأهبل؟؟ أي صح عم بخبص)... المعنى : لما نقول الحكم للعمال : بدي تعريف واقعي للعمال... اذا اعتبرنا العمال هم الناس اللي عملهم هو مصدر رزقهم ( هاد مفهومي للعمال) فهالكلام حلو كتير, الكلمة للعامل لأنو هوي اللي عم ياكل هوا.. أما منطق أنو طبقة عاملة=اجباري طبقة فقيرة .......... أي مو معقول هالحكي, لأنو اذا بدك تنطلق من هالمبدأ كل العمال راح يظلو فقراء للأبد ............ لأنو هيك تكون شيوعية... لأ خاي ! بعد كل هالمونولوج أنا متأكد أنو مافي حدا فهم علي ........... راح احاول اشرح فكرتي بشكل أفضل لاحقا !! |
ياس
لا أنا فهمت عليك أبومارل وأنا ايماني بالاشتراكية قريب كتير من هالحكي .. بس ما عم بعرف عبر .. مشكور كتير ..
|
اقتباس:
و بالنسبي لصاحب المعمل يلي ما بدو يبيع فما عكيفو لأنو القانون بالنظام الاشتراكي بيمنع الملكيي الخاصة و بالتالي بدو يبيع غصب عنو متل ما المجرم بروح عالسجن غصب عنو لأنو الرأسماليي سرقة و السرقة جريمي و المجرم لازم يتعاقب |
حسون مرحبا
اقتباس:
ضروري انو تجبرو ع البيع؟ أديش اقوى انو الدولة تعمل معامل للعمال يقوموا يبطلوا يشتغلوا عند الراسماليين و ساعتها بيفلسوا اقتباس:
اذا انا كنت شاطر (بلشت من الصفر) و اخدت قرض من شي بنك و عملت معمل و صرت اشتغل ليل مع نهار و بالآخر صار معي مصاري كتير و كنت دايما منيح مع العمال يللي عندي بالمعمل تبعي (لحتى يمشولي الشغل مزبوط) ممكن تدلني وين الجريمة يللي ارتكبتها بنظرك؟ هلأ صارت الشطارة و التفاني بالعمل جريمة؟ اي لا تستغرب لكان كيف انهارت الانظمة الاشتراكية كلها و رح تضل تنهار (هي اذا افترضنا انو رح ترجع تنبنى) الفكرة انو الفرد او مجموعة من الافراد بيقدروا يتفقوا و يعملوا شغل اكتر بكتير من الدولة لأنو الدولة حتما بدو يكون فيها نظام بيروقراطي مشان هيك الدول الراسمالية لحتى تقضي ع البيروقراطية تركت الامور الاقتصادية (إلا بالحالات الاستثنائية) بدون ما تدّخل فيها |
اقتباس:
أما منشان السؤال التاني فبكفي أنك تقبض أكتر من العامليلي عم بيتعب أكتر منك لتكون عم بتسرقو و متل ما سبق و قلت السرقة جريمي |
اقتباس:
يعني كتر خير الدولة يللي ما خلتو يسرق بس شو بيعمل بعدين ؟ بيحطهم بالبنك و بيتحول من رأسمالي لمرابي؟ اقتباس:
يعني لأنو اسمو عامل بيكون تعيب اكتر مني؟ بعدين لا تنسى انو اذا فلس المعمل تبعي انا رح اقعد بالبيت بلا شغل اما العامل يللي عم يشتغل عندي بكل بساطة رح يشتغل عند غيري هي لوحدها بتخليني دايما فكر انو جمع شوية مصاري لليوم الاسود شوف لقلك انا شبه مدير بمكتب و تحت ايدي 4 موظفين بس مشان ريح ضميري رح طالع فرمان عين كل واحد فيهم مدير شكل و رح اعتبر حالي الموظف الوحيد يللي بالمكتب بعدين مرة مرضت (بتصير باحسن العائلات) و انبطحت بالفرشة يومين تالت يوم نزلت ع الشغل لقيت القيامة قايمة و الزباين عم يولولوا و الموظفين فايتين بميت حيط و اضطريت ضل يومين عم زبط يللي خربوه قصدي انو لو ما كنت بشارك صاحب المكتب بالارباح كنت ما رح اهتم بالشغل كتير و رح اشتغل من قفا ايدي متل ما عم يشتغلوا موظفين القطاع العام بس مو معقول خلي موظف شغلتو يرد ع التلفون ما بيعرف يحكي كلمتين مع الزباين يشاركني تعبي و لو كان عندي وقت للشغلات البلا طعمة يللي عم يعملها هوي كنت اصلا ما وظفتو |
اقتباس:
و منشان سؤالك التاني فالعامل ما عم بيحط برغي العامل عم بموت ميت موتي كل يوم منشان إبن ال###### الرأسمالي يعيش مبسوط و بقيت الحكي يعني لا تزعل حسيتو حكي ما بودي و لا بيجيب يعني حكي فاضي و ما رح رد عليه |
اذا بدك تجي على الحقيقة... فالرأسمالي بالنهاية هو موظف عند موظفيه.. و ليس عند موظفيه فقط.. بل موظف عند كل الشعب.. و كل من يشتري و يستخدم منتجاته و كل من يعمل معه
لانه في اللحظة التي تقرر فيها "الموضة" ان هذا المنتج لم يعد جيدا و لم يعد جميلا... و في اللحظة التي يدخل فيها رأسمالي جديد على السوق... فعلى الرأسمالي أن يبدأ بالبحث عن منتج جديد.. و عن تكنولوجيا جديدة أسرع و أخف و أجمل لترضيك و لترضي غيرك. قد ينخرب بيت الرأسمالي بين يوم و ليلة.. و لكن العامل بيحمل حالو و يعمل في مصنع الرأسمالي المنافس الرأسمالية تعني ان يتنافس الرأسماليون في السوق لإنتاج أفضل المنتوجات و أرخصها سعرا.. المنافسة تدمر الربح... عدو الرأسمالية اللدود هو روح الرأسمالية... و هو بنفس الوقت ما يدفعها لمزيد من الإنتاج و التطوير. هناك شخص سيجلس كل يوم ليتخذ قرارات.. عن كمية الإنتاج .. عن نوعيتها.. عن التسويق.. عن الأجور.. عن التكاليف.. هذه الأسئلة اليومية الصعبة لن يجاوب عليها بصدق و اهتمام سوى صاحب العمل الحقيقي... لأنه هناك عامل مهم جدا جدا يلعب في هذا الموضوع.. هو عامل المخاطرة... الرأسمالي يوازن بين المخاطرة المتعلقة باتخاذ القرار الفلاني.. و بين الفائدة الناتجة عن هذا القرار... بينما لو كان مدير المصنع هو الدولة.. فما هي العوامل التي تجعل هذا المدير يسهر الليالي هو و طاقمه و شركاؤه حتى يختاروا القرار الصحيح؟؟ أين هي الخطورة التي يواجهوها التي ستحفزهم على اتخاذ افضل قرار؟ كل ما عليه هو إصدار قرار و يوقع عليه شخص اخر أعلى منه ثم يوقع عليه شخص اخر و هذه هي القصة.. و اذا طلع القرار فاشل تفلس الدولة و نأتي إلى آخر العام و نلاحظ عجز في الميزانية و نبدأ بملاحقة السارقين و المدراء الفاشلين! يا حسون كنظام اقتصادي, النظام الشيوعي و الإشتراكي فاشل و شبعان فشل... لا تحاول أصلا من قال ان العمال يموتون كل يوم في المعامل؟؟ :shock: العمال الوحيدون الذي نسمع بأنهم يموتون هم العمال في مناجم روسيا و الصين... حيث الاستهتار... حيث يوقع المدير على ورقة ثم يعطيها لغيره ليوقع عليها و ينزل العامل إلى المنجم... و بعد ان يمت و يختنق و بعد سنة كاملة من التحقيق عن من وقع على هذه الورقة و من بصم على تلك الورقة... يمكن ان تعثر على المسؤول المستهتر... و الله يستر ما يطلع شي مسؤول من أصحاب النفوذ عندها تعال و حصل حقك يا حسون بينما المعامل الحديثة و الشركات الحديثة تتبع اخر القوانين المتعلقة بالأمان و النظافة و الحداثة.. ببساطة العامل الذي لا يشعر بالراحة و هو يعمل لهذا الرأسمالي يمكنه الذهاب إلى شخص آخر... بالنهاية سيخسر الرأسمالي عماله و ستكون إحدى أولوياته هي خلق جو عمالي نظيف و إبداعي و آمن و مريح... هذه جزء من المنافسة. كما يتنافس الرأسماليون على المنتج الأفضل... أيضا يتنافسون على جوائز أفضل مكان و بيئة عمل و أفضل معاملة للعمال... و عندما ياتي رأسمالي جديد يمكنه ان يدفع أكثر للعامل على الساعة... فسترى العمال يتركون الشركة القديمة و يذهبون إلى الجديدة... و من الخاسر؟ الرأسمالي فما تخاف على العمال... في الدول الرأسمالية المتطورة حيث يوجد حرية الصحافة و الإعلام القوي الصريح.. لا يوجد أي شركة تريد ان تنشح عرضها الصحافة انها تستعبد عمالها او تدعهم يموتون!!... هذا كلام أطفال اللهم أبعد الشيوعية عن بلادنا يا رب و فتح عقل شبابنا حتى يفهموا مصلحتهم و يتركوا الأفكار الستالينية القديمة :angel: |
أنك تقلي أنو ألرأسمالي موظف عند عمالو هوي عبارة عن تخبييييييص
و أنا لما قلت العامل عم بموت ما قصدي عم بموت يعني عم بوقف قلبو قصدي أنو عم يتعب كتير منشان المعمل و أنا ماني استاليني أو المشكلي أنو الله ما رح يحققلك طلبك لأنو ما في الله |
اي شو يعني اذا عم يتعب... شو عم يشتغل ببلاش لما كيف؟ كل الناس عم تتعب و كل واحد بيحصل حسب دراسته و ذكاه... هاي قمة العدل الإجتماعي
|
| الساعة بإيدك هلق يا سيدي 20:31 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون