أخوية

أخوية (http://www.akhawia.net/forum.php)
-   السقيفة (http://www.akhawia.net/forumdisplay.php?f=58)
-   -   حزورة : ما الفرق بين الله والتنين والغول ؟ (http://www.akhawia.net/showthread.php?t=50015)

BLaCK SCoRpiON 19/08/2006 03:50

اقتباس:

كاتب النص الأصلي : نيفين
مرحبا
شكرا لموضوعك لانه مهم كتير وفتح عدة بواب للنقاش

الله ... التنين.... الغول.....

هؤلاء الثلاثة اخترعهم الانسان مجرد فكرة

لكن للأسف تلك الفكرة الوردية قد لا تطول للأبد

حيث سيكتشف العلم أيضاً ما تعجز عقولنا عن إدراكه الآن





ترى انو انا عجزت لاقي الحل :shock: :shock: :shock:
بس عجبني ردك :D :D :D

abu alameer 20/08/2006 11:34

استغفر الله العظيم
واشهد انه لا اله الا هو القوي المنتقم الجبار

وبعدين
المقارنة عادة بتكون بين اشياء ممكن نقارنها ببعض يعني شو الفرق بين الاستاذ انا بذاتو والحما...
بنقول التنين اغبى من بعض مع احترامنا طبعا للحما...
اما المقارنة بين اشياء ما اله علاقة ببعض فهاد اسمه استخفاف بالعقول
يعني انا ما بقدر اقول شو الفرق بين الحمار والطنجرة مثلا

هاي بس للتوضيح يعني

أنا_بذاتو 20/08/2006 13:02

اقتباس:

كاتب النص الأصلي : عاشق الريم
قال المولى عز وجل



((سُبْحَانَ رَبِّ السَّمَاوَاتِ وَالْأَرْضِ رَبِّ الْعَرْشِ عَمَّا يَصِفُونَِ))


احتراما لشخصيتك اخي بس اتمنى ان اعرف ديانتك ومن ثم يكون لي رد بسيط

وأنا أتمنى لو سمحت أن يكون النقاش في الموضوع لا في معتقدات واضعه.

وتحياتي لأسلوبك الرايق :D

أنا_بذاتو 20/08/2006 13:11

اقتباس:

كاتب النص الأصلي : عمار المالكي
شو الفرق بيننا وبين الأوربيون الفرق هو هذا العلاك المصدي اللذي لايغني ولايفني
كل ها التخلف يلي نحنا فيه وعم ندور على أشياء سخيفة نضوع وقتنا فيها
عيب ياشباب عيب

هالعلاك المصدي هو اللي بدأ الأوربيون الذين تستشهد بهم، بمناقشته علناً منذ أكثر من 300 سنة بكل حرية وبدون نرفزة.

فخدلك كمان هالوردة :D وروّق.

أنا_بذاتو 20/08/2006 13:22

اقتباس:

كاتب النص الأصلي : LEONARDO
الفكرة يللي ( يمكن ) عم يحاول ( أنا بذاتو ) يوصلها انو الايمان فينا تعتبروا مرتبط بالبيئة أو بالمكان أو بالزمان أو بعدة أشياء تانية ( وأنا مقتنع بهالشي ) فلما الواحد بوصل لهالنتيجة بصير يسأل حالو عن الله و عن المسيح و عن محمد و عن الغول و عن التنين و عن هادا الكون .

خلونا نعمل تجربة:
ولد و من وقت يوم ولادتوا الأول كان أهلوا يعلموا و يربوه انو في شي اسمو ( بطيخة ) و هاي البطيخة هيي الاله و هيي الأمر الناهي و هيي و هيي .............الخ.فالولد لما يكبر رح يضل معتقد انو هاي البطيخة هيي الله و لما رح يصلي رح يصلي الها و طبعا متلوا متل أي شخص رح يرتاح من جواتو و بنفس الوقت بعض الأشياء يللي رح يصليلها رح تظبط و بعضها لأ يعني عمليا متلو متل كل المؤمنين بغض النظر عن الدين أو نوع الاله.

كلامك معقول جداً خيي ليوناردو وهو بيستاهل مناقشة مطوّلة مع من يرى عكس ذلك فأين المناقشون المطولون ؟

أنا_بذاتو 20/08/2006 13:34

اقتباس:

كاتب النص الأصلي : إنسان وبس
يا جماعة في متل بقول الله ما انشاف بس بالعقل انعرف، هلأ اللي عندو عقل رح يعرف الله واللي ما عندو يروح يشتري عقل :lol:

يا خيو إنسان فيه متل تاني بيقول : "إذا كان حبيبك تور (ثور) لبسلو أحمر" مع أن التور ما بيميز الأحمر عن الأخضر عن الأصفر شنو التور وحرمه وعائلته كلهن ما بيقدرو يميزوا الألوان وكل شيء بيشوفوه بالأبيض والأسود.

العبرة مما ورد فوقاه هي أن الإنسان لا يستطيع الاعتماد دائماً على الأمثال لأنها تمثل خبرة الأجيال السابقة وهالخبرة ممكن الأجيال اللاحقة تكتشف إنها غلط وتحاول تصححها ولا شو قولك إنت ؟

أنا_بذاتو 20/08/2006 21:22

اقتباس:

كاتب النص الأصلي : leoprad
الغول و التنين مو موجودين بالواقع !
اللهم عند الأطغال لأنو بنخوفهم فيهم ((انتو اطفال شي؟))

الله كمان يا رفيق leoprad منخوف فبه الصغار والكبار كمان. لكن باستثناء "ألولو" كيف بنقدر نعرف أنو الغول والتنين غير موجودين بالواقع وأن الله هو الموجود فيه ؟

أنا_بذاتو 20/08/2006 21:34

اقتباس:

كاتب النص الأصلي : leoprad
هلق في معلومة مرة شفتها على التلفاز
طارق سويدان شو كان عم يقول :
قارن نفسك مع الغرفة اللي انت قاعد فيها ((يعني قديش حجمك بالنسبة للغرفة و بعدين قارن حالك بالبناية و الشارع و الحارة و بعدين شوف قديش انت صغير كحجم بالنسبة لمحافتك و من ثم بلدك و القارة و الأرض . يعني انت و لا شي بالنسبة للكرة الأرضية , طيب مهي الكرة الأرضية أصفر من الشمس بشي مية مرة و الشمس جزء من المجموعة الشمسية اللي هي ولا شي بدرب التبانة (مجرتنا) و درب التبانة عبارة عن لاشيئ مقارنة بملايين المجرات بالسماء الأولى ((و بعديييين))؟ و السماء الأولى في منها شي كذا سماء مجموعين ليشكلو السماء التانية و اللي كم وحدة منها بشكلو السماء التالتة و هكدا حتى السماء السابعة ((عم تتخيلو قديش حجمكن بالنسبة للسماء السابعة )) و لمعلوماتكم كل هاي السماوات بقبضة الرحمن ((الله))
فهلق قديش حجمكم بالنسبة ل لله
و كل واحد بيقعد ياكل هوا و يزت نكت يمين و شمال عن رب العالمين

يا خيي leoprad هدا صاحبك طارق سويدان أخفى عنك في كلامه هذا أنه يخلط عباس بدباس.
أما عباس فهو يعني أنو طارق قاعد يخلط بين الأمور والمكتشفات العلمية كالقارات والكرة الأرضية والشمس وشلتها ودرب التبانة والمجرات من جهة وبين فرناس اللذي هو هذه السموات السبع وما إلى ذلك مما لا علاقة لها بالعلم ومكتشفاته لا من قريب ولا من بعيد.

بكلام آخر، عندما نخلط العلم باللاعلم ممكن ببساطة أن نستنتج ما نريد كأن نقول أن لون البرتقال برتقالي لأن عنترة يلعب البلياردو !
اقتباس:

كاتب النص الأصلي : leoprad
هلق في معلومة مرة شفتها على التلفاز
و بنفس الوقت بتلاقي اذا شاف شي واحد من هدولي أبو عضل بشخ بتيابو و بيتخربط وجهو و بيعبدو بعد شوي
فهادا اللي حاطط الحزورة (( ****فيك)) :gem:

برافو عليك يا بطل.

أنا_بذاتو 20/08/2006 21:44

بما أن الكثير من الرفاق والرفيقات هنا يستغربون أو لايجدون وجه للتشابه بين الله وبين التنين والغول، إليكم أهم وجه لهذا التشابه وهو أنهم جميعاً عبارة عن معتقدات آمن ويؤمن بها الناس في أماكن أو في أعمار مختلفة.

على فكرة، وجه التشابه هدا هو جزء من حل الحزيرة هه.

طيب هلق بعد ما عرفنا أهم ما يجمع هذه الكائنات، فما الفرق بينها يا ترى ؟

amal aya 20/08/2006 21:54

يا اخي اتق الله في نفسك حسبي الله ونعم الوكيل فيك يا.......... واسغفر لربك وتب اليه قبل ان ياتي يوما لاتنفع فيه حسرة ولا ندامة."الم تروا ان الله سخر لكم ما في السموات وما في الارض واسبغ عليكم نعمه ظاهرة وباطنة ومن الناس من يجادل في الله بغير علم ولا هدى ولاكتاب منير"صدق الله العظيم سورة لقمان الاية20

أنا_بذاتو 20/08/2006 22:04

اقتباس:

كاتب النص الأصلي : نيفين
مرحبا
شكرا لموضوعك لانه مهم كتير وفتح عدة بواب للنقاش
الله ... التنين.... الغول.....
هؤلاء الثلاثة اخترعهم الانسان مجرد فكرة
لكن للأسف تلك الفكرة الوردية قد لا تطول للأبد
حيث سيكتشف العلم أيضاً ما تعجز عقولنا عن إدراكه الآن

تسلمي يا نيفين على هالمداخله المهمة لأنها تتطرق لكلمة مهمة في حزورتنا وهي كلمة "فكرة" للتعبير عن الكائنات الثلاثة.
فالإنسان يؤمن بالكثير من الأفكار لمجرد أنها تناسبه أو تساعده أو تخفف عنه مصاعب الحياه كإيمانه سابقاً بفكرة أن الشمس هي التي تدور حول الأرض الثابتة وإيمانه بفكرة الطفل ينشأ من نطفة الرجل وأن المرأة ليست إلا وعاء أو قارورة لاحتواء هذه النطفة الثمينة ... الخ

الإنسان يعيش في عالم من الأفكار التي يختار منها ما يناسبه بحسب مكان ولادته واستقلالية تفكيره واطلاعه وأشياء كثيرة أخرى ومن ثم يؤمن بهذه الأفكار حتى لو ثبت له بطلانها لأنه يتخوف من العيش بدونها.

أنا_بذاتو 20/08/2006 22:20

اقتباس:

كاتب النص الأصلي : Fady007
اعتقد انه التلاته بالمفهوم العلمي النفسي لا وجود لهما

لكن من وجهة نظري
ان التلاته بنسمع عنهم ولا نراهم

لكن الله ممكن نسمع عنه ونسمعه في نفس الوقت
ياريت يكون وجهة نظري اتفهمت

بالمفهوم العلمي النفسي معك خيي فادي بوند، بس كمان بحسب هذا المفهوم هناك ما يُسمّى بالهلوسة حيث يمكن للمرضى النفسيين أن يسمعوا ويروا أصوات لكائنات موجودة أو غير موجودة، تحدثهم وقد تقول لهم ما يجب عليهم فعله.
لذلك فالمجتمع يدخلهم المصحات والمشافي النفسية للعلاج !

يناءاً على ذلك فما هو برأيك موقف هذا المفهوم العلمي النفسي، من كل "الأنبياء" لو أنهم ولدوا في أيامنا هذه ؟




عاشق الريم 21/08/2006 01:47

اقتباس:

كاتب النص الأصلي : أنا_بذاتو
وأنا أتمنى لو سمحت أن يكون النقاش في الموضوع لا في معتقدات واضعه.

وتحياتي لأسلوبك الرايق :D

تحياتي لك اخي

وطبعا اكيد يفترض كل واحد يقول رأيه بكل حريه لكن في بعض الاشخاص تعاملوا بالرد بطريقة السخرية وهالشي مفروض وليست طريقة للنقاش وبالنسبه لي ماكان لي ان ارد على الموضوع لكن يمكن يكون عندي فكره ممكن اوصلها للبعض

وطبعا ليس هناك اي مقارنة واحب اضيف بعض مقتطفات اقتبستها من احد الكتب تحملني شوي واسف اذا كانت طويله


كان صديقنا الدكتور واثقا من نفسه كل الثقة هذه المرة وهو يلوك بالكلمات ببطء ليلقي بالقنبلة – كيف يعذبنا الله وهو الرحمن الرحيم على ذنب محدود في الزمن بعذاب لا محدود في الابد (النار خالدين فيها أبدا)ومن نحن وماذا نساوي بالنسبة لعظمه الله حتى بنتقم منا هذا الإنتقام .. وما الانسان الا ذرة أو هبأة في الكون وهو بالنسبة لجلال الله أهون من ذالك بكثير ... بل هو لا شيء بعينه.



ونحن نصحح معلومات الدكتور وفنقول:



أولا – أننا لسنا ذرة ولا هبأة في الكون .. وان شأننا عند الله ليس هينا بل عظيما ..ألم ينفخ فينا من روحة .. ألم يسجد لنا الملائكة .. ألم يعدنا بميراث السموات والأرض ويقول عنا:

(ولقد كرمنا بني آدم وحملناهم في البر والبحر ورزقناهم من الطيبات وفضلناهم على كثير ممن خلقنا تفضيلا)


ان فينا إذا من روح الله.


ونحن بالنسبة للكون لسنا ذرة ولا هبأة .. اننا نبدو بالنظر الى أجسادنا كذرة أو هبأة للكون الفسيح الواسع.
ولكن الا نحتوي على هذا الكون ونستوعبه بعقلنا وندرك قوانينه وأفلاكه ونرسم لكل كوكب مداره .. ثم ينزل رائد الفضاء على القمر فيكتشف أن كل ما استوعبناه بعقلنا على الأرض كان صحيحا .. وكل ما رسمناه كان دقيقا.
ألا يدل هذا على أننا بالنظر الى روحنا أكبر من الكون واننا نحتوي عليه .. وان الشاعر كان على حق حينما خاطب الإنسان قائلا:

وتحسب انك جرم صغير ... وفيك انطوى العالم الاكبر.

وان الانسان كما يقول الصوفية هو الكتاب الجامع الكون صفحاته.

اذن فالانسان عظيم الشأن كبير الخطر.

وهو من روح الله.
وأعماله تستوجب المحاسبة.


أما عن الذنب المحدودفي الزمان الذي يحاسبنا الله عليه بعذاب لا محدود في الأبد .. فمغالطة أخرى وقع فيها الدكتور العزيز الواثق من نفسه.

فالله يقول عن هؤلاء المخلدين في النار حينما يطلبون العودة الى الدنيا ليعلموا غير ما عملوا .. يقول سبحانه:

(ولو ردوا لعادوا لما نهوا عنه وانهم لكاذبون) 28- الأنعام

أي ان ذنبهم ليس ذنبا محدودا في الزمان .. بل هو خصله ثابته سوف تتكرر في كل زمان .. ولو ردوا لعادوا الى ذنبهم وانهم لكاذبون.
هي اذن صفه مؤبدة في النفس وليست سقطة عارضة في ظرف عارض في الدنيا.
ويقول عنهم في مكان آخر:
(يوم يبعثهم الله جميعا فيحلفون له كما يحلفون لكم ويحسبون انهم على شي .... الا انهم هم الكاذبون) 18-المجادلة

هنا لون اخر من الإصرار والتحدي يصل إلى انهم يواجهون الله بالكذب والحلف الكذب وهم بين يديه يوم الموقف العظيم يوم يرفع الحجب وينكشف الغطاء.. وهذا غاية الجبروت والصلف.

ولسنا هنا أمام ذنب محدود في الزمان.


بل أمام ذنب مستمر في الزمان وبعد ان يطوى الزمان وكل زمان .. نحن هنا امام نفس تحمل معها الشر الأبدي.

ومن هنا كان تأبيد العذاب لهذه النفس عدلا.
ولهذا تقول عنهم الآية في صراحة:



(وما هم بخارجين من النار) 167-البقرة
ويقول ابن عربي:ان الرحمة بالنسبة لهؤلاء انهم سوف يتعودون على النار .. وتصبح تلك النار في الآباد المؤبدة بيئتهم الملائمة.

ولا شك ان هناك مجانسة بين بعض النفوس المجرمة وبي النار.. فبعض تلك النفوس هي في حقيقتها شعلة حسد وحقد وشهوة وغيرة وغل وضرام من الغضب والنقمة والثورة والمشاعر الاجرامية المحتدمة وكأنها نار بالفعل.

مثل تلك النفوس لا تستطيع ان تعيش في سلام .. ولا تستطيع ان تعيش ساعة دون ان تشعل حربا حولها.. ودون ان تضرم حولها النيران .. لان النيران هي بيئتها وطبيعتها.
ومثل تلك النفوس يكون قرارها في النار هو الحكم العدل ويكون هذا المصير من قبيل وضع الشيء في مكانه ..فلو أنها ادخلت الجنه لما تذوقتها.
ألم تكن ترفض السلام في الارض ؟
وينبغي ان نفهم النار والجنه في الآخرة فهما واسع الافق.. فالنار في الآخرة ليست شواية. وليس ما يجري فيها هو الحريق بالمعنى الدنيوي فالله يقول ان المذنبين في النار يتكلمون ويتلاعنون وان النار فيها شجرة لها ثمر .. هي شجرة الزقوم التي تخرج من أصل الجحيم .. كما ان فيها ماءاحميما يشرب منه المعذبون.
مثل تلك النار التي فيها شجرة وفيها ماء ... ويتكلم فيها الناس لابد انها نار غير النار:

(كلما دخلت أمة لعنت أختها حتى إذا أداركوا فيها جميعا قالت أخراهم لأولاهم ربنا هؤلاء اضلونا فآتهم عذابا ضعفا من النار قال لكل ضعف ولكن لا تعلمون) 37-38 الاعراف
انهم يتكلمون وهم في النار وهي نار:
(وقودها الناس والحجارة) 24-البقرة
هذه النار اذا من قبيل الغيب.. وما ورد منها إشارات

ولا يجب ان يفهم من هذا الكلام اننا نكر العذاب الحسي ونقول بالعذاب المعنوي .. فان العذاب الحسي صريح لا يجوز الشك فيه ونحن نؤمن بوجوده . وانما نقول ان تفاصيل هذا العذاب وكيفيته .. كما ان كيفية تلك النار وأوصافها التفصيلية .. هي غيب مجهول .. فهيعلى ما يبدو في الاشارات القرآنية .. نار غير النار .. كما ان اجسامنا في تحملها لتلك النار هي غير الاجسام الترابية الهشة التي لنا الآن...

وان التعذيب في الآخرة ليس تجبرا من الله على عباده وانما هو تطهير وتعريف وتقويم ورحمه .

(ما يفعل الله بعذابكم ان شكرتم و آمنتم) 157- النساء
فالأصل هو عدم العذاب .
والله لا يعذب العارف المؤمن وانما ينصب عذابه على الجاحد المنكر الذي فشلت معه كل وسائل الهداية والتعريف والتفهيم.
(ولنذيقهم من العذاب الادنى دون العذاب الأكبر لعلهم يرجعون) 12- السجدة.
سنة الله أن يذيق هؤلاء من العذاب الأصغر في الدنيا لايقاظهم من غفلتهم ولإزعاجهم من هذا الصمم والسبات..(لعلهم يرجعون).

فإذا لم تفلح كل هذه الوسائل .. وظل المنكر على إنكاره لم يبقى إلا مواجهته بالعذاب الحق لتعريفه .. والتعريف بالحق هو عين الرحمة .. ولو أن الله تركهم في عماهم وجهلهم وأهملهم لكان في حقه ظلما.. سبحانه وتعالى عن ذالك علوا كبيرا .. فالعرض على النار بالنسبة لهؤلاء الجهال .. عناية.

وكل أفعال الله رحمة ..
يرحم الجاهل بالجحيم تأديبا و تعليما.
ويرحم العارف بالجنه فضلا وكرامة.

(عذابي أصيب به من أشاء ورحمتي وسعت كل شيء) 156- الأعراف

فجعل رحمته تسع كل شيء حتى العذاب.

ثم دعونا نسأل الدكتور .. أيكون الله أكثر عدلا في نظره لو أنه ساوى بين الظالمين والمظلومين وبين السفاحين وضحاياهم فقدم للكل حفلة شاي في الآخره.
وهل العدل في نظر الدكتور ان يستوي الأبيض والأسود.
وللذين يستبعدون على الله أن يعذب نقول : ألا يعذبنا الله بالفعل في دنيانا؟ .. وماذا تكون الشيخوخة والمرض والسرطان الا العذاب بعينه.
ومن خلق الميكروب..؟!!
اليست جميعها إنذارات بأننا أمام اله يمكن أن يعذب.


اتمنى ان تكون وصلت الفكرة



BLaCK SCoRpiON 21/08/2006 22:05

هلق كاتب كل هل الجريدة مشان توصل فكرا اي قول الي بدك تقولوا من لاول وبلا كل هل الحكي شه :jakoush:


هلق بدنا شو لاختلاف بين هدول :shock:

spam 23/08/2006 16:31

أنا عندى الرد
الله نور السماوات والارض ليس كمثله شىء وهو السميع العليم
أما الباقى فهى حيوانات أشبه ماتكون بأخلاق هؤلاء (لا داعى للتوضيح ) وأعتقد أن مثل هذا السؤال لا يصدر إلا من إنسان (أعتقد أن الوصف أعلى من الموصوف)لايملك أية عقيدة

راديا 23/08/2006 17:04

جماعة لا تصح المقارنة
لانو الله ما منقدر نقارنو باي شي
الله ا كبر
تنين و غول من فصيلة الحيوانات او الهوايش بس
الله لا
للعبادة و بس
ما في مجال يعني ما في مجال
من نفس الجنس يا اما بلا
او شي تاني لا تفوتو الله
بمعياتكن

fernanda bachchan kfoury 23/08/2006 17:07

يي شو هاد بدكن تقارنو الله ببعوشات و الله حرااام
البعوشات مخلوقات الله خالقها و انتو بدكن تقارنو بين الله و البعوشات و الهوايش

يي سبحان الله و لا اله الا الله





====فرناندا كفوري=====

leoprad 24/08/2006 02:11

هوايش
نحنا بحمص منستخدم هاي الكلمة بس نحنا منقول هايشة بدل هوايش

تامل 24/08/2006 02:51

اقتباس:

هذا الكلام سليم إلى حد كبير لكن هناك أيضاً إمكانية أن الإنسان هو من يخلق الأهداف لحياته وهو الذي يعمل ليعطيها الأهمية التي يظن أنها تستحقها.
هذا لان الانسان يتميز عن البقية بميزة التفكير ..فمن اعطاه هذه الميزة ??
لهذا جاءت الرسالات لتعلم من لم يعلم لوحده ان الله موجود او بالاحرى لتعلمهم كيف يستخلفون في الارض .

اقتباس:

مع احترامي لكافة الأخوة و أرائهم النقاش بوجود الله وبفاعليته وانكارهم له جيد جدأ
أهم شئ بكل الأديان السماوية و غيرها انك تكون مؤمن بالاه تبع هادا الدين
وهادا الشئ هالايام و قصدي الايمان صاير اجباري.يعني عيب تقول الله موجود ولا لاء وهادا الخطأ يلي كتير شباب مفكرين عم يدافعوا عن الله وهنن بالعكس عم يكرهو العالم بالله.
الله بتتعرف عليه و انت عم تعيش حياتك وكلما كبرت و صرت واعي بتعرف حاجتك لله .بتعرفو انو العرب كانو يعبدو الله قبل الديانات السماوية وكانو يعتبروا كبير الأله و السبب كان احساسن بوجود
ما هو أكبر من كل شئ و كل الأله الحجرية يلي كانو يعبدوها.
فرجاء من الأخوة يلي بحبو الله ما يفرضوا على البقية اجباري و بطريقة تهكمية وجود الله؟
و على فكرة من مداخلات كتير من الأخوة يدل على فهم لوجود الله من الكتب أو التعليم التواتري
أو عن أفكار كبارهم و هادا مسئ للايمان.
و بالنسبة للحزورة ما لقيتلها حل لأنو ما بيجمعهم شئ حتى يفرقهم شئ؟
سلام
:D

الله محبة و رحمة
قال تعالى في القران الكريم : "والارض بعد ذلك دحاها"
والادحوة هي مبيض النعام .

Ray 24/08/2006 03:26

ya sedee ana ba3reef al 7al :
hala2 wjah al shabah benatoon enoon keloon adrab mn ba3doon w ma byjoomnoon gheer al masayeeb
ama al faree2 benatoon enoo al tneen wel ghoool kan mawjoodeen bel aseel w nkardoo amma allah hada ne7na khtar3na meshan ynakdlna 3eshtna aslan ana hadool al tlatee
keloon ma beshtryoon be frankeen

leoprad 24/08/2006 03:35

شو خيو
زاغو عيوني

Ray 24/08/2006 03:42

la twakhznee bs allah wakelak ma 3andee 3arbee bel keyboard

leoprad 24/08/2006 04:04

و لك انا هيك صار فيني مبارح كمان
اي لا تكتر كتابات منشال نفهم عليك يا غالي

fernanda bachchan kfoury 24/08/2006 11:44

iiiii
 
اقتباس:

كاتب النص الأصلي : leoprad
هوايش
نحنا بحمص منستخدم هاي الكلمة بس نحنا منقول هايشة بدل هوايش

و نحنا عندنا بالجزاير بنقول هايشة ....بس جمع هايشة هوايش ...سهلي كتييير هي و الله




باااااي

hanny dagher 24/08/2006 11:49

اقتباس:

كاتب النص الأصلي : Ray
ya sedee ana ba3reef al 7al :
hala2 wjah al shabah benatoon enoon keloon adrab mn ba3doon w ma byjoomnoon gheer al masayeeb
ama al faree2 benatoon enoo al tneen wel ghoool kan mawjoodeen bel aseel w nkardoo amma allah hada ne7na khtar3na meshan ynakdlna 3eshtna aslan ana hadool al tlatee
keloon ma beshtryoon be frankeen

ترجمة :
يا سيدي انا بعرف الحال :
هلأ وجه الشبة بيناتون انن اضرب من بعضن وما بيجي منن غير المصايب
اما الفرق بيناتون انو التنين والغول كانو موجودين بالاصل وانقرضو اما الله هادا نحنا اخترعنا مشان ينكدلنا عيشتنا اصلا انا هدول التلاتة كلن ما بيتشرين بفرنكين

هادا ترجمي للمكتوب ولا يعبر بالضرورة عن رايي بس حبيت ساويها اسهل

شو مشان كل مرة بقول بدي اقرا هالموضوع وبنسى او بلتهي بشي تاني مبينتو موضوع شيق بدو قعدة

leoprad 24/08/2006 11:55

هيك لكن هادا رأيك انت حر
سيدي شكرا على الترجمة و ياريتني ماني قريانها و مانك منترجمها

hanny dagher 24/08/2006 11:58

اقتباس:

كاتب النص الأصلي : leoprad
هيك لكن هادا رأيك انت حر
سيدي شكرا على الترجمة و ياريتني ماني قريانها و مانك منترجمها

حكيك اكيد مو الي انا قلت انو المكتوب لا يعبر بالضرورة عن رايي بس حبيت ساويها اسهل لانو في عالم رح تلاقي صعوبة بقرايتها بس هيك


leoprad 24/08/2006 12:02

اقتباس:

كاتب النص الأصلي : hanny dagher


حكيك اكيد مو الي انا قلت انو المكتوب لا يعبر بالضرورة عن رايي بس حبيت ساويها اسهل لانو في عالم رح تلاقي صعوبة بقرايتها بس هيك



اي اكيد مو الك هاني

راديا 24/08/2006 12:38

هاني شو هاد الترجمة و التفسييير
اي ما بفوت العقل ببلاش
بس انا برايي انو الله اللي خلقنا و حطنا بهيك موقع و انعم علينا بنعمة الحياة هيك بتوصفو "راي"
عم بحكي بغض النظر عن الدين
لا اسلام و لامسيحية و لا حتى الحاد

يعني شوف اللي بيناسبك
و انا برايي لو ما ترجمت كان احلى
لانو هالشي فيه اساءة كتير كبيرة و ما بسمح لحالي اسكت او مرقها لانو رح انلام فيها بعدين و ماني بصدد نشر مشكلة او اثارة اي شي
و شكرا
و لا تصح اي نوع من المقارنة
لانو الله بس اللي موجود و لهلق موجود اما هدوك شو بيعرفنا بلكي اساطير لو كانو حقيقة كانو لهلق شايفينن مو نقرضو؟؟؟؟؟
الهدهد تبع سيدنا سليمان نقرض شي ؟؟؟العصفور تبع سيدنا نوح نقرض هاد التاني ؟
ايه يا الله
الله يهدينا الجميع
بس رااااااي حترم شوي او بيطيرلك الله عيشتك ....او تتنكد علاخر او لسمح الله شي تاني

انا بس حكيت
و هاد راي
شكرا

leoprad 24/08/2006 12:46

انا زعلان على هاني

راديا 24/08/2006 12:48

ليش زعلان ليو ؟؟؟؟؟

leoprad 24/08/2006 12:52

لا بس المشكلة انو هاني عمل خير و ترجم و كل ما يجي واحد يقرا الترجمة بقولو يا ريتك مو مترجم:lol:

راديا 24/08/2006 13:00

مزبوط و انا كمان قلت هالشي و انت كمان مو ملاحظ ؟؟؟؟؟؟
:lol:
و يا ريتو ما ترجم قال مفكر حالو بس هو يبيعرف يقرا الكتابة الفينية و ستة
2006 هي كناية

Gazita 24/08/2006 14:38

اقتباس:

كاتب النص الأصلي : Ray
ya sedee ana ba3reef al 7al :
hala2 wjah al shabah benatoon enoon keloon adrab mn ba3doon w ma byjoomnoon gheer al masayeeb
ama al faree2 benatoon enoo al tneen wel ghoool kan mawjoodeen bel aseel w nkardoo amma allah hada ne7na khtar3na meshan ynakdlna 3eshtna aslan ana hadool al tlatee
keloon ma beshtryoon be frankeen

allah wakelak sho frank ma frank hki euro halla2 mshaen lalam te2rfak
bas lahalla2 mafhemt sho dakhal lfranc belsujet:?

Ray 24/08/2006 20:20

3ala rasee 3ammee hanee
bs bta3reef ya reteek ma mterjma mn wara hal tarjmee akltlee shee 100 msabee yla mashee al 7al w mashkoor a7la hanee be akhawia

Gazita 24/08/2006 20:23

اقتباس:

كاتب النص الأصلي : Ray
3ala rasee 3ammee hanee
bs bta3reef ya reteek ma mterjma mn wara hal tarjmee akltlee shee 100 msabee yla mashee al 7al w mashkoor a7la hanee be akhawia

lak sho bek zeelt ma hada sabbak latkoun enta tani mafhemt lahjetna whyat rabbi mashatamna:?

ابراهيم الندم 24/08/2006 20:57

شكلكـ تخصص لغات ولهجات ... :?

ما شاء الله .. :o

!!!!!!!!!!!

Willi 25/08/2006 18:37

لهلق ما عرفت راي كاتب الموضوع بشو الفرق بين الله والتنين والغول؟؟؟؟؟؟؟

BLaCK SCoRpiON 26/08/2006 03:21

انو طلعوا بدهن يعطونا دروس مشان نتعلم احلى الشي :o بيصير معنا لغات نيالنا



انو صحي شومشان الحزورة لهلق محدا قال شو الفرق بدنا نعرف :jakoush:

AEHAM 26/08/2006 04:51

[quote=BLaCK SCoRpiON]انو طلعوا بدهن يعطونا دروس مشان نتعلم احلى الشي :o بيصير معنا لغات نيالنا



انو صحي شومشان الحزورة لهلق محدا قال شو الفرق بدنا نعرف :jakoush:[/quote

والله يا حبيب أنا بقول أنو مافي فرق.....
لانو ما حدا عرفها....


الساعة بإيدك هلق يا سيدي 22:46 (بحسب عمك غرينتش الكبير +3)

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.07498 seconds with 10 queries