اقتباس:

كاتب النص الأصلي : صياد الطيور رأيك وأنت حر فيه ... بس لو ما كنت حكومة تخطيط و كل شي مدروس فيها ما كانت نجحت بتجاوز كل المحن الي مرقت فيها و حققت نتائج كبيرة كتير و على كافة الأصعدة .. بس الظاهر كل واحد بيشوف الي بدو ياه بس

معذرة منك صياد .... بس ممكن تشرحلي شو هنني المحن و شو هنيالنتائج الكبيرة و على أية أصعدة عم تحكي؟
بيوم من الأيام رحنا أنا و الشباب على مدرسة بالليل (11 المسا) متل العادة لنلعب كرة قدم لأنو ما في ببلادنا ملاعب وأو حدائق ليلعبوا فيها العالم.
و بلا طول شيرة بلشنا اللعبة و بعد ساعة و نص (ساعة ونص ) ما منشوف غير فتح باب المدرسة من جهة المبنى و هجموا شي عشر عناصر من شرطة النجدة , أنا كنت فاتل ظهري فما شفت غير واحد كلبشني بايديه , أنا أخدتها بكل روح رياضية و صرت قول لرفقاتي انو لك يا حبايبي ليش عم تهربوا كلوا تمام نحنا ما عاملين شي.
فوتونا على المبنى و قال الكريم خود من وين الكفوف واللبطاط تجينا ما بعرف بس يللي بتذكرو انو أنا أكتر واحد أكلت أتل و السبب و يللي شرحتو (لمجود ) من قبل و انو أنا عندي ردّات فعل خزعبلية و لأنو أنا الوحيد يللي كنت عم قاتل و عيط و العي.
المهم طلعت القصة انو كان في انتخابات =بلدية يومها و كانت المدرسة مركز انتخاب .
من ضمن المسبات يللي أكلناها (يا اخوات ......... الهيك و هيك رح ابليكن بزجاج المدرسة كلو , يا ولاد ........... الهيك و هيك والله رح ابليكن بأنو كسرتوا صندوق الانتخاب و حاولتوا التزوير , و من المسبات الطريفة و يللي عجبتني عالصاجة انو كان عم بوجه الحديث لابن عمتي يللي ساكن بالشام و كان صرلو نصف ساعة واصل على حمص ( يا أخو الد........ انتا كام مرّة قلتلك روح و لاتلعب هون)
و هلأ هون وجب التنويه انو لازم تنتبهوا انو كان عم يقول رح ) ابليكن ) يعني رح الزقها فيكن .
و بلشت رحلتنا بهالشوارع و نحنا راكبين السيارة العظيمة لشرطة النجدة يللي قعدنا 9 أشخاص بمقعد واحد و بلشوا فينا الحرب النفسية( يلا خودوهن على الجنوبي أو قلك دغري عالمركزي ) و أخر شي سحبوا اتنين مننا على بناء كبير و هوي قسم الاسلكي والللي لا يمد للقسم الجنوبي أو شرطة النجدة بأي شي و طلعوهم لفوق و بلشوا فيهم قتل و طرق و كل القصة مشان شو : مشان ياخدوا ألف ليرة سوري 1000 ل .س نزلوا الشباب و قعدنا بالسيارة مرة تانية و أخدونا عالحارة و نزل رفيقي من السيارة و على أساس بدهن الهوية و انا مكو عرفان شو كان الحديث صاير , بعد شوي اجا رفيقي و قللي (نادر اعطيني جزدانك شوي ) عطيتو اياه و أخد منو خمسمية لية يللي كانت وحيدة بهالجيبة المعترة و عطاهم اياها لحتى تركونا.
هلأ لا تسألوني ليش كل هالعلاك لأنو رح جاوب بدون ما تسألوا: كل هالعلاك لحتي عززلو كلامو لعمو صياد بالنتائج و الأصعدة و المحن و كيف نحنا قدها و قدود .
و بالمناسبة في قصتين تانيات عن تجربة خاصة مع الماسكين بلدنا العظيم و ببقى بحكيهم اذا شفنا الموضوع ماشي.
شكرا

اقتباس:

كاتب النص الأصلي : صياد الطيور يا أخي بعز دين المشاكل كانت الأمور الداخلية عم تنحل ..

أول شي انتا يللي على عيني و انتا بتعرف شو نظرتي فيك من مواضيع مرّت.
هلأ انتا قلتلي أنا بعيد عن الموضوع مدري كام سنة ضوئية و رجعت بنفس الرد رجعت لموضوعي و يللي هوي انو بعز المشاكل الأمور الداخلية عم تنحل,:
هل بتعتقد بالقصة يللي حكيتها هادا هوي الحل يللي عم تحكي عنو ؟
ولا تقلي انو الموضوع بعيد لأنو هادا هوي حديث و مطلب الملايين بسوريا :
(الأسرا بالسجون,الرشاوي , الفساد , المؤامرت و هون بنوه انو كل المتأمرين من مراكز عالية , السرقة , النهب ) هلأ فيك تقللي كيف دولة مشاكلها الداخلية عم تنحل و عندها كل هالثغرات و أكتر من هيك بكتير و اذا بدي بلش عد الحديث يطول و هادا طبعا عدة مرات من حياتنا اليومية.
( عملت فحص دم ؟ لا والله يا سيدي
معناها منحطك شوفير بالعسكرية!! طول بالك يا سيدي ما بيمشي غير هيك ؟
حسب شو معك ؟ يعني أي شي تاني غير شوفير و انا جاهز.
لعيونك ,, بهاللحظة فتح الجرار, هات لنشوف !! بقرب أنا و برشقلو 200 ليرة .
بسكر الجرار و بقللي ايه و هاي حطيناك خدمات ثابتة.
هادا بتعتبروا حل للمشاكل الداخلية؟
لك اذا الدولة عم تسرك المواطن و تذلوا و تدعس على كرامتوا هادا معناه حل للمشاكل الداخلية؟
و شكرا

اقتباس:

كاتب النص الأصلي : صياد الطيور بس بالنهاية لمصلحة الوطن والمواطن

خلينا نحط هالجملة قدامنا و نمشي عليها أوك؟
هلأ أنا كنت أخد بالشهر 3000 ليرة و كنت حط منهن 2800 ليرة بين مصاريف للبيت و مصروفي و أكلي بالشغل والا أخره , فكان يزيد معي 200 ليرة كانو ما يخلوني اشتري 3 سنتدويتشات شاورما أو شيش أو يللي هوي يعني يروحوا بيومين أو تلاتة و ضل لأخر الشهر مصوصي .
فوين مصلحة المواطن لما شلحوني 500 ليرة ما ملكي كانت يعني كانت أمانة معي و شلحوا رفيقي التاني 500 ؟
و هل بتعتقد انو هالألف ليرة راحت للوطن؟
والله لو راحت للوطن و العدرا و المسيح و محمد انو ما بزعل( طبعا ما حكينا على الكفوف و الرفس هادا كلو لمصلحة الوطن و المواطن) فممكن تشرحلي وين المصلحة هون ؟
و شكرا .