|
الحمد الله اجا مين يحرك القصة.....
مشكور.........و تابع اذا بتقدر:D |
لك خليتوني اقرا كل المكتوب وحلوين ولله مشكوري :D
|
شكرا كتير لكل اللي مروا بالموضوع وخصوصا اللي كملو بالقصة يعني هاني وجاد وعاشق ومية تحية لعيونكن :D
اقتباس:
مو معقول هالصدفة:? انا خفت من هالشي...... لتكون انت شي نبي او هيك شي!!!!!!!!!!!! |
:shock: :shock:
لك من طول عمري بقول انو انا نبي بس ما حدا كان يصدقني صدقتو هلق؟؟؟؟ |
بعدين مينو هاد المفصوع؟؟؟
بخلي الله يحطك بالنار هاه |
اقتباس:
:p |
اقتباس:
|
اي شو عم نلعب نحن حتى ساعة تقوليها وساعة تسحبيها؟
بعدين من ايمت في مزح بيناتنا على سيرة المزح وعلى سيرة سامع المطنش بزماناتو كانت سامعة المطنشة عم تعطينا علامات فحص الفيزيا فهية بتقول العلامات اول الشي بعدين بترجع بتسألنا عن علاماتنا ونحن منقلا ياهون مشان تسجلون بالدفتر تبعا فبيجي دوري بتقلي اديش اخدت بقلا 100 (طبعا العلامة من 20 ) بتقوم بتتطلع فيني هيك وبتقلي (وهية لهجتا حومصية اوح) شو يا حبوب (الواو حومصية يعني متل ال o بالانكليزي) انا رفيقتك حتى تومزح معي؟؟ قلتلا لا مو رفيقتي قال اي منيح بتعرف اديش اخدت؟؟ قلتلا 100 (هالمرة طلعت بالغلط :lol: ) بعدين ما بتذكر شلون انتهى الموضوع |
درس لغة انكليزية
دخل الاستاز سامع عالصف بثقة غير اعتيادية...... طبعا فالآن حصة اللغة الانكليزية وهي فرصته الاكبر لاظهار مواهبه بالحديث بلغة اجنبية وليظهر للطلاب وللعالم كله كيف انه يتحدث بلغتين وبما أن كل لسان انسان فهكذا فإن سامع المطنش هوي عبارة عن إنسانين تنين بواحد :o
توجه الاستاز كالعادة مباشرة للوح ليكتب تاريخ اليوم وعنوان الدرس فكتب التاريخ ثم كتب blural ثم نظر إلى الطلاب وقال لهم اليوم بدنا نتعلم كيف بنجمع الكلمات باللغة الانغلش8) وحينها وقف أحد الطلاب (توم) وقال للأستاز: بس يااستاز مو هيك بنكتب كلمة جمع بالانغلش لازم نكتبها بحرف p مو b وحينها صرخ الاستاز سامع بصوت مرعب وقال لتوم: you is stupid فقال له توم: يااستاز بس بنقول you are ومابنقول you is فأجاب الاستاز وقد احمر وجهه غضبا وخجلا: ولاه انت مين مفكر حالك لحتى عم تتفزلك عليي هيك؟؟؟ وليش مفكر حالك بتعرف تحكي انغلش وانت كلك شقفة ولد لسه مافقست عنو البيضة فقال توم: يااستاز انا مامتي بريتش يعني من بريطانيا ولهي علمتني احكي انغلش حتى قبل الارابيك فقال له سموعة بهدوء: اقعد ياابني وكون واثق انو يجوز الوجهان :shock: :cry: |
اي هاه يسعد الله
والله انت مافي منك اشتقنا لسامع المطنش والله يا خيتو سامع المطنش تبعنا تبع الانكليزي, كانت تكرهني كتير اول فحص اخد فيه 24 من 25 قام كانت تحبني بعدين تاني واحد اخدت 19 من 25 ضلت ماشي حالها بعدين بلشو ينزلو العلامات لحتى وصلو لل 11 من 25 قام صارت تكرهني بشكل فظيع كانت دايما تقلعني من الصف :cry: مو عرفانة اني نبي |
صباحو
كيفكن؟ بس بدي اعتذر من "امرأة من ورق" بشكل اساسي ... وبعدين هاني ابن الداغر,جادو الحمصي (يعدمني اياه), عاشق من سوريا .... لاني هلق لشفت الموضوع...انه يطعمني الحج والناس راجعة....:cry: بس هلق قرتو كله كله من اول صفحة لاخر صفحة....:yahoo: اقتراح" بدنا حلقة عن درس الفتوة...:yahoo: .(قبل ما يلغوه.:lol: ..) |
اي على مهلك عشر سنين انت التانية
بعدين اكتبي انت الحلقة تبع الفتوة بدال ما تقترحي :jakoush: |
اقتباس:
صباح الخير جادوو.... :D ما بدي اكتب .... مو خاطرلي شي :cry: (( انا بعطي افكار وانتو بتحاولوا تعملوها وين الغلط ..) |
اقتباس:
:aah: :aah: :aah: :aah: :aah: صباح النور بعدين ليش ايمت انت خطرلك شي:p |
اقتباس:
لك انا بكفي انه تخطرلي الافكار... يعني كيف بدكن تعملوا حلقة بلى فكرة :pos: |
:?
افحمتيني |
اقتباس:
عودة للموضوع....:pos: |
اقتباس:
لعيونك رح نلحقك بحلقة عن درس الفتوة |
اقتباس:
|
لك هه,,,الله حيو النشاط....هي امرأة من ورق حركتو للموضوع بلكي بكمل جاد كمان المشاركة بالسيناريو و بيكون في شي متل الخلق ينقرا...............
كتيييير كانت حلوة اخر حلقة.....بانتظار التتمة:D :D |
اقتباس:
الحماصنة بس بيضحكونا :yahoo: :lol: :clap: كيفك جادو حبيب القلب:D :p |
اقتباس:
|
أول شي بعتذر عن كل واحد كان جهز حالو لـ يكتب عن حصة الفتوة .. بس أنا رح أكتبا ..
تنويه : الأستاز سامع لم يكون هو مدرس الفتوة .. بل كان الأستاز حسين .. لأنو سامع لم يكن حزبي .. أستاز حسين .. ومين ما كان يخاف من أستاز حسين .. هوي و شواربو يلي بيقف عليهون تريناصور ( أو هيك شي أسمو !!) لأنو ما كان خرج يوقف عليون نسر لأنو بيضيع فيون هاد أولاً .. وتانياً لأنو كان متخلف كتير .. بيفوت عـ الصف وكأنو فايت عـ غرفة العمليات ,, بتكب الأبرة يعني بلا مبالغة بتسمع صوتا .. كا يفوت نافخ صدرو ورافع راسو ..ما كان يطلع بالطلاب .. حتى يبلشو هل طلاب الملاعين يحكو بصوت ناخي كتير .. أو حتى كانو يهمسوا لـ بعض .. ااااااااااننننننننننتتتتتتتتتتتبببببببببببههه ههه .. يا أبتاه أغفر لي .. شو هل صوت يا مولانا .. يعني الأستاز حسين كان عليه صوت ولا بافلات البايونير .. يلا .. من المقعد الأول واحد واحد أصطفو أربع صفوف بـ الباحة .. بيطلع الأستاز حسين وراهون .. وبيبلش التفقد عـ البواط و بدلات الفتوة .. الكل نظامي يا عيني عليكون .. يمييييييييييييييييييييييييين درّ .. اح تنين .. مكاناااااااااااااااااااااااااااك راوح ... أح تنين اح تنين اح تنين .. برافو عليك يا علي .. مافي منك أنت ياريت كل هل قنادر متلك .. سلم عـ البابا حبيب قلو أستاز حسين بيسلم عليك .. وقوووووووووووووووووووووووووووف قف .. اح تنين .. استاااااااااااااااارح استااااااااااااااااااعد ولك يا جحاش أنتو بحياتكون ما رح تفهمو ( بهل لحظة الكل كان عم يستفسر شو عمللو غلط .. بس يعدين الكل عرف أو هاي كانت بداية لـ يبدا الأستاز حسين بوصف حالو ) ولك هاد صوت 40 جحش .. ولك لازم عـ صوت خبطة أجركون تحفرو تحكون بير .. ولك بدكون عاملكون بالصرماية ؟ لك انتو لسا ما بتعرفوني .. لك أنا بزمناتي كنت عـ الموتور رايح عـ الصيد .. خلص معي البنزين .. و أذ في طيارة مارقة .. طالعت هل مسدس .. خرتطها فشكة بمحل البنزين .. وركضت وراها بالموتور .. هيك لحتا عبيت بنزين (( ودائماً كان بينسا أنو الطيارة فيها كيروسين مو بنزين .. )) .. وهيك كملت حتى وصلت عـ الصيد ورجعت معي 3 غزلان صدتون بالمسدس .. يلا خروات .. روحو عـ صفوفكن جيبو شنتكن .. وبقو بالباحة لبينما يدق الجرس أنقلعو عل بيت |
:yahoo: :yahoo: :yahoo: :yahoo: :yahoo: :yahoo:
الله عليك...... ريمي تفكر8)...وآدم ينفذ الله الله الله......:gem: :gem: :gem: :lol: |
:yahoo: :yahoo: :yahoo:
حلوة كتير يسلمو عاشق :D |
ولو ولو .. نحنا بالخدمة ..
|
شكرا عاشق:D ......عن شوالحصة الجاي؟؟؟؟؟؟؟؟
|
حلوة بدنا حصص تاني
|
منكير ملون
دخل الاستاز سامع الى الصف وعلى وجهه علامات التعب والاعياء..... فالبارحة لم ينم وهو يفكر بقلق على مستقبل احبابه عصافير الجنة وملائكة الارض طلابه
وماان دخل الصف حتى استدار نحو اللوح ليكتب التاريخ وعنوان الدرس واللي منو..... وحين ادار ظهره للطلاب سمع ضحكة رنانة ارتجفت لها ركبتاه وشعر بأن ظهره قد تكسر من وقعها عليه وبأن قلبه يرقص طربا على نغماتها الجميلة....... فاستدار واذا بها صادرة عن الطالبة فاطمة الملقبة بين زملائها بفيفي الظريفي وقد اسدلت شعرها ذو كل الوان الطيف (وسبحان من سوى وصبغ هذا الشعر :o ) على كتفيها..... وهذه الضحكة قد كشفت عن اسنان ناصعة البياض وقد اصطفت اصطفافا رائعا (يخرب بيتها كأنها طالعة من دعاية معجون سنان:clap: ) اما القميص فهذا بذاته حكاية من حكايات الف ليلة وليلة وقد فتح عن طرف نهدين كالرمانة:sosweet: :oops: وقد شعر كل الطلاب بتلبك الاستاز وانفتانه بفيفي الظريفي ممااحرجه اكثر وقرر ان يتخذ اجراء سريعا ليخفي مايشعر فيه...... فصرخ باحد الطلاب ان يهرع إلى غرفة الادارة ويحضر العصاية لانه ينوي ان يعاقب كل الطلاب لما بدر منهم من قلة احترام لشخصه ولاصدار الضحكات خلال وجوده داخل الصف وليضمن ان لا تعاد الكرة خرج الطالب مهرولا وعاد بسرعة وهو يحمل العصاية بيده وكله امل ان يستبعده الاستاز من العقاب لانه هو من احضر العصاية ولكن آماله ذهبت مهب الريح فقد بدأ الاستاز العقاب به وناوله عصايتين من كعب الدست على كل من يديه...... ثم تنقل الاستاز بين المقاعد وناول كل من الطلاب حصته من الضرب والعصي حتى وصل إلى اخر الطلاب وهي فيفي الظريفي ونظر الاستاز في عينيها الزرقاويين الجميلتين وقد امتلأتا بالدمع ثم حول نظره إلى هاتين اليدين البيضاوين ذات الاظافر الطويلة والتي تلقت الكثير من العناية حتى وصلت إلى ماهي عليه من النعومة والظرافة ولفت انتباهه المنكير الملون بالوان راية بلده..... وحينها لمعت بعينيه فكرة رائعة لاخراج الظريفي من العقاب فوجه نظره الى بقية الطلاب وقال: هلأ مارح فيي اضرب ايدين عليهم راية بلدي بس يروح المنكير تبقي ذكريني عاقبك :? :cry: |
الله حيو
ذكرني باستاذي الرياضيات كان يزور الشباب بالصف وعلى شوي بقوم بدقهون قتلة والبنات بيتطلع عليهون مع ابتسامة شغلة:lol: مشكورة خيتو |
اقتباس:
|
حلوة حلوةة
|
اقتباس:
|
ذكية هالفيفي الظريفي:p
:shock: :clap: :lol: :lol: :clap: :yahoo: |
شي ظريف كتير
كترو منهدول الشغلات الي بترفه عن النفس الله يرضى عليكون :yahoo: |
اقتباس:
اهلين ريمي:D |
اقتباس:
|
حلوة كتيييير هالحلقة:o :o
|
اقتباس:
|
هههههههههههه
:yahoo: :yahoo: :yahoo: :yahoo: حلوة كتير هل الحلقة انو بدها مسلل مشكورا:D |
| الساعة بإيدك هلق يا سيدي 00:22 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون