|
اقتباس:
سلسلة رقم 150 بعنوان النهاية بس ما اعتقد انه مات :? لانهم لم يجدو جتثه واصدقائه. |
اقتباس:
يا لهو بالي على رأي أومي .,,,,, عاملين أيه يا ولاد ؟؟؟ |
اقتباس:
وبعدين احنا كويسين يا خوية |
اقتباس:
|
انا عملت برنامج الفك بس برضوا مش رضيت تشتغل عندى
|
القرآن.
كيف تتخلص من النسيان وضعف الذاكرة.(يوسف الاقصري). شجرة الدر(جرجي زيدان). وادي الدماء. الرسائل الحديثة(عربي انجليزي-عربي فرنسي). تفسير الاحلام. سلسلة الاسرة السعيدة المسلمة(كيف تكسبين زوجك). الطهارة والصلات والجنائز(محمد بن صالح العثيمين). الويل لك يا تارك الصلاة(محمد عبد الملك الزغبي). اهوال القبور وما بعد الموت(علي عبد العال الطهطاوي). الدعاء المستجاب(احمد عبد الجواد). جمالك الطبيعي سيدتي(سهى عباس). الشاعر-النظرات-العبرات(مصطفى لطفي المنفلوطي). رجل المستحيل-ارزاق(نبيل فاروق). la collection harlequin . فلا تنس الله(ليلى الحلو). الاسراء والمعراج(الامام ابن عباس). الخالة الضائعة(بنت الهدى). الطيبون(مبارك ربيع). درب الخطيئة(احمد اومال). la collection jai lu. مجلة(زهرة الخليج-سيدتي-سمرة-الوعي الاسلامي-العربي-الفيصل- المختار-الجميلة-ماجد). ...... |
اقتباس:
يسلمو أيديك .. في كتير شغلات مشتركة بيناتنا و أهمها أو الوحيدة هي : "زعرة الخليج" |
انضم الى القائمة و على شكل هدية ...
غازي القصيبي : سلمى غازي القصيبي : سعادة السفير . |
أضافة خاصة :
حدا عزيز أهداني "جدارية " ل محمود درويش .. و هلق وقعتها من محمود درويش شخصيا قلتلو : معي قلم صغير .. و قال لي : معي قلم صغير على قدي . و قلت له : قلمك على قدنا كلنا. سأل :ما اسمك ؟ قلت : علي ......... قال: أجمل اسم سمعته في حياتي. قلت له: حديثك أحلا من ريد بولل ... و صار ألي جوانح .. فضحك دون أن يبدو عليه أن سمع بالريد بولل من قبل . |
نيالك علي.....محمود درويش وقعلك جداريتو......بس اكيد واحد متلو ما رح يكون سمعان بالرد بوولل من قبل......لشو بدو ياها؟؟
شكرا على كل الاحوال و يسلم هالتم..:سوريا: |
اقتباس:
و عندي كمان توقيع مرسيل خليفة :clap: |
انا رح قول شوية كتب قريانتها .... قسم منها الي وقسم للبابا وقسم لاخواتي ..... بس هدول من بين الكتب اللي قريتها
مغامرة العقل الأولى ولغز عشتار وملحمة جلجامش لفراس السواح مجموعة القصص القصيرة والمسرحيات لسعيد تقي الدين مسرحية في انتظار جودو لصموئيل بيكيت رواية Slaugterhouse-Five او المسلخ رقم 5 ل kurt Vonnegrut المجموعة الكاملة العربية والمعربة لجبران خليل جبران شوية مسرحيات لشكسبير بس ماحبيتها :pos: الجريمة والعقاب لدستوفسكي دكتور فاوستوس لكريستوفر مارلو وفاوست ل جيته هلأ هاد اللي ذاكرتو |
اقتباس:
معك حق .. بتحسيه ماشي شي 10 سم فوق الأرض .. و بيحملك معو .. |
اقتباس:
|
اقتباس:
وتقريبا قريان منيح ادب روسي و كزانتزاكس و امين معلوف و مؤخرا باولو كويلهو |
اقتباس:
زوقنا مشترك وتوقيعك انا كتير بحبو ... :سوريا: |
اقتباس:
و شو احلى شي قريتي(كتاب او رواية ) |
مية وردة للناس وأساميها و تواقيعها........
نقص من كتبي " عشت لأروي" 1 و 2 لأني أهديتها لصديق عزيز . |
أنا جبت تلت كتب أأقراهون
مكتوب ... باولو كويلهو قصة حب مجوسية .... عبد الرحمن منيف أنه استوقفني ... جان باول اليسوعي |
ياسيد الف تحية الك يامي 2
وللصبية يلي فتحت الموضوع من جديد ,لأني ما كنت شايفو المهم في كتاب صرت عايدو اكتر من4مرات هو كتب سياسي لبناني اسمو (جنرال ورهان ) بيحكي عن أخر 3 سنين من وجود عون بقصر بعبدا وحربو مع سمير جعجع (حرب الألغاء ) وحربه مع سوريا (حرب التحرير ) والكتاب التاني اسمو الأيدي السود او السوداء لنجاح واكيم بيحكي عن المافيات اللبنانية الاقتصادية وخاصة عن الحريري . كمان هادا قديم بس هاد استعرتو عيرة وبالنسبة كمان كتاب احمد منصور يوم سقوط بغداد ,حسيتو فاضي وحرام حقو . وهلئ عم اقرأ رواية اختياراتي والحب للكاتبة ضياء قصبجي . شكرا عزيزي :D :D |
كاتبي المفضل جبران خليل جبران على الإطلاق
غيره قرأت مؤخراً : احلام مستغانمي (ذاكرة الجسد، فوضى الحواس، عابر سرير) يوميات دراجة نارية (جيفارا) أدب روسي |
خلصت مكتوب :yahoo: :yahoo: :yahoo: :gem: :gem:
وكتير كتير كتير حبيتا :clap: |
اقتباس:
شكرا للكل و خاصة كل واحد و وحدة ..... صرلي أسبوعين ما عم أقرا شي ... لأني بقرا قبل النوم "كون النهار فوول " عم حط راسي على المخدة و روح بسابع غفوة ... طبعا هدا شعور رائع و نعمة ... بس اشتقت لروايتي .. |
اقتباس:
وفي كتاب لكزنتزاكس متل مكتوب و اسمو تصوف (منقذو الالهة) جربووووووووووووو الف تحية للكل |
انا عم اقرا هلأ بسلسلة قصة الحضارة بس طلعت روحي :cry: :cry:
اما احلى قريتو بحياتي اسمو الفولاذ سقيناه لكاتب روسي اسمو نيكولاي استروفيسكي و طبعا اكيد زوربــــــــــــــــــــــــــــــــــــــــــــــ ـــــــــــــــــــــــــــــا ..... |
كمان تلات كتب ...:yahoo: :yahoo:
الأول ... ( 1984 ) جورج أورويل التاني ( تكسير ركب ) زكريا تامر التالت ( لنستقبل أنسانيتنا ) جان فانييه |
و انا رح حط كم كاتب ,,, نصيحة للي حابب يقراااااااااااااااا (هدول كلن من النمط السيكولوجي)
1 - الغريب ,,, ألبير كامو 2 - السأم ,,, ألبرتو مورافيا 3 - اللامنتمي ,,, كولن ولسن تحياتي ... |
يا شباب أنا هلكت ... بتدور بكل مكاتب المملكة العربية السعودية ما بتلاقي غير كتب الدين
الله وكيلكون رح اكفر بكل الأديان شوي تانية ..... ما في غير الكتب الي جبتها معي من سوريا وطبعا خلصت من زمان وهلق عم ارجع عيد قرايتها حتى ما أنسى القراية والكتابة |
اقتباس:
شكرا الغريب حاولت من 4 سنين انو اقراها بس ما قدريت كفيتا كتير حسيتا بتطالع الواحد من حالو كيف انت قراتها بدون ما تصاب بالاكتئاب؟؟!!! نيالك:gem: |
اقتباس:
ابن خالتي لما سافر عالسعودية هرب معو كم مسرحية لزياد حاكم هونيك نص او تلات ارباع حياتنا وامورنا حرام |
أنصحكم بقراءة رواية العمى للكاتب البرتغالي خوسيه ساراماغو والحائزة على جائزة نوبل للاداب عام 1998 ولن تندموا
|
اقتباس:
شكرا للمرور ,,, الغريب من اجمل الروايات اللي بتخلي الواحد يحاول يخرج عن المألوف بس اكيد فيها شوية اكتئاب بس انا شفتا ممتعة للغاية ,,, مية وردة :D |
والله أنا بحب القراءة كتير كتير ولولاها لكنت طئيت!!! بس المشكلة انو أنا ما في عندي حدن بالبيت بحب القراءة غيري, فدايماً بروح عند جدي وهو بعطيني كتب من عندو, وأنا أريت كتيير كتب حلوة حابة إلكن عليها:
الخيميائي تكسير ركب الحصرم البحث عن إمرأة مفقودة + دموع على سفوح المجد (أحلى كتابين عمري أريتن وبنصح الكل يئراهن لأنهم عنجد بجننوا) بس مو متزكرة هلأ شو اسم الماتب بس أتزكر بإلكن!! ثمانون عاما بحثاً عن مخرج الحمير حيص بيص شيح بريح البؤساء بس بدي اسئلكن إزا حدا منكن قرأ رواية شيفرة دافنشي ورواية فتاة البرتقال لإن أنا عندي إياهن بس بدي حدا يشجعني أقرأهن!!! بئى بدي رأي الي قرأهن حلوين لما لاء!!8) بس اتزكر بائي الكتب الي اريتها بالكن عليها!! |
انا ضفت ع مجموعتي
شرق المتوسط |
اقتباس:
مو لذا الدرجه اخوي لاتبالغ كثير انا من السعوديه وقرأت بنات الرياض لرجاء الصانع وزهره تدخل الحي للكويتيه ليلى العثمان دائما انت بقلبي لفاروق جويده اول الجسد اخر البحر لادونيس النساء في مهب الريح لزاهي وهبي بائعة الخبزلكزافيه دو مونتبان خلف الابواب الموصده لعبدالله باجبير انا كانينا ليو تولستوي ذكريات سمين سابق لتركي الدخيل عرس الزين لطيب صالح هذا غير امهات الكتب الدينيه والتاريخيه والادبيه |
اقتباس:
:yahoo: :yahoo: :yahoo: |
مكتبتي صغيرة كتير .. :
-المجموعة الكاملة لجبران خليل جبران -صناع الحضارة _ أعلام القرن العشرين (دار الحسام للطباعة والنشر) تعريب اياد ملحم -ذاكرة الجسد ، فوضى الحواس، عابر سرير (أحلام مستغانمي) -مائة عام من العزلة (جابرييل غارسيا ماركيز) -المعذبون في الأرض (طه حسين) -مؤلفات مختارة (ايفان تورغينيف) -هل أنتم محصنون ضد الحريم ؟ (فاطمة المرنيسي) -يوميات دراجة نارية - رحلة في امريكا اللاتينية (ارنستو تشي غيفارا) the oscars movies- موسوعة وبتمنى إنو مكتبتي تكبر وتكبر وتكبر .. وشكرا عالموضوع :D |
اقتباس:
و رواية شيفرة دافينشي ....حبكتها حلوة و بس :D |
عاملين شغل منيح الشباب بالموضوع .. .
أنا ما لي نفس أقراء أي شي يهالأيام .... عم يخطر على بالي بعد اللي صار بجلسة مجلس الأمن اللي حكى فيها الحمار القطري أل ثاني .. أنو معقول هل مجموعة من المجرمين يتحكمو بمصيرنا و يقررو وقف اطلاق نار ولا وقف أعمال عدائية ولا ضراب السخن ؟؟؟ شو نفع أي شي ؟؟ غير المقاومة.... |
بصراحه انا ما احب القراءة كتير بس عجبني كتاب اسمه
شوربة الدجاج 3 للحياة وهو عبارة عن الف قصة قصيره تقريبا لترقيق القلوب وبصراحه كتير مؤثر وفي منه عدة اجزاء شوربة ادجاج للحياة2 شوربة الدجاج للحياة 1 شوربة الدجاج لحياة لامهات شوربة الدجلج لحياة المراهقين |
| الساعة بإيدك هلق يا سيدي 22:08 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون