|
اقتباس:
اقتباس:
|
اقتباس:
|
اي معناها بطلت قول :p
بس كان شي منيح هه !! :lol: :lol: |
اقتباس:
أوكي ... باي باي عمو .. سلميلي على السيد الوالد .. |
اوكي ... بيوصل عمّووووو .... :clap: :clap:
|
حلقة نسائية 2
تجلس في فراشك تقرأ بكتاب لأورهان باموك ...و تخطر على بالك : ماذا لو حصل زلزال الأن ؟ و زوجتك الفرحة بقربك ؟؟ تنتابك موجة من الخوف عليها و تفكر : اذا حصل زلزال , ستقفذ و تضمها الى صدرك بشدة وتغطي رأسها الجميل بكلتا يديك و تغمض عينيها و تسد أذنيها و تمنع عنها الخوف و الآذى .. و جواتك عم تفكر أنو هيك يا من موت سوا يا من عيش سوا .. أو بموت أنا . لا تحتمل فكرة أنو يلحقها أذى ..لا يمكن أن يجرح ملاك متلها .. شو مافي عدل أبدا ؟؟ أحيانا بيخطر على بالك : في شي مو منيح بدو يصير .. ليش هالسوداوية؟ من وين كل هل التشاؤوم ؟ هل ياترى من كتر مو حاببها ؟؟؟ شو لازم يصير لحتى تتطمن ؟؟ لازم تغير شي .. بس شو هوو ؟؟ البلد فيها كتير ظلم , بس أنت زلمة "جبان" وماشي الحيط الحيط و يارب الستر ... لكن شو ؟؟ بتخاف من حوادث الطرق ؟؟ من أولاد الحرام ؟؟ من المرض ؟؟ من كل هدول ... أيو والله شكلك مفكر حالك بتقدر "ترد القضاء" ... الدنيا فيه كل شي ...فيها المنيح و فيها اللي مو كتير منيح وفيه البشع ... الله يجيرنا من البشع . والله الأنثى مو بس اخت و أم و زوج و صديقة و جارة , , ,ووووو الأنثى هي ضمير ووجدان الذكر الغارق بترهات الحياة المادية ... شو يعني هدا الحكي الكبير ؟؟ لما بيجي على بالك أنو تتناسى شي معين مانك حابو ,, بتنط حضرتها و بتقول الحقيقة العارية .. اللي أحيانا جارحة ... "شو دخللك ؟" بيجي على بالك تقلها ... بس محبتك بتمنعك تجرحها ... بس بينك و بين حالك بتعرف أنها صادقة و انو ما الها أي مصلحة ألا مصلحتك .. ومصلحتكم المشتركة . الأنثى معجونة من ريق الملائكة مع تراب الجنة وريحة الياسمين الأرضي و ألوان السماء. الله لا يحرمني ياكي ياعيوني. |
اقتباس:
الله لا يحرمك من احبابك يااا رب .. ويديمكن لبعض :سوريا: |
اقتباس:
شكرا شكرا .. والله احمريت من الخجل .... |
اقتباس:
اقتباس:
|
اقتباس:
|
اقتباس:
|
اقتباس:
|
اقتباس:
فادي مو ناقصو شي ... بالعكس فادي عندو زيادات و هي الزيادات هيي اللي بتمنعني قلوا هيك حكي ....:lol: |
:lol: :lol:
اي اذا هيك ماشي الحال .. فكّرت :p |
اقتباس:
الله يسامحك .. و شكرا |
:cry: :cry:
سحبتاااا :cry: .... سوري منّك ومن فادي :pos: سلام |
اقتباس:
لكن ما بدها ... شغلة بسيطة ... مو بيناتنا ... كلك زوق ... |
حلقة سياسية :
فيق يابو زهدي فيق .... بتسمع الأخبار "متلك متل غيرك" .. لعمى : شوصاير بالدنيا ؟ بتسأل حالك متل الأهبل .. أو اللي مو مصدق. صدق يا عيني صدق ... و لسى ما شفت شي .. بتروح بتقرا مواقع الأنترنت .. بتروح على موقع الحقيقة المعارض و الرأي المعارض و الجزيرة و البطيخ ,, شي بيموت رعبة .. بترجع ركض و بتفتح شام بريس .. أي هاه .. هي حكي بينسمع ... أعذب الكلام , أكذبه ... ولا شو ؟؟ بلش يا حبيبي التحقيق ... شو يعني موجة أغاني وطنية .. شي هزيل و شي تافه و شي انعمل بيومين و ولدين منغوليين ؟؟؟ شو هدا .. بتعصب .مو بأيدك . ومدري شو صاير بالعراق ,و حماس فازت و كلفو هنية ولا ما كلفو و قطعو المصاري ولا ما قطعو و قصقو شمال غزة .. كم شهيد صارو ؟ هجمو على سوريا ؟ لعمى شو هدا جنبلاط أهبل ؟؟؟ بس شو صاير زلمة .. معقول يعمل أنقلاب بلبنان ؟؟؟ ميشيل عون صار معنا ؟؟؟ شو هالحكي .. من أيمتا ؟؟ والله متل ما عم قلك. شو عم تحكي يازلمة ؟؟؟ مجنون يحكي وعاقل يسمع ... خدام انشق .. ورياض سيف انفتق . و خايفين على الشهابي ما ينخزق .. و محمد حيدر ما يخوزقنا ... شو صاير بالبلد ؟؟ شغال التنتيف ... وبدك ياني فيق ؟؟؟ أمريكا مابدها الرئيس ؟؟ لكن مين بدها ؟؟ بس اسرائيل بدها ياه ... أي لعمى شو حزيرة ؟؟؟ شو أمريكا من أيمتى غير أسرائيل ؟؟ بعدين شو دخلون ؟؟؟ دخلون ونص .. أسأل الغادري .. مين هدا الأخ كمان ؟؟ من وين نطلنا ؟؟؟ شو بيلعب أصلا ..؟؟؟ بدو يجيب خمسة مليون و يوزعها على الشباب ؟؟ أي منيح .. يعملهون مليون لكل مواطن .. من دق فيزا و منشمع الخيط . طيب والله الوضع معقد .. حتى شيراك ؟؟؟ من كم يوم كان نازل مسبات على أمريكا ..ولا عجبتو شغلة العراق ؟؟ ولا نسيو حصتو من الكيكة ؟؟؟ أنو كيكة ؟؟ كيكة ولا كا كا .. ؟؟ غللو البنزين ؟؟ العمى بعيونهم .. صرعونا المواطنين و هنن يزمرو تضامنا مع رستم غزالة .. هيك بيكون الوفا ؟؟ على رأي فيروز .. مسموح نسمع فيروز ؟؟؟ ولا مقاطعة متل اللورباك ..؟؟ شو هي شغلة اللورباك ؟؟ عنجد حرقوها ؟؟ و القنصل الدنماركية الحبابة اللي عمرها ترلييون سنة و عايشة بالشام من ترليون سنة ,و بتموت محبة بالشام و بتلم الوسخ من الشارع و أخدت بيت العقاد و عملتو مركز ثقافي دنماركي .. ولما أولاد مخيم عين الحلوة عمولو معرض صور .. ما استرجا حدا بالشام "من اللي ألهم شوارب" يعرض الصور ألا المركز الثقافي الدنمركي .. هي الحرمة الألهية شو صار فيها ؟؟ يا خجلتك و سواد وجهك منها ... يعني شو ؟ دفشوهون الشرطة و عطوهون مولوتوف ليحرقو ؟؟ مو معقول .. لعمى شو مخك ضارب . طيب شو أخرتها ؟؟ ليش وين أولتها ...؟؟ بدها هز كتاف ... بس اللي شغال هز الخصر من ناحية و هز البدن من ناحية أخرى .. ألعنين 2 .. وين الشباب ؟ أنو شباب ؟؟ يا بيك الشباب مو شغل بهدلة ولانون خاينين ... بس بدون يندكو هون متل ما الله خلقون ... يا عيني خلقون و غلط . ليش لتعملو متلو ؟؟؟ منشان الأئمة الطنعش رجعوهم لأهلهم ... ما بيصير .. بدون يبقو كل شي ببطنون ... يا أخي ليش عم ياكلو شي , ليبقو شي ؟؟ خراس ولا. ويعني الله يصلحون ,, شايفين حفرة كبيرة .. شرط ينطو يسبحو فيها ؟ يا أخي المسابح مو متوفرة .. و غالية .. هي مسبح بردى .. صحي صاحبو درويش و على البركة .. بس خمسمية ليرة على سباحة ساعتين ؟؟ والله كتير ؟؟ لك مين قلك أنو الولدين كانو عم يسبحو بنص الشتي ؟ و بتيابهم كمان ؟؟؟ لكن شو ؟؟ هدول هيك الله كاتبلون .. شو مانك مسلم ولا كر ؟؟؟ أيوا الله كاتبلون ؟؟؟ وهو كاتب لكل هل العالم تموت مو مبين ألها جلد ينغسل ولا هيكل عظمي يتكفن ؟؟ أي تكفني على هالمنطق ؟؟ وهدا التاني الفصعون اللي لطتو الكهربا ؟؟ ولا لقصبو بس يطلع من العناية المشددة .. يعني ما شاف أنو خمسة من رفقاتو قبلو التعن أبوهون بنفس محولة الكهربا ؟؟ ومن تحت راسو هلق في ست موظفين بالحبس .. مين بدو يطعمي ولاد هدول المحبيس ؟؟ نام يا بو علي نام بلش يا حبيبي المانام |
اقتباس:
انو شو هالحلقة !؟ دخلت كل شي سياسة بهالدنيا بقلب بعضو !! على شوي كنت رح فكرك .......!! بس الله سترك وختمتها تمام ;-) |
اقتباس:
كأني عم أكتب هاحلقات بس ألك ... ما عندي مانع أبدا ...:سوريا: :سوريا: |
اقتباس:
بس انا مثلا من الناس الكتير انتقائيين بردودي يعني نادرا ما تلاقيني كاتب "حلو كتير ... مشكور" و دايما بتلاقيني عم رد ع موضوع حابب وضح وجهة نظري فيه بهالموضوع ما في كتير وجهات نظر تنكتب بس في كتير من التأمل مع سحبة طويلة من شي سيكارا بكل الاحوال و بدون ضرب منية و بدون ما يكون في رفع عتب او محاولة رد على كلماتك يللي اقتبستها بحب قللك يعطيك العافية، حلو كتير كتير |
اقتباس:
يا سيدي ضرب منية شو يعني ؟؟ بتمون ... |
اقتباس:
صحيح الأفكار كتيرة ومشتتة ... بس هاد واقعنا ... أصلاً نحنا فايتين بالحيط أنا متأكد إنك كنت قادر تلم الأفكار عبعضها بأسلوبك المميز ، بس إنت تقصدت تشتتها بس كان لازم تعملها حلقتين تلاتة علأقل ، منو إطالة و تشويق عالطريقة المكسيكية... ومنو عملة $$$ ;-) |
اقتباس:
مظبوط الأفكار مشتتة .. و مظبوط أحساسك و تبريرك للتشتت .. مو العرب عندهم أصلا شغلة أسمها أدب الشتات :lol: :lol: {هداك غير شي بعرف } .. الحلقة مو أكتر من نقل للشكل الدخلي لتلافيف مخ مواطن سوري من سنة و لليوم . العملة هي محبتكون .. و هي اليوم قطع نادر و عملة صعبة ..و كريم بيعرف أكتر واحد . شكرا يا فادي دادي دادي طالع نازل بالوادي ... |
اقتباس:
بس لاحظت شغلة؟؟؟ إنو الأخوة الأعضاء المعارضين بكل أشكالن"معارضين ومستعرضين ومعترضين" حسبتصنيف رواد للجدول الدوري للمعارضة"... كأنو مو متابعين المسلسل؟؟ أو عم يحطوا عليه بس ما عم يصيرلن نفس يردوا أو ما حبوه بالمرة؟؟ أو عم يتعارض موعدو مع حماة الديار" حاكم بتعرف بيحبوه كتير لحماة الديار" :lol: |
اقتباس:
الوطن يصطفل فيهون لأنو ما عم بيشجعو هالموهبة و النبوغ المبكر ..:lol: |
اقتباس:
ولا حتى رأي ناقد:pos: للمسلسل ;-) |
اقتباس:
لأنو في شغلات بتسد النيع ..:lol: |
اقتباس:
بس مشكلتنا كلنا ... ما منرضى نمدح خصمنا"مو عدونا" لأنو منكون عم نخسر بالمعركة بس لفتني موقف كريم... هاد اللي بيعجبك ;-) |
[quote=fady juventus]بالعكس كلها حقائق
ما الحقيقة "مو الحئيئة " هي اللي بتسد النيع المفتوح متل الأباوة .. بس مشكلتنا كلنا ... ما منرضى نمدح خصمنا"مو عدونا" لأنو منكون عم نخسر بالمعركة بس لفتني موقف كريم... هاد اللي بيعجبك ;-) على راصي أنت و كريم .. |
شو شريك ؟؟؟
وقفولك عرض المسلسل ;-) |
اقتباس:
بس هالكم يوم مشغول كتير بأمور مادية بحتة :adal: .. و مخي مركلج على الحسابات و عد المصاري "الافتراضية" و في وقت الراحة عم بيضل يون بالتحويل من سوري ألى يورو و بالعكس8) .. و أما في وقت النوم .. عم بيكون شغلة حسام دايما براسي .:( |
اقتباس:
كل هالقد مانك عم تفضى؟ حتى بالنوم بالك مشغول!!! بصراحة يا معلم ... أنا مافي غير شغلتين بيشغلوا بالي و لوقت محدد... الأولى هيي العاطفة ، لما بيكون في زعل أو خلاف مع ال:oops: بيضل في تشوش بتفكيري والتانية المصاري ، يعني لما بيخف الشغل متل ما صار الشهر لماضي ... بس الحلو بالموضوع ، إنو لما بتكون الحكومة:oops: رضيانة عني بكون مبسوط حتى لو فات الشغل بستين حيط :p الله يديم الحكومة فوق راسي ياااااااااااا رب :sosweet: |
اقتباس:
آمين .. الله لا يخيبلك راجا .... |
حلقة سورية
سوريا الله حاميها .. و السوريون من يحميهم ؟؟ "ربوعُ الشّـآمِ بـروجُ العَـلا " أخ يا شام وأخ يا تدمر .. أما فيهِ منْ كُـلِّ عـينٍ سَـوادْ ومِـن دمِ كـلِّ شَـهيدٍ مِـدادْ؟ أخ يا بيي أخ يا عمي أخ يا خالي "رفيـفُ الأماني وخَفـقُ الفؤادْ " أخ يا أحلامنا .. أخ يا قلوبنا .. "نفـوسٌ أبـاةٌ ومـاضٍ مجيـدْ " أخ يا كرامتي .. أخ يا أبو فراس الحمداني .. غبرة و قلة واجب .. او ما يسمى سيران كلاب .. بدك تروح على عين الفيجة و يوم الجمعة ؟؟ شو مجنون ؟؟ و بدك أكل نظيف ؟؟ شو وين مفكر حالك ؟ لو لولو لولالي الله محيي شوراعك الوسخة . يابلادينا شو بيصيرلنا لو من دير بالنا انو ما نأذي بعضنا ؟؟ أصلا شو بيصرلنا اذا خطر على بالنا أنو ما نأذي غيرنا ؟ مين اللي سمح بالموتوسيكلات ؟؟ نحن بيلبقلنا حرية و تخفيف قوانين ؟؟ هدا اللي بدنا نوصل الو ؟ أنو مانا خرج حرية , مهما كانت بدائية ؟؟ ليش عم بيهاجر الشباب السوري ؟؟ منشان يشتري سيارة ؟ منشان يشبع اكل ؟ منشان ما يخاف من المستقبل ؟ ليش ماحدا بيفكر فينا ؟؟ مين نحنا ؟ الحياة ليست سيارة داسيا ولا مايبخ .. ولا بيت محترم ولا جيران أكابر .. لكن شو ؟؟ لطم و استشهاد ؟؟ شو اللي مات فينا ؟؟ شو اللي بقي منا ؟؟ لا سوريا العثمانية ولا الفرنسية ولا السورية .. وين رايحين ببلدنا ؟؟ انعدمت خياراتنا الا 3 : موالاة , معارضة , مطانشة .. مافي شي أوبشن مواطنة . |
عنجد عنجد كتييييير اشتقت لحلقات المسلسل ... ولكتابتك واسلوبك الحلووو :سوريا:
اقتباس:
me2 ... شو بدك بالحكي .. عنجد بتجنن :سوريا: |
اقتباس:
|
اقتباس:
الآخرون هم الجحيم يومية ذات الوجوه، ذات الاشيا بتوعا، بتحلق، بتتحمم بتتحمم من كذب المجتمع المعلق عليك ضجيج، غبرة، عجقة سيارات نشرة الأخبار؟ هيي ذاتا معارضة، موالاة مهما تصرخ ما حدا بيهتمللك كل انسان عايش بجحيمو كل انسا عم يعيش بمأساتو و انت ؟؟؟؟ حامل هالسلم بالعرض **** يا صبي قديش بدك تعاند؟ وصلت ع نقطة اللاعودة يا بتنتحر يا بتهاجر يا بتفوت باللعبة فتش ع خلاصك (اسامة الرحباني) |
اقتباس:
شكرا يا كريم ... من قلب مجروح . |
الله يعطيك العافية
عن جد شي حلو اقتباس:
مرة كنت عم ناقش لوووح:shock: عن الإستعمار وجهة نظري كانت إنو فرنسا فادتنا أكتر ما ضرتنا إنو عالقليلة فرضت التعليم "ولو كان بلغتها" و فتحت مراكز ثقافية و ما إلى ذلك... بعكس الحيوانات العثمانيين اللي منعوا الناس من التنوُّر وحاربوا العلم إلا بالكتاتيب اللي كانت بؤرة الجهل المظلم... قام المعلم انتفض و فرتن عليي ، قال شو ... أنا عم احكي هيك لأنن مسيحيين !!!! إنو بيضل الإستعمار شيء بغيض و مرفوض ...بس أنا قصدت إنو لولا فرنسا ما كانت سوريا قدرت تتحرر من الأربع قرون العصملية بالسرعة اللي صارت وما كانت تقدمت بفترة الستينات وقت كانت شعلة الحضارة بالمنطقة... قبل ما يركبوها المتطرفين الإسلاميين و البعثيين العلمانيين واللي طفشوا كتير من أصحاب الفكر الحضاري و كبّلوا الشعب دينياً "الإخوان" و فكرياً "البعث" للأسف الناس المتنورين و العقلانيين تاهوا بين أفكار التعصب الديني المقيت و القومية العربية التافهة. |
| الساعة بإيدك هلق يا سيدي 13:30 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون