|
إهداء مني ألى كل الأغنام المؤمنة التي تتهكم على نزار
في المنتدى مقطع من قصيدة من قتل الإمام هذا المقطع يجعلني أبكي كلما سمعته بصوت نزار الصلوات الخمس لا أقطعها يا سادتي الكرام وخطبة الجمعة لا تفوتني يا سادتي الكرام وغير ثدي زوجتي لا أعرف الحرام أمارس الركوع والسجود أمارس القيام والقعود أمارس التشخيص خلف حضرة الإمام وهكذا يا سادتي الكرام قضيت عشرين سنة أعيش في حظيرة الأغنام أُعلَفُ كالأغنام أنام كالأغنام أبولُ كالأغنام ليرحمك من كانت بيده الرحمة يا نزار |
اقتباس:
شوفيلي الإهداء وعطيني رئيك فيه بعدين بنحكي على رواق;-) ;-) ;-) ;-) ;-) |
اقتباس:
|
يعني كاتب هالموضوع تافه لدرجة الجهل ... يمكن من جماعة القاعدة أو طالبان ...
نزار قباني ... مفكر و فليسوف و ثائر ... على مثل هؤلاء ... هؤلاء هم الشيطان .. لأن شغلتهم الأولى هي تكفير البشر... و بذلك يضعون انفسهم في مقام الله .... فمن يكون الكافر و الزنديق ؟؟؟ |
اقتباس:
بس اذا قرأت بتلاقي رد على كلامك اوكي:o |
اقتباس:
|
اقتباس:
|
اقتباس:
من غَنم بفتح العين غَنم تعني غَنيمة غَنيمة من غنائم غنائم بالقاموس الشامل باب الغين فصل الميم تعني رزق أو ماشابه رزق من رزق بفتح الزين أي ربح صافي بدون خسائر ماهي قيمة الربح الصافي لابد من فتح ميزانية ختامية ليتضح لنا الربح الصافي دون المساس برأس المال وصلت الفكرة |
اقتباس:
|
اقتباس:
بعدين مين قللك أنو الربح الصافي ما بمس رأس المال راجعي معلوماتك .... الربح هو نتيجة ... لحجم رأس المال ... بعدين الدعاية المضادة تخفيض لراس المال هيك و لا أنا غلطان؟؟؟؟؟؟؟ |
اقتباس:
لأنو رأس المال هو تكلفة المشروع فلنفرض شو بيفتح مشروع الناجر على حب النبي في ارباح صافية وفي ارباح غير صافية الربح الغير صافي هو يلي بينضم لرأس المال ليعوض الصرف منو أو بما يسمى حساب المدين هاد يلي ألو علاقة اما الصافي فأكيد مالو علاقة برأس المال لأنو هاد يلي بروح لعب التاجر وبحقلو يصرف منو قد مابدو لأنو هاد ربح صافي لجيبتو بعكس الربح غير الصافي يلي بضل مشكوك بأمرو وغير قابل للتحكم المباشر بالمدير ولو اخ عصا سحرية:adal: |
الربح غير الصافي هو الفرق بين المدخلات و المخرجات ...
بس الربح الصافي هو الفرق السابق بعد تنزيالمصروفات ... بس الربح ألو علاقة برأس المال هلق مشروع را سماله 1000 متل مشروع را ماله 2000 بعدين الأدارة هي جزء من راس المال ... |
اقتباس:
خليكون بالموضوع الأساسي (الشعر) ألا ليت شعري و افتحوا موضوع عن محاسبة التكاليف والأرباح بأخوية اقتصادية |
اقتباس:
منشان ما حدا يزعل انت لسه طالب ولا متخرج من الكلية او المعهد |
متخرج من كلية من سنتين
|
اقتباس:
:cry: :( انامن المعهد بس من 3 سنين |
اقتباس:
عم امزح:cry: |
شو كأننا صرنا بالبورصة
بالنسبة لنزار, لو كان الي خلء كنت فندت كل هالمقولات وحدي وحدي. بس الوقت ما بيسمح. بيكفي قول انو نزار شاعر الملايين والشاعر الشعبي الأول ما رح تهز قصيدتو ملايين المقولات متل مقالاتك يا اختي مع احترامي لناشر الموضوع. |
اقتباس:
|
عنجد يا جماعة ما بعرف أنا ليش دائما بفوت على هالمواضيع الحساسة متأخر، بجوز لأني لسا جديد، المهم أنا ما بعرف مين هالكاتب المتخلف(مو إنتي وايت روز، قصدي الكاتب الأصلي) اللي كتب هيك عن نزار؟؟؟ و الله نزار بحب الله أكتر منو بمليون مرة، بس عنا التخلف مالو حدود، و كل شي نقال عن نزار هو عبارة عن مجرد اتهامات باطلة، أنا بتحدى تحدي و أنا مسؤول عن كلامي، إنو حدا يجبلي بيت شعر لنزار سب(شتم) فيه الله سبحانه و تعالى، و كل شي كتبو نزار هوي تصوير للحالة المعفنة اللي وصلها العرب، تعبير عن مدى سوء العرب، عمبورجي إنو الحكام العرب فكروا حالن آلهة الشعوب العربية فتطاولوا على الله سبحانه، و صاروا يحكموا بأمرو، و لما يقول الله مات أو خاف أو هيك شي، هوي ما بيقصدها حرفيا، هوي بيقصد إنو الشعب اللي مات و الشعب اللي خاف، و كل هالشي باسم الله، بينما الله بري منن، و أنا بنصح اللي بيتهم نزار يقرأ قصيدة أصهار الله، بركي شي يوم بنزلكن ياها، نزار حكا هيك لما شاف العالم عم تطرف بالدين، عمتستخدم الدين متل الأفيون، مع إنو الدين هوي رحمة و تنظيم لحياة الشعوب، عمبورجينا كيف الحكام عم تظلمنا و تعمل دكتاتوريات باسم الدين، و باسم الله، عمبورجينا كيف المشايخ عيغسلوا دماغنا و دماغ أطفالنا باسم الله و الدين، نزار ما كفر، نزار مش كافر، بس البلد كافر و الذل كافر على قولت زياد الرحباني، دافع نزار عن الله و عن الحق البشري لما شاف الذل لبني آدم باسم الله و الدين، حاجتنا تخلف، حاجتنا تكفير، و الله عيب نحكي بهيك مواضيع، الله مو متل ما مفكرينو، الله لو ما بدو يانا هيك ما خلقلنا العقل بالأصل، ما سمحلنا نتطور و نتقدم، ما كان فضلنا على كل مخلوقاتو و خلقنا مشان نعمر الأرض.
ما بدي طول أكتر من هيك، و للمرة الألف يا ريت ما حدا يفهم هالموضوع على إنو تهجم شخصي عليه، بس أنا عمحط وجهة نظري بالموضوع، و أكيد هادا من حقي، و بعدين حسيت إنو واجب علي دافع عن نزار اللي دائما حبيتو و حبيت أشعارو، عن نزار اللي دافع عن المرأة و عطاها حقوقها بالتفكير و العيش، عن نزار اللي صور الحب بأروع أشكالو، نزار اللي عانا من الظلم و الدكتاتورية، من يوم ما نولد و مرورا بالتعذيب على إيدين البعث و النظام السوري-رغم التكريم المزيف اللي عطوه ياه- لوقت ما مات ابنو مرورا بوفاة حبيبة و سيدة قلبو بلقيس، و انتهاءا بموتو بلندن. الله يرحمك يا نزار، و يحسن إليك، و لا تخاف، نحنا رح نضل ندافع عنك طول مافي بدمنا نقطة دم، و طول ما قلبنا بينبض حرية و إيمان و حب. الحرية لنزار و سوريا. |
انا نزار قباني ما بحبو وما بقراه
بس بقرف من اي شخص بيفكر متل كاتب الموضوع يعني شو جاب لجاب لسه ما بدنا نفهم انو الابداع والحرية متلازمين العمى ياجماعة بيطلعلك كل واحد جحش ما بيعر قفاه من وكر الفارة وبيقعد يكفر بهالعالم شو هالجحشنة دمناللتخلف ط* بها التفاهة |
يعطيك العافية أختي وايت روز:D
مواضيعك وأسلوبك في الرد مميزة.. مع أنه شاعر كبير..الا إنه مغالطاته كتيرة من خلال كتاباته...وماهي جديدة الشعر ممكن يكون راقي ومميز من غير مايمس الدين أو الخالق...أو حتى أشخاص؟؟ بيقدر يبدع الانسان من غير سب ..أو سخرية...أو حتى تمسخر...والا كيف بنسميه أدب أو شعر؟؟ ومشكورة مرة تانية.. |
اقتباس:
وميت انت لحتى تنقد نزار قباني ولا بتنسى ردودك بغير مواضيع |
اقتباس:
|
مالي خلق أقرأ الموضوع ...
والمكتوب مبين من عنوانو .. آخ بس .............. لمتى هالقصص اللي ما لا طعمة ... بلا مالواحد يحكي .. :x |
مجرد تذكير بهالرد
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
بس المصيبة ما تعلمنا نحترم الأخر و ياريت الله يعمل معجزة تانية و يبعتلنا شخصية تانية متل ضفرو لنزار و نحنا رضيانين يا زلمة ع هل السخافة |
اقتباس:
وخاصة انو بذكرني بشخص بحبو كتير هو بمثابة اب روحي لألي من كتر شو بحبو بس انا بالنسبة الي بنقض كتير اشياء فيه ومنها الكتير من شعرو نقطة على السطر انو مين نكش الموضوع :x |
اقتباس:
|
اقتباس:
يعني نحنا ماعم نمس انو هو رائع بس فيه شوية مغالطات |
اقتباس:
:oops: |
:lol:
يلعن حظي ماني عرفان اضحك ولا ابكي العرب جرب ما بيلبقلهون شي لانهون اغبياء ما عندهون مخ يفكرو فيه بياخدو الشغلات بمعانيها الحرفية لانو اذا ما اخدوها هيك رح يشغلو صندوق البويا اللي براسهون وهيك بيتعبو |
طيب هلق الكل وجه كلامو لكاتب الموضوع الاصلي
طيب واللي مأيد الكاتب مو من نفس فصيلتو؟؟؟ كلهون اضرب من بعد برأيي الكلام لازم يكون موجه للكتاب والمؤيد التنين سوا |
اقتباس:
ليه خيو؟؟:jakoush: إنت موعربي؟؟؟:shock: |
اقتباس:
بس بتعرفي.. ماشاء الله عليه دقيق الملاحظة على ردودي... أي انا كمان بتعجبني بعض ردوده الواقعية والهادئة;-) |
أختي وايت روز، اسمحيلي قلك إنك عمبتناقضي حالك، بتعرفي ليش؟؟؟؟ لأنك بتحبي نزار و رغم هالشي نقلتي هالموضوع البشع، آسف إذا قسيت عليكي بالكلام، بس هادا هوي واقع الموضوع، العمى، إذا بتحبي لنزار و هيك، لكن كيف إذا بتكرهي، شو رح تساوي؟؟؟؟؟؟؟!!!!!!!!!!!!!!!!!!!!!!!!!! !!!!!!!!
أنا معك إنو إذا حابي تنقدي إنتي حرة، بس نقد، مو سب، إنتي شفتي الموضوع اللي ناقلتي؟؟؟ تقولي واحد عندو تار عند نزار و بدو ينتقم منو، شوفي شو كاتب: اقتباس:
|
اقتباس:
واذا بدك عندي شي بيعجبك كتير ولسا ما شفت شي:jakoush: |
اقتباس:
لا خيو....بتمنى ماتفهمنى غلط...:D أنا ماقلت بتعجبني بعض ردوده الواقعية والهادئة؟؟..شو الغلط؟؟8) إنك بتستخدم اسلوب المسخرة مع غيرك بتتوقع يستعملو نفس الأسلوب؟؟ أنا لابتمسخر..ولابحب حدا يتمسخر علي..وكلامي مع الأخت وايت روز ..جاد فيه... ممكن بختلف معك بشغلات..لكن مايعني أني اتتبع مواضيعك وردودك واتمسخر عليها؟؟ هاد توضيح الك موأكتر....ونحن بمنتدى حبيبي...موساحة تحدي وتهديد... |
انا اللي بدي أفهمو لإيمتا العرب بدهم يضلو يقتلو الإبداع والفكر والحرية بالدين وبالله و(بالتكفير تحديداً)
انو انا شايفة انها صايرة موضة وكلو عم يفتي عكيفو !!!!!!!!!!!!! |
بالفعل شي بيضحك .... الأخت وايت روز ... مو شايفة أنو إزا قريتي الاقتباسات اللي حاطيطين لنزار واللي شايفتين كفر لو قريتين من وجهة نظر تانية ... ما بتشوفي إنسان مؤمن لأبعد الحدود ... بتعرفي شو قصدو لما بيقول أنو شاف الله يقتل في عمان؟؟؟؟؟؟ أنا ح قلك شو قصدو ... بس القصد بيكون حسب ما بتشوفيه ل الله .. إزا كنتي بتشوفيه الله القاسي الشرير شي .. وإزا كنتي بتشوفيه الله الخير المحب القريب اللي بيحبنا شي تاني ... بس بما أنو شكلك مؤمنة كتير وبتخافي ع الله وبتحبيه ... معناتا لازم تكوني بتشوفيه الله الخير المحب القريب ... وع فكرة نزار نفس الشي .... لما شاف الجهل والتعامل اللي حسو غير إنساني حس هوي أنو هيدا قتل كل معاني الحب بالله ... وبالتالي قتل الله صورة رمزية لأنو الله لا يقتل بالطبع ... وأكيد نزار كان بيعرف هالشي ... بعدين وين المشكلة لما الواحد بيعبر عن رأيو ؟؟؟؟؟ وبفرض كان هوي إنسان ملحد (مع أنو هوي مؤمن لأبعد درجات الإيمان ـ طبعا متل ما بشوفو ـ ) فإنتي الشغلات اللي ما بتعجبك مانك مضطرة تقرين ... بإمكانك وبكل بساطة تقري الشغلات اللي بتعجبك وبس ... يعني أنتي عملتي متل اللي قاعد عم يتفرج ع التلفيزيون وعم بينق أنو البرنامج ما حلو .. طيب قلوب ع غير محطة !!! ولا شو رأيك ؟؟؟؟ بتمنى ترجعي تقري شعر نزار من جديد من وجهة نظر تانية وبطريقة تانية ومن زاوية تانية... رح تفهميه أكتر ... بتمنالك تفهميه أكتر ... لأنو إزا كنتي بتحبيه وما فهمتيه رح تخسري كتير من الحلاوة اللي رح توقع بقلبك لما بتقري .....
|
| الساعة بإيدك هلق يا سيدي 05:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون