|
اقتباس:
انا ما بمشي بالتهديد و لا أرضى بأنصاف الحلول ........ :lol: بالنسبة للصورة ظبطناها من القالب يعني فعلا انا هلق لحتى تعرفت على لغة xml يلي لقيتها بسيطة و حلوة بس الفكرة انو إضافة كلمة أقرأ المزيد (read more ) ما كانت تزبط لا بقرد و لا بدب و من شان مدونتي انا هلق بلشت فيها و بعدها ببداياتها لان عم سوي مدونة للجمعية يلي انا فيها بس متل ما بقولو عمول خير و كب بالبحر :lol: هاد هو لينك مدونتي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و بس بدي رأيك بالمدونة يلي عم سويها لجمعيتي جمعية إيمان و نور انت عارفها أكيد :lol: و هاد هو لينك المدونة ......... - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - أحلى أبو طونياه |
اقتباس:
أنا ما صار معي بالقالب هيك شي بس عملت لتنين من الشباب الطيبة مدونات وعم يصير معن هالحالة، صارت معي وعم تكمل معن... هلا أنا حبيت أستفسر وأعرف السبب، وإذا كانوا مضطرين عالتغيير فبنستعين فيك شنّو أنت المعين الوحيد بهيك قضيّة. وسامحنا على اقتطاع وقتك غير المثمّن وما إلى هنالك من عبارات على نفس الموال... شغلة قبل ما أنسى: عيب يا رجل الواحد يتصل بالتاني... وهاد التاني مو أنو ما بيرد، لك ما بيرجع يتصل وهالشي ألو معنى واحد مو أكتر، ومو كتير صعب يفهمو الأول! الهيئة أنتو الحلبيّة هيك لأنك رقم تنين من هالفصيلة... وعَ كل حال أنا توبت أتصل ببني بشر من حلب لا أنت ولا هداك يللي عاملي حالو بلا انتماء... شي بيطفر! إذا حدا حب يسأل فأهلاً وسهلاً ومحدا حب لحفض القرد! بالنسبة لقالب مدونتي فمو عَ بالي غيرو... حالياً ماني فاضيلو... بس أنت لاقيلي قالب أحلى وأنظم وأرتب ومن عيوني بسفئلك ياه تغيير أبدي نهيوي أخروي... فأمّا ليش ما عم أكتب، فلأسباب كتيرة أهمها أنو شفت متابعة الإعلام بكل ما ينبثق عنو من صحافة وإذاعة وغيرو وغيراتو ما بيعرض إلا لوجهات نظر خاصّة وافتقادو للحيادية خلاني أبتعد عنو مع خيط صغير بيجمعني فيه بالقضايا يللي بتهمني ويللي بتهم الإنسان بشكل عام، يعني إنسان الإنسانية بدون شكل ولون ودين وعرق... فأما عن النهفات الأدبية يللي كنت أكتبها بالمدونة فهي بحاجة لمراجعة وتدقيق أكتر من ناحية اللغة والأسلوب والفنون اللغويّة، ومن ناحية التوسّع بالأفكار نوعاً ما... ولهالسبب بالذات ما عم أنشر كل شي عم أكتب حابب خبي أشيا إذا فكرت أنشر بالمستقبل شي كتاب أو ما شابه. وهيك بيكون خلصت حديثي معك يابو بياض :D. |
ديكور المدونة
بقصد بالديكور القوائم والصور واللينكات اللي تنحط على القوائم الجانبية للمدونات
المدونة مش بس نشر الاشيا اللي عم اكتبها المدونة فيها شي احلى من هيك بكتير .. المدونة تماما متل الغرفة الخاصة فيك كل واحد حر باختيار الديكور المناسب لمدونته لتصير مطابقة لذوقه الشخصي وقت عم نحكي على الديكور ما منكون عم نحكي على قالب المدونة ابدا كل حكينا هون على القائمة الجانبية ( أو القوائم الجانبية اذا كان القالب بالأصل فيه أكتر من عمود ) وقت منحكي على القوائم الجانبية بيطلع قدامنا أكتر من سؤال شو بدي حط فيها ؟ شو بالاصل الخيارات اللي فيني حطها ؟ كيف بقدر ضيف أشياء عليها ؟ شو بدك تحط فيها ... هممممممم ظريف هلسؤال الديكور ما بعبر بس على ذوق الشخص ... الديكور بكتير من الأوقات بعبر عن توجهات الشخص وافكاره وآراءه يعني وقت بتفوت انت على مدونة وبتشوف واحد حاطط صورة وكاتب تحتها ( اوقفوا جرائم الشرف ) بكون صار عندك صورة واضحة تماما عن راي صاحب المدونة بقضية جرائم الشرف هلق يمكن شوي انا عقدتها للقصص ..مو شرط يكون كلشي عم تحطه اله دلالات خطيرة ومعاني دفينة بتقدر تحط صورة بتحبها او صورة رسمتا هلشي بفوتنا بالسؤال التاني تبع شو الخيارات اللي فينك تحطها حكمة بالحياة بتحبها او سطور وكلمات بتعنيلك بصفة فردية كمثال عشوائي على الاشياء اللي شباب* الاخوية حاطينا ياسين حاطط مقتطفات من رسالة لوالده ذا مورنينغ حاطة موقع برنامج التعليم للصم والبكم مرسيل حاطة لينك موقع بسمة لدعم الاطفال المصابين بالسرطان قرصان الادرياتيك حاطط ألبوم صور زين حاطط صورة لحمامة السلام وصورة تانية لغيفارا حضرتنا حاطط صورة رسمتا بزمناتي المهم انك تكون مقتنع بالشي اللي عم تحطه وما عم تنشره بس مشان العالم تقول : واو صاحب المدونة كتير عميق ومفكر يعني على سبيل المثال لا الحصر Nay اذا فكرت تعمل مدونة فشي كتير طبيعي تحط صورة موقع نساء سوريا أو تحط فعالية من فعاليات الموقع متل عريضة ايقاف جرائم الشرف أو حملة جنسيتي لي ولأولادي . سوا ربينا ممكن يخصص كل فترة والتانية مربع يحط فيها "كاريكاتير الاسبوع " او هيك شي بما أنه بحب عالم الكاريكاتير وبتابع اخباره عم اعطي امثلة على التوجهات وكيف ممكن المدونة تعبر عن الشخص بالديكور تبعها وقبل ما يقرا الزائر أيا حرف بصير عنده طابع مسبق عن الشخص اللي عم يقراله وهلشي بريح القارئ لدرجة كتير كبيرة وقت بيعرف شو نوع الافكار اللي بيحملها هلشخص اللي عم ينشر هون . كيف بقدر ضيف الادوات والصناديق على القائمة: هون جينا على الحكي العملي واللي بيجي منه بالفحص . منفوت على موقع البلوغر blogger منسجل دخول على المدونة من الصفحة الرئيسية منختار التخطيط اتوتوماتيكيا مننتقل لصفحة "عناصر الصفحة " بالشكل التالي  طبعا طريقة توزيع القوائم بتختلف من مدونة لتانية بحسب القالب منفقش على "اضافة اداة " بيطلع بالعادة 20 أداة بصنفها الموقع على انها ( أدوات اساسية ) بدي اشرح أهم الشغلات اللي ممكن واحدنا يستعملها بمدونته : مربع بحث :: هي جديد ضايفها الغوغل لخدمة المدونات تبع البلوغ سبوت نص :: متل حكمة أو قول شهير أو تنبيه حابب اتحطه للقارئ اللي عم يتصفح مدونتك صورة :: بتقدر تحط صورة مع لينك ( انك وقت تفقش عليها ينتقل المستخدم لصفحة انت بتحددها ) هي كتير بتستعمل مشان اذا بدك مثلا تحط موقع الاخوية .. بتحط الصورة تبع الموقع ( الموجودة بأعلى الصفحة ) وبتعمل انه وقت بينقر الواحد على الصورة ينتقل لصفحة الاخوية الرئيسية عرض شرائح :: هي في طريقة خاصة مشان تحدد انت الصور اللي بدك تنعرض .. في الها علاقة بموقع فليكر منحكي عليها في حال حدا حابب يستعملها منقله شو يعمل شريط فيديو :: بتحمّل الفيديو على صفحتك فورا بحيث المستخدم ينقر على صورة الفيديو ويشوف الفيلم مباشرة من صفحتك بلا ما ينتقل على موقع تاني استطلاع رأي :: متل الاستفتاء اللي عنا بالاخوية ، بتقدر تحدد تاريخ اغلاق الاستفتاء وهيك اشياء قائمة المدونات الالكترونية :: هي القائمة حكى عنها حج ياسين بشكل مفصل تحت عنوان التشبيك - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - الفرق بين هي الاداة وبين قائمة الروابط هوي انه قائمة الروابط بتقدر تحط فيها رابط أي موقع بدك وبشكل ثابت بينما التانية خاصة بالمدونات .. مو ضروري تعرف كيف عم تشتغل .. المهم تعرف انه شغلتها اتجيب آخر تدوينة كتبها الشخص اللي عم اتابع مدونته وحاطط الرابط تبعها بالقائمة عندك وتحطه تحت اسمه بتفيدك هلأشياء لتعرف شو آخر التدوينات اللي حطها الشخص اللي مشبك مدونته عندك . التسميات :: وقت بالمحل اللي بتنشر فيه التدوينات بتلاقي موجود من تحت مربع صغير جنب كلمة النشر .. هاد المربع بفيدك بالتصنيف والتسميات يعني ولنفرض انا كتبت تدوينة وحطيت الها التسميات التالية من تحت ( تحشيش ، سنافر ، أدب ساخر ، مجتمع ) (ضروري نفصل بين الوحدة والتانية بفاصلة مشان يعرف انه كل وحدة تصنيف منفصل عن التاني ) ومع الأيام كتبت تدوينة تانية تحت بند وحيد ( مجتمع ) القائمة هي اللي بدي ضيفها لحالها بتطالع التسميات اللي انت مستخدمها وجنبها عدد التدوينات المدرجة تحتا بحيث انه وقت بينقر الزائر اللي جاية على مدونتك على كلمة (مجتمع ) يطلعله كل التدوينات اللي ضفت عليها تسمية المجتمع من تحت ان شاء الله تكون وصلت الفكرة .. اذا ما وصلت خبروني لحطلكن صور وضح فيها شو القصد . ارتباطات اشتراكات :: هي بتسمح للمتصفحين يتابعوا مدونتك عن طريق برامج قراءة الـ Rss بتكون عم تقدم خدمة للزائر اللي حب صفحتك وحابب يتابع كل اخبارها بانك اتضيف هي الاداة على صفحتك . أرشيف المدونة الإلكترونية :: بيعمل متل شجرة للتدوينات اللي انت حاطها وبصنفها زمنيا بحيث يسهل عليك تقدر ترجعلها مع الايام فينك تحطط طريقة الارشفة وطريقة عرض الارشيف بحسب الشي اللي بريحك كمان بتكون عم تقدم خدمة للزائر اذا ضفتله هي الاداة . أخيرا في صندوق اسمه HTML/JavaScript هاد ما جبنا سيرته فوق ابدا ، مو لأنه ما منستعمل بالعكس هاد أهم شي تقريبا بين الادوات كلها والحكي عنه لحاله بده مشاركة لتنشرح فكرته وطريقة استخدامه بطريقة كافية . بعد ما نزلت الاداة اللي بدك ياها وظبتطها على مراقك وقبل ما تعمل حفظ للتغيرات اللي عملتها بالصفحة تبعك بتعمل ترتيب للاشياء اللي ضفتا بحسب الشي اللي بريحك عملية ترتيب طريقة عرض الادوات من اسهل ما يكون بالنقر والسحب برتب الاشياء بحسب ما بدي ياها تظهر .. تماما متل وقت برتب تسلسل الفايلات داخل شي فولدر عندي على الكومبيوتر سحب وافلات يعني للصندوق بكون تغير محله على الصفحة تبع مدونتك شباب* : قبل ما ينتفضوا فتيات الاخوية ويبلشوا يشدولي شعري الشباب بقصد فيها الفئة العمرية ذكورا واناثا |
اقتباس:
اللي درس لغة برمجة (ايا لغة كانت ) بيستسهل كتير الاتش تي ام ال لأنها بسيطة إلى حد ما بالك اني عامل دورات مثلا :lol: كله على التجريب والتخبيص مرة ومرتين بالاخير بيمشي حاله فتت على المدونتين وشفتن مدونة ايمان ونور كتييييييييييييييييييييييي يييييير حلوة اختيارك للقالب اكتر من ناجح والالوان كلشي زابط فيها وبشكل احترافي بهنيك على الجهد الحلو اللي واضح فيها وفي الي سؤال :lol: ما بعرف اذا بحقلي اسأل بس انه يعني سؤال ما حدا بيعتب علي كيف قدرت تعمل الجداول بالتدوينة ؟ انك قسمت صفحة التدوينة لجداول وكتبتا بالعادة بضطر اعمل الجدول بشكل صورة لحطه بشي محل في شي طريقه لأقدر حطه بشكل مباشر متل ما انت عامله ؟ |
اقتباس:
اقتباس:
بس لازم نفرض على المراجعيين الحضور الشخصي لتمشية المعاملات هيك ما بيمشي الحال علطالعة والنازلة تكحلني بطلتك البهية :o عم نمزح ولو .. احلى قرصانيتو بس عنجد ما عم امزح بخصوص تزبيط القالب قلن للشباب يعطوك ياه وانت بدورك بعتلي ياه لزبطلن ياه من طرف قرصانيتو هدول مو حا يا الله :sly: اقتباس:
انه مواعيد تلفوناتك اخت ملحوشة :jakoush: بكل الاحوال مو هون محل شدشدة الشعر .. منتصافى بغير محل ( يلعن ديبك فضحتنا قدام العربان :jakoush: ) اقتباس:
اذا هيك المشكلة فمحلولة هلق ببحبشلك على شي بيزبط معك ... مع انه بعرف ذوقك وما بيعجبك العجب بس منحاول ما منخسر شي المهم اقدر حملك منية بشي قصة .. وفي سبيل الغاية تبرر كل الوسائل والتنازلات :larg: اقتباس:
أنت آخد منحى اليوميات وماشي فيه وبعتقد انه في كتير عالم متلي معجبة باسلوبك ومتابعة لتدويناتك وما حدا عم يطالبك بالحياد .. بالعكس انت متلي بتعرف أنه الحياد يبزق من الفم متله متل الماء الفاتر الموضوعية بتكفي كإطار للكتابة ومن خلال متابعتي الك خلال السنين الماضية بعتقد انك من أكتر الاشخاص اللي بقرالهن وبحس بموضوعيتن بالحديث اقتباس:
يعني اذا نصبت كلمة بدل ما ترفعها ما رح تخرب الدنيا من النهفات تبع البلوغ انك بتقدر تشوف العالم اللي مستعملين اللينك تبع مدونتك بصفحاتن الشخصية ( هي خدمة من غوغل بحكيلكن كيف بتستعملوها مع الأيام ) فأحدى الصفحات كانت ناشرة اسم مدونتي بس مع التشكيل تبعها والشدات وهلقصص اكلت القصة مني تقريبا 0,0001 ثانية لأعرف انك انت اللي مستعملها بهلطريقة وبالفعل صدقت حواسي :lol: اقتباس:
لهيك بدي اتحفظ على الاجابة وساحتفظ بحق الرد للمرة الجاية :adal: |
اقتباس:
اقتباس:
لان المدونة بعدني ما فرجيتها لحدا بالجمعية و بعدها ناقصة كتير و انت أول رأي بسمعو بخصوص المدونة انشالله بعد شي اسبوعين رح نشتريلها نطاق و نسويها نظامية و رح تصير كاملة لأن بعد في عشرات المقالات عن التعرف على الأخر و تقبل الأخر و حياة الشخص ذو الإحتياجات الخاصة و .......... و غيرها بس انو فعلا رايك يعني عطاني دافع كتير حلو :D اقتباس:
تمام هلق بالنسبة لهي الفكرة انا عم اكتب النص يلي بدي نزلو على الورد و نسقو متل ما بدي و بيحط الجداول يلي بدي ياها كلها من الورد و لما خلص بالأخير بعمل نسخ من الورد على مكان كاتبة الرسالة بالمدونة و ينتسخ متل ما هو و أحلى تحيات أبو طونياه:D |
طب مثلا انا نقلت مكاتبي للورد بريس وبدي دوكر المدونة ساعدونا بللا
|
اقتباس:
متل اللي طالع بميكرو وعميقلو خدني عالبيت :jakoush: |
مراحب ابو طوني
خيو بدي منك شغلة هلق بمدونة ايمان ونور في عندي مشكلة و اللي هي انو بالهيدر الفوقاني ما فيني انتقل لاي وحد منهون الا اذا كنت بالصفحة الرئيسية يعني لوضح أكتر أفض اني انا بصفحة "ما هي إيمان و نور " و بدي روح على صفحة " تطوع معنا " يلي بصير أنو ما فيني روح على الصفحة ألا اذا ارجعت على الصفحة الرئيسية فعندك شي حل؟؟؟؟؟؟؟ |
عمـّي ابو طوني جبتلك سـؤال مافي منـّو بالسوق (( توصايه ))
أنـّو انظر الشكل :  هاد اللي بالأحمر رح يجنني :cry: .. لكن ما بدي غيّر الفورمات تبع عرض تاريخ التدوينه .. فـهات لنـشوف شو خرج نخترع كرمال هي المظاهره الحمراء ما عاد تطلع :shahbi7: ؟ |
اقتباس:
لكن حاولت جيب الستايل تبع مدونتك وما لقيت غير هاد ( نفسو بس صاير اعرض ) ومافي هي المشكلة فيكي تشوفيه من هون - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اذا حسيتي انو كويس هاد الرابط تبعو - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - او ازا ما بدك فوتي علوحة تحكم مدونتك بعدين على التخطيط ... وبعدين على تحرير HTML اول شي عملي باك أب عن الستايل وكبسي CTRL+F ودوري عكلمة من هالجملة ( حاولي تدور عكلمة orangevolt ) وبعدين عملي تحديد عالجملة كلها .. لتنتهي بآخر كلمة ظاهرة عندك بالمدونة .. واحذفيها ، ازا ما مشي الحال رجعي الباك اب تبع الستايل القديم ، لحاول لاقي الستايل انا |
اقتباس:
اي هلأ نجي للستايل .. أوّل ما حملته ما كان فيه هالمشكله و عفكره مش دائما بتظهر هي العباره لذلك ما بعتقد المشكله بالستايل نفسه يعني في شي ما عم اعرف وين بالضبط في شي برغي مفكوك .. أمـّا اني فوت على التحرير تبع HTML فمابعرف شو قلـّك .. حكيت بهالموضوع انا عقدتي منها و ليش ما بقدر فكـّر حتى فوت على هي الصفحه .. في حل تالت يعني من هدول المخباين للزباين التقال :p ؟ |
اقتباس:
|
اقتباس:
برجعلك بس حتى لو ظبط بعد ما غيرت الفورمات انا ما بدي غير الفورمات :cry: |
طيب جربي وخبرينا
|
يا جماعة الموضوع ايا شخص فيه يساعد بكون عم يفيد البقية فانه مافيها خجلة
شوش شو صار معك؟ |
اقتباس:
بس انتبهت انك مانك مزبط لينك تبع نشاطاتنا لسعته على لينك الـ Feed اللي بكون افتراضي بالعادة يعني نشاطاتنا مربوطة بهاد اللينك - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - لازم تغيره ليمشي الحال عندك وعم حس انه في شي غلط باللينكات اللي انت حاطتها اللينك هاد - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - 06/2009/06/blog-post_9309.htmlفيه شي اضافي .. بعتقد اللي لونتلك ياه بالاحمر ما لازم يكون موجود ليمشي الحال انت رجاع بدل اللينكات وشوف شو بده يصير معك وفي عندي اقتراح الك ليش ما بتحاول تلعب بأبعاد الهيدر لتبعد الكمات عن بعضا طالعة هيك وكأنها سطر واحد او جملة وحدة ما مبين انه في اكتر من لينك وقت بدك تشتري الدومين خبرني لئلك كيف بتقدر تعمل ميل بلاحقة خاصة بموقعك يعني انا هلق عندي 50 ايميل من الشكل - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بس تشتري اللينك بخبرك كيف تعملن للإيملات هدول اللي بيجوا بشكل مجاني :gem: شغلة اخيرة في ميزة بالمدونات انك بتقدر تخلي المستخدم يسمع الغنية أو يشوف الفيديو مباشرة من الصفحة عندك انتبهت انك حاطط ترتيلة انا مستعد بلينك على الفور شيرد .. اللي عملته انت انك اخدت لينك الفايل من الشيرد ( URL ) ولزقته بالصفحة عندك بتقدر بدال هي الخطوة تاخد لينك الـ Embed اللي هوي هاد عندك (<embed src="http://dc151.4shared.com/flash/flvplayer.swf" width="420" height="250" allowscriptaccess="always" flashvars="file=http://dc151.4shared.com/img/115179885/efd8f46a/dlink__2Fdownload_2F115179885_2Fefd8f46a_3Ftsid_3D 20090702-050824-83e9d1d3/preview.mp3&link=http://www.4shared.com/file/115179885/efd8f46a/7-_ana_mostad.html&plugins=revolt-1&logo=http://dc151.4shared.com/images/logo.png&image=http://dc151.4shared.com/images/icons/misc/mp3_200x180.jpg"></embed> ) وتشلفه بشكل مباشر بالصفحة يعني كيف بتلزق نص الوورد هيك بتعمل تمام ما بتعمله ارتباط تشعبي او ايا شي لحاله البلوغ بفسر الكود انه غنية وبيربطا بصفحتك جربها ما بتندم |
اقتباس:
يعني بعد لازمني شوية معلومات لحتى يصير كامل ...... اقتباس:
saydat-alwehdah.blogspot.com فيني انتقل للصفحة تبع ما هي ايمان و نور أو تطوع معنا بدون أي مشكلة بس لما صير بالصفحة تبع ما هي إيمان و نور ما فيني انتقل للصفحة تبع التطوع الا اذا ارجعت للصفحة الرئيسية و السبب هو هي الإضافات يلي عم تحكي عنها حاولت ألعب بالقالب بس ما زبطت معي إلا بهاد الشكل فأنا لاحظت عندك انو باللينكات تبعك بالهيدر الفوقاني عم تصير عملية بحث فأنت كيف مزبطها لان اللينكات عندي انا كتير حساسة :lol: اقتباس:
يمكن بترجع للمتصفح أو للجهاز لان عندي عم يطلع الخط شي و عن رفيقي بيطلع شي تاني اقتباس:
لان google بتعطيك هي الميزة المجانية اقتباس:
و هاد اللينك من با خدو ا .................... من الفور شيرد ؟؟؟؟؟ --------------------------------------------------------------------------------------------------- بس سؤال ان في كذا مدونة شفتها لاحظت فيها وجود تسجيل دخول في الشغلة ممكن الواحد يسويها بالمدونة ؟؟؟؟؟ مشكور:D |
قصي
ايمان ونور طالعة بتاخد العقل حلوة كتير |
هلق اب طوني
بقدر اعمل اتصل بنا ع الشريط من فوق يعني متل ما مرة قلتلك وهي نحط مربع لاسم الشخص ومربع للاستفسار |
دقيقة دقيقة
في حدا بأخوية بإيمان ونور أيمان ونور نفسا اللي هي اهم شي بحياتي وعندو مدونة عن أيمان ونور كمان :shock::shock: انو انا وين عايشة !؟!!!!! أنا عملت مدونة لإيمان ونور وما كفيت فيها .. :( - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
:D |
اقتباس:
انا منتسب لإيمان و نور و عندي مدونة كمان بالتحديد منتسب لعائلة سيدة الوحدة بالشام و المدونة هي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و بدي رأيك فيها بس سؤال ليش انتي منتسبة لأيمان و نور.؟؟؟؟؟؟؟؟؟؟؟؟ |
أي انا بعيلة مار الياس حلب
اي منتسبة فيها ألي شي عشر سنين يمكن :lol: يعني جديدة لسى ع كل هلق حمستني اشتغل بموقعنا .. .:gem::gem: |
اقتباس:
تبعيت دمشق :frown: |
اقتباس:
|
اقتباس:
منشان نحطكم بالمواقع الصديقة بالمدونة تبعي:D |
اقتباس:
مستعمل لينكات تبع التسميات أو الاقسام بحسب ما انت مسميها استعمل هدول : ما هي أيمان ونور : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وبخصوص تواصل معنا انت مانك منزلها تحت ايا بند أو قسم .. نزلها وسحاب رابط القسم لفوق بعتقد بيمشي الحال وكلشي تمام . اقتباس:
اقتباس:
بتعطيك 50 ميل خاص انت بتصيغ شكلن .. يعني انت بتحدد الجزء الأول اللي بدك ياه واللاحقة بتكون الرابط اللي اشتريته قول لوقتا منحكي فيها :D اقتباس:
هلق بنزلك الصورة تبعه اقتباس:
هي بتكون تسجيل الدخول على موقع الوورد بريس .. شغلتا فاضية مالا علاقة بالمدونة نفسا -------------------------------------------------- خيو بس في ملاحظة عرضلي صدرك لتستلقاها :lol: لا تفكر بيوم من الأيام تكبر صورة صغيرة وتستعملها .. لان بتصير مشوهة كتير يعدمني ياك مستعمل اللوغو تبع الميديا بليير :lol: بحبشتلك على صورة مقبولة لتحطها بدل اللوغو بمحل أغنية الاسبوع شوف هال كام واحد اذا بينفعك حدا منن بينفعك http://hamzinhovic.jeeran.com/logo_music.jpg http://www.shorter.edu/Images/about/...music_logo.jpg http://www.sanilacdistrictlibrary.li...sic%20Logo.jpg |
اقتباس:
من هون بتشوف لينك الـ Embed  روح شايفلك :larg: |
وانا حضرتي
ايمتا بك تجاوب ع سؤالي :frown: هاموش ليش عطول بدي قلك فوت ع المسنجر :jakoush: |
ما بقدر فوت على المسنجر الخط بطيئ ما حفظت الاسطوانة :x
بخصوص التعليمة تبع الايميل فسألتلك زلمة فهمان بهي القصص عن كيفية ربط الايميل بنقلك اللي كتبلي ياه بالحرف الواحد : اقتباس:
|
انو يعني انا فهمت
:? |
يعني هيك شكل الكود اللي بدك تحطه
<a href=”mailto: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ?subject=Something from blog”>the link</a>- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - : ايميلك الشخصي .Something from blog : عنوان الرسالة الافتراضي اللي رح يتبناه الآوت لوك ( أو ايا برنامج استيراد رسائل بيستخدمه الشخص اللي بده يراسلك ) , the link : الكلمة اللي بدها تظهر على الشاشة واللي يفترض ينقر عليها المستخدم متل ( اتصل بنا ) بصراحة انا ما جربت التقني هية بس مصداقية الشب عندي بتخليني اتبنى الحل اللي قدمه :D |
اقتباس:
اقتباس:
و يلا منيح أخدنا وحدة من الصور تبعك مشكوووووووووووووووووووووو ووووووووووووور بس عنجد أذا في أي ملاحظة تانية عنجد أحكي لان المدونة بدي سويها الموقع الرسيمي لعيلتنا و أي أخطا فيها أو مشاكل عنجد أحكي أحلى أبو طوني:D |
منيح خلصنا منك :o
انبسطت انه مشي الحال معك لا توصيني احكي اذا شفت شي غلط حتى لو مانه لإيمان ونور .. مدونة شخصية يعني .. وشفت فيها شي غلط وبعرف كيف بيقدر الواحد يصلحه رح احكي ونبه عليه فلا تاكل هم ( هي اذا استثنينا انه الك حبتين زيادة كونك من العالم اللي شربوا مية الشهباء لسنيتن على التوالي :gem: ) :D |
بعد الفحص والتمحيص استقرينا على هاد القالب
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - والقالب هون - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هلق في طلب واقتراح بنفس الوقت انو انا عم اقدر عدل على بعض الامور بواسطة تغيير البرمجة تبع القالب.. المشكلة انو لحتى لاقي الشغلة يلي بدي عدلها عم تاخد وقت فانو فيك تحطلنا كل شغلة وشو تسميتها ونحنا منعدل مشان ما نعذبك شنو صاحبك هون انكليزيتو دفش وفي كم شغلة بدي عدلها وبالمرة نتعلم منكم عوض ما ناخد السمكة هو تعلمنا مافي شك منكم بس لسا بدنا :D اي في شغلة مهمة كتير انو هالقالب ماعم يرضى ياخد قائمة المدونات" حتى اني جربت اكتر من قالب" مامشي الحال :p |
اقتباس:
المشكلة أنه لكل قالب حسابات خاصة فيه مرة بتم تعريف الأبعاد بالأول وبعدين بطبقوا التفصيلات البقية .. مرة بفرض مرة بحطوا عنوان عريض وتحته بتم تعريف وتطبيق الأبعاد وكلشي متعلق بالقصة رح فصلك القالب تبعك تفصيل لتعرف شو اللي عم يصير فيه وشغلة كل شغلة خاصة فيه عطيني بس شوية وقت لشرحلك ياه تشريح :larg: |
اقتباس:
يا اخوة ويا أخوات هاد الصندوق عبارة عن شيفرة خارجية بتنربط بموقعك بتعمل هي الشيفر عمل معين مثلا يعني من باب الأمثلة بتقدر هي الشيفرة تحسبلك عدد الزوار ... تعطيك نوع المتصفح اللي عم يستعمله الزائر تعملك ارتباط لصفحة بشي موقع معين بتقدر عن طريقه توصل لهي الصفحة امثلة كتيرة وتطبيقات لا بتخلص ولا بتنتهي عملية ربط الشيفرة هي بموقعك من اسهل ما يكون بيكفي انك تعمل كوبي باست للكود جوات الصندوق تبع الجافا سكربت ولحاله بفك البلوغ الشيرفرة وبخليها تعمل اللي بدك ياه من فين بتقدر اتجيب الشيفرات ؟ والله سؤال ظريف وبمحله :lol: الشيفرات هي في الها مواقع خاصة بتعطيك ياها لتطبقها بصفحتك مباشرة مثال 1 : الموقع هاد ( فقوش على الصورة لتروح على الموقع ) :  بعد ما تنقي اللون اللي بدك ياه يظهر بمدونتك ( انه تنقي اللون متناسب مع صفحتك ) بتنزل لتحت عند ما مكتوب : اقتباس:
الكود هاد بخليك تعرف باللحظة هي كام زائر عندك بالصفحة :larg: وبنفس الوقت اذا نقرت على الرمز تبع الموقع من صفحتك الرئيسية بينقلك لصفحة بتقدر تعرف فيها عدد المتصفحين لموقعك خلال 24 ساعة الماضية بتقدر تعرف احصائيات بحسب الشهر والسنة كمان لـ ( أكتر عدد وصلته صفحتك - متوسط الزوار - اصغر عدد ) انه شي كتير ظريف بنصح الكل يستعمله لأن بساعدك على تقدير ايا ساعة عم يطجش الزوار لعندك اكتر شي :lol: ممكن هلشي يساعدك بأنك تصير تنزل تدويناتك بهي الفترة ... وبنفس الوقت بتقدر تعرف أيا شهر كان سوقك ماشي ... انه بالأخير خدمة ظريفة وبتنفعك كصاحب مدونة . مثال 2 : الموقع هاد : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بيعطيك آلاف وآلاف العدادات الأنيقة واليسطة الي بس اتضيفها على صفحتك بتعطيك كام زائر فات لعندك من لحظة اضافة الكود للصفحة هي صدقوني شعور كتير حلو انك تشوف عداد الزوار عم يكبر ... شي مشجع :clap: مثال 3 : الموقع بيعطيك هاد الشكل : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - يعني بصنفلك الزوار بحسب البلدان اللي جايين منها طبعا انت اللي بتحدد عدد الأعمدة وأكبر عدد بلدان ممكن يظهر بالمربع .. اختراع ظريف كتير . ------------------------------------------- بالأخير اذا بدي حط أمثلة رح يلخص عمري وما رح اخلص امثلة :lol: فينكن تبحبشوا بالنت على سكربتات وتشوفوا شو بينفعكن ممكن تلغي تفعيل زر اليمين للزائر من صفحتك .. اتضيف رسالة ترحيب للزائر وقت بفوت لعندك .. رسالة تقليع وقت بيكبس على زر الـ x تبع صفحتك :o .. اوقات ممكن يطلعلكن سكربت خاص بالمنتديات فلا تعذبوا حلكن مستحيل يركب عندكن :lol: نصيحتي الوحيدة انك ما تكتر سكربتات بالصفحة لأن هلشي بطفش الزائر بسبب أنه كلما كترت سكربتات = بيكبر حجم الصفحة لأن السكربت عبارة عن كود عم يتطبق بكل مرة = بتصير صفحتك أبطأ = بيطفش الزلمة من عندك وما بيرجع بعيدا = بترتحم تدوينيا لأنك تبقى لحالك = بتسب علي وعلى اللي اخترعني وعلي اقترح عليك تجيب سكربتات لصفحتك = بتجي بتحطلي مشاركة بتبهدلني فيها على هلنصيحة هي = بيطلع خلقي وبنزل سبسبة بالله اللي خلقك = بتخالف وبنشحط على المقتل وعنجد والله مالي ذنب :sick: :D:D |
اقتباس:
امبارحة كان عندي قعدة فصفصة للقالب تبعك :o هوي صراحة الزلمة اللي كاتبلك القالب محترف لدرجة كبيرة .. حاطط اضافات ظريفة عم فكر الطشها لمدونتي :lol: بس مشكلته دب ... مو تيس ها !! دب اي دب دب لأنها مانه معذب حاله وحاطط عناوين تفصيلية لكل كود مكتوب .. يمكن الزلمة هيك لئيم بالفطرة وما بده حدا يلعبله بالقالب :lol: بس هوي وين ولحم العجين وين :larg: متل ما أسلفنا قبل شوي ( شوي بحسب مفهوم الزمن ممكن تكون شهر أو سنة فلا أتدقق كتير ) ، محسوبك فصفص القالب فقلي انت شو اللي بدك تعدله لدلك على المنطقة الخاصة بالبحيرة واللي بيكتر فيها السمكات اللي عم اتدور عليهن .. وتنعم يا عم بالصيد :gem: انت بس قلي شو نوع السمك اللي جاية على بالك :larg: |
يعني هالموضوع كتير حلو
بس بدو قعده لأنو ما اكتشفتو من زمان:o ميرسي ابو توني.. |
| الساعة بإيدك هلق يا سيدي 08:26 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
؟
