|
اقتباس:
انا قلت الزواج " التقليدي " شكل من اشكال الدعارة المقبولة اجتماعيا طالما متل ما انتي قلتي بالاول مافي اي مشاعر حب بناتن .. معناها في جسدين عما يتواصلوا بشكل كامل حنسيا .. شو ممكن تسمي هلفعل ؟ بالنسية الي هي هية الدعارة .. ممارسة الحب خارج اطار الحب .. اذا عندك تعريف واضح للدعارة مغاير لمفهومي بتمنى تشاركينا فيه .:D اقتباس:
الزواج هوي قرار بيتخذوه شخصين بعد ما يتأكدوا بان الشخص المقابل الي هوي الشخص اللي بدي كمل معه حياتي .. هوي الشخص اللي بحبه من كل قلبي ومستعد اني اشتغل 12 ساعة باليوم حتى أمنله لقمة الأكل .. هوي الشخص اللي مستعدة فيك من وج الصبح لأهتم فيه وحط ايدي بإيده لتعمير البيت .. انجاب الاولاد هوي مش نتيجة علاقة جنسية .. يمكن فيزيولوجيا مغلوط هلكلام كون الجماع هوي سبب الانجاب .. لكن بالواقع يفترض الانجاب يكون نتيجة تطور الحب لمرحلة بقرر فيها الشريكين بأن يجتمعوا ليصيروا جسد واحد .. اسقاط كل المشاعر والمعاني الانسانية الخالدة اللي كانت موضوع الهام لكافة الفنانين عبر العصور واختصارا بمجموعة التزامات وعقود نكاح .. فعلا وضع العقل العربي جدا مؤسف :pos: اقتباس:
الفن العاري مبني على تقديس الجسد بعكس عقد النكاح اللي بحول الجسد لآلة تمارس الجنس فقط لا غير . الفنانين قدروا بطريفة التصوير والنحت العاري يحولوا الجسد المألوف بالنسبة النا كلنا لمفاهيم ما كان حدا بالعالم متوقع ان اجسادنا تقدر تأديها .. كتصوير الطبيعة بامرأة .. الريح برجل غاضب .. الأمل بطفل صغير .. حتى وصلوا لمرحلة تصوير للروح العائمة على وجه المياه .. الروح الخيرة والحكيمة او ما يعرف بالنظريات الدينية بالله .. الانحناءات والظلال للتفاصيل وتعرجات الاجساد العارية بتحمل معاني فلسفية بتفتح آفاق بتفكير الشخص المتلقي .. عفوا منك بس وقت بدي شوف انجازات ارباب فن الرسم والنحت متل مايكل آنجلوا .. ليوناردوا دافنشي .. بابلو بيكاسو .. وشوف اقوالن اقوال النقاد بما يتعلق بالفن العاري .. اكيد مافيني اعطي لرأيك ايا اهمية . اقتباس:
اقتباس:
اقتباس:
|
اقتباس:
/ كلما ازدادت الفكرة هشاشةً , إزداد ( إرهاب ) أصحابها في الدفاع عنها / |
اقتباس:
اقتباس:
اقتباس:
|
اقتباس:
بما انو أحكاموا ما منقدر نطبقها بكل الأماكن والامكنة انا ع قناعتي باستحالة تحقيق الشروط لوضع الحد بس بكلامك في استغباء للذات الالهية وكأنو ما راح يعرف انو راح نتطور ويصير الزمان بهالشكل :? |
اقتباس:
اقتباس:
هلق بلا ما نجيب امثلة لانو الشباب بيقولو عم تحكو بالدين وبتنزعج الادارة:x:x:x |
اقتباس:
انو هلء انتي مصدقة شي اسمو حب عذري انو لابد للحب انو يكون مرتبط بالغريزة وهاد الشي الطبيعي والشي الأجمل بكل هالحياة بس نحنا عنا عقدة الاديان اللي خلت الجنس بحياتني شي وضيع ورديء مع انو من أجمل الامور اللي انوجد مع الانسان هلق صار الطاهر هوي اللي ما عمل سكس بحياتو واللي عملها يا حسرتي عليه ماعادو بتول :frown: |
اوف اوف شو هاد
العمى علة هلسمعه اصلا العلاقة الجنسيه هيه تبادال الحب والتعبير عن الحب بين اتنين ( ماقالو بين 10 ) بعدين وين شرفة واخلاق هالرجال العمى اذا رجال سمع او شاف انو مرته لطشوها شباب بيجن جنونه بقا كيف ازا كان واحد معو بلغرفة عم بيمارس الجنس معا ولا هيه كيف بتقبل انو جوزا يكون مع غيرا وقداما :? يووووووووووولي شو هاد عنجد شي مقزز بس هو المجتمع لا يخلو من الشواذ والمنحرفين واللي بيحبو يقلدو الغربيين حتى بهيك شغلات بس الغربيين ماعندن شرف لانو الي معون مو زوجاتن وانما صاحباتن فا مارح يهمن هلقد متل اازا كانت زوجة عربية مابعرف حاج حكي مابدي خبص اكتر ههههههه شي بيرفع الضغط شكرا علموضوع |
اقتباس:
اذا واحد تجوز تنين و حب يجمع بينون بالفراش هادا شو عقابو ؟ و هل يعتبر جنس جماعي مع انو التنين حلالو ؟ :larg: |
اقتباس:
اول شي بالزواج في الأحكام الدينية يلي بتتطبق و مافي قانون وضعي بيطبق و كل طائفة بيطبق عليها حكم الطائفة تبعها ( المسلمين تابعين للمحاكم الشرعية , المسيحين للمحاكم الروحية و ....) يعني تعريف قانوني او ادراي على علمي غير موجود و اذا انت بتعرف انو القانون هيك بيعرف الزواج انو هو علاقة شراكة ممكن بس المصدر . ال اقتباس:
هني مقسمين ل 3 أقسام حقوق مشتركة و حقوق للزوج و حقوق للزوجة 1- الحقوق المشتركة هني : حق الاستمتاع حسن المعاشرة حرمة المصاهرة الميراث النسب 2- حقوق الزوجة : المهر النفقة حسن معاملة الزوج لزوجته حماية الزوجة و وقايتها من معصية الله الغيرة على الزوجة 3- حقوق الزوج : حق الطاعة القرار في بيت الزوجية رعاية الأطفال و شؤون البيت الاغتسال من الحيض الجنابة حق القوامة و النصح و التوجيه و الارشاد السفر بالزوجة المحافظة على عرضه و ماله الحرص على كرامة الزوج و شعوره بر أهل الزوج هلق الحقوق يلي انا ملونون بالأحمر هني دليل و اثبات على انو الزوج اقوى من الزوجة بالشراكة الزوجية و هادا ما حكينا عن الطلاق بس يمكن بتحب تعيد تفكيرك بالجملة يلي فوق :D |
اقتباس:
|
اقتباس:
اول شي مالنا واقفين على بسطة عوجة لحتى تقول راس مالها 7 سنين تاني شي مين خبرك انو حكمون 7 سنين أي نص مادة قانونية تالت شي : سبع سنين على حسب قولتك بالحبس بأسوء الظروف المعيشية هادا مو شي يعني 7 سنين بيروح من العمر هيك هاادا مو رادع ما بعرف كيف تفكيرك و شو مقياس الرادع يعني اذا ما كان الرادع في دم ما بيكون رادع اقتباس:
اقتباس:
61 سنة و فلسطين محتلة مو فساد و ............. ا اقتباس:
|
اقتباس:
اقتباس:
طيب برجع بقللك...الحمد لله انو ببلدنا عندنا هامش حريّة ....فيكي تعملي اللي بدك ... |
اقتباس:
يعني ازا الواحد عندو التهاب شديد وحرارتو عالية لو ضلينا نعطيه خافض حرارة بنحل المشكلة ؟ عمر بن الخطاب وقف حد السرقة ايام المجاعه معناتو انو وقتها الاسلام ما كان صالح او الله ما بيعرف يحط احكام صالحه لهاي الظروف؟ بعدين الفضل سبق العدل يا زين انا بس بدي وضح قصدي مو اكتر ومو هدفي اقنع حد بتعاليم الاسلام وشو ما قال الاسلام رح ما يعجب كتير ناس لأنو هن ما بدن يتقبلو شي وهاد حقهم كل واحد حر يعني لو قال الاسلام وبالوالدين احسانا رح يقولولك شو هالحكي هن الوالدين شحاتين لنحسنلهم ولو قال آت ذا القربى حقه رح يقولو ما حد الو حق عنا لنعطيه اياه ليش تفرض علي ناس لأنن بقربولي لا تمش في الارض مرحا انك لن تخرق الارض ولن تبلغ الجبال طولا ليك شو بقلولنا بدن ايانا ما نعتز بأنفسنا وما نفتخر بحالنا ولالي لالي لالي |
اقتباس:
اي ذكرتيني بقول السيد المسيح ... بس خلينا نرجع للموضوع الاساسي ... و نشوف شلون الناس كانت تنظر لاي شي حرام في معتقدها و يتعارض مع مصالحها ... مقابل نفس نظرة المجتمع للحرام او الى اللامنطق بس يتماشى مع مصلحتها ... اكيد في الف تبرير و تبرير اذا الناس عاشت بحالها و ما راقبت الجيران ... اكيد رح يتعمر المجتمع ... اكيد رح يتعمر المجتمع من كل واحد يصوم لحالو وما يقعد يراقب الاخرين ... و يوصفهم بوصوفات رائعة ! كثير جميل الكلام النظري اللي قلتيه .. بس يا ريت يتطبق عمليا من اللي مؤمنين فيه بالمناسبة اغلب التيارات الدينية تدعو العودة الى المجتمع السابق .. بس هل فعلا كان المجتمع المثالي؟ |
اقتباس:
يا ريت تسلملي على هالرجال ومرتو وتسألهم كم قعدو يحبو ببعض بجوز تطلع هالختيارة شايفيتو قبل العرس بيومين بس نيتهم منيحه والله اعطاهم ع قدها خيو انت وخصوصياتك ما بتهمني وليكك بتطلب شي وبتقول شي تاني مبني على واقعك وحياتك ع اساس انو واحد اضحك علي وكل ما بشوف حالة حب بتصيبني رعشه وبيعملولي جلسة كهربا هلا انا المشاعر ملغية عندي يعني بوقف قدام ميت وما برمش لك يوم غزة ضليت اقرص بحالي اني ابكي ما قدرت فما بالك احب ( الجين المسؤول عن الحب مو موجود بمادتي الوراثية) بس شفت بنات وشباب وبحكي عن تجاربهم لهيك الحب مو كل شي واحلى حب هو اللي بيجي بالعشرة يعني بعد ما يصيرو ابو محمد وام محمد |
أول شي بدي إسأل حالي شو الهدف من الموضوع ....
قبل ما أتطرق للناحية التاريخية وأصلا الموضوع شائك من ناحية طرحه بشكل منطقي وعلمي لإنو ما في حيثيات كتير حوالي الموضوع بس بدي إسأل إذا كان مجموعة من الأشخاص متفقة بين بعضا على شي ما رح يإذي المجتمع ...ليش لحنا بدنا نقلهن لأ ... يعني مجموعة الأزواج إذا كانوا بنسبة 100% متفقين على إنو الجنس الجماعي حالة حابين يجربوا ...ليش المجتمع يوقف ضدهن بيقول فولتيير وانا معه كتير " يمكن يكون رأيي غير رأيك بس رح موت مشان خليك تعبر عن رأيك" لأيمت رح نضل نقول عن اللي ما بيعجبنا إنو مريض ومشوه وممسوخ قردة وخنازير ... يا جماعة الموضوع أبسط من هيك ... أما من ناحية تاريخية ما حدا بيقدر ينكر إنو الجنس الجماعي كان مرحلة " وطويلة جدا" من مراحل تطور البشرية وهو كان المرحلة الاولى بس مع ذلك ما لازم ننسى إنو تطور الزمن وعلاقات ونمط الإنتاج بيغير من واقع الحياة وإنو التشكيلة الإجتماعية اللي إنقرضت ما بتقدر ترجع الجنس الجماعي كان جزء من تشكيلة إجتماعية إنتهت بإنتهاءا ...وخلص تحياتي الحارة ظل جيفارا |
اقتباس:
طبعا حرام حرام حرام |
نفـسي مرة ما يتغير محور نقاش عن هدفه وما يصير يناقش احكام الاسلام وشرعه!
بس خلـص حكمة ربك يا معيـن :sly: *وهيك انا هاد رايي وهكزا يعني.. بعرف انو بعيد عن الموضوع بس كتار من اللي هون كمان مش كتير قريبين .. ويلا ازا في مخالفة مستعدين :lol: |
روح يابو الزلف... هالموضوع عامل كساد بباقي الأخوية :lol:
بيقولو انو المحرّمات الثلاث بأي مجتمع شرقي هنن السياسة و الدين و الجنس.. و لسبب لا أدريه عم يصير مؤخراً انو أي حوار بالسياسة أو بالدين يتحوّل إلى حوار بالجنس.... حدا عندو تفسير ؟ |
اقتباس:
انا عم بنطر ثلاثائيات بكرا بلك بتعمل زاوية فيها من النوع اللي بيعجب الشبيبه وبضارب علينا :D |
ياجماعه في أمل انو تبعدونا عن الدين شوي؟ يعني عم نترك النقاش يتفرع ويتشعب بس مو لمرحلة يصير النقاش ديني تماماً
اذا شايفين انو خلصتو نقاش بالموضوع خلونا نسكر الموضوع ونفتح موضوع تاني للفتاوي وعورة المرأة والرجل |
اقتباس:
أي على عيني... بس بدك شي 40 كميون ثلاثائيات لحتى يضارب ع موضوع فيو خرق لإحدى التابوهات (و هاد أمر طبيعي على فكرة ما انو عم اتمسخر, بالعكس يسعدني انو بأخوية يكون في مجال للحديث بما لا يمكن الحديث به بغير مطرح). بعرف عيب بس ما قريت الموضوع... قريت شوية ردود من الآخرانيات.. و بدون ما أرجع أقراه الموضوع عن خبر بمصر (مزبوط؟؟) الصحافة المصرية بشكل عام, و لسببين أساسيين رح احكيهون تحت, بتحب هالنوع من الأخبار, شي جنس جماعي, شي جن و عفاريت, شي "لواطة", شي سفن عالنيل للسكر و العربدة, شي صفقات دعارة... الخ الخ الخ , و هالحكي من زماااااان السبب الأول هو انو هالمواضيع بتبيع أعداد... شعبنا روح قلبو هيك أخبار صفراوية السبب التاني انو الحكومة بتشجّع ع هالشي باسم حرية الصحافة لأنو الجريدة اللي بتكتب عن شبكة دعارة فنانات ما عم تكتب عن فساد بطانة الحاكم.. و المصري الغلبان اللي عم يتحركو غرائزو على قراءة خبر جنس جماعي ما بيكون عم يستشيط غضب من النهب و السلب... بما يخص الموضوع.... طيب هو ينحل بانو نتعلم بئا مفهوم الخصوصية... شو دخلني أنا بشو عم يعمل فلان من الناس ببيتو و بغرفة نومو اذا هو و من يشاركه كبار و بالغين؟ حدا جابرني أعمل مثلو؟ لأ... أخلاقي بتسمحلي أتقبّل هالشي؟ كمان لأ... بس بالنهاية شو دخلني فيه؟ يروح يصطفل... شو أنا ما عندي شغل غير اقعد اسمع أخبار فلان من الناس؟ أما بخصوص جماعة الرجم... فيعني رهيبة القصة, يا زلمة لو كل ما نط حدا بدو يرجم حدا ردينا عليه كان صار وحدة من تلاتة: - يا أما ما يظل حجر نرجمو - يا أما ما يظل في ناس ينرجمو -يا أما ما يظل في ناس يرجمو... و استرو ما شفتو منا... :D |
اقتباس:
هاموش::angel: |
اقتباس:
يعني فعلا تعريف اداري او مدني مافي.. هادا منين اجا التعريف الاداري ما بعرف.. حت بكلية الحقوق بالسنة لتانية في مادة كاملة اسمها الزواج وما فيها ير تعريف واجد للزواج وهوي التعريف الاسلامي.. |
ما بظن بتزبط مع الشبيبة انو يناقشو بالجنس ويبعدو عن الدين هي من عاشر المستحيلات
|
اقتباس:
|
أول شي بعتذر عن التأخير كون الملقم "الله يدبحو" دبحني....
اقتباس:
مافي داعي للمصدر لانو بقدر استنتج انو عقد الزواج يماثل عقد الشراكة"طرف أول-طرف تاني-بنود اتفاق-شهو د" وهاد بالفعل عماد عقد أي شراكة بين أي شخصين.... اقتباس:
أول شي الملون بالاحمر متأكد انو موجود بالمحاكم المدنية ...يعني "حماية الزوجة و وقايتها من معصية الله"..موجودة بالمحاكم المدنية..يعني لما أنا رح روح أكتب كتابي بالمحكمة رح أشوف هالكلام....؟ تاني شي و على فرض انو ممكن يكون موجود هالحكي.."انا مالي دارس قانون" رح ناقشك بطبيعة الرجل و المرأة يعني سايكولوجية المرأة و الرجل ...:lol: انا وانته متفقين انو مجتمعنا السوري "والحمد لله" كل مالو عمبيتحرر أكتر و أكتر بمجال المرأة و المرأة السورية قطعت أشواط كبيرة مقارنة مع نظيراتها "الخليجية مثلاً" و دخلت سوق العمل و بقوّة وأبدعت فيه... بس طبيعة المرأة "مو بس الشرقية" العاطفية بتحتاج ..أحياناً كتيرة....لشعور الطمأنينة و الحماية و الحنان.... عكس الرجل ....اللي ممكن يقضي أكتر أيام حياتو وحيد و أغلب شبابنا المتغرب بيعرف هالشي... أنت ممكن تقضي 10 أو 15 سنة متغرب و لحالك وممكن تدبر أمورك...لكن كتير من الاوقات بنشوف شي بنت عمتتزوج و قريباً رح تفارق بيت أهلها ...شوف البكا و النوحان و كأنو رايحة على كوكب تاني....:lol: اخيرأً...رح اسأل حالي سؤال ...هل ياترى تفضيل الذكور على الاناث محصور بمجتمعنا..!!! أنا مسافر و داير بلاد كتيرة ..وحياتك تقريباً بكل البلاد اللي زرتها الذكر الو الاولوية .. هل تعلم انو بالصين ..الايكو "تصوير الجنين" ممنوع و اللي بيخالف عقوبتو قاسية جداً ..لانو مسموح ولد واحد بس ولما كان في تصوير ايكو ..اللي عمبشوف انو رح يجي بنت ....بيعمل اجهاض ...لبين مايجيه الصبي... شكراً لسعة صدرك... :D |
أرى في الموضوع جانبين لا ثالث لهما ,, من وجهة نظري الفردية لا أكثر
فالموضوع يتعلّق بحرّية فردية كما قال البعض ,, والجانب الآخر هو التبعية في تقليد العالم المتحرّر من كل شيئ فلنبدأ بالتبعية ,, برأي الشخصي.. إنني وواثق بأن الإنسان العربي لن يفوق الغرب ولا حتى بالجنس والأفكار المثيرة جنسياً هذا سلوك لا ينبع وحده أبداً ,, فهناك ماقاد إليه بالتأكيد كالمواقع الأباحية على الانترنت او الفيديو .. حيث ترى أزواجا يتبادلون الزوجات.. وجنساً جماعياً الغرب ابتكر هذا النوع من الإثارة وليس نحن العرب! مانحن إلا تابع ,, وضحية منقادة بلا عقل ! لذا أرى بأن هذين الزوجين قد ملّا الجنس العادي .. ..وأرادا التغيير ,, هل التغيير حرام؟ كلا ب هو حرّيه شخصية .. ف لمن قال أن الموضوع حرّية شخصية @@ لا ارى سبباً لاجادله إنه فعلا حريّة شخصية .. ف لكل انسان الحق بالاستمتاع .. ولكن ليس كل استمتاع مقبول .. إجتماعياً ! من يهتم لرأي المجتمع اليوم ياترى ؟ إنك إن أردت شيئاً ستجد من يوافقك على ميولك .. لم يعد المجتمع شريحة واحدة ورأي واحد بل تعددت الافكار والميول .. والرغبات.. ستجد من يشرب الكوكايين .. وستجد من يتعبد ستجد الفاجر .. كما ستجد العابد في زماننا .. لن يفيد أحد أيه عادات شرقية ياصديقتي,, لن يفيده سوى إيمان داخلي يقوده للصواب ..وثقة ,, بأن الصابر له خير الجزاء في الأخرة والدنيا ربما :D وأن الله يعاقب فعلا الفعل الشاذ لذا إن غابت الرقابة .. ساد الهرج والمرج .. والفساد تحيتي |
اقتباس:
شكرا لمرورك |
الموضوع أخد حقو من النقاش
مغلق |
| الساعة بإيدك هلق يا سيدي 00:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون