|
اقتباس:
وللتوضيح أنا اقرب مثال لـ هالوصف الي كتبتو فوق.. وبظن من واجبك.. ومن حقي تحترمي معتقداتي ... :D |
اقتباس:
بس ..حزب الاخوان المسلمين ... حزب شمولي ... و بيشتغل على فرض آراءو عالآخرين متل إقامة دولة أسلامية و تطبيق أحكامها على الكل ... و ضمن هيك نظام ما بيقدر الواحد ( متل ما قلتي انتي ) يروح عالمكان يللي بناسبو |
اقتباس:
هلق نحنا بدنا عيش بس هنن رح يتركونا ننعيش ابراهيم اليوسف ترك الشباب بمدرسة المدفعية يعيشو ما بعرف؟؟؟؟؟ انا ما عند مشكلة يصلي مين ما بدو طول النهار وما يشرب ولا يروح ع المسرح بس عندي مشكلة كبيرة إذا الاخونجي لغم المسرح وفجر المحل يلي بشتري منو العرقات وبصراحة انا ما عندي استعداد أغامر وأجرب القيادة الجديدة للاخوان(إلى أي مدى جديدة) لأنو ع قولة الشوام يلي بيجرب مجرب بيكون عم يعمل علاك مصادري |
انا مستغرب من النزعة الاقصائية اللي بشوفها عند بعض الملحدين , يعني اذا اغلبية الشعب متدينة وخاصة بهالايام هي , ايام الطفرة الدينية واذا الملحدين نسبة كتير قليلة بمجتمع متل المجتمع السوري (اذا مجتمع اوربي متل المانيا نسبة الملحدين ما بتتجاوز 5 بالمية) فشلون يعني هالاقلية القليلة جدا بدها تفرض على الاغلبية انو ما بدنا احزاب دينية؟؟ و شلون عرفتوا مثلا انو الشعب ما بدو احزاب دينية؟؟
يا اخي خلو اللي بدو يعمل حزب يعمل على اي مبدأ بدو ياه واللي بحدد مصيرو هو صندوق الاقتراع مو البوط العسكري. بالعودة لموضوع الاخوان, طيب ما حدا خطرلوا مثلا انو الاخوان كانوا حزب سياسي تاسس عام 1945 وطوال الفترة الممتدة بين 1945 ولحد بداية الاحداث ما كان من المعروف عنن انو مارسوا العف او ارتكبوا اغتيالات, طيب انو ليش هيك لكن صار باواخر السبعينات؟؟ طبعا كلامي ابدا مو تبرير للجرائم اللي صارت , بس يعني بكفي بقى التمسك بشعار ان نتصدى للامبريالية و نسحق اداتهم المجرمة عصابة الاخوان المسلمين العميلة ولازم نحاول نشوف اللي صار بعيون محايدة ومنطقية بعيدا عن الانحياز لاي طرف |
اقتباس:
النظام العلمانمي ... بيسمح للمتدين يمارس تدينو بشكل كتير كبير بينما النظام الديني ... ما بيسمح للا ديني أو العلماني يمارس علمانيتو |
اقتباس:
بالنسبة لعدد الملحدين صح انا معك انو كتير قلال بسوريا و بظن انو افكارون ما كتير مؤثرة بالمجتمع و بظن انو لو صار انتخبات صحيحة وديمقراطية رح تنجح بعض الاحزاب الدينية طيب شو النتيجة؟ يمكنينجح اي حزب عندو تمثيل باقل من 25 % من الشعب وقتها البقية قادرة على تحمل نتيجة هالانتخابات؟ كمان يلي بعرفو انو الاقليات بتمثل اكتر من نص المجتمع السوري كيف رح يكون تأثير الحكم من قبيل احزاب متل حزب الاخوان المسلمين على الاقليات؟ |
اقتباس:
على ايا قاعدة استندت بأن الملحد فقط هوي مين بيرفض الاحزاب الدينية !! الاقصاء انك تأسقط احتمال إيمان شخص ما بالدين وترفضه فقط بسبب انه اختلف معك بالرأي واخد موقف مغاير الك بما يتعلق من الاحزاب الدينية وتعتبره ملحد " الصفة اللي ممكن جدا تجرح الشخص المؤمن " اقتباس:
الالحاد نظرية دينية لا تمد للسياسة بصلة .. العلمانية مطلب وطني بحت بنادي فيه كل شخص مهتم بوطنه ومؤمن بأن الوطن بحاجة لتجارب ووقائع وتقبل للآخر شو ما كان دينه وشو ما كان انتماءه او لونه .. وبعتقد هلشي ( المساواة - احترام وجود الآخر - احترام النصوص المقدسة وتخصيصها بأماكن خاصة بها وبتتناسب مع قيمتها - احترام القانون وتقدسيه .. الخ ) مطلب الانسان المؤمن قبل الانسان الملحد . اقتباس:
بعد زمان ايهم :D |
اقتباس:
لذلك فان حزب البعث الاسدي و الاخوان وجهان لعملة واحدة و كل من يرفض أحدهما فقط و يؤيد الآخر هو مع احترمي صاحب فكر ظلامي متخلف ومصالح ومصالح و منافع شخصية |
اقتباس:
مرحبا أول شي :sly: شوف أيهم مع العلم انو انا بتفق معك بأغلب الأفكار السياسية يلي بتطرحها بس دائماً بخالفك بموضوع الإخوان وبحاول ما نتواجه بهالشي بس هالمرة حابب وضحلك كم نقطه: مو كل حزب بيسمي حالو بإسم معين بيكون ممثل لهالإسم بمعنى مو إذا الحزب اسمو حزب "الله" بيكون بيمثل الله على الأرض ومو إذا الحزب اسمو الإخوان "المسلمين" بيكون بيمثل الإسلام على الأرض وواجب علينا طاعة هالأحزاب والسكوت عن أخطائها "القاتله أحياناً" حتى مانكون عم نحارب الله والإسلام... بغض النظر عن شعارات الأحزاب لازم نعالج الأمور بموضوعية ومنطقية... النقطه التانيه ماحدا عم ينادي بإقصاء الإخوان عن النسيج الوطني السوري وإنما المناداة عم تكون بالإقصاء للفكر التكفيري للإخوان ورفض الأخر ويلي هو الفكر الإقصائي بحد ذاته... ومتل مابتعرف بالفترة الأخيرة الإخوان مخففين من اللهجة التصعيدية ومن خطاب الإلغاء وهالشي خطوة على الطريق الصحيح... النقطه التالته وبالعوده لظهور الإخوان بالأربعينات وبدراسة بسيطة للطرق يلي إعتمدوها بفرض أفكارون منشوف انو أغلب هالطرق كانت طرق عنيفة.. هاد طبعاً إذا ماحكينا عن الجماعات يلي اتبنت فكر الإخوان وطورته سلبياً بحيث كانت عم تحاول تفرض أفكارها بالإجرام... ببساطه الشعب عنده تخوف من الإخوان بسبب تاريخون يلي شابه الكثير من الأخطاء الدموية "أحياناً" وبغض النظر عن الأسباب والمبررات... واذا قدرو الإخوان يثبتوا انو هنن غيرو هالنهج الرادياكالي بالتعامل صدقني ماحدا بيكون إلو مشكل معون. |
اقتباس:
|
اقتباس:
1_ تشكيل جيش على الطراز العباسي او ماقبل قبل العباسي خيول ومنجنيقات ورايات وفرسان والسلاح هو السيف حصرا ..بتعرف فيه متعة غير شكل يعني هيك بيكون على الشرع:p 2_ تاني شي تطهير الأرض على قولتهم من كل الكفرة والفجرة ((حلوة الفجرة ما)) اي يعني كل الأديان من عداهم 3_ ازلالة كل ماهو مقومات الأنفتاح لآنو الأنفتاح بدعة تلفزيون راديو جرائد صفرا حمرا خضرا مابتفرق المهم ((لا للفرنجة وخزعبلاتهم )):p مجلات مسارح منتديات ثقافية مكاتب دور نشر ندوات شعرية كل شي بيخلينا بني أدمين :pos: واكتر 4_ الحريم ثم الحريم بينقبرو ببيوتهم ومابتطلع غير مرتين مرة لبيت جوزها ومرة عل المقبرة :cry: وتلتزم بكيس الزبالة الاسود طول حياتها وحتى بالبيت ((سمعتو بالسعودية يلي جوزها شاف خلقتها بعد 25 سنة وطلقته يضرب شو انه زنديق معقول يعني يخالف شرع العربان:larg: 5_ بغيرولنا هل القوانين الفاسقة (( استغفر الله )) ئال حرية ئال وبيرجعونا لعصر مابعرف مين 6_ علكة منطاد ممنوعة تماما بلكي شي حدى حب يعلكلو شي منطاد كبير ويطير :p 7_ مابتفرق الشام مقبرة مقبرة بتعرفو الحقد عل الشام غير طبيعي يعني شو عليه ازا قبرو هل السوريين بالشام بما انها حلم الكل وأولكم أنا :yahoo: هلاء كتار القصص ها بس انو لهون منيح محسن لاتحكي معي انا عم اعمل بروفة للحكم الاخونجي وبتعرف عندهم ممنوع السبيان يحكو مع البنات ((الله لايقدر )) :p:p اخترت اللون الاسود لانو الاخوان رح يمنعو كل الألوان ويعملو حياتنا اسود .. لالا الشهادة لله اسود وعليها هيك يعنيكمشة كتيرة أحمر ((دمنا)) |
أنا مع فكرة استيعاب الاخر , ومع فكرة التعايش السلمي ولكن كيف سأتعايش مع إنسان يكفر ليس من يخالفه الدين بل من يخالفه المذهب ؟؟؟؟؟
أهم من كل شيء هو الفرد والوطن ، والفرد هو الذي يشكل الوطن ، كيف يكونالذمي في ظل دولة الإخوان المسلمين, وما هي حقوقه وواجباته ، هل سنعود إلى عهدة الفاروق عمر بن الخطاب لمسيحيي الشام عند دخول جيوشه إلى عاصمة الشام أم ماذا ؟؟؟؟؟ ما هي طريقة الشورى التي ستأتي بأمير المؤمنين ؟ هل هي شورى تعيين أبو بكر الصديق أم شورى وصول الفاروق عمر بن الخطاب أم شورى عثمان بن عفان ، أم طريقة وصول علي بن أبي طالب ؟ أم الطريقى الفضلى هي طريقة وصول معاوية وما أدرانا ما طريقة معاوية ؟ ام الطريقة الأكثر راحة بال وهناء والتي تقينا شر الفتن هي طريقة يزيد ومن تلاه من الخلفاء ، أمامنا ست طرق للشورى والديمقراطية لا أعلم إن كان بإمكاننا أن نعتمد عليها بعد إقفال باب الإجتهاد ما هو مصير المؤمن الجليل أمثال سعد بن عبادة ؟ هل سيقتله الجن رمياً بالسهام لأنه يبول واقفاً , وهل سيستخدم الإخوان المسلمون الجن لعقاب من يخالف الشريعة التي يريدونها هذا بالنسبة لأمر الشورى بينهم ولننتبه أن الشورى بينهم وليس بيننا ما هو موقفهم من المرأة وعمل المرأة ؟؟؟؟؟؟ وهل يجوز أن استخدام العناصر من غير المسلمين لتبؤ مراكز قيادية او وظيفية في الدولة أم يجب العمل بكتاب الفاروق العادل عمر بن الخطاب إلى عامله في البصرة بعدم الإستعانة بالنصارى (لا تدنيهم إذ أقصاهم الله، ولا تأمنهم وقد خوّنهم الله، ولا تعزهم بعد أن أذلهم الله) والتي يفهم منها أن الله خون المسيحي وأذله والخخخخخخخخخخخخخخخ وأهم من هيك رح يخلو الملحدين يربطو خصورهم حبل كالمسيحيين واللا رح يكون في تفريق بين الإثنين |
اقتباس:
تاني شي .. كوننا تحت حكم فيه كتير سلبيات ... ما بيعني اننا لازم نشجع كل الاحزاب السلبية ... بالعكس لازم نسعى للأفضل مو للأسوأ تالت شي ...حزب البعث بكل سلبياتو ( يللي معظمها ناتج عن التطبيق مو عن النظرية ) بضل أفضل بكتير من أي حزب ديني طائفي صحيح عم يضطهد كتير أقليات قومية ( متل ما قلت انت ) بس هالاضطهاد هو عبارة عن حرمان من بعض الحقوق ... و ما وصل لدرجة القتل متل ما وصل عند الاخوان الاخوان من قبل ما يستلمو الحكم .. يعني لسا بالمرحلة النضالية ( على اساس )و يللي لازم تكون المرحلة المثالية و الوجه الحسن لهالحزب .. ما شفنا منهم غير القتل و الارهاب بقى إذا استلمو الحكم .. لوين ممكن يوصلوا ..؟؟ |
بسيطة ولو :larg:
بيجيبو أفران السماء لخدمة المواطن بسوريا وهات يادحش بهل الفرن:p |
اقتباس:
روحي انستري يا بنت يا ويلك ما يرجع يزيد عالسلطة ويحط حبيبو الحجاج رئيس فرع الأمن تبع خمس خمسات شو بدو يصير فيكي |
اقتباس:
تاني شي كلامك صحيح بنسبة كبيرة و بحب ضيف عليه انو الاقليات يلي مقتنعة بالجو يلي عايشي فيه امورها تمام و متلها متل اي مواطن سوري بس عنا شباب هون باخوية من حزب الاخوان ((طبعا بيمثلو طريقة تفكير الحزب )) بدهن يطهرو سوريا من العلويين و من حكمون على فرض انو الحكم علوي(( ناسيين انو هيدا نظام سياسي مو ديني و تلت ارباع رجالو من الطائفة السنية )) بغض النظر عن هالشي لو فعلا هالجماعات وصلت للحكم كيف رح يكون وضع الطائفة العلوية بسوريا خصوصا انو حزب الاخوان بينظرهم بانهم كفرة و بدو يقيم عليهن الحد والدليل التفجيرات يلي حصلت بالتمانينات وكيف رح يصير باخوانا المسيحيين يلي بينظرولهم بانهن المقصودين بكلمة (( المغضوب عليهم )) في الفاتحة في تفسيهم لها كيف ممكن ناس من ضمن السنة انفسهم بس ما عندهم تعصب وفكر سلفية الاخوان بتوقع انو رح يكون الوضع جحيم بوجود هيك سلطة خصوصا انو المخالفة تستوجب اقامة الحد يلي ممكن يوصل للموت بالنسبةللي بيسموهن كفرة وهالناس كتيرين بنظرهم و الله يستر |
اقتباس:
:D |
اقتباس:
معك انو جزء كبير من الشعب عندو تخوف من الاخوان بسبب جرائم كتير ارتكبوها بس مو غريب شلون هالشعب ما عتدو تخوف من الطرف التاني بالاجرام , الطرف اللي ارتكب جرائم اكتر من جرائم الاخوان بكتير |
اقتباس:
بلاع يا بعث بلاع |
اذا بتسمحولي ولإني شفت إنو معظم الردود صارت تحكي عن تقبل أو عدم تقبل عودة الأخوان المسلمين ..
انا بشوف إنو من صميم الديمقراطية بالمجتمعات ما قبل الحداثية إنو تبني المجتمع وما رح نقدر نبني مجتمع بديمقراطية المكونات ... لهيك بشوف إنو قانون الأحزاب السوري لو أحتوى بنداً يحظر تشكيل حزب سوري هو لفئة دون أخرى من السوريين أو بمعنى أخر يمنع فيه دخول كل فئات الشعب السوري ..وإذا ما إعتمد قانون أحزاب يعتمد التوزيع النسبي في المحافظات فلا أعتقد أنه يمكن للاخوان تشكيل حزب ... مع إيماني انو الموضوع بحاجة لموضوع مستقل لإنو هالموضوع على اساس بس لمناقشة الديمقراطية عند الإخوان وحاولت أورد أحد أدبياتهم .. والصديق اللي إتحدث عن إنو حسن هويدي هلك وعدنان سعد الدين فصل ف برد عليه بإنو .. عدنان سعد الدين لم يفصل بالعكس نال أغلبية المقاعد في الإنتخابات الداخلية للإخوان ولكن تم رفض النتيجة من قبل فصيل عبد الفتاح أبو غدة مما ادى إلى إنقسام الأخوان .. والإنقسام إكتمل دورته بخصوص التفاوض مع النظام اللي صار بألمانيا ب 1984 واللي رفضه عدنان سعد الدين وقبل فيه عبد الفتاح أبو غدة .. فما بتوقع الخلاف كان على موقف الإخوان من الديمقراطية .. تحياتي الحارة ظل جيفارا |
اقتباس:
اقتباس:
اقتباس:
|
اقتباس:
|
اقتباس:
نحنا الوجه اللي شفناه منهم هوي اللي كان في سنوات الذبح والقتل والتدمير بينون وبين السلطة واللي راح طحيتو ناس من هالوطن معظمون ما إلو علاقة لا بهاد ولا بهداك هاتو لشوف نورونا ياجماعة حتى ما نكون متل الأطرش بالزفة ويصير النقاش متل حمام مقطوعة ميتو أو ضاعة فيه الطاسة |
اقتباس:
صديقتي أنا مستعد إتقبل بالمجتمع أي شخص بشرط يكون بيتقبلني ... يعني بواقع دولة للملحدين " مع إستنكاري للمصطلح " مو من المنطق يلغوا وجود غيرهم ولو رفضوا فلحنا ضدهن ... نفس الشي بدولة المثليين -إفتراضا- مثلا ..ما رح يقدروا يلغوا وجود غير المثليين ولو حاولوا فلحنا ضدهن أما الإخوان المسلمين ف فعليا و بأدبياتن بنشوف رفض وإلغاء للأخر ...لهيك فعليا بنشوف كتير من الشباب العقلاني " الملحد وغير الملحد " يخشى على عقلانيته وحتى على وجوده في ظل دولة الإسلام أو دولة الإخوان المسلمين ولا نحتاج إلى أن نستذكر السلوكيات التي مورست ضد الأقليات وضد المفكرين في ظل الدولة الإسلامية وبتوقع لو إني ذكرت قصة المفكر جعد بن درهم "العقلاني" وكيف بيوم عيد الأضحى طلع الخليفة على المنبر وتحت المنبر مربوط جعد بن درهم وقال الخليفة على الملأ : ضحوا فإني مضحي بجعد بن درهم ... أتخيل نفسي مكان الشيخ الوقور الملحد جعد بن درهم وليس لي سوى أن أقاوم وجود الإخوان في سوريا بشتى السبل تحياتي لك ... اقتباس:
هيدي الأسئلة اللي لحنا بحاجة لأجوبة عنها تحياتي الحارة ظل جيفارا |
اقتباس:
شوف لقلك انا ما بدي الاخوان يحكمو ومو من مصلحتي لكتير شغلات بس لقلك الملحد ما بيقدر يمنع المتدين لآنو الاصل انو الواحد يكون عندو نوع من العلاقة الخاصة مع ربو والارتباط الروحاني والفرع هو الالحاد لهيك صعب الاصل يلغي الفرع والعكس غير صحيح هلا نفس الكلام على الشواذ لأنو لو لغو الناس العادية رح ينقرضو الشواذ لأنو شاذ ما في تناسل واستمرارية اما دولة الاسلام فكان وقتها على ما بظن ازدهار بالعلوم وكانت اوروبا تاخد منا علومها بس هلا احنا وين او لوين رح نوصل صرنا نخب تالت وبكرا بيسحبو منا لقب دول وبنصير عالم بلا خرائط بتمنالك اقامة سعيدة بالاردن |
اقتباس:
تبعيت "الشواذ" ما رح أرد عليها, لأنو هيك يعني... بس الأولى كيف زبطت معك؟ يا زميلة.... كونك صاحبة حس إيماني لا يعني انو العالم ماشي كما ترينه من منظورك, و بالتالي مو قواعدك هي الماشية فيعني بعتقد انو ما بيصير تحطي من عندك "أصل" و "فرع"... أنا هيك رأيي... |
اقتباس:
بس كيف رح قلك لو تركنا الناس على فطرتها رح دور على رب تعبدو حتى لو كان صنم يعني في شعور داخلي روحاني بحاجه الى شيء قوي نلجألو وقت ضعفنا وفرحنا اللي هو رب وفعلا هدول هن الاصل هيك التاريخ الانساني بيقول مو نور |
بتقلّو ولك يا عمي تيس
بيقولك احلبو ولك يا عمي مبين تيس ما دخل احلبو ولك يا عمي شو هيي المي - المي هي المي وكلنا بالهوى سوا الشباب اللي عم يتهجمو على ديمقراطية الإخوان , والموضوع بيتعلق بالديمقراطية مو بحليب التيس ,يا ريت يقولولنا شو معتقدات الإخوان ونظرتو عليها , وإذا ما بيعرفو شو نظرتون يعني متل يلي بيقولك احلب التيس ونفس الشي اللي عم بيدافع عنون , ياريت يشرف يقلّي كيف بيفكرو بالديمقاطية وشو بتعنيلون الديمقراطية والفهيم اللي بيجي بيقلك البعث وغير البعث بدل ما يحلب التيس يعني أو يفس المي بعد الجهد بالمي لو كان يشرف ينزل موضوع عن حزب البعث , مو بتقلو الجندي السوري عفس بلبنان , برد عليك والجندي الأمريكي عفس بالعراق وبصربيا , وآسف من صاحب الموضوع لخروجي عن الموضوع وما حدا حلب التيس غير السوريين |
اقتباس:
|
اقتباس:
بس حبيت علق على مجتزأ صغير ..أنا المعلومات التاريخية اللي بين أيدي بتأكد .-.وبتوقع ما في شي مطلق إلا من ناحية إطلاق قبوله أو رفضه - بس مع ذلك الباحثين اليوم بيأكدوا على إنو الإسطورة والدين والإعتقاد بما وراء الطبيعة هي مرحلة لاحقة من مراحل تطور البشرية ما ظهرت إلا مع ظهور الملكية الخاصة بس في البدء ما كان سوى الكلمة ... تحياتي الحارة ظل جيفارا |
اقتباس:
وهلق إذا بدنا نتعاطى مع مسألة الإخوان المسلمين وعودتهم وعدمها وإنو هنن ضحايا الظلم والتشويه فأنا مع مجنون يحكي وعاقل يسمع بأن يتفضل أحد الزملاء المدافعين عن فكر وتوجهات الاخوان ويطلعنا على أهدافهم وأفكارهم وغايتهم من العودة. |
اقتباس:
بالنسبة الي الفكر الاخونجي مجرد ذئب مرتدي ثياب حمل . بناديلك بالديمقراطية وحرية التعبير واحترام الرأي الآخر .. يا ترى لو وصل للحكم بده يتم عما ينادي بهلشي ؟ تاريخه ما ببشرك بالخير ابدا لا بل بخليك ترتعب وما تعرف تنام الليل كله من الجفلة الممكن تصيبك . اهدافن تطبيق الديمقراطية لمرة واحد .. بيستلموا فيها الحكم .. وصلى الله وبارك .. لحتى يطالعوالك كل الخمير والفطير . |
اهدافهم :shock:
ماحدى بيعطيك جواب لانو هنن هدول يلي عم يدافعو مابيعرفو عن شو عم يدافعو بس هيك حبا بمبدأ خالف تعرف للشهرة بس :p |
اقتباس:
انو فرع واصل..هي مو زابطة.. واذا كان العلمانيين بيسمحو للمتدينين انو يمارسو شعائرهون فهيدا لانو العلمانيين بيحترمو عقائد الاخرين.. اضافة لهيك في كتير ملحدين عندون كراهية متل الاسلاميين تماما وعندون رغبة لابادة المتدينين عن بكرة ابيهم.. |
اقتباس:
من جهة تانية ما بيجوز لاي دولة بالعالم تصدر قانون للاحزاب على اساس ديمقراطي ان تمنع اي حزب سلمي من العمل ببلده.. يجب مراجعة الاخطاء والاعتذار عما حصل من كل الاطراف وايجاد ضمانات لمنع اسعمال العنف مرة اخرى .. اذا انا بتمنى انو ما يرجعو الاخوان فبكون عم عبر عن رغبة شخصية بحتة أما على ارض الواقع .. في العمل السياسي الديمقراطي لايوجد شي اسمه منع حزب من العمل على اساس ماضيه العنفي.. ومتل ما حكيت من قبل كان في احزاب يسارية بالبلد كمان كان الها تجربة عنف لكن ما ظهرت متل تجربة الاخوان |
اولا سلامي للجميع مسلمين ( سنه وعلويين ) و مسيحيين ثم علمانيين
الموضوع مثير جدا مما دفعني للمشاركه دون تردد اولا لست من الاخوان ولكني اسلامي . مع احترامي لباقي الافكار قبل كل شي اريد ان اقول ان هناك بعض المندسيين الذين يتكلمون بصفه الاخوان واحيانا بصفات اخرى همهم الوحيد تحويل الحديث من حوار حضاري الى حوار طائفي و ارجوا من الاصدقاء عدم الالتفات لمن يهدد او يتوعد ... وبعيدا عن هؤولاء هناك الكثير من التساؤلات : منها : 1 هل يستحق الاخوان العوده ( في حاله الديمقراطيه الشعب هو صاحب القرار ) : 2 هل علينا كسوريين ان نترك القرار للنظام ( النظام يقرر لمصلحته الشخصيه مع او ضد , تماما مثل ممانعه اليوم وبكرا سلام و على كل الحبال ) : 3 هل من حق اللا دينيين ان يقرروا عن المتدينين ( او العكس ) 4 هل نحكم على اخطاء الاخوان من القياده الحاليه ( انا شخصيا ضدهم السبب خدام ) او السابقه ( اظن ان الامور خرجت من يدهم ) 5 هل كوني معارض للاخوان تجعلهم الاسوء ( اتمنا ان ننظر حولنا فالقتل جريمه نعم ولكن تحطيم شعب كامل اعظم جريمه طبعا قبل ان يفكر الاخوان في العوده يجب ان يعود العمل السياسي الحر للبلد ثم ليتكلموا عن العوده فالشعب هو من يقرر من يريد وبالتاكيد ان اي حزب سياسي سيعود للعمل سوف ياسس قواعد جديده من الشباب و ستظهر وجوه جديده قد تستحق القياده , فان عاد الاخوان قد يظهرر قيادات جيده كما ظهر هنيه او حتى اردوغان , ولكن بعض الاصدقاء لا يعرفون المبادئ او المشروع الاخواني طبعاهو مشروع اسلامي ولكن ليس طائفي وليس لاستعباد الناس من اي دين او ملله وايضا لا يدعووا لتتحجر وانما اصلاحي وانا لا اقوم بدعايه لهم ولكن اقول رأيي و رؤيتي وللجميع الحريه في الاختيار أسف للاطاله :D |
اقتباس:
هلا الاخوان فكر معين وبشكل جزء من النسيج السوري ما في مشكلة انو يتبنى الاسلام ويكونو ملتزمين على انن ما يتركو تنمية البلد والعمل لمصلحتو ويبلشو تكفير وتخوين بناس يعملو بجد ويوقفو بوش اي حد بيعادي البلد هون رح يضيفو شي لتنمية الوطنية وما لازم من تجارب صارت في السبعينات نحكم على ناس هن ولاد ال2009 يعني اللي نولد هديك الايام صار عمرو بالتلاتين انسان بمتلك فكر قائم بذاتو وبرضو الاخوان ما يفوتو ع البلد وملف السبعينات قدام وشن وشايفين مواطنين الهم نفس الحقوق الدستورة اعداء آخر شي لازم يكون عندن شعار سوريا اولا يعني هن بنهاية خاضعين لقيادة سورية مو لأي قيادة تانية وحتى لو كانت تحت مسمى الدين اقتباس:
|
اقتباس:
يعني حتى لو حدا شرحلك توجهاتن و اهدافن رح تغير رايك فين؟؟ ما هو واضح من تعليقاتك بهالموضوع انو عندك فكرة مسبقة وثابتة عنن و خلص ومتل ماقالت الصديقة ناي هني مو تيار واحد بل تيارات كان فين ناس مثقفين و متحضرين ورفضوا العنف بعز الاحداث متل عصام العطار اللي كان زعيمن و تنحى بعز الازمة ببداية الثمانينات لانو شاف انو ما عد يقدر يمنع جماعتو من الانجراف للعنف الطائفي, وطبعا النظام كافؤا على موقفو انو بعتلو ناس تقتلوا بالمانيا ولما ما لقوا قتلوا زوجتو, بتعرف ليش؟ لانو كل التطرف والعنف الطائفي اللي مارسوا الاخوان استفاد منو النظام لاقصى حد مشان هيك ما كان بدن اصوات معتدلة بالطرف الاخر |
اقتباس:
انا بتفهم تخوفك كشخص لاديني من انو يجي نظام يفرض عليك طريقة حياة ما بدك ياها بس كانك لما عم تقول انو بدن يطبقوا الديمقراطية لمرة واحدة ويستلموا فيها الحكم عم تجزم انو لو صار في ديقمراطية في سوريا وسمح للاخوان بالترشح رح يفوزوا, وعلى فرض هالحكي صحيح هل برأيك هدا مبرر انو نبقى ندافع عن نظام ديكتاتوري بحجة انو عم يحمي البلد من وصول الاسلاميين للحكم؟؟ |
اقتباس:
اكيد فوقت حزب الاخوان بنادي بقيمة الديمقراطية ما عما ينادي انطلاقا من ايمانه بضرورة ممارسة الديمقراطية وضرورة مشاركة الشعب باتخاذ القرار ... عما ينادي فيها لأن بشوفا وسيلة للوصول إلى الحكم او شبه وسيلة .. الدفاع عن النظام غير مرتبط بالحكي اللي انا حكيته .. يمكن شعبنا غير واعي لفكر الديمقراطية والأغلبية في مجال السياسة بيحملوا فكر طفولي وتحليل ساذج كتير .. هلشي ما بيعني اني ارفض وجود الديمقراطية ، رفضي كان عن الديمقراطية الاخونجية المنادة فيها لا اكتر ولا اقل . |
| الساعة بإيدك هلق يا سيدي 13:45 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
