|
اقتباس:
انا بحس انو الناس اللي بيحكمو عليكي هنن نفسون اللي بيحكمو عليي انا مو محجبة بس بلبس عادي كتير يعني فيكي تقولي محتشم اكتير من 50% من المحجبات.. هلق هدول الناس بيحكمو من الظاهر.. ولانو متل ما بتعرفي ي كتير بنات بيتخبو ورا النقاب لحتى يفلتو.. مشان هيك لا تزعلي انو حدا حكم عليكي وانك صرتي شبهة لان هدول الناس كندون كلشي شبهة.. محبتي:D |
اقتباس:
بعدين اللبس نسبي يعني بشوارع معينه البنت لمحجبه الكل بطلعلها بشكل غريب وفي مناطق اهلها محافظين ازا شافو بنت ماخده راحتها باللبس بتلفت نظرهم انا صاحبتي مندوبة ادوية بتقلي لما تزور دكتور بمنطقه شعبيه بكون معها جكيت وإلا بتنزف حتى توصل العياده |
اقتباس:
كمان بالمقابل في ناس بيحكمو على الليبتبس نقاب ما بتسوا.. لانو هنن اشخاص سطحيين.. اما عن التلطيش فحدث ولا حرج.. هادا لا تسألي لانو ما في تفرقة بين المحجبة او غير المحجبة.. انا ماني مختلفة لا معك ولا مع سوزان.. بس يمكن ما وصلت فكرتي مزبوط.. |
اقتباس:
|
اقتباس:
|
بخصوص الموضوع الاصلي.. انامع الشباب اللي حكو انو الحجاب مو رمز من الرموز الدينية الاسلامية ..
الحجاب فريضة.. وما بيشبه لبس الطاقية اليهودية او الصليب المسيحي ولا اللباس البوذي التقليدي.. هادا فريضة.. ممكن يكون في اختلاف عليها لكن الاغلبية المسلمة بتعترف انو فريضة.. واي بلد ديمقراطي بيحترم الحريات لشخصية لازم يسمح بالحجاب اضافة لهيك لازم يخضع اي رئيس عمل او مدير مدرسة او جامعة بيطرد المحجبة من عملها او مدرستها لازم يتعرض لمحاكمة قضائية بدعوى التعدي على الحريات الشخصية.. والتفرقة العنصرية او الدينية |
اقتباس:
بس اكيد ماني معك بخصوص السماح للتجاوزات انطلاقا من انه فريضة اذا بدنا نحكي على انه طقوس دينية يجب احترامها .. فلازم نحدد بالاول فين المكان الصحيح لممارسة الطقوس الدينية .. منح استثناء للمرأة المحجبة بارتداء زي خاص فيها وبدل على تقاليدها وعقائدها يعتبر خرق لقانون المدارس مثلا اللي بيفرض على الطلاب ارتداء زي موحد . في حال انتشار الديانة البوذية بيوم من الايام على مبدا احترام المشاعر الدينية يفترض منع ذبح كافة اشكال الابقار انطلاقا من عدم استفزاز الآخر واهانة معتقداته ؟ الدائرة بتفتل وبترجع للنقطة ذاتا .. كل ما يتعلق بالطقوس الدينية يجب ممارسته في مكانه الطبيعي .. في داخل مكان العبادة .. |
اقتباس:
اللي بيحكي بكون عم يتدخل بامور لا تعنيه ؟ روح ربي ولادك بالاول ؟ مين قلي غلط ؟ انه ما بعرف شو بدي جاوبك وشو بدي قلك .. بصراحة انسم بدني من هلرد .. وما بكذب عليك اني اتدايقت اكتر من نعتك النا بالصهيونية .. فعلا طريقنا اسود وسواده مرعب كتير . بس فينك تقلي شو الأشياء الافضل اللي ممكن تحصل عليها البنت من الحجاب .. او شو الاشياء اللي لا يمكن ان تحصل عليها البنت الا وهي محجبة ؟ |
اقتباس:
انا من جهتي ماعمتزبط معي معي |
اقتباس:
ليك عزيزي لألك شغلي.. "في كذا شخص بهالمنتدى"..من النخبي الثقافية بسوريا.. "في كذا شخص بهالمنتدى".. بحب سوريا أكتر من ربو.. بس الأهم عزيزي أنو"في كذا شخص بهالمنتدى"... وفي كذا فكر بهالمنتدى.. فرجاء.. بلاه اسلوب التخوين وحاجتنا نظريات مؤامرة.. حياتي اتي:D.. اقتباس:
---------------------------- هلئ سؤال.. زغنوط.. ليش مشوف اطفال بعمر 13 و14 محجبات؟؟ |
اقتباس:
وعم احكي عن تجارب كمان :frown: اقتباس:
بس نسيت حالي انا كاتب الموضوع 18- ... مشكلة والله :p اقتباس:
اقتباس:
طيب ازا هي مقتنعة انو الاسلام فرض الحجاب عليها جوا الجامع وبرا الجامع ... هي شو بتعمل بحالها (طبعاً ونسبة هدول الاشخاص كتار بمجتمعنا ) !!؟:? بزمناتي قريت مقال انو كان في ازمة بـ تونس مدري الجزائر .. المهم بدول المغرب العربي ... وهي الازمة عبارة عن بطالة نساء محجبات ... وهونيك نسبت المحجبات مو قليلة ... ولما انمنع الحجاب باحد هي الدول ... ما عادوا قدروا يلاقوا عمل وفي كتير منهن انفصلوا من شغلهن لانوا رفضوا ينزعوا الحجاب .... طيب هي ما صارت عنصرية ....:pos: تحياتي ابو طوني :D -------------------------- عَ جنب : مدري ليش مشتقلك انا ولا دب :pos: |
اقتباس:
صديقي اولا.: الحجاب مو طقس ديني.. الطقس هوي الصلاة او الصيام او الحج او قراءة القران.. وانا مع انو ما يسمحو للمسلمين بالصلاة في مكان العمل لانو ممكن يرجعو يصلوها بالبيت.. والصيام كمان ممكن انو يصوم الانسان بدون ما يعرقل العمل او الدراسة..بس مسألة الحجاب مختلفة .. .ما نها ممارسة وقتية ممكن تأجيلها.. لأنها فريضة والمرأة بس تتحجب وتتعود على الحجاب بتصير تحس حالها عارية بدونو... هلق لو منعو النقاب مفهومة.. من جهة تانية هالمتطرفين اللي معبيين الجامعات بأوروبا بلحاهم الحمراء وشعورهون الطويلة وعباياتهم القصيرة وشواريخهم الممزقة..وكعاب رجليهم المفسخة..هدول مو شكل من اشكال الرموز الدينية..من باب اولى انو يمنعو هدول الاشخاص بالاول.. انا بروح كتير على تركيا وبعرف ناس كتير هونيك.. ومافيك تعرف أديش بيحسو بالظلم من مسألة منع المحجبات من الدراسة بالجامعات او التوظيف بالدولة.. ثانيا: كمان بتركيا تم منع ذبح أضحية عيد الأضحى في الأماكن المكشوفة وتم تنظيمها بحيث انك بتحصل على الأضحية تبعك جاهزة من الحكومة بعد ما تدفع قيمتها وهادا الإجراء صار بعد اعتراض الاشخاص من الادين التاية وجماعة حماية الحيوان.. يعني في دايما حلول وسط.. |
اقتباس:
:D |
هلا.. على فكرة بحب وضح .. انا ضد الحجاب كفكرة.. وبعتبرو حجاب عى القلب والعقل وانسانية المرأة مو بس حجاب على الرأس.. إضافة لهيك انا بشكك حتى بأصل الحجاب كفريضة اسلامية
وهادا موضوع اخر ما بيجوز نحكي فيه بالمنتدى لأنو ممنوع;) بس رأيي بالحجاب شيء وانو أجبر الاخرين على أنو يمارسو حياتون متل ما أنا بحب شي تاني.. متل ما بتمنى انو ما حدا يتدخل بخصوصياتي وبحريتي كمان لازم احترم خصوصيتو وحريتو.. وهي الك:D |
اقتباس:
انا كصاحب عمل من حقي اني اطلب موظفة بمتجر مبيعات مو محجبي.. وافرض لباس معين..دون ما كون عنصري ابدا.. هون انا عندي اهداف تجارية مبنية عدراسات بقسم التسويق بشكرتي:lol:.. من حقكي اطلب مذيعة تلفزيونية مو محجبي.. كمان هي مو عنصرية ابدا.. وطبعا حقي اطلب مذيعة ما بلتبس صليب أو نجمة ديفيد أو اطلب مذيع مو مربي دقنو أو اي مظهر بيدل عدين أو حزب أو قومية.. لأسباب تتعلق بالترويج الإعلامي.. وما بكون عنصري ابدا.. :D |
اقتباس:
انو انا ماني ضد الحجاب ولامعو ... حتى لو كان فريضة دينية ... بس انو ازا بنتي (بنتي المستقبلية يعني :lol:) اجت لعندي وقالتلي بابا .. بدي اتحجب .. اكيد انا ما رح امنعها .... وبنفس الوقت ما رح افرضو عليها ازا هيي ما بدها ! :D اقتباس:
بس انو بتونس (على حسب ما بعرف ممنوع الحجاب بالدوائر الرسمية والمدارس حتى ) طيب هي المرأة المحجبة ازا الشغل الخاص والشغل العام بيرفضها .. شو بتعمل بحالها .. بتروح بتنتحر ...!! :? :D بالنهاية انا اصل الموضوع وفكرتو ... منشان حرية المرأة الدينية .. يعني ضد الفرض وضد المنع .... وكل شخص حر بنوع اللباس يلي بيلبسوا ... ازا ما كان عم بيسيئ للآخرين :D |
اقتباس:
الطقوس الدينية هية كافة اشكال الممارسات اللي بتم العمل بها انطلاقا من دافع ديني أو لتأدية واجب ديني الفرائض شكل من اشكال تطبيق الأديان ، بتتحول لطقوس لحظة البدء بممارستها طبعا هلحكي قناعة شخصية ما بجبر حدا فيها . منع الطقوس أو الفرائض اللي ممكن اتضر البقية ما بعتبره اهانة لحرية الاعتقاد الشخصية في جملة لوفاء سلطان بعيدا وبكررها علطالعة والنازلة " آمن بالحجر .. لكن لا ترجمني به " فتحتي موضوع الصلاة اثناء العمل وهاد لحاله بده موضوع خصوصي المشرف بشكل مباشر على مركز التصوير شخص جدا متدين .. بكل موعد صلاة بيترك المكتبة وبروح على الجامع اللي خارج الجامعة لتأدية الصلاة الشخص بشهدله شخصيا بأنه اكثر العالم شفافية واخلاقه من اعلى ما يكون ومعاملته اكتر من رائعة بس ما عما استوعب انه هل الله بحاجة لحتى هلشخص يعمل " ازمات " لا توصف ؟ وقت عما قول كلمة " ازمات " فانا قاصدها بحرفيتها .. وممكن تصل لمرحلة القتال على الدور والسب والشتم هل الشخص هاد أمين مهنيا ومأدي واجبه على اتمم وجه ؟ منرجع للموضوع : اقتباس:
لو صار تعارض بين احكام الدولة وبين الافكار الدينية اللي معتنقها مين المقدس بالنسبة الك ؟ عربيا بيبقى الله فوق الجميع عالميا بحسب ماننا شايفين من اخبار وايدولوجيات " القانون " فوق الجميع.. والواقع بقلك مين المتطور والمتقدم وعنده تقبل للآخر ومين الطائفي صاحب الفكر اللاغي للآخر وغير المحترم لوجوده وغير المعترف بحقوقه . هاموش : الانترنت العربي مدجج بعبارة " الحجاب فطرة بشرية " انه الحجاب نتيجة طبيعية لتطور البشرية .. وقت برجع للموضوع وما بشوف ايا شخص متبني هلفكرة .. بقول لحالي " الأخوية لسعتا بخير " اقتباس:
اقتباس:
لكن واجب عليها احترام القانون في المكان اللي هيه فيه الغاء كافة اشكال الرموز المؤدية للتفرقة الدينية بند معتمدته اكتر من دولة بمؤسساتها الحكومية .. ما كانت قادرة على احترام قانون الدولة اللي عايشة فيها على شو بعدا عايشة هنيك ؟ ما تعيش ببلد قادرة على التأقلم مع قوانينه ؟ اقتباس:
القصة صحيحة وصايرة بتونس ولازال معمول فيها .. بالبداية شي طبيعي العالم ما تتأقلم مع التغيير الأيام هية بتحدد لو التجربة صحيحة او خاطئة بصراحة ما عندي ايا فكرة على تفاصيل الحادثة والتجربة التونسية بس ما بتخيل الشعب متأقلم مع الوضع وقد يكون استوعب بأن الحجاب قي مكان العمل ممكن يشكل تفرقة مع باقي الاديان او ممكن يشكل عامل تمييز بين الموظف والتاني .. ما بدي حط نظريات من عندي بس ما بتخيل الواقع التونسي متأزم .. وإلا لكنا سمعنا اخبار بهلخصوص كل فترة والتانية . اقتباس:
|
اقتباس:
لأن الجواب ما يفترض قدملك ياه الك .. الجواب يفترض يتقدم للجالية الاسلامية فإني ئلك يا أبو العبد " القانون فوق الجميع " اكيد بدك توافقني بس قوله لشخص معني بسماع هلجملة بتلاقي حلل قتلي بحجة الله فوق الجميع :lol: أو اني قلك بأن الله يهتم بالافعال وما بعتقد بدها تفرق معه قطعة القماش فوق الراس طالما الافعال صحيحة انسانيا اكيد بدك تتفهمني بس ما بعتقد المعني بسماع هلفكرة بده يكون عنده المجال الفكري ليفكر بهلموضوع كون الحجاب فريضة فرضها الله على المؤمنات ونقطة انتهى الحوار . هس ولا كلمة قلنالك انتهى الحوار :lol: |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هادا رابط للي بيحب يشوف مقالات الها او عنها.. انا بحب جملة بتقولها وفاء سلطان "المأساة أن توافه تاريخنا صارت قضايانا الكبيرة!" اقتباس:
اقتباس:
يعني فكرتك هون مُفترض انو مُسلم بها مو هيك.. يمكن قربت من فكرتك كتير .. يعني انا متفقة معك بكل النقاط الا جزئية انو الحجاب فريضة ومختلفة عن باقي الرموز الدينية.. :D:D |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هادا رابط للي بيحب يشوف مقالات الها او عنها.. انا بحب جملة بتقولها وفاء سلطان "المأساة أن توافه تاريخنا صارت قضايانا الكبيرة!" اقتباس:
اقتباس:
يعني فكرتك هون مُفترض انو مُسلم بها مو هيك.. يمكن قربت من فكرتك كتير .. يعني انا متفقة معك بكل النقاط الا جزئية انو الحجاب فريضة ومختلفة عن باقي الرموز الدينية.. :D:D |
اقتباس:
شو لقلك انت قلت بمفهومك لحجاب شقفة قماش يا حزرك ليه كل هالمحاربه بهالقماشة؟ وبعد ما تنشال هالقماشه رح يوقفو عندها رح يشيلو قماشه من مكان تاني بأوروبا كانو زمان النساء يرتدو القبعات وكان لكل قبعة دلالات معينه وكانت جزء من اناقة المرأة ولحجاب قريب لهاشي شغله تانيه في اطباء باكستانيين في شارع هارلي بيحكو متل الانجليز ومنخرطين بالمجتمع ومع هيك محتفظين بلبسن وملاحمهم يعني لو دول اوروبا صنفو الناس على لون شعرا وعيونا بنقول عنصرية طيب وفرض لبس معين كمان عنصرية! |
اقتباس:
بس بالنهاية الموضوع متعلق بنوع الوظيفي.. يعني مثلا أنا بشركتي* بدي وظف عدد من مبرمجي الكمبيوتر.. أي مو فرقاني معي حتى لو كانو لابسين تنورة استكليندية:lol:.. (*شركتي بتستغل بكتير مجالات انا:lol:) اقتباس:
بس ما بظن هيك القصد.. أنا -للأسف- قابلت شخص مو مسلم عندو من التعصب والفكر الاغي للآخر بقدر اكتر المتأسلمين تطرفاً -للأسف-.. اقتباس:
عزيزتي نور انا اذا بدي وظف طبيب باكستاني باحد مشافيي الخاصة:p.. بدي الزمو بالباس الطبي المتعارف عليه.. بالشارع ماحدا إلو مع حدا شي :D..وماحدا بيمنعك عن شي.. بس لما نجي للعمل والوظيفي.. صاحب العمل من حقو يفرض زي معين لموظفينو..أو حتى تسريحة شعر معيني*.. (*من فترة شركة المكدونلز رفضت توظيف شخص عامل شعرو عشكل عرف الديك وصابغو احمر) وهاشي ما يعتبر عنصرية ابدا :D.. *هاموش: بالنسبي للنقاب أنا مع منعو حتى بالشارع..لأنو عمل مشاكل امنية كبيري كتير مؤخرا..:pos: |
اقتباس:
انا ما عم احكي عن الاشخاص عم احكي عن الفكر .. يعني عن الليبرالية الاوروبية بمفهومها الفكري بمقابلة الفكر الاسلامي الشائع حاليا.. لانو كمان في اسلاميين بيسموهون العصرانيين امثال جودت سعيد ومحمد شحرور وخالص جلبي هدول مثال للانفتاح.. وبالمقابل في حركات بالغرب متل النازيين الجدد من اكتر الحركات تعصبا بالعالم... انا حكيي عن الفكر السائد بالعالم مو على حركات معينة او اشخاص بحد ذاتون :D |
انا ما كان بودي اكتب بس تشجعت على الكتابة ...
اول شي لازم الحرية الشخصية تصان الى ابعد الحدود ... يعني اذا المرأة تريد تتحجب او تريد تلبس اي مودة او وصلة قماش ... بهذا شي يخصها وحدها اليوم الورقة الدينية مفروضة على المنطقة (اكثر من الورقة العرقية) و لذلك نلاحظ دائما انواع و لفات مختلفة من الحجاب .. حسب المذهب و حسب المنطقة المنحدر منها .... و هذا بطبيعة الحال قد يخلق مشاكل يعني اذا بنت محجبة بطريقة معينة و رسبت بالامتحان ممكن تقول لان تعرف انا من مذهب معين رسبت ! او بنت ما محجبة ... رح تقول لان انا مو محجبة رسبوني ... يعني ممكن يصير اساس تفرقة ... على كلن ما تخلص هذه الاقاويل و رح نظل بنفس الدوامة بين الحرية الشخصية و بين الصالح العام ... و بالنهاية هو حرية شخصية ابو طوني كتب موضوع قبل اسبوع ... عن المثاليات .... و كان فعلا فكرة رائعة نحنا بالمثاليات رح نسمع الحجاب هو حرية و هو غير مفروض بتاتا ... و الينت غير المحجبة معززة مثل المحجبة لكن الواقع يقول العكس .... المجتمع العربي يفرض الحجاب على الكل ... نظرة كثير شباب عن البنت غير المحجبة .... نظرة مو حلوة و دائما يعنقد انها بنت سهلة نظرة كثير نسوان انو البنت لازم تتحجب حتى تماشي المجتمع ما رح اتدخل بحرية البنات الشخصية و اقول في بنات محجبات لكن يرتدون لبس غير محتشم ... تبقى حرية شخصية و هي حرية ذاتية غير مكتسبة من اي أحد يعني صار الحجاب موضة هذا المجتمع و وسيلة تمييز بالغرب حتى يعرفون انا متدينة و عربية ... بس ارجع و اقول ... هي حرية شخصية بس خاطر الله ... اتركوا المثاليات على جنب |
اقتباس:
آخر شي بدي ازكر بالاردن حرس جلالة الملك الشركس محافظين على لبسن والاردن محترم تراثهم ما دامو عندن كفاءة ليه ما نقول انو مظهرهم بتنافى مع انخراطهم بالمجتمع؟ هلا نقطه لنقاب انا مو مع النقاب في الوظائف الحساسه وبعدين النقاب فضل وليس فريضه |
اقتباس:
|
لك مش عارف انو كيف هيك ... يعني مشان البطاطا والبيتنجان .. هلأ اللي بتحب تلبس حجاب هي حرة واللي ما بتحب هي حرة ... بس فيك اللي بتقلك انو هوي حجاب للعقل والقلب ومدري شو بحياة ربك من وين جبتي هالنتيجة ..؟؟ انو اعطيني طريقة التفكير والمراجع تبعتك .. ولا كمان بتقلك انو بتشكك انو هي فريضة اسلامية؟ اي شكي يا عمي شكي ... ازا انتي مش عاجبك الحجاب ما تلبسيه وخلصت فكت ...
|
اقتباس:
واما بالنسبة للمثاليات فانت عمتناقد نفسك شوي بتقول انو مفروض عالبنت وشوي بتقول انو حرية شخصية ومابخفيك انا اكتشفت انو في اختلاف كبيييييييييير بالمفاهيم بين الي (مع) والي (ضد) والتنين على مبدا قلو تور بيقلك احلبو اما بالنسبة للاخ الي عميقول انو صهيونية ماصهيونية فبحب طمنك انو حتى باسرائيل الحجاب ماانمنع |
اقتباس:
بس منعوا المحجبات من دخول بلادهم على سبيل المثال.... او منعوهم من رؤية اهلهن ( طبعا اذا ما كانو قاتليهنم) ولا قلك ... خليك عم تحكي... |
اقتباس:
انا لما حكيت كان قصدي عن (عرب اسرائيل) اقتباس:
والي حضرتك عمتتهمن بالصهيونية فهدول وطنيتن بتسوى عشرة ..... حتى لو كانو ضد الحجاب فهاي وجهة نظر مو كل مين خالفنا بالراي صار صهيوني |
وشغلة تانية معلم بس تكتب رد خليك قدو ولا تغيرو بعد ماتشوف ردي ماشي حتى لو كان في مشكلة بالسيرفر ترا الردود بتوصلني عالايميل
اهلين :D |
اقتباس:
اقتباس:
بما انك بتعرف انو منعو الكل يعني مو بس المحجبات والمسيحين والخ... ليش لحتى تجيب السيرة؟ ليش لحتى تقول انو باسرائيل ما منعوا الحجاب .... ( وما احلاهن يمنعوه كمان بعد الي عملوه!!! ) .... وانا عدلت ردي لانو حسيت بالغت شوي فيه .. قلت لحالي انو عيب ما حلوة ... قمت عدلت ( يعني كتر خيري ) ويا شاطر انا بعرف انو الردود بتوصل على الايميل ... انا اصلا ما برد على الموضوع الا الي بتوصل على الايميل ههههههههههههه:yahoo: هذا كان الرد المحترم مني .. اكيد ما رح رد بطريقة فظة متل حضرتك ( فهدول وطنيتن بتسوى عشرة .....) مشان ما اعمل حرب طائفية:p |
اي ها ..
قلتلي .. مارح رد لانو من ردك عرفت مين عمناقش سلام عيوني |
الله معك حبيب .... لك يا هيك الشغيلة يا بلا....:larg:
|
أخدنا شوية إجراءات بحق بعض المخالفين
ياريت نلتزم شوي بأسلوب راقي بالنقاش :D |
اقتباس:
الشركس استقرو بعمان عام 1870 ولما تأسست المملكة الارنية الهاشمية بتاريخ 20/شباط/1928م كانو الشركس هنن الغالبية العظمى للعاصمة .. وكانو سند مهم كتير للملك بمقابل انو الملك تكفل حمايتهم من المشاكل مع القبائل العربية.. يعني بالنهاية الملكية بالاردن لا ترغب بانخراط الشركس مع المجتمع الاردني بل ممكن ترغب بأنو يتعايشو مع بعض.. يذكر انو الشركس بالاردن مستلمين مناصب مهمة كتير بالمخابرات والجيش.. بحب كمان اذكر انو حكيت هيك وما معجبة بمواقف الشركس بالاردن بس وجب التوضيح |
اقتباس:
الشركس استقرو بعمان عام 1870 ولما تأسست المملكة الارنية الهاشمية بتاريخ 20/شباط/1928م كانو الشركس هنن الغالبية العظمى للعاصمة .. وكانو سند مهم كتير للملك بمقابل انو الملك تكفل حمايتهم من المشاكل مع القبائل العربية.. يعني بالنهاية الملكية بالاردن لا ترغب بانخراط الشركس مع المجتمع الاردني بل ممكن ترغب بأنو يتعايشو مع بعض.. يذكر انو الشركس بالاردن مستلمين مناصب مهمة كتير بالمخابرات والجيش.. بحب كمان اذكر انو حكيت هيك وما معجبة بمواقف الشركس بالاردن بس وجب التوضيح |
اقتباس:
لسا لحد الان ما سمعت انو في تشكيك انو الحجاب فريضة..!! مو مسموح بالمنتدى اتوسع بالشرح عميل بحث اذا بيهمك الموضوع.. هادا من جهة.. من جهة تانية انا ما عم اتمسخر اذا بتريد رد عليي باللهجة اللي انا عم احكي فيها وما في داعي للمسخرة |
اقتباس:
بس ما شفت اراء كل البنات بأخوية او بالمجتمع ... و لذلك ما تقدر تحكم يعني ممكن تشوف بنت تقلك انا مقتنعة بالحجاب بس حجاب اخلاقي حجاب روحي ... كثير هيك يفكرون ! اقتباس:
الحجاب مبدئيا بالنسبة الي هو حرية شخصية .. يعني برأي البنت اللي تريد تتحجب من باب ديني من باب موضة ... هذا شي يخصها و لكن دائما الواقع غير المبادئ ... و الغلط دائما هو غلط المنفذين ... لا غلط المبدأ العام بمعنى انو المجتمع يقابل البنت غير المحجبة بغير طريقة مقابلة البنت المحجبة و غالبا ما نسمع من النسوان الكبار ... تقول نفرق البنت المؤدبة من البنت اللي مو كتير مؤدبة من الحجاب ;) هذا الشي لا بكيفك و لا بكيفي ... هذا واقع حال و خصوصا لدى طبقات معينة اكثر من غيرها ثالث شي .. اذا البنت تشوف امها و اخواتها و بنات عماها محجبات ... تشوف دائما يحثوها على الحجاب حتى تكون مقبولة اجتماعيا اكتر ... و لذلك .. هو مفروض اجتماعيا و لكن بنسب متفاوتة بين المجتمعات ... ... يعني الواقع الحالي ماشي على مبدا تريد ارنب خد ارنب ... تريد غزال خذ ارنب... و واضح جدا المقصود منه ! |
اقتباس:
طب ليش لما اليهودي يربي دقنو ما اسمو متطرف وليه لما المسيحي يربي دقنو كمان ما اسمو متطرف, ليش أي شي بيساويه المسلم بيصير اسمو تطرف وبالنسبة لموضوع اللبس فهي حرية شخصية بيلبس مشرخ بيلبس جديد كمان هو حر قبل برد الك كنتي أنا مع حرية الفرد وحرية الفرد شيء مقدس وشغلات كتير نسيتها.. واعتبري القصير الي لابسو بنتكور أوسنتكور ما أغلب الشباب بتلبس شورط وبنتكور وسنتكور بس خلص لأنو صار الو دقن معناها صار زلمة مسلم ومتطرف..... عجبي |
| الساعة بإيدك هلق يا سيدي 22:29 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون