|
اقتباس:
|
طيب ,وقت بشوف مئات الألاف من السوريين طالعيين مسيرات وقت تجديد البيعة بصير بفكّر انو عنجد النظام صح ,,,و انا و امثالي غلط !!..
لأنو مو معقول تشتري كل هالبشر و تجبرون يقوموا باضخم مسرحية بالعالم بتتمثل بالهواء الطلق غير ازا كانت العالم متل ما وصفتها بالفعل !! |
اقتباس:
بتعرف شي انا من جهتي حتى لو صار اصلاح ما رح ارجع ومارح ارجع الا اذا صار تغيير |
بين اسنان الفخ
مخالب اسد مجروح .. و على العشب الأخضر .دماء !! دماء أسد مجروح في الغابة أثار !! أثار الأسد المجروح الذي هرب بثلاثة ارجل ! عند الغروب .. لكنََََّ ارنبا بين اسنانه .. لا يزال حيا !! All Rights Reserved |
موكب الأمبراطور يمرّوا مرورا لا انتهاء لهُ
يقوده مشوه ..يمشي على يدٍ واحدة و يمسك اللجام باليد الأُخرى لقد فقد ساقيه بالتاريخ هما هناك منذ فترة طويلة تتجولان كل منهما بجهتها و عندما تلتقيان تركل كل منهما الأخرى!! Jacques Prevert |
اقتباس:
ومين قلك انو انا مجرد انا الحمد لله ماني مجرد ومعي جنسيتين كمان ومرة تانية شوفي الموضوع واقريه كله بعدين ردي |
اقتباس:
|
اقتباس:
انتي اصلاُ ما تلوعتي ولاصار عندكن احداث وشفتي كيف الغابة عنجد بتعرفي يا ست انو من عيلتي لسا فيه شي 12 واحد لساتن بالسجون وكل واحد رح يطبق 28 سنة لك شو هالحكي شو هالقائد تبعك وشو قال مو غابة |
و حياتك هالعالم كلها جبناء ,,,صحيح معهن السطة والقوة ,,و ما في مين يحاسب
بس هدون متل ما بقول احد الشعراء .. (إلذين يضعون الذئب على وجوههم حين يأكلون الخاروف ) ....!! |
والشي الحلو ..بيطلعلك كل واحد شي بيقول... ما ترجع عالبلد نحنا ما ناطرينك .. او ..اذا حلمك اكبر من الشي الموجود بالبلد فما ترجع !!. او..يلي ماعجبوا الحدود مفتوحة الله معو والقلب داعيلو !!
شو بدّي قول ما بعرف ....انو يعني استملكتوا الأرض والناس !! لهون وصل التجبّر !! يا سيدي اذا السوري لازم يكون متل هالشاكلي ...او السوري ما مسموح يكون مختلف عن هيك شكيلات ..فبحب قول ..طز بسوريا و بشعب سوريا |
اي والله
وانا معك ازا الشعب رح يضل هيك ساكت وصامت والناس بالسجون ؟؟؟ لأيمت اي والله طز بسوريا وبشعب سوريا |
الكلاب تنبح القافلة تسير
|
اقتباس:
فهمنا عم تنتقد وتتهم الشعب انو اكتر من نصو حمير , توصل معك للسب والشتم وهالطريقة المنحطة بالتعبير عن الرأي يعني انت عامل متل العديم اللي وقع بسلة تين, تغربتلك كم سنة برا البلد وشفت كل شي جديد صرت تكره البلد والشعب كتير ناس بهالمنتدى متغربين و بيكرهوا النظام بس ما بيكرهوا بلدن وشعبن متلك وفي فرق كبير واذا شعب سوريا مو عاجبك , لاتنسى انو هالمنتدى سوري وللسوريين اللي بحبو سوريا , يعني يا ريت تروح تبث الحقد تبعك بشي منتدى مناسب لافكارك صحي انو اذا لم تستح فاصنع ما شئت |
اقتباس:
اقتباس:
يعني تخنت كتير متلكون متل المخابرات طلعتوا |
اقتباس:
هيك ما بصير نقاش ولاحكي يعني ما بصير انو يتحول النقاش لساحة عراك سياسي ومهما كان هي بضل وجة نظر لأنو بصراحة نحنا متلوعين كتير من هالنظام وبالنهاية بيطلع هاد الكره بكلام تاني وطولوا بالكن |
اقتباس:
شبك |
سوريا الله حاميها .. الله يحميك يا أسد سوريا
اقتباس:
هلاء انت بتكره الظلم ؟؟؟ ياترى مابتحس انك بكلامك هاد ظالم يلي عم يطالب بمسح حزنه وعم يطالب بدوى لجرح موجعه كيف قادر يجرح قلوب كتار كيف قادر يحزن ناس مالها ذنب .ياحضرت انت هلاء عم تنتقم مننا نحنا؟؟ شو ذنبنا توجعنا شو ذنبنا تجرحنا شو ذنبنا تبكينا ليش نحنا ندفع تمن شي ماعملناه ليش مانكون سوى ونحب البلد ونداوي جروحك وجروحنا ليش مانحب الشعب شعبنا العظيم الشجاع الكريم ليش ياأخي بالوطن ليش تكون ظالم ..أيام الكلمة بتكون موجعة اكتر من حد السيف ..بدي قلك اني ماني مسامحتك .. لآنك هلاء انت الجلاد وأنا وأخواتك بالوطن كلنا ضحاياك :cry: |
الكل اساء فهمي للأسف !!! ..
انا قلت اذا ..و ركزولي عاكلمة اذا ... اذا السوري لازم يمنع اخوه السوري من العودة لبلدو و أرضو...فطز بسوريا و بشعب سوريا !! ...لاحظتوا الفرق الكبير بين الشي يلي قصدتو والشي يلي فهمتو يا حضرات !! هلئ اذا حضراتكم بالفعل بتأمنوا انو السوريين امتالي ماألهم الحق ببلدهم ,,,فهدا شي تاني !! ثانيا اخي طوروس شو مشان الكلاب تنبح و القافلة تسير ..هلئ فهمت انو بتقصدني لما قلت كلاب .أوكي ما عندي مشكلة !! بس حبب صحح مقولتك شوي الكلاب تنبح و القطيع يسير !! رجاء ما تحولوا الموضوع لمسخرة ...فهموا شو قصدت بعدين ردوا و سبوا متل ما بدكن !! مشان الصديق ايهم ...لو بالفعل انا شخص متل ما ذكرت ,,,ما كنت عذبت حالي بهالحوار و تحملت كل هالمسبات ,,,كنت قلت "فخار يكسر بعضوا" ....بس ما عابأحكي هيك غير من حرقتي عالبلد !! |
اقتباس:
لك يا عزيزتي ما حدا قصدك انتي ولا غيرك !! القصد كان عا يلي ما بيعترف بحقنا ببلدنا ,,,انتي ما بتعترفي شي بحقوقنا بالعودة عالبلد !! ..ما بظن انو انتي ما بتعترفي !! |
اقتباس:
بعدين :?لا أنا ولا غيري بيمنعك من بلدك بس ياخوفي انت ماتلاقي حالك فيها سوريا أمنا والآم بتحب الولد يلي بحبها وبيرعاها مو ولد بسبها وبيرجمها بالحجار وكمان انت عيب عليك تسب بلدك وتسب شعب بتنتمي ألو هادا أذا بعدك سوري عن جد مو بس ورقة وشوية حبر................... وأنا متأكدة اني خليتك تبكي لو عندك ذرة أيمان بوطن عم تطالب فيه فمعناها انت بكيت. شكرا للمسخرة وللمسبات ولخنجرك المسموم ولطعناتك العميقة . بتعرف ليش شكرا لانك خليتني عبرلها عن شوقي وحبي واخلاصي خليت مشاعري تنتفض وتتظاهر وقلبي يعلي الصوت ويندهلها ............ بحبك يـــــــــــــــــا سوريا بحبك يــــــــــــــــــــــــ ا شام ياأمي يــــــــــــــــــــــــ اشام بحبك |
اقتباس:
اقتباس:
قولتك مظلومين؟ مين فجر مدرسة المدفعية ؟ولا ما دخلون هدون؟او يمكن طلاب المدرسة يلي قلتوهم الاخوان المسلمين كلاب شاردة ما ألهم اهل؟ اقتباس:
اقتباس:
اقتباس:
يمكن يطلعونا ابطال واشاوس كمان اقتباس:
حيرتنا معك |
اقتباس:
ولله نيتي مو عاطلة ,,ههههه ,,عجبتني هدي انتا شو دخلك ,,, |
اقتباس:
و متأكد Ultimat_YA...كمان كان قصدوا نفس الشي بلا ولدنة !! |
ثانيا اخي طوروس شو مشان الكلاب تنبح و القافلة تسير ..هلئ فهمت انو بتقصدني لما قلت كلاب .أوكي ما عندي مشكلة !! بس حبب صحح مقولتك شوي
اكيد مو قصدي الاهانة لانو لو بدي اشتمك كنت لقيت شي غير الكلب لانو المعروف انو الكلب بيتميز بالوفاء قصدي انو يسلم ترابك ياشام ولو التقى ناس متلك ومتل الاخ اللي عندو اقارب كانو عم يوزعو مساعدات ع المساكين بالبلد واجت الحكومة مسكتهن وحطتهن بالحبس من 28 سنة الحقيقة انو الحكومة غلطانة كان لازم تسمح لفاعلي الخير يكافحو البطالة بين حفاري القبور وتسمحلهن ينفذو شوية اغتيلات وتفجيرات بالمدارس متل الازبكية انو معقولة مدرسة الازبكية كل خمس طلاب فيها بيكفيهن قبر بالاساس بقى كيف بعد التفجير وكان لازم تدعم برنامجهن لتطبيق الوحدة الوطنية متل تفجير الباصات بتتصور انو قليلة يكون جثمان واحد فيه ايد من الشام واجر من حمص وكتف من طرطوس والدم من كافة اطياف المجتمع السوري اكتر من هيك وحدة وطنية وكمان يمكن الحكومة غلطت لانو ماسمحتلكم تحاربو فسادها وتستلمو السلطة حتى تطبقلنا برنامجك الانتخابي اللي اول بند فيه اتهام الاغلبية من الشعب السوري بالجبن والتفاهة والغباء بعتقد انو هيك برنامج يادوب يوصلك على مشفى المجانين واخيرا ياريتك قدمت موضوع نتناقش فيه بالعكس اخدت رأي بيخالف رأيك ومابيقبل انو تسب الشعب السوري باغلبيتو حتى مااظلمك وبلشت تتهجم ع الشعب السوري وبدك نقاش موضوعي ليش حضرتك كنت موضوعي بطرحك اذا هاي الموضوعية مسامحينك فيها |
ماشي.لاأخوان قتلوا ..بس الجيش السوري البطل قتل بأسبوع بمدينة حماة قد ما قتلت اسرائيل من الفلسطينيين خلال خمسين سنة !!
ثانيا انا ما عندي حدا من قرايبيني بالسجن ,,,بس الشبUltimat_YA عابيقول انو عندو اكتر من 12 قريب صرلون مسجونين من اكتر من 28 سنة !! غير يلي نقتلوا !! ,,و بتجي العالم بتشمت و بتمدح الحكومة على هال شي !! بربكون هدا مو قمة الئم !! |
اقتباس:
بس ليش؟ مو الاخوان هنن يلي بلشو مو الاخوان يلي فجروا بالاول الجيش كان عم يدافع عن الشعب السوري ضد ناس ارهابيين (( الاخوان )) كانو عم يحاولو يوصلو للسلطة عن طريق التفجيرات وقتل البرياء اذا انا غلطان بتمنى تصححلي معلوماتي |
مختصر الكلام بموضوع حماة ..لازم كل المجرميين يتحاكموا ...سواء كانو اسلاميين ..او عناصر من الجيش السوري ...الطرفين مجرميين برأيي
|
اقتباس:
صحيح متل ماقالو -لاتجادل الاحمق فقد يخطيئ الناس بينك وبينه- وانا بتركلك ساحة النقاش وانا عم اتذكر قول الامام علي -ماجادلت عالما الا غلبته وماجادلت جاهلا الا غلبني - |
اقتباس:
برأيي انو الجيش كان في حالة الدفاع عن البلد ضد هذه الاعمال ولا اعتبر عمله اجراميا خصوصا ان معقل الاخوان المسلمين كان في مدينة حماه بين السكان المدنيين الذين كانو ضحايا لاعمال الاخوان التخريبية |
أولا صديقي محسن لازم تعرف انو الجيش نسوريا ما بيمثل السوريين ,,بيمثل بس السلطة ..و غاية الجيش هو الحفاظ على نظام الحكم ,,,هالشي واضح للكل ..ما بدنا نضحك عا بعض
ثانيا ,,كل المسلحين الأسلاميين بحماة كان عددهم بالعشرات او المئات القليلة !! هالشي كان مبرر لموا عشرات ألاف الضحايا ... قتل الأطفال و الشيوخ ,,دفاع عن النفس ,,!! الإجهاز على الجرحى كان دفاع عن النفس !! اغتصاب النساء كان دفاع عن النفس !! تدمير ممنهج لمدينة كاملة دفاع عن النفس !! اذا كان في عشرات الأسلاميين من المجرميين ...فالجيش البطل كان في قمة الأجرام .... سكوت الشعب عن هالجريمة كان بمثابة المشاركة فيها ,,,خصوصا انو النظام اعتقد بعد مجزرة حماة انو قدر يركّع السوريين و يدفن رووسهم تحت التراب بصباطو... صدقني هدي هي العقلية الأجرامية السائدة في سوريا ,,,يلي خلت الشعب متل ما قالو كتير انو يوصل لهلمرحلة |
اقتباس:
:jakoush::jakoush::jakoush::jakoush::jakoush: بربك حاجة هنن بيكزبو عليك وانت بتكزب علينا انو عشرات وانو مئات شكلك مانك فهمان الطيخ من البطيخ. لولا يلي صار كان مدري شو صار ...... الله يرحم الناس المظلومين يلي ذنبهم برقبة الأخوان عملوهم درع بشري وهون المصيبة هي نهر البارد ليش الفلسطينية ماحكو ولا بس انتو شاطرين بالفزلكة وكمان انا ومتلي كتار رحلهم عم ولا خال ولا اخ بتفجير الأزبكية وكمان نحنا مالنا ذنب ..دخلك بما انك من هدول الأخونجية فيك تسئلي حدى من كباركم ليش قتلو عمي ؟؟؟؟؟العامل المعتر البسيط طالع يترزق الله بيرجع جثة ولا لاء ياريت رجع جثة رجع أشلاء قتلوه ويتمو ولاده كرمال الحكم والكرسي !!!!!! نحنا عندنا جروح كمان ومتل عمي ألاف بس نحنا ماحقدنا ولا كرهنا البلد والشعب بتعرف شو الفرق بيناتنا انتو ناس مريضة وهمها بس الحكم حاجتك فزلكة اذا في حدى ألو حق يطالب فهو سوريا وشعبها ونحنا أهل الشهداء الضحاية الأبرياء خلينا ساكتين وحاجتكم زعبرة وحاجتكم متاجرة بدم الناس وازا انت منهم فا لاترجع ومابدنا ترجع هدول جزارين سفاحين تجار دم واول دم تاجرو فيه هو دم اهل حماة ...حاكيناك بالمسايرة مامشي الحال خلص بقى حل عنا يا ويكون بمعلومك كل البلد مع البطل ابن البطل مع الغالي ابن الغالي مع بشار حافظ الأسد الله يديمه تاج فوق راس الشعب السوري وانشالله يلي مو عاجبه ستين عمره |
اقتباس:
على كل الحكي اللي عم تقولوا هو للاسف ترديد لكلام السلطة المزيف للحقائق و اللي مسخ الصراع كلو لصراع خير وشر وعلى اساس الخير انتصر بالنهاية, والمنطق هدا تبع انو عشرات الاف الضحايا اللي دبحن النظام هني برقبة الاخوان هو نفس منطق اسرائيل والغرب من وراها لما حملو حماس دم كل الضحايا اللي قتلوهن بحرب غزة ولو ينعمل موضوع بهالخصوص ممكن نتناقش بهالقصة اكتر |
اقتباس:
|
همس الياسمين ما لاحظتي انو انا لهلق عابأحكي معك باحترام و انت ما في غير عابتولولي !! ...
اذا مو عاجبك الموضوع بكل بساطة ما تسمعينا صوتك ...ثانيا الأمر بأغلاق الموضوع عائد للأخوية .. صدام حسين و كل الديكتاتوريات السابقة أول ما وقعت ....كل الناس المنافقة اختفت من حولها ...!! اكيد الموضوع مو موضع حماة ,,بس السكوت الجبان للشعب البطل عن كل هالشي يلي صار من مجازر بحماة و غير حماة بدل انو مجتمعنا بعاني من ازمة اخلاق !! |
اقتباس:
ولا عم تحكي بس للناس يلي متلك ..!!!! يعني لهون وصل حب التفرد , حتى الصوت بدكم تقتلوه .. شي غريب !!! انت بلشت بتخطي الخطوط الحمرا وانت يلي فتحت الباب وانت يلي طالبت وانا رديت عليك بس انت هربت من السؤال وجبنت تجاوبني ولفيت ودرت وماعطيتني جواب ومو أنت يلي بتقلي اسكت لآني بكل بساطة ماهاجمتك بس انا دافعت عن نفسي وعن شعبي العظيم وعن بلدي .. اما عن صدام حسين .يظهر مانك عم تشوف منيح يلي فرحو ا ورقصوا على الدبابة الأمريكية عم يبكو اليوم على صدام حسين لك ايه فتح عيونك وشوف منيح وحاول تهرب من السرداب يلي حطوك فيه .. برجع بقلك انا مابكرهك وماعندي اي شي ضدك شخصيا بتمنى تجاوبني بموضوعية |
همس الياسمين بكرا بتكبري و بتتعلمي انو هالأشياء لي علموكي ياها عأساس وطنية كلها بلأخير طلعت أوهام !!
انا ما معي الحق انو اطلب منك عدم الرد ...و مشان هالنقطة با الذات بعتذر منك .. شكرا |
اقتباس:
بس كمان ماجاوبتني ولا جواب منطقي وموضوعي .؟؟ شو السبب ياترى |
بحياة الغوالي اي موضوعية عابتطلبيها مني !!! شكلك بتحبي بشار للعظم ...
و نسياني انو هالنظام البعثي كان سبب مهم من بين الأسباب يلي أدت لتدهور السوري اقتصاديا و اجتماعيا و ثقافيا و خلاقيا ... اختي العزيزة انا يلي ما سمعت ردك عالرشوة والفساد والسرقة و الفوضى ....معلش ما رح اسألك عن الشغلات يلي بتتحسّسي منها ,,,بس حبب اسمع رأيك عالأربع شغلات فوق على فكرة انا ما حملت البعث المسؤولية الكاملة !! في اسباب تانية الشباب قالت انو شي التربية شي الفقر شي الظروف الخارجية كانت السبب ورا وصول السوري لهالوضع المنحط !! |
هلق بلا ما اعلرف انت وين
وبقلك انت شخص مهزوز نفسيا و عديم الثقة بنفسك و جبان و مفكر كل العالم متلك لهيك كاتب هالشي الظاهر انك طالع ع شي دولة برى سوريا من جديد و شايف شي شغلة جديدة و عاجبتك سيدي خلص متل ما انت شايف شوف و الشعب السوري مو مستني رأيك فيه لا انت و لا امثالك بالنهاية الرأي بيعير عن صاحبو |
يا رجل وين كنت من زمان ...يعني حللتلي نفسيتي بشكل علمي فظيع ...يا ريت لو عرفتك من زمان كنت وفرت علي اكتر من50000 استرليني عالعلاج النفسي (PsychoTherapy!!)...
شكرا |
| الساعة بإيدك هلق يا سيدي 16:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
