|
اقتباس:
كتير حلو اسم نوار ورومانسي عقبال ما تلاقيلك نوارة :D |
اقتباس:
بالمناسبة في شي بدي اخبرك في من زمان لما تنتمي لاي كوكب او حضن امرأة او ووطن او صفحة او.. اي اتنماء كان خبرني رجاءا |
اقتباس:
بس هاي (حدثنا عنها) صعبة بستحي:oops: ما هيك هيك الشغلة اتفركشت بعد سنة:o :D |
اقتباس:
منيح اللي في حدا اجى يحقق معك إذا شفت اللي كانت حبيبتك شو بتعمل؟بدق قلبك؟ |
اقتباس:
بس ما بعرف نوار ازا جبان متلي جد نوار شو بتعمل؟ |
اقتباس:
أحيانا يكون من الممتع أن نشاهد الحبيب القديم من بعيد دون أن يرانا .... لنطمئن عليه ، على صحته ، و أحياناً نستغل فرصة السؤال عن أخباره من خلال بعض الأصدقاء ... قد ننكر حاجتنا إلى الإطمئنان عليه و لكننا لا شعورياً نسعى إليها لإشباعها ... فتدور الصراعات بين كبريائنا الجريح و بين عقلنا الباطن ... ما أخبارها ؟؟ ما أحوالها ؟؟ ............ و ما همني أنا بأخبارها ؟؟؟ (( تضرب من هون لعندا ، بكرها !! .. لأ حراام يعني ما بكرها كتيير ، بس ......... آآآآآآآآآآآخ ليش هيك صار .؟؟!! )) و يستمر الحديث الداخلي ..... ليسأل عنها من جديد . إلى أن يأتي الحبيب الجديد لينسينا مرارة الحب القديم .... و دويرة دايرة ...... :D |
معناها انا شجاعة اكتر الكل
لاني انا واللي كان حبيبي صحاب كتير هلأ وبنحكي مع بعض مع العلم اني كمان رفيقة حبيبته وهو بيعرف حبيبي وصحبة هو وياه يعني جدا اصدقاء |
اقتباس:
لا والله مو مستحيل بس لازم يكون اقوى من كل شيء مع شوي حظ بينجح وبعرف اكتر من فقصة انتهت بعد 6-8 سنوات بزواج واطفال واستقرار عقبالك نور اقتباس:
نفس نفس اسلوبي كلو من بعيد واسئلة غير مباشرة بيبقى اخف الضررين بس انت رجل لازم تكون اشجع من هيك:jakoush: :D اقتباس:
كنت اتمنى ان تظل صداقتنا رغم كل شيء لكن من اخذت مكاني تخاف من ظلي فكيف تقبل وجودي؟ نفتني لمكان بعيد وفي النهاية تخلت عنه وتركته وحيدا اقتباس:
تعرف اني ابتدات اعترافاتي ومنتظرة اعترافاتك بدون ترميييييز:lol: |
بس عن وجدة ؟؟؟؟؟؟؟؟؟
ولا بعمل شرح موجز للكل سوا:o:o:o |
اقتباس:
لا؟؟؟؟؟؟؟؟؟؟؟؟؟؟؟؟؟؟:? كيف تا طلع معك هيك؟؟؟؟ :shock: هي كمل ..............وبعد 4 سنين ..... اتجوزنا ع هالاساس:gem: |
اقتباس:
اهلا سونا توحشتك:D انتي اختاري بس لازم اكون من بين الحاضرين:lol: اقتباس:
واو يعني حكاية حب وبنهاية سعيدة احكيلنا سونا بلكي تطردي التشاؤم والتعميم |
للصراحة يعني اول علاقة الي كانت من بعيد لبعيد يعني ما حكينا ولا مرة سوا ..
بعدين جاكرني وصار يجيب صبية رفيقة الون ويقعد معها قدامي ويضل يبصبص عليي !!! :frown: فشفت انو الشغلة لعب ولاد صغار ..... بعدين اتعرفت ع شب ........... يعني الرومانسية كانت طابعو الاول ولاخير وكنت متل كتير صبايا بحب شغلة انو حدا يكتبلي شغر وما شغر ..:sosweet: وللصراحة يعني ما قصر يعني لما كنت اقرا شو يكتب كنت حس حالي ملكة زماني !!!!!!!! بس كان في كارثة ........ انو كل مرة منحكي سوا ..ايا موضوع بيتحول لبصير بس عن الحب والرومانسية والشعر يعني لا كلام عن المجتمع و لا عن السياسة ....... لا عن كيف بفكر وشو بحلم ولا عن نفسو كانسان عايش واقع كلو كان حب وحب وحب ...... لدرحة وصلت اني رح اختنق صرت حاسة انو علقت بشرنقة ما عم اقدر اطع منها ........ انو انا كمان عندي شغلات اهتم فيها غير اني كون عشقانة وبس :sick: وهيك صارت الامور بيناتنا تبعد اكتر واكتر ....... وبعديم كل واحد راح بسبيلو...... بس كان كتير ودي ولهلق لسا بيناتنا تواصل لطيف .. كتاباتو الي للصراحة لساتها عندي وبقراها احيانا وبتذكر ايام لطيفة .. بس كانت درس فعلا اني فكر بشي تاني غير الرومانسية لما بدي ارتبط بشخص ما :jakoush: اما علاقتي الاخيرة ........ فكمان بالجامعة ... كان بيناتنا معرفة عائلية وبالجامعة اتطور الموضوع اكتر بيناتنا كتير شغلات مشتركة.. ونتيجة تواصلنا الدائم واشتراكاتنا بمناقشات صغيرة وكبيرة صار بيناتنا ود اكتر وشوي شوي اتطور الموضوع:hart: ....المشكلة الوحيدة او ما بيعرف يغازل!!!!!!!! ( ليكو ع هالعلقة ) ولما بدو يحكي غزل بيقلي ع شاكلة.......... حبيبتي انت كارثتني الابدية:o ........ بس فعلا علاقتنا كانت رائعة....ما في شي بيخلا من المشاكل .. ومرت فترة انقطعنا عن بعض اكتر من سنة ما صار فيها تواصل ابدا :cry:......... بس بعدين رجعنا سوا :gem:......... وهي ليكنا مزوحين ما احلانا وعايشيين الدينا بالطول والعرض......... صراحة الزواج شغلة رائعة اذا كان فعلا مبني ع حب وتفاهم سوا ...... وحدة بس ما بتكفي ابدا واهم شي انو ما نحكي انو المهم اتزوجنا وبالتالي بلشت حياة تانية غير السابقة لما كتا بس منحب بعض لا لساتنا متل الاول واكتر ......... ما في احلى من الحياة المشتركة بين اتنين بحبو بعض طولت بالحكي كتير ما هيك !!!!!! |
اقتباس:
أنا بعرف كتار نجحو و كملت قصصهم... |
اقتباس:
أنا أعجبت بوحدة من كلية تانية غير كليتي بس كنت سنة تانية وضليت من سنة تانية لوقت تخرجت وما حكيت معها كانت طالبة صيدلة وأنا كومبيوتر كل كلية الصيدلة مفكرتني بدرس صيدلة من 8 الصبح لل 5 المسا على باب كلية الصيدلة "منيح الي ما تورطت مع صيدلانية" هلأ أنا عندي مشكلة عويصة جداً ملازمتني لهلأ انو بخجل احكي مع بنات ولما احكي مع وحدة حتى لو بدي اسألها على ملخص بيصيرو خدودي حمر وكأنو سحارة بندورة حورانية :o كنت كل ما قول بدي روح حاكيها تطلعلك أفكار شروي غروي انو بركي قالتلي لاء شو بدو يصير فيني وخصوصي إذا كان في حدا ناحها بدي اطلع بالخجلة وهلم جر من هالأفكار الي كلها عوائق بعوائق.. وقبل ما نتخرج البنت انخطبت :lol: بالمناسبة حدا عندو حل لمشكلة الخجل وإحمرار الوجه من النسوان يعني عندي الخجل بس بيكون بأول لقائين بعدين باخد عالجو وبيصير كلشي طبيعي :larg: |
اقتباس:
لا ما طولتي ولا شيء بالعكس بفرح لما اسمع بقصص حب كملت حتى بعد الزواج الله يخليكم لبعض ويزدكم حب وحب وحب وعقبال اللي مازال ومعك حق انو الحب لازم يكون خليط من كل شيء يعني مو بس رومنسية او بس شخصيات متقاربة مرسي حبيبتي:D |
اقتباس:
خسارة بس معلش بكرا بتحل مشكلة احمرار الخدود واكيد المرة الجاية رح تلاقي الشجاعة لما تتلاقى بالانسانة المناسبة حل مشكلة احمرار الخدود هو الانيميا:lol: جد المرض الوحيد الي مفيد بحمد الله :lol: لا جد من كم يوم قريت موضوع هيك بيقول صاحبو انو لقى حل لهالمشكلة ادا بنحب ابعتهولك جربو او حطو بقسم علم النفس حتى يستفيد الكل متل ما بدك |
اقتباس:
متلك متايل ببلدنا.... قصدي اعجبو ببنات و ضيعو سنين بهالاعجاب والبنات تزوجو (وممكن زواج عن غير حب) ولسا ما تعرفو عليهون حتى... و أنا ما بعرف اذا كنت متهور... بس عجبتني بنت \وقت كنت لسا بكالوريا\ وانهوست فيها...:hart: و ضليت متابعها و ع أساس عم دور ع وقت مناسب لاتعرف عليها... وهي طبعا ملاحظة و التجاوب واضح من طرفها!! لمرة من المرات \بنهاية العام الدراسي\ مرقت من حدها الصبح و نحنا ورايحين ع المدرسة وما بعرف ليش فتلت و خطيت لعندها خطوتي أسد و قلتها "صباح الخير حابب احكي معك بموضوع..." ماشفتها غير اخذت يمينها وتابعت طريقها وكأنو هالحكي ما بخصها!!!!!:shock: أما أنا من وقتها قررت انسى أو أجل هالموضوع لأجل بعيد.. بعد البكالوريا فورا سافرت للدراسة و ضاعت القصة... الخلاصة أنو المشكلة هيي الحاجز الطويل العريض بين البنت و الشب بمجتمعنا... أنا الي غايب عن البلد من 2000 !! يعني انشالله يكون هالحاجز عم يهرهر |
I_love_syria
اول شي هاي ع اساس ما بنعرف بعض من قبل المهم انو لفت انتباهي ردك انو قصة الخجل وهيك يعني انا كنت بخجل من انو احكي ع الموبايل مع شب احيانا كنت اخجل احكي مع اخواتي الشباب ع الموبايل مابعرف ليه بس خلص بس اسمع صوت شب ع الموبايل بيصير وشي بالألوان وضليت هيك لقبل شهرين تقريبا قلت لحالي خلص لازم اخلص من هالعادة بقا بيكفي وبضغوط وبمحاولات كتيره اتجرأت مره وحكيت طبعا مارح اوصفلك شو صرلي بأول خمس دقايق من المكالمه بس بعدين اهديت وصرت احكي عادي وهيك تخلصت من هالشغله بقا انت حاول تضغط ع حالك وتتحدى خجلك سدقني مره وحده وبعديها رح تتخلص من هالخجل المفرط تحياتي لإلك |
اقتباس:
بحييك ع شجاعتك... هلق اذا بتسمحيلي بسؤال الك أو لكل الصبايا... اذا لفتي نظر شب وليكن بالشارع أو بأي مكان عام ... كيف بتقترحي يتعرف عليكي؟ بشكل مباشر و صريح ولا لازم يخترعلو شي سؤال أو لفقلو حجة للتعارف...؟؟؟ |
لك أنا مو بكلشي خجول بس بقصة انو روح احكي مع بنت مشان اتعرف عليها يعني بحسبلها ألف حساب
انو إذا قالتلي لاء هي تقلي لاء ومابقدر اتحمل هالكلمة ومن هالحكي أما بالأشياء التاني ما بخجل بالمرة يعني بس موضوع الحريم وفات القطار :larg: |
اقتباس:
بحب انو هو يبينلي انو مهتم فيني بطريقه راقية شوي مثلا ما يجي هيك طج يقلي انتي عاجبتيني اكيد وقتا ولو كنت انا بكنلو نفس الاعجاب رح ابعد عنو ورح اتدايق من اسلوبو لهيك هو وزكائو يبينلي مشاعرو بس بإسلوب راقي وبطريقه حضارية وشوية رومنسية |
اقتباس:
|
اقتباس:
وعلى فرض هيك شعشع مخو بشي فكرة ولقا "فجأة" شي موضوع أو سؤال ذكي يطرحو عليكي!!! وبعدين طلب منك انو تروحو تشربو شي بمكان ما "عام" مشان تتعارفوا أكتر.... بتسمحي لنفسك تروحي هيك مشوار؟ و اذا لا ليش؟ و هل اذا شافك حدا بيعرفك معاه بتنحرجي؟ وليش؟ |
اقتباس:
انا باريي بدو يتعرف عليي يجي يفاتحني بالموضوع دغري دج يعني لانو مابطيق شغلة التلفيق والاسئلة البلاطعمة:jakoush: |
اقتباس:
بعدين........................................ ............................ |
اقتباس:
|
اقتباس:
|
اقتباس:
ليك والله للصراحة ما فهمت شو خص هي بهي فممكن اتوضحي اكتر ؟؟ يعني انو افال الانابيب اذا حبو بالجامعة ما بيزبط اما اطفال غير الانابيب ( القناني مثلا ) بيزبط ؟؟ |
وجعني راسي وضاقت خلاقي منكن ومن قصصكن... نوار بيك شو هالسحبة عندَ آخر الليل؟! قال حبّ قال... إي مرحبا حبّ! من وين بيشتروه هاد؟! من سوق الهال ولا سوق الجمعة؟! مرة أنا بسوق الجمعة شفت شويّة حب ملقى عالأرض بين التراب قمت دعست عليه وكملت مشي، لأن حقّو كان غالي كتير وأنا ما فيّ أدفع هيك مبلغ بالحبّ... حقّو كان قشرة بصلة!!!
|
اقتباس:
شو هالتشاءم هاد؟؟؟؟؟؟؟؟؟؟؟؟؟؟؟ :sick::jakoush: |
اقتباس:
بلاحب بلا علاك مصدي ليش بقي حدا بيحب عن جد بهالزمن |
اقتباس:
اذا كنت مرتبطة ليش ما من الاول لمحتي؟؟:jakoush: يعني الرتبطة تختصر الموضوع من اساسو من أول نظرة... الصاير انو البنت ماعم تقوم بدورها مظبوط... وكأنو هدفن يضيعونا يا شباب.... بس بسيطة.. لنشوف لوين اخرتها.. |
اقتباس:
|
اقتباس:
هيك قصدي وقت يتزوج 2 بالكتير من 100 حبو بعض هاد اسمو زواج فاشل لك حتى اطفال الانابيب نجاحها 20 % !!!!!!!!! |
اي انا حبيت:sosweet: ولساتي بحبو...:oops:
بس هلق معصبني كتير و ماني بمزاج بقدر احكي شقد بحبو وشلون:cry: غير مرة انشالله :D |
اقتباس:
|
لك أصلا هدول الشباب كلون مشاكل وبيفوروا القلب ومابيجي من وراهون غير وجع الراس
والصبايا نفس الشي :larg: |
هلا أنا صرلي عم ادرس دهر
وأمامي دهر آخر :p بدي أحكي كل شي صار معي :? :pos: |
اقتباس:
:lol: ليش لتحكي كل شيء شو تحقيق احكي بس اهم قصة بالنسبة ليك يعني الي تركت اثر وللمتشائمين من الحب وسيرتو 2 بالمية اللي بينجحو لازم تسالو ليش نجحو وفشل الباقي اكيد في اسباب لازم تعرفوها وتعرفو تتعاملو معها يا اما شو تقترحو بما انو غالبية الناس كدابين نكدب نحنا كمان ونختمها بزواج مصلحة:jakoush: |
أنا واحد من رفقاتي ضل يحب جارتون 8 سنين كان يشنططني كل شنططة بتبكي :cry:هلأ صار عندون ولد
|
| الساعة بإيدك هلق يا سيدي 21:51 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون