|
- يا ابني هاد موضوع حشيش مانه موضوع لتروي فيه قصصك واحداث حياتك
- طب شو ذنبي اذا حياتي وقصصها مطعّمين بالحشيش يعني بالأخير هاي مشئية الخالق بتقدر توقف بوجها او تحط نقط حمر عليها - لك ما قصة خالق ولا قصة شي بس ... - لك لا تببسس لي حياتي وانا حر فيها وتحشيشاتي وانا بدي اكتبهم ومانها شغلتك - لك طول بالك ما حكينا شي - لك يقطع عمرك شقد غليط كل هاد الشي وما حكيت شي - طب خلص احكي ما حدا بالأخير بده يسمعك بعد هالمقدمة المعفنة - لك بدي احكي ولو نزل سعدو شخصيا وشفت ايده من ورا الكومبيوتر شخصيا عبيسحب لي كبل الكهربا بدي احكي واعلى ما خيلك اركبه ويلعنك بين الرفقا واحد كلب حقير حقك فرنك مبخوش بايام الغلا :jakoush: |
بدي احكي اليوم بلا رقيب
مشينا متل ما بدن وسمنا حياتنا بقلمهن وعلى ورقتهم يللي كتبوا عليها حياتهن بس ما عاد ينفع الشمس حتى لو بتشرق من الشرق ما حدا الو انو يجبرني اني اتقبل هالحقيقة حتى لو كانت حقيقة انا انسانة في عندي روح وعقل خلص دوركم انتهى انتو اعطتوني الاشيا الرشيسئة اعطيتوني الخطوط العريضة وهلق دوري انا مو دوركن حلو عن سماي وخليكو واثقين اني ما رح استسلم انا متمردة عالكل بدون سبب انا ما بدي كون صح بنظرهم انا عندي قناعاتي انا ومبادئي انا..ما بنفع نكون كلنا استنساخ من بعض.... بدي ارقص وغني وجن بدي حشش ولو كانت حشيشاتي بس الي وبيني وبين حالي وما حدا الو يحكيلي ممنوع تكوني انتي افهمواااااااااااااااااااا اااااااا |
آل شو
الخالق خلقنا .. طيب ليش خلقنا .. يعني ازا خلقنا ما هوي مسؤول عنا؟ هلأ ابونا اللي في السمواتي .. اي لاف يو .. اي بربي وحياتك .. يا ابانا اللي في السماوات .. جي تيم علحاشش .. خيو .. ان لم تجد احد يسمع حشيشك .. فتزكر ان الحشيش .. لا يسمع .. ولا يرى بالعين المجردة.. هذه العين المجردة من كل شيء الاخلاك .. العواتف .. المشاعير .. المروئة .. الفروسية .. وركوب الخيل ودمتم .. علاء كريم .. انا اخوه لرمضان .. وبيت عامر .. والله يخليلكون حشيشكون فوق راسكون .. واللي عراسو بطحة .. ينتبه لا يوقعا |
عمي شيخ النظام
انطيني من حلمش _ اصل الكلمة ((حلمك)) بس قلبت ال ك ش لضرورة اللفظ _ واسمع ويش السالفة يم الفلا شنت _ نفس قصة حلمش _ غادي صبحية ارعى بحلالي دعست بكل تgلي شغلة طرية دخلت بشاروخي ترطبت وفرحت وتبلل gليبي و gلت الحمد لله وحين مشيت لا والله هالشغلة ما gبلت تعتgلي صباطي وعلى الحير بعز الليل دشيت اتgهوى واسلّم عالنشامة عمي الشيخ اللي بخشمه زمورة رمر لي وgلعني من الخيمة :larg: |
في ريحة موضوع يلوح بالافق
بس بعده عبينطبخ على نار هادية عنوانه : احذر من هذا البوكيمون " انتظروه :larg: يرحم ترابك يا ابوريتا اشتقنالك يا محشش :larg: |
احذر هذا البوكيومن ..
شو بيحكي عطينا لحمة عنو |
اقتباس:
|
مياوث
انظمو انظموا كيفكن يا محشاشين الزمن ؟؟ |
سماع لي هال سطرين الموسيقين
اتطلع بعيني اتطلع بعد شوي شغل " خود لك لفة ورجاع لعندي " يحرق حريشك يا ماجدة عبتتسلي على الزلمة  |
التحشيش عليكم يا اهل الحشيش
|
لك ابو طوني .. خطي عاد .. تركو
ما الحق عليه هوي اللي ما عرف كيف يضبا .. لو من الاساس طارقا كفين وعاطيها كرعة ويسكي .. بدال طوق الياسمين .. كانت مشي الحالا لك صحي .. انا لهلأ ما بعرف .. معنى طوق الياسمين .. بحياة حشيشاتي الغاليات ما بعرف |
اه
وبدأت اكتشف اليقين وانك لسواي تتجملين وله ترشين العطور وترقصين وترقصين ورايت طوق الياسمين بالرض ملتعن دينه وملقوح الكريشة البيضاء تدفعه شلة الرقصية شلون ما بتعرف طوق الياسمين يا زلمة مين ما بيعرفه هاد محل بالشام :larg: |
كنت قاعد مع حالي
مش لحالي مع حالي انتبهوا على الفرق كنا قاعدين عبمنتذكر الشغلات اللي عاملها بحياتي انه مثلا هلق طب غم طارت الجامعة او انسحب الترخيص منها وصفيت بالشارع شو هية الشغلة اللي بين ايدي بقدر اشتغل فيها استرجعنا ذكريات الماضي شفت اني بقدر اشتغل بدوزان السيارات باعتبار اني شاتغلت صيفيتين بهال شغلة هلق ماني معلم بس بعرف افك اركب اشحّم اسماء القطع ... مقص .. كلال .. وهيك شغلات يعني بخلّص حالي بس ما بدي بالشغلة كلنا انشطاح تحت السيارات .. غيرا غيرا تعتيق القطع وصنع ارتيزانتا كمان شغلة قديمة كتيييير وصار حق قطعة الارتيزانا على البسطة 30 ليرة سورية فقط لا غير ما بتوفي يعني فكرت افتح محل انترنت على اعتبار عندي معلومات قوية بهي القصص بعدين فكرت بدك محل 4 مليون بدك حق اجهزة 200 الف كحد ادنى وبالأخير مافي خطوط ..الا اذا على بالي اشترك مع سيرياتيل واشلح كل تيابي مشان اقدر ادفع الفواتير بديت افكر ..اممممم شو هية المهن اللي انا بعرفها من دون ما اتعلمها عندك مثلا السمّان شغلة كتير سهلة النحيات اللي عند عمو ابو جميل حفظانهم اكتر مما حفظان اسماء عيلتي هنن واسعار دوا الغسيل وسائل الجلي .. لك حتى حفظان الدعايات تبع كل منتج بس مانها ريكية يعني طالب هندسة طول عرض ارتفاع ضروب طراح قسم قاعد عبيع سمان مش ظابطة يعني البركة بالسمان طبعا بس بيقدر اي واحد غيري يشتغل هي الشغلة .. مافي تميز بالقصة هي اذا ما قلنا على الرسمال اللي بدك تدخل فيه لأن اللي بيدخل صغير بيبقى صغير واللي بيدخل برسمال كبير بصير كبير هلق في مهنة لا بدها رسمال ولا بدها لعي فاضي بتشتري هال عدل الحقها ما بيطلع اكتر من شي شغلة 5 - 6 آلاف وصلى الله وبارك الحلاق خيو الحلاق عنده كام مقص وكام مشط وسيشوار وخلصت كل القصة ولا مين شاف ولا مين دري نظريا انا بعرف احلق كتير منيح ليش لأن يا سيدي انا هلق عمري 20 سنة الا شحطتني ( الشحطى بتجي هون شهر تقريبا ) اذا قلنا انا بحلق كل شهر مرة 20 × 12 = 240 شبل الشحطتين 238 يا زلمة رقم كبير 238 مرة حالف شعره وشايف الحلاق كيف عبيحلق لي ولهلق ما بعرف اقص شعري ؟!! اي اذا هيك انا دب لهال درجة خبروني يعني ما عبتركب على عقلي المهم احسن شي واحد يروح يشتغل على تكشسي شي حدا نص بالنص تطالع لك 1000 ليرة باليوم بتجي لعند المعلم بتقول له طالعنا 600 ليرة بيعطيك منها 300 بصير معك 700 ليرة باليوم وخلصت القصى ولا عين تشوف ولا قلب يحزن |
عنوان لفوق ..
يوميات محشش .. يحاول ان يتعلم التفكير .. ما بدك ياها جابي . سماع مني |
مرة تينن راايحين على محطة قطار
وصلوا صار القطار يميشي ما تلاقي لك غير واحد ركض ركض ركض ركض ركض ومسك بالقطار وتعلق فيه والتاني نزل ضحك كه كه كه كه كه كه كه سالوه ليش عبتضحك قال لهم لك الأجدب بالاصل جاي يودعني :larg: |
جاي معي هجمة تحشيشية اليوم ... ما بعرف ليش وحاسس جلدي عبحكني لازمني ابرة او فنجان شاي فخلوني فضها هون احسن شي
- بتتعاطى - تلحس انفي ... قلت لك منقبل .... اي .... بتعاطى - مرشّج شي ؟! - اي ليش ؟! - عبقول ليش عبتلحسني انفك - يقطع عمرك قلبت لي معدتي - عادي يا زلمة من وحي الجو واللعق يعني مش اكتر - طب فهمنا انك بتتعاطى ... بتشرب شي !؟ - اي ... بس حسب المشروب ... يعني شو مفهم المشروب عندك - قهوة ... ليش راح فكرك لبعيد - قهوة مابها شي ... بس اذا شربت قهوة ما بقدر انام - انا عكسك تماما ... انا اذا نمت ما بقدر اشرب قهوة :larg: |
اليوم .. ومن زمان
الله مستلمني .. انا حابب استلمو .. اليوم بس .. لك انو خيو .. حبيبنا انتي .. بس سؤاااااااااااال .. بحياااااااااااااااااااااا ااااااااااااااااااااااااا اااة امك شو عاملك لك بس سؤال يعني هيكي زغنوت قطقوط ابن حلال .. قلي شو عاملك لك والله ما عاملك شي .. طيب .. مثلا انتي بدك تسألني .. انو انا عاملك شي .. يعني هادا سؤال .. بربك .. بدينك .. يا الله هادا سؤال بتسئلو .. لك روحي قول شو ما عاملي 1- انتي ما عاجبتك حياتي .. طيب طيب .. انتي شو دخلك .. خيو لنفرض جدلا انو دخلك اول شي .. وانا كمان ما عاجبتني .. غيرلي ياها .. مو انتي قادر على كل شي .. لك بس وحياتك . انو انا ماني قادر على ولا شي .. يعني آسف بس ما لقيت غيرك قدامي اتفشفش فيه .. 2- روحي .. يا روحي .. ليك محتاجة .. اي خاي .. انتي تارك هالمدري كم مليار اللي عندك ودابئني .. لك حبيبنا حل عني .. لك خيو الارض ارضك .. وهبني ياها .. ما بدي كتر حكي .. بس برد بقلك ما في قدامي غير انتي اتفشفش فيه يعني الحق عليك .. فيا بتبعتلي واحد اتفشفش فيه يا بتغيرلي حياتي .. ازا ما بتعمل هيك .. بتشوف وبيننا معاد |
عيني ربه .. لك رجع رجع
عيني ربه شعللها اخوي شعللها ما بدي اتحركش فيه بعرف لحاله بينسحب لهيك مواضيع " مو بايده القصة مركب مغناطيس بين تمّه والسيكارة " سمايلي المحروس :larg: |
عجب رجب نجح ولا رسب
|
:hashish: الدنيا ئشطة و احلى سنين..
منعيشها و احنا يا ناس ميتين.. ننسى اللي فاتنا و نعيش مماتنا و ع نانسي متواعدين |
اقتباس:
خبر ام رجب انو عجب ابنك نجح مبروك.. |
كان يا ما كان ..
في خالص العصر .. واضرب الازمان .. كان هناك فتى .. يدعى انا .. هذا الأنا .. كان في فترة من الفترات .. ملك وسطلان على الشعب .. كان يبطش في الشعب .. يلعن سماه .. المهم .. هادا الأنا كان مستقصدني يا اخي معت يحل عني .. عنجد عنجد .. مدري ليش هيك بحس احيانا .. انو لازم حس .. والمشكلة انو الحساسات عاطلة " الله يذكرك بالخير يا ابو فؤاد " فا .. المهم .. يا سادة يا كرام .. يا انبل العربان والبشر .. هي هيي القصة .. من طقطق .. يطقطق .. فهو مطقطق .. خلص .. عنجد خلص قررت استقيل |
يا خالي ... عندما يبدأ الديك الحزيني .. بالصياحي . في كولي صباحين ..
كل نهار من بكير .. بفيق على صوت .. عصفور .. عم يغرد .. على ياسمينتي .. فيروز .. تغني على اطلال نهري .. بردى . بيجي بيزورني .. حافظ شكلو كتير .. مع اني بحياتي ما شفتو .. العاصي الغزير .. بسمع صوت الشيخ .. وترانيمو الرائعة .. بسمع الخوري .. وترتيلو الرائع .. بسمعن كلياتن .. بس فجأة .. بفيق .. على صوت الموبايل .. . حاطط رنة مشان فيق .. عايشة وحدا بلاك وبلا حبك يا ولد .. بس مين هيي .. لهلأ ما عرفت |
... هوت سنونتي على الرماد .. تناثرت صورا واوراق اعتماد كانت الساعة الرابعة وقت اذن وكنت احادث التنين في اسفل الواد .. تأخر القطار تأخرت عن عرس الفحم لكنني مهما مهما .. سأنجب لك ولدا اخضر يا سنونتي وابعثه عميقا في البلاد ........... عفوا سنونتي .. فلا تسأليني فليس لكل سؤال .. جواد جواد .. .................................................. ........................ كالنعناع ابغضكم وكالزوفا كمشاعل اليانسون العادية جدا على رصيف بحيرة المجد انها اوهام مضادة للطائرات .. جف النسيم بين دجلة والفرات كدت ان .. ولكن سقطت .. من .. هذي نفرتيتي .. سقطت نفرتيتي سلي الجيفة يا سنونتي الكحلية .. وتوقفي في جسدي عند تقاطع السكك الحديدية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟ يا راكبا زمن الليمون .. حول وكلما نهشك القرن العشرون .. بدل وتنسط الى هديل الموج في ازدحام المتوسط .. عجل اني ارسل عبر جهاز اللاسلكي .. بعضا اليا .. وبعضا لالكي .. اي لالكي اي اي .. انا قاصدها هيك فجة وواقعية .. فيها خروج عن الواقعية .. وفي خروج عن المألوف .. .. :larg::larg:.. |
اقتباس:
اب انطون |
اقتباس:
|
اقتباس:
دلع |
جفوني حبابنا ولماااااااااا جفووووووني
نبتلي بيضة مسلوقة عالهداب .. |
اقتباس:
_______________________________________ هاموش : هلق الهاموش مثلا بيجي ملحق بالمشاركة ولا عامود من عواميدا ؟! اغلب الأوقات بينرد على الهاموش اكتر من المشاركة نفسا فليش ما نغير اسمه من هاموش لفاعول كونه هوي الفاعل بالمشاركة اكتر من الهامش يعني :deal: |
اقتباس:
. بقترح انو نساويه نائب فاعل .. خلص انا قرقرت انو كل ما بدي حط هاموش .. اكتب نائب فاعل ديل .. |
هرهر كياني على زفت الطريق
|
يا زلمة مو بايدك واطي بطبعك ... بال DNA تبعك
يعني بزماناتك عرضت علينا المساهمة بالعمل طلعت برطجي وخرطي وهربت من تاني يوم ما حكينا شي بس انك تاكل حقه لزمة هي ما فهمتا تماما انه ليش نائب فاعل يعني ما عندك ثقة فيه انه بيقدر يشيل حمل على كتافه لحاله اجباري يكون في مين اعلى منه حتى يقدر يشتغل وسعدو شهاد على حكيي امبارح شفته مارق بالطريق وموطي راسه هيك متل الجيج سألته لك ليش هيك يا زلمة قال لي بخاف ينكبس طيارة من فوق شنو الزلمة تعقد من العالم اللي فوق واللي نازلة فيه كبس فهون كمان بدنا نشيله على كتاف حدا خلص شيله حمل وخليه ينفتق اول شي بعدين بيمشي حاله لا ديل ولا شي يا اما فاعل وبكل فخر يا اما خلينا على هاموش |
- شقد عمرك ولاك قرد !!
- 22 عمو - قرد ولاك .. انا نمرة رجلي 44 يعني ضعف عمرك بس تصير قد رجلي تعا لعندي - امرك عمو راجعلك :cry: حديث مروي عن النبي مسنجر دعوس عليه سعدو وتحمم |
لك يا اخي .. انتي ليش هيك ..
ما عم باكل حقو للزلمي ولا شي الله وكيلك هلأ داقق صحنين رز وهي الشغلةا لخضرا مدري شو اسما لك اخي والله لا كبستو ولا شي .. سماع لقلك ازا حسبنا انو هاداا الزلمي عالمدى الطويل بدو يتم يشيل .. لك بعدين النائب الفاعل متل الفاعل وتنيناتن متل قلتن بعدين صحي تعا لقلك بالونسبة المئوية اقتباس:
|
خضرة شو بامية شو بيزة شو ؟!
بلا بيزة بلا بيرة بلا فيزا بلا ليزا هلق كمان منشطح عالجوكندا بعد شوي هلق كنا عمنسمع شربل روحانا والحمد لله انه يعني ما عبفهم عليك انت يا اما هيك عبتعمل حالك يا اما الله هيك عملك شنو انا بعرف سعدو منيح وما بيطلع معه قطع ستوك وانت ستوكة يعني عدم المؤاخذة يعني بس عبتخنا بالحكي معي ها شو خضرا مضرا ما خضرا انتبه لي على حالك ها بروحك :larg: رابعا الزلمة انت آخد فكرة غلط عنه هو حلف لي مية يمين وستمين عظيم و3 كيلو برتقان انه ما لاقط ولا اشارة اصلا هوي من زمان مبطلها هي المشية على الارض شنو سمع في جنون بقر فشلون انت طالعت عليه سيط بيمشي على الارض وبياخد اشارات ومخه معكوف وبيفرد ما بعرف بعدين منظمة حقوق البيئة وحماية المستهلك والدفاع عن المرأة اكدت واستنفرت وساهتم بالتصويت وكلن طلعوا باجماع انه زلمة " وعندو اثبوت كمان " فليش معقد القصص خلص فاعل فاعل شنو نائب بتجي بتدل على سلم متناوب بعدين ولاد الحرام بيفلشونا وبيفلشوا حريمنا والله هلق بيتفستقوا علينا " بيتفسقوا = بيتبرزوا = بياكلوا بزر وفستق يعني " شي على نائب مين ومين المفعول به ومين ظرف المكان وشو لون الظرف وشقد حق الطابع انا كنت مارح وشايف العالم ولاد **** يا حكيم :jakoush: بعدين شوف وين كنا ووين صرنا انه حضرتنا شلفنا احتمال فاعول جيت انت كبستني شطحة شطحتني فيها لبعيد بس انا حاسس عليك عبتخليني كتر حكي واشرح لك مشان ابو زفت " ويلم " شنو معلي التعرفة الجمركية فعلا متل ما قالوا عنكم ... :jakoush: |
اقتباس:
لو فيك ذرة نخوة وشهامة وفروسية وركوب الخيل وسياحة واصطياد ما كنت خليتن يقولو .. كنت قلت معن بس تفوووووه على هذا الزمان فعلا كما قال الطبراني في كتاب " نفض الصوبيات في زمن الكونديشن " وهذا الزمان اللذي فيه الارانبو .. تأكلو الجزرا |
اقتباس:
انا كنت بدي اقول معن بس ما خلوني لك حتى عرضت خدماتي اقول سولو بس قالوا بسلموا السولو لتائه بالنور وما بسلموني ياه لأي انا بالاول اخدت على خاطري يعني المضيع هاد احسن مني !؟ بعدين شلت الحشيشات لبعيد انقشع الضباب من وراء الدخنة وقلت لن اي اي سلموه هاد بشنهق كتير منيح :larg: |
..
لنا عودة .. بس روح روووووووووووح .. وانا لاحقك |
تووووووووت توووووووووووووووووووووووو وووووووووووووت ..
توت توووووووووووووووووووووووو وووووووووووووووووووووووت طيط طيييييييييييييييييييييييي ييييييييييييييييييييييييي يييط طااااااااااااااا طووووووووووووووو طااااااااا طيييييييييييييييييييييييي يييييييي فاااااااااا فوووووووووو شششششششششش هذي حياتي .. هذه سقيفتي |
ياحزرتكن شو وجه الشبه بيني وبين الحشيش ؟ وفي سؤال تاني شو الفرق بيني وبين التحشيش ؟ لك عاراسي أبو طوني كأني شايفك بمنامي .... يتبع:larg:
|
| الساعة بإيدك هلق يا سيدي 00:16 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
