|
هاد الشي نسبي ...
لو طلعت المأة على الشط بمايوه ببلد متل سوريا الكل بيطلع عليها بشكل عاري لنو هاد الامر طبيعي عنا وانا ما بشوف انو كل الشباب الهونيك صاروا مستثارين جنسيا ... لكن تعا عليها تعمل هل الموضوع عنا هون بالخليج بتلاقي العالم تركت كل شي ولحقوا لأنو هاد الشي هون مو متعودين عليه ... غطاء المرأة ما بيحافظ عليها متل ما عم تقول لأنو هلأ صار شغل الرجال الشاغل يعرفوا شو مخبى جوا ولمعلوماتك اكتر جرائم الاغتصاب والدعارة هو بالسعودية بسبب هل الكبت الزايد والنسوان هي الي عم تروح وتعرض حالها .... انا ما بشوف صراحة انو الرجل الي متعود يشوف نسوان لابسة مظلط مثلا بيستثار جنسيا كل ما بيشوفهم لأنو صار هاد المنظر عندوا طبيعي |
اقتباس:
يعني بصراحة انا ما بعرف اي عصر تطور هاد ... هاد تخلف وجاهلية الي المرة لازم ما تنكشف ولا تحط ماكياج ولا تطلع حلوة الا قدام زوجها .... صراحة لما النسوان السعوديات بيجوا على مطاعمنا بسوريا انا الي بشوفوا انو بيصيروا محط سخرية الرجال نفسون لأنون ما عم يعرفوا حتى ياكلوا مو احترامهم لانها مغطاية ومو ما بين منها شي .. كلوا حسب التعود |
اقتباس:
و أنا ما بنكر انو في جرائم اغتصاب او دعارة بالسعودية نتيجة الكبت "الزايد"بس ما فيي احكم انو بتحتل النسبة الاعلى بالعالم ع الأقل ما في احصائيات موثوقة او ممكن البناء عليها ... في حين في 23%من النسوان بأميركا اغتصبن بشكل كامل مرة واحدة ع الأقل ... كمان شو عرفك انتي متلا انو الرجل المتعود ع منظر النساء "المظلطات" ما بينثار جنسيا اذا شافهم ... طبعا مو كل الرجال متل بعض متل ما سبق و ذكرت |
اقتباس:
|
اقتباس:
كل شي على التعود .... انت كرجل لو عايش بألمانيا مثلا ومتعود على 95% من النسوان تطلع الشارع بشورتات هيصير المنظر عندك في النهاية عادي ومارح يثير فيك اي شهوة جنسية .. غير لما بتكون عايش ببلد متعود تشوف النسوان كلها متغطية فلما تروح على ألمانيا هيكون المنظر عندك بيثير الشهوة .... مثلا بالسعودية ممنوع تبين شعرة وحدة من راسك واذا ماشي ما حدا هيطلع فيك فلو طلعت بيناتون مرة كاشفة نص شعرها هتصير محط انظار وشهوة... |
اقتباس:
I'm with you بايدك بهالفكر 100000000000 بالمية وبعدين اثارة الرجل بتعود لغريزتو هوي وشهوتو وازا فيو يكبتها يمّا لاء |
اقتباس:
مرحبا !! اتخيل موضوع "معركة الحجاب" زي ما انت سميتها مش موضوع هامشي لأنو بالنسبة للكل "مسلمين وغير مسلمين " مهم وجدلي لأ مش موضوع الحجاب هو اللي شاغلنا عن مناقشة الاحتلال والجوع وجرائم الحرب في العالم العربي والفساد والحكي هاد كلو ما بدنا نتناقش بهيك مواضيع لأن ربنا تاركلنا حرية نقاش موضوع الحجاب بس حكوماتنا مش تاركتلنا اي هامش حرية نتناقش بالمواضيع اللي طرحتها سلام :D |
اقتباس:
يعني الفكرة لو هالألماني لو مو مشبع رغباتو ..لكان وجود بنات لابسة sexy قدامو كل يوم.. مختلف تماما و برجع بقلك انتي مو رجال لحتالي تعرفي كيف بيفكر الرجل... بس هاد لا يعني انو "تحليلك" ربما لا يخلو من جانب من الصحة تحياتي :D |
اقتباس:
مثيرة تلبسها مرأة |
اقتباس:
بعدين الايدز مش منتشر بس بالغرب منتشر بالعالم العربي بس موضوع اصعب من انو ينحكى عنو بمجتمعات زي مجتمعاتنا .. اجبار المرأة على ارتداء الحجاب بطريقة مباشرة او غير مباشرة سبب من اسباب الانحدار اللي بيصير عنا بالمجتمع.. لأنو الضغط يولد الانفجار ولأنو الممنوع مرغوب.. قمة في التسفيه للموضوع انك تحكي انو حرية المرأة الزيادة هي سبب الانحلال لأنو حرية المرأة اشي والسفور اللي بتوصف في اشي تاني .. حرية المرأة معناها انو الست حرة تختار مصيرها وانها سيدة نفسها ولما النساء بدو يتحررو بدو يشتغلو ويتعلمو ويشغلو مناصب مهمة.. الأولى فيك لتقلل من نسبة الايدز توعي الناس ذكورا واناثا لأنو الذكر عليه مسؤولية .. الانسان الملتزم ما بيرضى بعلاقة عابرة مع وحدة بيعرفهاش .. بالاضافة لتوعية الناس بالاسباب الاخرى اللي بتنقل المرض واللي النساء ما الهم علاقة فيها المرأة مش عورة .. عار نسمع جملة زي هيك بالقرن ال21 المرأة زيها زيك الها حقوق وعليها واجبات وزيها زي الرجل بكل اشي .. بدك المرأة تحتشم بلباسها كمان لازم تطالب الرجال يضبطو شهواتهم ويبطلو عبيد لغرائزهم .. الحل مش بالحجاب..الحجاب علاج اقل من سطحي للمشكلات الكبيرة اللي بتطرحها احترامي :? |
اقتباس:
اقتباس:
|
اقتباس:
|
[quote=gabriel;1068182]فكرة
الاثارة = الشعر لسّا ما فهمت القصد صراحة ما داخلة براسي يعني انا والدتي يوميا بتطلع بشعرها قدامي ما بعتقد اني استثرت مرة بحياتي .... اصدقائي بالجامعة " ذكور واناث " بطلوا بشعراتهم قدامي ما استثرت ولا مرة منهم ولا من شعرهم او من ضفر رجلهم او من اصابيع ايديهم ... لك على السيرة ... شو الرجال ليش ما بيتحجب ؟! شو شعره مصنوع من خيزران مثلا ؟! ولا هوي شعره بينزول وكالة مخلّص منه ومسحوب صفة " الاثارة " لمّا حكينا ان المراة الها مفاتن غير الشعر يعني جسدها بالكامل... و الحجاب لا يتعلق بتغطية الراس فقط بل تغطية الجسد بالكامل و الاحتشام في اللبس...ما فيني احكي اكتر منهيك المهم خلينا بالموضوع الموضوع مش الحجاب الموضوع هو تركيز الاهتمام على مواضيع على حسال مواضيع اخرى اهم و احسن صورة النقاش اللي صاير بالموضوع هاد مع في اعضاء طالبوا بالتأمل وطالبوا بالتعمق بمعنى الحجاب وتفاصيله وغايته السامية وصدقا قدمت من حياتي القصيرة المدى .. مدة نص ساعة كاملة .... ومتواصلة حتى افهم " ايدولوجية " الحجاب ... للأسف ما فهمت وما قدرت اوصل لنتيجة ... فيا ريت احدى المحجبات " او المنقبات مش مهم " تساعدني بفهم الهدف السامي من الحجاب . اذا بدّك حدا يشرحلك شو هو مغزى الحجاب فلازم اول شئ تحترمو و تحترم معتقدو مش تتمسخر عليه انا لاحظت في كتير ردود المغزى منها المسخرة مش اكتر...ما بقا حدا يحترم حدا...و القصد مش عليك في كتير ردود " لذيذة " بس للاسف ما كنت بالأخوية بهال كام يوم وما بحب نكوش بالصفحات اللي فاتت .. على مبدا ... فاتت ماتت . بس الردين هدول ما عبينبلعوا معي .. و انا معك في هذه النقطة |
اقتباس:
وبعدني مستنظر مين يرشدني على المعاني السامية اقتباس:
يعني عندك خيار من 2 اما محجبة او فلتانة ؟؟! طب مافي شي اسمه " حشمة " بدون الحجاب ؟! مافيها المراة تكون محترمة ومصان شرفها ومحتشمة بلباسها بدون الحجاب ؟! اذا كان جوابك " نعم يمكن ان تكون المرأة محتشمة بدون الحجاب " فبرجع بسألك : طب شو الفائدة اذا هيك ؟!؟! واذا جوابك " لا يمكن ان تكون المرأة محتشمة من دون الحجاب " فخبريني حتى تعرفي شو بدي قول لك ... اقتباس:
بعدني عبنتظر المعاني السامية ... ما بعتقد لازم تفرق معك طريقة " تعبيري " او " لون شعري " او " توقيعي " سؤال ورد غطاه شو هوي المعاني السامية ... بعدني عبنتظر الرد اقتباس:
ما سمعت شو تعليقك عن باقي الحكي فيا ريت ما تنقصي شي من الرد ( اذا حابة تردي طبعا لأن ما حدا جابرك بالأصل ) |
اذا حدى عنده صورة المشاركين بمؤتمر يلي أطلقت فيه مايكروسوفت أوفيس 2007 من سنتين بأسبانيا سيجد فتاة مميزة بين ها المؤتمريين تلبس حجاب الوحيدة التي تلبس حجاب تللك الفتاة شقيقتي مثلت احدى الجامعات السعودية في ذلك المؤتمر وهي متميزة بتدريس الشبكات وزوجها الماني مسلم
انا عندي كلام كتير لأن عائلتي لها مساهمات تقنية كبيرة في سورية لاحدى يتفقس علينا بقى نحن نعلم الأخريين التحضر |
اقتباس:
يا أخي نحنُ لا نشتمُ أحداً وَ لا نفرضُ أفكارنا على أحد الحجاب واقع هذ في العالم وَ المَرأة مُخيرة في هذا العالم المُتحضر " إذا صَحَ التعبير " لكن ألا ترى أنَ هُناكَ بلدان تـُنهب وَ قوميات تـُدفن وَ نحنُ كَما نـَحنْ ! |
اقتباس:
لا يوجد أفكار خالدة كُل الأفكار إلى تطور وَ زوال وَ بـِ التالي نشوء أفكار أخرى على أنقاض الفكرة الزائلة الحِجاب فكرة تطورت ثم تطورت حتى باتت المَرأة سَوداء مِنْ رأسها حتى أخمص ِ قدميها ماذا بَعد ! |
اقتباس:
أتساءل هل هيَ مُخيرة بالفعل ! هل أنتِ مُخيرة بـِ كُل شيء ألا يوجد ذلك الضابط الخفي في أعماقك الذي يردعكِ مِنْ الأشياء التي تربيتِ على أنها خطيئة لماذا نستلذ بـِ ممارسة الخطيئة مع أنها خطيئة عُرفاً ثمّة خطاً ٌ ما في مُجتمعنا لا أدري ما هو فما هو ؟ |
اقتباس:
الكثير من البشَـر يخافونَ مِن النطق بأدنى حقوقهم الإنسانية لأنهم يشـعرون بالضعف أمامَ مُجتمعاتهم وَ من هذا الضعف تنطلق أعرافهم وَ أخلاقهم تجاهَ بعضهم بـِ شَـكل ٍ مُشـفق وَ كأنهم لا يسـتطيعونَ ممارسة حرياتهم وَ قناعاتهم الخفية دونَ ضعفٍ وَ خوف سَـعيد لوجودك ,. |
يعني هلئ انا مش فاهمة ع شو النقاش !!!
النقاش بضرورة او فرض الحجاب او عدم اهتمام العرب يقضاياهم المصيرية ؟!!! هلئ بالنسبة لموضوع الحجاب فكما هو معروف انو الحجاب فرض على المسلمين و هذا شيئ مفروغ منه و اسباب فرض الحجاب على المراة لحكمة وضعها المُشرع و هو الله تعالى الذي هو ادرى بمصلحتنا و ما هو خير لنا و بالنسبة للمسلمين هذه الامور مسلم فيها ولا مجال فيها للنقاش ,, اما بالنسبة لماذا لم يخلق الله تعالى المراة بحجابها فهذا و كما قال البعض فالله تعالى خلق للانسان العقل ليفكر فيه . اما بالنسبة لتفلسف البعض بشان الحجاب و ما اسباب فرضه فهم يعلمون علم اليقين ما ضرورته و خصوصا للمراة ولكن التعصب الاعمى لفلسفتهم او لفكرتهم التي يحملونها يحعلهم غير قادرين على التنازل لغيرهم والاعتراف بالراي الاصح ,, و العلم الحديث حاليا في صور اكتشاف اهمية الحجاب للمراة . اما بالنسبة انو ليش ما بنهتم بامور السياسة وغيرها فـ السبب كتير واضح لانو بالوقت الحاضر المواطن العربي بطل عندو اية توجهات واهتمامات بالقضايا المصيرية التي تهم الامة يعني شو بتستنى من امة لاحقتللي الغرب ع الدعسة يعني بالمختصر ما في اهتمامات الا بالتفاهات ,, بعدين بخصوص انو احنا بنهتم بالحجاب و بنترك الامور التانية فانا بقلك هي الجلبة اللي تقام حاليا حول موضوع الحجاب ما هي الا دعوات اجنبية ليشوشو بها عقولنا العربية او الاسلامية ان صح التعبير ,, و ليشغلونا بها عن الامور الثانية . سلاام .. |
اقتباس:
إنَ كانَ الإنسان مريضاً إلى درجة الإنحراف قد لا تؤثر بهِ الحضارة الحرية صفة إنسانية وَ لا تتحضر إلا بـِ المُُمارسة الحرية تربية ,. |
اقتباس:
يبدو لي أنَ أخواني العَرب ربطوا مصائرهم بـِ الحجاب وَ نسوا حاضرهم الغارق بالذل وَ التخلف الإنساني ,. |
بس الحجاب برايي من مظاهر الحضارة التي تمثل العرب او المسلمين ,, و خير دليل على ذلك بعض المسلمات المحجبات بالدول الغربية فهم يمثلون ارقى انواع الحضارة .. ::برايي ::
معك انو احنا لسة فينا تخلف وذل بس التخلف لازم ننسبوا لانفسنا و ما ننسبوا للدين الذي يمثل شريحة من الناس لان الدين هو كامل الحضارة لكن الناس الذين لا يلتزموا بهذا الدين وبهذا ضاعت منهم الحضارة بس بظن انو العرب ما ربطوا مصيرهم بالحجاب .. ما بعرف !! اعربلي اياها ؟!! و لا شو رايك ؟؟!! |
هلاّ gabriel اكيد المغزى من الموضوع مش الحجاب لانو اذا استرسلنا في مناقشة الحجاب بنكون خرجنا عن مسار الموضوع اللي طرحو اخي اللامنتمي...لانو اغلب الردود كانت يا امّا ضد الحجاب يا امّا مع و مع هيك رح اشرحلك فكرة الحجاب...يعني رح اشرحلك فكرتي انا...و اكيد رح تلاقي فيها ثغرات ممكن ما رح تفهمها لانها بتتعلق بالايمان ...و اذا بدنا ناقش فكرة الايمان رح تلاقي حالك تحكيلي في موضوع من هو الله المطروح من طرف عضو تاني...
المهم gaberiel انا فكرتي عن الحجاب هي: اوّل شئ انا انسانة مؤمنة يعني مؤمنة بما و رد في الكتب السماوية و بما انو الحجاب ذكر في القرآن اللي هو احد هذه الكتب فبآمن بفكرة الحجاب....يعني الفكرة هنا هي فكرة الايمان تاني شئ ان الانسان حرّ في اختيار ما يريد في الحياة يعني ما في حدا ممكن يفرض عليه رايو في الحجاب...يعني في نص قرآاني ورد الحجاب في بنت طبّقت النص و في بنت ما طبّقت النص...في النهاية هي حرّة لانو اللي انزل هذا النص اللي هو الله اعطاها هذه الحرية لتختار ما بين الطاعة و ما بين العصيان ( بعرف انّو عندك تعليق في هذه النقطة ) آسفة اخي اللامنتمي خرجت عن الموضوع اللي طرحتو و ما كان فيني غير جاوب عن بعض التساؤلات....اضن ان الاجابة اللي بدّك تعرفها تجسّدت لك في هذا الموضوع الكل ترك الموضوع و صار بدّو يتفلسف في فكرة الحجاب يعني الجماعة اعادو صياغة طرح الموضوع بحوار مجسّد :D |
اقتباس:
وَ لا يزال الإنسان حيوان ناطق إذا لم يَستخدم عَلقه وَ لم يُهذب غريزته أتساءل أليسَ للمتحجبة غريزة ! |
اقتباس:
لا نعترضُ على الحِجاب كـَ فكرة نهائياً فهُناكَ الكَثير مِنَ المُحجبات مَثلوا أوطاننا كَما يَليقُ بها لكن أتساءل لماذا تلكَ الخطابات الرجعية التي يَتفوهُ بها شَبابنا إلى الآن لماذا لا يَكونُ لنا عَقلٌ حُر لـِ نخطو أحرارا ,. |
اقتباس:
مواضيعك بيستاهل نوقف عندها بس بتخيل اي شي منفكر فيه منلاقي الدنيا كلها بتحكي فيه قول حرب بتلاقي الدنيا كلها حروب قول فن هابط مستحيل تسمع اغنية بتفش القلب قول فساد بتلاقي الفساد مستشري في بيوتنا بس مساله الحجاب اخ لامنتمي انا بحب طريقة تفكيرك ومنطقك بالحجج بس مساله الحجاب قضية كبرى المسؤل عنها هو المرأة فقط في نساء صح مغصوبين على وضعه لكن نقطة على السطر وفي نساء مقتنعين واحلى على قلبون فخلينا نتركهم بحالهم قضية الحجاب مساله شخصية مو عالمية مابتخيل انو صح ترفق قضية الحجاب بالشيء يلي ذكرته قبل وتحية |
اقتباس:
مامنقدر نقول على الرجل يلي بفضل المرأة المحجبة على انه رجعي وكمان ما منقدر نقول على الرجل يلي بفضل المرأة الغير محجبة على انه رجعي ايضا هيك ببطل تفكيرنا منطقي او عقلاني امر وضع الحجاب كمساله الملحد والمتدين الملحد على اي اساس بنى الحاده؟؟؟ والرجل الذي يفضل المرأة المحجبة على اي اساس فضلها عن سواها؟؟ جاوبني على سؤال الأول لحتى نكفي نقاشنا |
اقتباس:
الترهيب وَ الترغيب / الثواب وَ العِقاب أساس التحفيز لسلوك الإنسان حتى المُجتمعات التي لا تعرف الأديان تلكَ النخبة تحتاج لخلق ترغيب وَ ترهيب في صدور العامة لتوجيه سلوكياتهم كما أفكارهم فلماذا لا نجدُ في مُجتمعاتنا بل في أوطاننا سوى الترهيب حَتى أنهُ بات غريزة عربية أصيلة ,. |
اقتباس:
نحنا هلىء بمجتمع الانفتاح على العالم كله بسبب وسائل الاتصال السريعة والمتعددة والترهيب صار وسيلة المجتمعات الغير معلنه يعني المجتمعات الغير مطلعة على تطورات العصر والزمن لانه الترهيب حجة اللي ماله حجة وهاد الانسان بتخيل ماعنده فكر منطقي يناقش فيه لهيك بيستخدم اسلوب الترهيب متل امريكا لما احتليت العراق بحجة الخلاص من سلطنة صدام |
اقتباس:
أي أننا في المدينة الفاضلة وَ صاحب الحقَ يأخذ حقه وَ المُفكر يُفكر بـِ سَلام وَ الوطن وَ خيراته للمواطنون وَ الإنسان هوَ الإنسان أتساءل في أي بلدٍ تعيشين فإني أتوقُ لـِ هكذا بلاد الترهيب وَ الخـُرافة وَ الكَبت وَ الذل وَ الإغتراب في الوطن صفة لا تقتصر عَلى العرب بل تسكن أرواحهم حربُ أمريكا الشَعواء تعود لـِ أسباب إقتصادية وَ استراتيجية وَ صدام كَبش الفداء لكنهُ مُجرم كَغيرهِ أيضاً ,. |
بجد انا بستغرب كيف بتتحول هيك مواضيع وبهالسرعة لنقاشات دينية,( واذا اخدنا هالموضوع بالذات فرح نشوف انو تحول لنقاش عن إن كانت المرأة عورة ام لا؟!), يعني ما خلصنا من فهمنة رجال الدين عالطبيعة بنشوفها هون كمان! واضح من الموضوع انو الاخ اللامنتمي لا يهاجم الحجاب كفرض ديني, إنما من يوكل نفسه مندوباً عن الله (كرجل دين او غيره) ويترك كل قضية هامّة على جنب ليهدر طاقاته وطاقاتنا في القشور والسطحيات او في الامور التي نستطيع (نحن كبشر مفكّرون) أن نقررها بانفسنا ... يعني فوق ما الحكّام عم يخنقونا خنق بيجو هالفلاطين لياخدو منّا آخر نفس كمان !... |
اقتباس:
بس الرد السابق ماجاوبتني عليه |
اقتباس:
هناكَ عادة بشَـرية لا يسـتطيع الكثير التخلص منها وَ هي التصاقهم بـِ اعتقاداتهم وَ مبادئهم المُكتسَـبة بـِ قوة مما يجعلهم يشـعرونَ أنَ مُعتقداهم المُكتسَـبة جزءٌ مِنْ ذواتهم فيقفزونَ من حالة الحِوار إلى حالة الدفاع الإستباقي لما يُخيفهم أحرار رغمَ خوفهم ,. مَحبتي الخالصة نوار |
اقتباس:
يا سَيدتي الترهيب ليسَ بـِ لغةٍ مَحكيةٍ فقط الترهيب شيءٌ مَزروع في عقولنا مُنذ الصِغر مهما تطورنا وَ تحضرنا إلا أنَ عِقدة الخوف ستلاحقنا مادمنا نؤمنُ بـِ الدجل وَ الخرافات وَ نعاني مِنَ الكبتِ الفكري وَ الجنسي وَ نسيرُ كـَ القطيع ِ وراءَ دُعاةِ التعصبِ وَ القتل العشوائي أمريكا ليست الله وَ إن كانت الله فأنا أولُ الكافرين ,. |
اقتباس:
ومو دائما طريقة تفكير الأنسان هي طريقة تفكير العائلة يلي عم تعتقد انت فيها انه هو ورث ها الشي من الأهل الدليل انسان ملحد ينتمي لعائلة متدينة انسان متدين ينتمي لعائلة لا تعرف من الله غير اسمه |
اقتباس:
معناها انت ماعم تحكي عن محيط عائلي عم تحكي عن محيط دولة باكملها لاني كطفلة مابذكر يوم انو تمارس بحقي شيء اسمه ترهيب من اي شيء معين كان اما بالنسبة للدجل فالمسؤل الوحيد عنه هو الأنسان لأنه اخترعه اما الخرافات فهي تتناسب طردا مع ثقافة الشخص اما الكبت الفكري فهو مسؤلية دولة اما الكبت الجنسي ماعاد في كبت جنسي يا صديقي للأسف نحن بزمن اصبحت اجساد الفتيات فيه رخيصة جدا وبزمن اصبح فيه الشاب يجد غايته بسرعة ومن دون مقابل الدليل ازدياد نسبة السواح لسوريا ولبنان لكثرة بنات الهوى فأين الكبت الجنسي؟؟ |
اقتباس:
وَ هذا لأنهُ ارتقى بنفسهِ كـَ إنسان وَ مارسَ العصيان على الواقع بـِ مَزيدٍ مِنَ السمو يصبحُ العقلُ غيرُ قابل ٍ للتعلم عندما يتوقف عن ِ النقد وَ التحليل ,. |
اقتباس:
وَ كأنكِ أجبتِ عما تسألين . . وَ لماذا يَتهافتُ المُتهافتونَ كـَ حَيوان ٍ يَشتهي اللحمَ الرخيص أليسَ لتفريغ ِ كَبتهم المُتوارثِ هَماً بعدَ هَمْ أينَ تلكَ المُعتقدات التي يُحرومنها في بيتوهم وَ أوطانهم وَ يُخالفونها في لُبنانهم ,. |
آسف
خطأ مطبعي.... |
| الساعة بإيدك هلق يا سيدي 14:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون