|
ألم تعجبْك الهديّة؟
|
يالله هاي حزورة جديدة
في معك فتيلتين (الحبل الذي يشعل الالعاب النارية) وفي معك قداحة. كل فتيلة منون بتطوّل ساعة كاملة لتحترق عالآخر..... تمام؟ والفتيلتين ما بيحترقو بنفس السرعة (يعني ما ضروري يكونو بنفس الطول و النوع و المظهر الخ الخ الخ ) المطلوب أن تحسب/تقيس 45 دقيقة من الزمن معتمداً على الفتائل.. |
انا هقول اجابه و لو طلعت غلط سامحنونى لانى منمتش من يومين :)
المهم هنثنى الفتيه الاولى نصفين ونشعلها فيمر نصف ساعه لغايه لما تحترق كلها و الفتيله الثانيه هنثنيها اربع مرات ونشعلها اول ما تخلص الفتيله الاولى و بكده يمضى على حرق الفتيله التانيه ربع ساعه و يبقى المجموع 45 دقيقة صح ولا انا دماغى لسعت :lol: |
صح!!
بس حاولي تحليها من دون ثني :D |
ممممممممممممممممممممممم
احاول احلها من غير ثنى طيب نشعل الفتيله الاولى لغايه ما توصل لتلاته اربعا مثلا و نشعل فى اللحظه دى الفتيله الثانيه و نحسب الزمن من اول ما ينتهى حرق الفتيله الاولى لغايه لما تخلص الفتيله الثانيه على ما اعتقد هنلاقى ان الزمن 45 دقيقة او الاسهل نظبط ساعه الموبيل و نخلص :lol: |
ناطر الشباب لشوف شو بيطلع معاهن قبل ما حط الحل :lol:
|
اقتباس:
|
و الله لو كنت سالتن السؤال ده من شهر بالظبط كنت جاوبتك بسرعه بس دماغى مش مركزه دلوقتى من كتر الصداع
بس ممكن تحددها بمجرد النظر يعنى ولا اقولك قيسها بالمسطره و حدد تلات اربع المسافه :) ياريت تقول الحل وتحط فزوره جديده كمان انا عايزه اشغل دماغى المصدعه عشان الصداع يروح :) |
اقتباس:
ما ضل شي اخدناه بالمدرسة ما فكرت فيه يمكن الطريقة التانية تكون باستخدام الدوال المثلثية فينا نعبر عن الصفر بطريقتين اما جتا 90 =0 أو جتا 0=1 التانية أارب لحل هاني هادا حلي بالنهاية اتمنى يكون صح (جتا 0 +جتا 0+ جتا 0 +جتا 0 ) =4 4 ! =24 :D |
عنا ممر .. و بآخر هالممر في غرفة, بقلب هالغرفة في ضو...
بحيط الممر في 3 قواطع أو مفاتيح.. واحد منهون يتحكم باللمبة اللي بالغرفة السؤال: شو الطريقة مشان تعرف انو قاطع من هالقواطع يتحكم باللمبة اللي بقلب الغرفة.. الشروط: الباب مسكر تماما و ما بيطلع ضو من أي شق أو فتحة+ يصير تتحكم بالقواطع متل ما بدك بس فيك تفتح الباب مرة وحدة بس.. ملاحظة: اللمبة مانها بالسقف, وهي لمبة كلاسيكية.. عادية يعني |
اقتباس:
ولا لازم تفتحو مرة وترجع تسكرو:? |
فينا نستعمل القواطع بعد فتح الباب؟
|
القواطع موجودة بعيد عن الباب.. و من مشيت بالممر ما بيصير ترجع... يعني لازم يكون الباب مغلق لما تستعمل القواطع و من فتحتو ما بيصير ترجع
انتبهو منيح عالملاحظات و التوضيحات... بتساعدكون |
انحلت
بنشغل قاطعين on والتالت بيضل off ونستنى شوي بعدين نطفي واحد من القواطع الاولى.. بنفتح الباب بسرعة - اذا الضو شاعل معناها بيكون القاطع الاول هو المطلوب (بديهي) - اذا كان مطفي بنلمس اللمبة بايدينا.... اذا كانت سخنة معناها الحل هو القاطع التاني (لانو شغلناه شوي ورجعنا طفيناه) واذا كانت اللمبة باردة معناها اكيد بيكون القاطع التالت هو الصح :yahoo: |
اقتباس:
أي بيصير... بس مافي داعي تشغل قاطعين مع بعض أول شي.. -تشغّل القاطع الأول عشر دقايق و تطفيه - تشغّل القاطع التاني و رأسا تفتح الباب و تفوت. هون بئا الاحتمالات: 1) انو ازا الضو شغال معناتا القاطع الثاني .. 2) ازا الضو مطفي: ازا اللمبة حارة> القاطع الأول ازا اللمبة باردة > القاطع الثالث. يعني كمان خيارك صح مزبوط تماما.. بس هاد التعديل اللي فيك تعملو ازا قالو انو ما بيصير تشغل قواطع مع بعض انما واحد واحد. بدكون غيرا؟ |
اقتباس:
اي بدنا غيرا... شو ورانا ما شغلتنا نطفي ونشعل الضو:lol: |
زكرتوني بغنية لطيفة .. بينص الجو بيطفي الضو :o
|
طيب خود هاي .. بدا شوية تفكير أكتر...
في سجين بزنزانة, منيح؟ هالزنزانة الا بابين. واحد من الأبواب يؤدي الى الحرية و الباب التاني يؤدي الى الموت.. و على كل باب حارس. السجين يعرف انو من الحارسين في واحد منهون يحكي دائما الصدق, و التاني دايما يكذب, بس ما بيعرف انو واحد منهون الصادق و انو واحد منهون الكذاب.. طيب هالسجين مسموحلو يسأل سؤال واحد فقط لأحد الحراس (لواحد منهون بس).. شو هالسؤال اللي ممكن يسألو مشان يضمن يطلع من الباب اللي يؤدي الى الحرية؟ |
انا بقلك ...
السؤال : انو باب بقدر اطلع منو سالم سليم !؟ اذا قللو الحارس : هادا الباب يلي انا حارسو .....زبيكون كذاب وبيروح عالباب التاني ..... اما اذا قللو الحارس : هداك الباب ... بيكون صادق وبيروح عالباب التاني كمان .... شفتني شو زكي يقبرني انا شو ذكي :sosweet: |
اقتباس:
لأنو ازا قلو الحارس انو مثلا بابي هو الصحيح .. شو بيعرفك انو هاد الحارس هو اللي كذاب؟ (كون هيك فهمت منك).. ليش مو هوي الصادق و فعلا بابو يودي للحرية؟ |
اقتباس:
عملنا حالنا فطاحل شوي خليني مبسوط شوي قدام العالم :p |
السؤال هوي : اذا سالت الحارس التاني شو رح يقلي
|
ييييييييييييييييييي اي والله حزرته لك ابو الهن !!!:o
من طول عمري بقول عنك زكي ....:oops: هيك كمان قالت عنك معلمتك بالمدرسة ..:lol: اسم الله من ازكى الطلاب ... الله يخليك لامك :p |
اقتباس:
وبعدين لازم السجين يعمل عكس الجواب ============ طيب هاي حزيرة خفيفة نضيفة: في ملك وعندو ابنين الملك عندو جوهرة غالية كتير وخايف اتو ابنائو يختلفو عليها بعد موتو... اخد اولادو عالصحراء وعطا لكل واحد منون حصان (الحصانين بنفس القوة والسرعة) وقلون: الجوهرة موجودة تحت نخلة بآخر الصحرا ويلي حصانو بيوصل آخر شي رح تكون الجوهرة الو.. مين من الابناء رح ياخد الجوهرة؟ |
نسألها للجوهره مين بدك من الابناء؟:lol:
|
اللي حصانو بيوصل آخر شي؟ يعني مو سباق سرعة... اللي ينتبه و ما يروح بالمرة:lol:
|
في قصة سمعتها من جدي الله يرحمو.. هي فيني احكيها على شكل حزيرة
وانتوا لازم تلاقوا الحل... حقيقة الحل ذكي يعني... بقى اذا بتسمحولنا ندرجها لما لا؟ :p |
يلا سمعينا خلينا نشغل دماغنا شوي .....
|
اقتباس:
بستنى لما يقول ادا تم الاجابة على حزورتو بشكل صحيح..وادا صار فينا ننتقل لحزورة جديدة وَ بعدها بحط حزورتي |
اقتباس:
حتى لو ما انحلت الحزورة اعملي يلي بتشوفيه مناسب, ماعندي اي مانع طبعاً... ممكن في ناس زهقت من الحزورة وبدها تشغل مخها بغير حزازير.. |
طيب بما انك موافق اكتب الحزورة رح اكتبها..
هي قصة واقعية متل ما حكيت.. القصة هي : في شخصين.. واحد متزوج وعندو بيت وعندو جـِـمال (بعير يعني) الشخص الآخر كان يحسدو للاول على عدة اشيا اهمها " الزوجة ، البيت ، البعير " قام التاني فكر بخطة ليحصل على هول الـ 3 شغلات.. طلع معو انو يراهن الاول على شي.. تراهنوا على شغلة..(بيضمن التاني نجاحو ) + انو التاني قلو للاول ادا اني بربح الرهان اول ( 3 اشيا بحط ايدي عليهن بيكونوا الي) وادا انت بتربح كمان نفس الشي.. قلو الاول موافق.. باعتبار الاول ما عارف نية التاني..اجى احد الاشخاص قلو للاول.. انتبه.. هالزلمي مش ناوي على خير.. الـ 3 اشيا يللي ناوي عليهن هني ( مرتك بالدرجة الاولى ، والبيت والبعير)... هون بعد ما تم الرهان وبعد ما ربح التاني الرهان.. الاول بدو يفكر بحل لحتى يمنع التاني من انو يحصل على يللي ببالو .. بقى شو هو الحل يللي بيخلي التاني يلمس 3 شغلات ويحصل عليهن.. بس اجباري هالـ 3 شغلات مش هني يللي ببالو يعني مش الزوجة ولا البيت ولا البعير فهمتوا شي؟:o... انشالله ما كون نسيت شي.. شنو من زمان سمعت هالقصة |
باعتبار انو عيب يلمس الشخص التاني مرتو للشخص الاول:
الشخص الاول بيدخل البعير عالبيت وبيقفل الباب ويخلي مرتو قدام البيت ويقلها امنعي الشخص التاني انو يلمس البيت, يعني كل ما يجي هادا الطماع ليلمس الحيط تبع البيت بتجي المرة تزت حالا بالنص بالتالي اخونا ما بيسترجي يمد ايدو :lol::lol: |
لا .. هون بدك تشيل اعتبار انو ممنوع يلمسها..
لانو حكينا القصة شرط ورهان.. انو " اي شي " بيلمسوا بيصير ملكو بقى عندو امكانية لمس المرا لانو بمجرد لمسها " صارت من حقو" حسب الرهان بتقلي جهل.. بنقلك عصر الجاهلية :lol:.. بس طلع حل ذكي من رجل حكيم هات الحل لنشوف |
خيتو هادا بيضب حالو هوي ومرتو والبعير وبيهجو من الضيعة وقبل ما يهج بيهدم البيت مشان هداك التاني ما يستولي علي
|
اقتباس:
ما يبلى زكاءك... لبسلك خرزة زرئا ترد العين عنك :frown: |
عميمة
ادا صعبة خبروني... واعتزلوا الحل :p |
اقتباس:
يامو ارتاحي انتي وخلينا نفكر بقى :pos: |
اقتباس:
ادا بيطلع معك الحل حاكيني يابني :lol: |
اقتباس:
طيب بما انو الشخص الطماع هوي يعتبر ضيف, معناها عيب لو ما تم اكرامو يعني بنضيفو قهوة (بيكون لمس الفنجان,, مبروك اول هدية) بعدين بيجي الغدا, وباعتبار مافي ملاعق معناها مارح يحصل على ملعقة إنما على كمشة رز (مبروك الهدية التانية) وبعد الغدا لا بد من القهوة كمان مرة (صارو فنجانين) ... شلون بالله؟ أو: انو يزوج مرتو للشخص يلي عطاه النصيحة (بشرط يرجعها) ويعطيه معها الخيمة والبعير كهدية.. الشخص التالت لازم يكونلو دور ... :shock: |
بالنسبة للضيافة.. مو حل.. صحيح انت شهم وكرم على درب.. بس مو حل
لانو قلنالك.. بالدرجة الاولى بدو المرا.. وهالزلمي جاي على البيت بدو يلمس 3 شغلات ياخدهن يعني ما بيزبط " الضحك عليه " بالضيافة.. ما بتزبط نهائيًا بالنسبة للشخص التالت.. اني بالبداية ما قلت في شخص تالت حتى ما تقلولي هالجملة.. بس نظرًا الى انو القصة حقيقة.. قلت انو في رجل حكيم.. هو الرجل التالت وهو اعطى الحل غير هيك ما الو مهمة.. |
| الساعة بإيدك هلق يا سيدي 00:23 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون