|
اقتباس:
تحياتي رفيقة سألي مجرب يعني أنا يا لموش الكرنوب أحسنلك متل ما قلك فؤاد وبعدين أرخص وفيو ميزات حلوة ولا تفكري حدا دفعلي منشان اعمول دعاية بالعكس انا عم احكي ضميري وكانت النصيحة بجمل |
اقتباس:
هادا التهجم واتهامي اني من عمال البلدية((كمان هون شو قصدك))غير مقبول وبعتبرو تشهير لذلك لا تخلينا كبلك غراض البسطة حبيبي استرزق بهدوء بعدين انت شو قصدك ب.......;)فهمت عليي |
بشقدي هاد بسعدو
بتعرفو البير وغطاه على كل رح اشتريه شو ما كان سعرو احلى بسطة واحلى بسطجيه |
اذا كان الكل مظلوم ....فمين الجلاد؟
مابتظبط |
عندك عالبسطة شوية امل على شوية صبر؟
|
ماعندي وقت
-لك صارلو الزلمة الف مرة سائلك منشان تروح لعندو شبك يعني ماحلوة منك:pos:
-والله ماعندي وقت وماعم اقدر ركز بنوب -لك ياعمي معليش خود وعطي هالشغلة مابدها اكثر من نص ساعة ...بعدين شو في عندك يعني طول النهار قاعد بالبيت -لك انت شو فهمك ...قال قاعد بالبيت قال ...غشيم;) -وشو عم تعمل بلاصغرة يعني;) -هاد ياسيدي انا عم خطط:larg: -اووف شو عم تخبص ..لشو ياساتر -لك لا يروح فكرك لبعيد انا عم خطط لمستقبلي :larg: -تمام ان كتير منيح الواحد بيرسم خطواتو المستقبلية ..بس يعني هالشي بينظم الواحد مابيشلشو:? -اااااخ المشكلة ان بعد ما بخلص كل خطة عم افحص الوقت الصفيان بلاقيه ماعاد بيناسب الخطة الزمنية الي انا خططتها بقوم بشقها وباشر بوحدة جديدة :sick: -طيب هلق بدك تقلي ولا خطة من الي انت رستمن زبطت زمانيا:? -لك لا في منن بيزبطو مع الزمن بس الضروف بتكون غير مناسبة منشان هيك باجلها للوقت المناسب:deal: -بس هيك ياعمي انت ايمت راح تشتغل وتبني بيت وتزوج -لك ياعيني عليك لكن كلن موجودين هون قدامي علي هالورقة وليك حتة انا مبارح كنت عم فكر باسم بنتي التانية كمان بس لولا ضيق هالوقت:sick: كنت اصلا ماعاد عرفتني -ليك حبيب...هيه المشكلة بعتقدها بساعتك ,اكيد عم تزحط وصار بدها تغير ...غيرها يعني شو راح تخسر -ياسيدي جبتها وهي راحت للخطة الجاية بس عنجد ممنونك:deal: اكيد الساعة -اي هيه مرات بتاخر وبتقدم لحالها شي من البطارية شي من المنشاء احسن شي بتجيبها عالنبض لان بس بتوقف ساعتها راح نعرف ان الله نجانا منك ...يلعنك ويلعن تخ طيطك:frown:...مخطط قال |
من شي فترة وبشكل يومي كان كلما بشوفو بيعن وبيشكي وبينق ...امبارح اجا لعندي وقلي تضرب! ليش ماقتلي ان عندك مصايب بتكفيني انا وعيلتي ل3 اجيال ,خلص بوعدك اني ماعاد نق قدامك وخلص بحياتي ماراح اتشكي بوجودك.عفكرة علي قديش ماعندي كان انزعاج من نق انزعجت اكثر بتعرفو ليش؟
ان هوه ماهمو يقلق راحتي بنقو بس لما عرف ان انا مافيه يخليني اكتئب لان خلقة مكتئب فقرر يوفر جهدو لحدا تاني... شو حلو لو كان كل واحد منا بيحطها بقلبو وبيسكت ...اصلا شو الفايدة من العن ؟يعني ماحدا راح يحس بوجعك اكثر منك هاد غير ان اذا حس التاني فراح نطلع بنتيجة ان تنين عم يعنو ...ان منيحة فكركن؟ |
اممي معك حق تماما
على مبدا ما حك جلدك مثل ظفرك بس من كثر همومناللاسف تحول العن و النء لشي روتيني بحياتنا اليومية يسلموا كتير على الموضوع القيم:D |
اقتباس:
منيحة كتير اتنين عم يعنو انا وانت فوف افندي ولسا بنجيب تنين تانين عم يعنو مقلا سيد اسامة وسيد ابو منجل وبنلعب طرنيب واحد واربعين وبنق عالشدة شو رايك:pos::pos: انا من ناحي ما عاد نق عليك بس انو يعني انو يعني ما بقدر اذا ما خرمت راسك بالنق:o:p:cry: |
اقتباس:
اذا صاروا يتبادلوا الادوار كل شوي;) |
قبل فترة انتبهت لأخي وهو عم يلعب بلي ستيشن..كان يلعب لعبة (ماريو...)..وفجأة اجى لأخي اتصال..فترك اللعبة شغّالة وقام...فانتبهت لماريو واقف بمكانه ويراوح برجليه الاثنين...اخي أتأخر وترك المسكين ماريو اللي ظل يراوح برجليه وماعم يصحّله يتقدم خطوة...وانا اتابع المشهد واتذكرت و كثييير ناس عم يراوحو بمكانهم صارلهم سنين..ولساتهم ما ادركو انو الاخ مشغول و عنده اتصال ...وانو تعبهم رايح.. :jakoush:
|
اقتباس:
مع شوية تعصيب مع شوية نق مع شوية كفر وعليهم.......:frown: |
اقتباس:
في ناس خلصت بطاريتا وصار بدا غيار ولا تقليلي منشحن البطارية لانو البطارية تأكسدت ... |
اقتباس:
|
اقتباس:
لا وحياتك يارفيقة علي الاقل اذا رجع للخلف فهوه اتحرك وبين النا ان لساتو عايش ...بس مادامو ناطر حدا يدفشو فراح يظل ميت بالحيا |
تدخين
ان كل مين شافني عم دخن بيسالني ليش عم دخن ؟يعني كاني عم دخن لاني كتير مبسوط بهالسوسة وان ريحة هالدخان شي كتير فاخر!!
ياريت المرة الجاية اذا حدا منكن اجا عبالو يتفزلك ويسال فياريت يغير صيغة السوال من" ليش عم دخن" ل "شو عم يخليك دخن "انت وال 4 مليون مواطن بهالبلد يعني من السوال عن الفعل للسوال عن السبب وعفكرة كل المدخنين بيعرفو ان هالشي الي عم يعملو ماراح يحل شي غير عمرن الباقي بس مفكرين ان الهم مابيجيب الاخرة ؟والله بيجبها مع الاولى ملاحظة:التدخين سبب رئيسي لامراض السرطان والرئة ولكن عدمه هو سبب اسرع لامراض السرطان والرئة والطحال والبنكرياس و...... |
اقتباس:
شايف انت يلي عم يرجعو لورااااااااااا شو عم يعملو بيلي عم يقدمو لقدام على الاقل وهو عم يراوح مش عم يتعرض لحدا بالاذى بس اذا رجع لورا ممكن يطرق بحدا عم يقدم لقدام وممكن كمان يعمل ازمة سير |
اقتباس:
فقالت لي امي يا امي ميتين ميتين ويلي مكتبلو عمر ما بتقتلو شدة وهالدخان طعمو حلو فليش لاحرم حالي فقلت لها جعلنا الله من المدخنين:pos: |
اقتباس:
أو من جمعية الرفق بالانسان |
اقتباس:
بس بظن لو أنك سألتي أبوكي كان قلك :لك أخ يا بنتي تركيني نفخ عليها بركي بتنجلي... |
اقتباس:
وليش امي بتدخن وماهي الاسباب المقنعة فلا يوجد قولكون ما هو السبب الاكثر اقناعا الذي يتذرع به المدخنون لتبرير تدخينهم؟؟؟؟ |
السنافر
شو عتبان عليك يابابا سنفور ان معقولة الي عملتو معنا
ياعمي طيب والله كنا ولاد صغار وانت بتعرف ان كلشي بيشوفو الصغير بيصير مصدق وعايش معو قال هالسنافر الزرق الحلوين(رمز الخير) وهداك البشع الي ريحتو طالعة هوه شرشبيل(رمز للشر) تعرف ان لحد هاليوم انا متاثر بقريتك وان كلما اتخيل الشرير بتخيل متل ماانت كنت توصف كيف راح من بالك تارجيتنا كم شرشبيل في بسنافرك وكم سنفور في بشرشبيلك وكم سنفورة بتطلع اسوء من ميت ساحرة غابة ...بتعرف رغم ان هالصورة المقدسة عندي موحابب انزعها بس مرات بفكر ان حتى انت بابا سنفور يمكن تكون شرشبيل كبير,بس ناطر حدا يمعن النظر فيك لكي يسمع صوت ال.... |
اقتباس:
|
وعدس
فقت...لبست...شربت...نزلت...طلعت ...رجعت ...اكلت...نمت
خلصت البروفا ....يالله من جديد |
تصوير............
|
كان ابن ستين كلب ودوني واناني وبلاشرف وبيكذب عالطالع والنازل ووين ما في خناقة نازم بتلاقيه ومابتمرق بنت الا وبيطلع روحها بس اليوم كان عزاه:cry: والزلمة مات يعني بين قوسين الله يرحمو
لسا عم حاول جاهدا افهم منطق هالعبارة ؟ ان ليش الله يرحم ؟لان مات يعني ؟:? ياسيدي يروح الله لايسلم فيه عظمة ويلعن ويلعن سلسفيل ومنشانك يعني واذا كنت من اصحاب القلوب الضعيفة فلا تلعن بس بلا ماتترحم عليه لان موناقصك ازعر لسه بالجنة ...اتعبت يعني :pos: |
بتمر....
يطير الحمام يحط الحمام ...يطير الحمام يحط الحمام
كلما بتمر من حدي بحس ان في عاصفة مرت وان التاريخ خرج يرجع ينكتب بعدها شو حلو لو كنت بتفهمي اكثر بشوي وكان فيكي تحسي بالشغلات الي انا بحبها وتبطلي سطحية... بس بنفس الوقت خليكي عم تمري لاني بحب هالنمط من العواصف ,بحسها عم تبعد الغيوم عن الشمس |
يا معلم أممي بس أنا بدي أتأسف منك على هالموقف اللي صار من شي يومين تبع تاء التأنيس وبدي أسألك يا مسلطن شو صار بهالكرنوب و دخيل الله لتكمل هالمذكرات لأنها عن جد شي تحشيش |
اي والحلو مش بس اذا طارت وحطت واذا بعدت الغيوم
انت بنفسك قلت عنها حمام حلو الحمام كتير وخاصة لما بيحط وبيطير |
اقتباس:
منيح هيك |
صابون
ان وين مابتقلب او تتطلع لابد باليوم تلمح دعاية صابون او شامبو او معجون غسيل ,شركات كبيرة بحوث وملاين عم تنصرف وملاين عم تنجمع بس حدا انتبه ان 95 % من هالمنتج رايح عالصرف:? يعني عالبالوعة ...ولو بدققو اكثر راح تشوفو ان 95% من كلشي فايت بحياتكن الكريمة من موثرات مصيرها البالوعة
ياريت المرة الجاية لما بدن يلفتو نظرنا لاي شي يكتبولنا عالغطى او باخر هالافتة او الشعار شو اخرت لان الي عم يروح بهاليومين عالبالوعة اكثر بميت مرة من الي عم يطلع منها :deal: وبهالمناسبه اووووووووريس خلالي الابيض ابيض مبيض ...صح |
اي على هالحالة الجنين لما بيخلق لازم يجي مكتوب على قفا راسو
مصيرك بالوعة من نوع خاص عندما تصبح غير صالح للاستهلاك ال....... |
اقتباس:
اول مرة بلاقي رد بهالمذكرات يفشلي خلقي عالمضبوط :D برافو عمو ....عم تتطوري وهاي الك احلي ارنوب بيمشي علي اربعة وبلكي علي ايدك راح نشوفو شي يوم ماشي علي اثنين |
اقتباس:
|
في المساوات بين الرجل والحرمة
اذا علمت ان لكل مومن في الجنة 70 حورية عذراء فهل يعني ان لك مومنة 70 فحل ؟
ترسل الاجابات علي صندوق بريد قريش لان حلو كتير انت وفايت تشوف اختك مع 70 زلمة ...وستلم علي جرايم شرف بكرا |
اقتباس:
اسمو حواري مذكر حورية معلش بالجنة كلشي محلل:pos: اصلا مارح تكون فاضي تشوف اختك لان عينك مارح تلحق لل70 حورية لك عيني محسوبة وحياتك محسوبة |
اعلان غير مدفوع الثمن..
نبيعكم ما تريدون..
اطلبوا وعندنا ستجدون.. ياسادتي الفضلاء يامعشر الرجال.. لدينا الازهار.. والتفاح والجلنار...،والكرز والبرتقال اطلبوا وسنلبي النداء.. اشتروا وسنراعي السعر عند الشراء.. وسيخرج الجميع رابحون.. فكلّه في الحلال.. ياسادتي الفضلاء ..يا معشر الرجال.. قد ننسى من اجل خاطركم .. الفكر ..والكرامة...والكبرياء.. سنخلعها..كما نخلع معطف الشتاء..! ونهرع الى راحاتكم.. بحثا" عن الدفء والدلال.. فما حاجة المرأة اليوم.. للفلسفة..والسياسة..وافانين الحوار والسجال..!.؟ وما ستشكو.. أن أ’غرقت بالحرير..والجواهر..والاموال ..! وهي ليست اكثر من .. ورد..وجلنار.. وكرز ..وتفاح..وبرتقال.. اطلبوا..وسنلبي النداء.. اشتروا..وسنراعي السعر عند الشراء.. فما همّنا سوى راحتكم.. ياسادتي الفضلاء ..يامعشر الرجال.. |
هي بسطة نسوان:pos:
فاتحة حد بسطة اممي:pos: |
اقتباس:
اكثر ما بيقهر ان هالاعلان غير مدفوع الثمن ....بس باينت صار عقد من عقود العائدة ومنتهي بالتراضي والغريب ان كيف هالبضاعة وبحالات كتيرة عم تنباع برخص التراب وبالتراضي راح اظل امرق حد البسطة تبعك بس بوعدك اني ما راح اشتري شي |
اقتباس:
اكيد ها الحكي مو ألي... لأني مو صاحبة هيك البسطية.. انا صاحبة الاعلان..:larg: |
| الساعة بإيدك هلق يا سيدي 04:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون