|
Bl@ck
شرف يعني شــرف مو لعبــة و لا مسخرة ... بيبدأ بالروح وينتهي عند غشــاء البكارة .. عزيزي : مــا قصدت الي أنت فهمتو و المثال الي أنت ضربتو ما بيمت للشرف إلو علاقة بشي اسمو كذب غش .. المصطلح المناسب بس بعيد عن الشرف ...يعني الإنسانة الي حافظت على طهارة جسمها كاملة .. بتقدر تقول أنو الموضوع ما إلو عندها قيمة طبعاً لأ ... هي مرتكز كلامي السابق .. |
اقتباس:
من هالناحية انا معك مية بالمية ...غشاء البكارة مالو اي علاقة بالشرف ...بعدين يا اخي بركي هي كانت متجوزة من قبل عرفي او مسيار او متعة (طبعأص كل واحد على حسب دينو اذا حلال او لأ) يعني ليش دايماً فض غشاء البكارة منربطو بالعلاقة الغير شرعية ...!!! يعني متل ما قال الشيخ بلاك في مليون بنت بتمارس الجنس من برا لبرا او ممكن من نواحي اخرى من دون الاقتراب من غشاء البكارة اولكن هي لساتها شريفة ولا شررررررررررررررررررررررري رة ;)؟! انا برأيي اني بتقبل اني اتجوز مرأة فاقدة هالغشاء ..بس المهم يكون في بيناتنا صراحة يعني ما المهم ما تكذب عليي ..انا بتقبل الامر بس بحالة انو تكون صريحة وبس ...:pos: تحياتي بلاك واللامنتمي وفاوست :D |
اقتباس:
ما بعرف ليش اللف و الدوران كل هالقد , يعني يا قولي كلامك يا بلاك صح يا كلامك خطأ و ما بوافقك و منكون كسبنا نقاش .. مش طالب منك تقتنعي .. بس دام عم تردي عا كلام مالك الحلبي اللي هوي متعلق بكلامي و كاتبة ردك بالفونط العريض . حددي موقف يا مخلوقة يستر عا الملايكي .. :lol: نعود الشرف مش لعبة و مش مسخرة .. و أنتي عم تقولي ( رح أجي معك ) أنو يبدأ من الروح و ينتهي بمدري وين .. طيب معناها الشرف مش متعلق بغشاء البكارة .. الشرف متعلق بكل الأنثى .. لزا هازا يؤدي أنو كلامي صح .. إزا الشرف بقطعة الجلد هاي اللي بقد نص الليرة و برق الشعرة .. فهاد شرف أبو الخمس تالاف عند أي قابلة قانونية أو دكتور نسائية بتلاقي منوه .. |
Black
:pos: ماشي الشرف متعلق بكل الأنثى مالفينا ولا درنا بس هالموضوع لسا بيشكل حجم كبير عند الرجل الشرقي .. و هو مهم للأنثى بشكل عام .. و الوكالة مو متل التقليد:frown: |
لن اقول اكثر من ان الشرف معناه ان لا تسلم المراة جسدها لمن لا يحق له ذلك.
القضية مو غشاء بكارة عابد ولكنها اعمق بكثير وفيك توصللها لمن تقدر تشوف البنت اكبر من انو تمنح نفسها لشي حدا بمجرد نزوة هلا بدي نام بس بكرة رح احكي معنى الشرف يللي بنحكي عنو انستي بحر.... الموضوع مو موضوع رجل شرقي بمفدار ما هو موضوع انك تحسي حالك اكبر من نزوة الك والو .... يعني بغض النظر عن هالغشاء يللي صار اهم من القضية فينا نقدر نستوعب انو الانثى روعتها في ان تكون لشخص واحد مو لمية وحتى لو الرجل مو شرقي والله الموضوع كتير اكبر من هالغشاء يللي قرفناه كتر ما انحكى عنو |
اقتباس:
يا سيدي كلامك دهب :D |
طيب مثلاً مثلاً مثلاً .... كانت البنت بتدرب فروسية ، قام الحصان نط فوق الحاجز قام النطة كانت قوية قام الغشاء .. فتءءءء ... انفتق !!!!!!! :shock: قام صارت المعتره بدون غشاء بكارة طيب هيه المسكينة شو ذنبااااااااا ؟؟ :cry: يعني بكون الحق عل الحصان مو ؟؟ يعني الحصان الجامح فعلاً مشكلة يا جماعة إي والله المهم أنا ما كنت عذراء لما تزوجت وهلأ أنا وزوجي منجنننننننننننننننننن |
السؤال الي بيطرح حالو
غشاء البكارة وجد مشان اي ابن شارع يجي يفضو؟؟؟؟؟ بأسم الحب أو بأسم الخطوبة أو بوعد بالزواج لك يا جماعة انتوا عم تئولوا رجل شرقي ورجل غربي الحضارة مو ان يكون الرجل خنزير الحضارة مو بتمسحت الرجل الحضارة اخلاق ومعاملة ومن الأخلاق وحسن المعاملة والحضارة ان يتعامل الشب مع البنت بطريقة انسانية مو حيوانية لأن بالنهاية الأنسان بمارس الجنس والحمار كذالك والكلب كذالك والخنزير كذالك وفقط الأنسان العاقل الي بحكم عقلو قبل رغبتو وشهوتو الحيوانية |
اقتباس:
|
هناك مثل عامي يقول :
اللي مثلي يجي لعندي أذا يمكن تلخيص الموضوع ك التالي لو أردنا أن ننظر الى الموضوع من الناحية التكوينية للجسم أي (الفيزيولوجية ) البكارة موجودة عند الأنثى و لا يمكن لأنسان نكران سبب وجودها عن عبث و عدم وجودها عند الذكر أيضا عن عبث هناك معتقدات لدى البشر بأختلافهم و تنوعهم فمنهم من ينظر من الناحية الدينية و منهم من ينظر من الناحية اللادينية و منهم من ينظر من الناحية القبلية أو العادات و التقاليد التي ورثها من المجتمع الذي يعيش به نأتي على الناحية الدينية أن من يعتقد في أن الاَية الطيبون للطيبات و يؤمن بأنه من الطيبون من البديهي سيجد من هي ممن تؤمن بما يؤمن و عندها يتحمل النتائج كل على مايعتقد اللادينية : أي المتحرر من العادات و التقاليد التي يعتبر فيها المفهوم المتوارث غير الذي يعتقد به هنا يتوقف الأمر على المزاج أو ما يصبو إليه و له حر الأختيار أما من الناحية القبلية لكل قبيلة أو عشيرة طريقة في النظر الى الأمر منهم من يعتقد أنها الشرف و هنا المعيار يختلف من بيئة لأخرى و الاَن لك أن تختار اللي متلي يجي لعندي |
اقتباس:
مُشكلة مجتمعنا أنه ُ شرقي له عادات و تقاليد لا تتزحزح قيدَ أنملة و إذا أردنا أن نتكلم بصوت ٍ عال ٍ نصبح كفار وَ مقلدين و رجعيين الزواج هوَ عقد تفاهم / عقد ُحياة بينَ رجل و إمرأة ويجب أن يكون هناك مُصارحة من كلا الطرفين كي لا تحصل الصدمة والخيبة في ليلتهم الأولى !. وصدقي لو لم يكن زوجكِ منفتح وَ متفهم لكانت هذهِ وصمة عار عليكِ يرددها في كل انفعال يعتريه مَودتي لكِ وَ لـِ زوجك :D |
اقتباس:
لو ع البسكليت مثلا .. ازا وحدة راكبة ع المسكليت ومأسرعة وكان في ضجة قداما واكلتا للضجة (يعني ضجت عليها ) بقوم هداك بنفتءء ع قولتك بتصير كتير |
سلام
برأيي الموضوع مثل ما قالت إحدى الاخوات أعقد من هيك, وسيكون من السطحية بمكان, حصره بسؤال يجاب عليه بنعم أو لا......المسألة تتجاوز الرجل الشرقي و الرجل الغربي......و العادات و التقاليد.....أصل المسألة (بنظري) في الطبيعة البشرية: طبيعة الجنس الذكري........ يتميز الذكر في الطبيعة (سواء إنسان أو حيوان) ,بحب التملك , البحث عن الحصرية في العلاقة l'Exclusivité و كل متتبع للأفلام الوثاءقية سيلاحظ هذا: معارك بين ذكور أنواع كثيرة من الحيوانات بسبب الإناث, وحروب حتى بين بني البشر للسبب نفسه...... في مرة شاهدت فلم وثاءقي ولست أتذكر جيدا عن أي نوع من الحشرات: المهم الفكرة هي أن الذكر وبعد إنتهاء العملية الجنسية........يقوم بوضع ما يشبه الختم على جهاز الأنثى, حتى لا يتمكن أي ذكر آخر من التزاوج معها بعد ذلك!..... وأيضا أتذكر ذلك المشهد من فيلم :حرب النار La guerre du feu , حين أبى ذلك الإنسان البداءي, على أحد رفيقي السفر..... أن يطأ الأنثى التي صادفوها في طريقهم, وإستفرد بها وحده, لأنه كان الأقوى بين الثلاثة:gem:.....على كل حال هذه فقط أمثلة علمية مجردة (خاصة من الإيحاء ات الجنسية;)) على غريزة "الحصرية" عند الذكر...... نرجع الآن إلى موضوعنا: في عالمنا المعاصر: وفيما يخص بني البشر...... الذكور ينقسمون إلى نوعين: ذكر يوصف بأنه غربي: إستطاع أن يخفي هذه الغريزة , تحت قناع "التحضر" (أو الإنحلال, حسب المرجعية), رغم أنها لا زالت موجودة في أعماقه: أفلام أمريكية متل Closer أو London , تعطي صورة واضحة عن هذه الأمر.....وأيضا لإيمانه بأنه لا وجود للأنثى "اللي ما باس تمها غير أمها" في وقتنا الحالي.....لذا فلن يبحث عن "الحصرية المطلقة": قبل و بعد, بل سيرضى (مكرها) فقط بأن تبقى الأنثى وفية له فيما بعد...... ذكر يوصف بالشرقي : في سعيه للبساطة (أو لسذاجته, أيضا حسب المرجعية): وضع معيارا للتأكد من "حصرية" العلاقة : ألا وهو غشاء البكارة! إذا وجد الغشاء فهو "نمبر وان" في حياة أنثاه.......وإذا فقد فهو في أحسن الأحوال "نمبر تو"!.....لكن وعلى العكس من الذكر الغربي: الذكر الشرقي يؤمن بوجود الأنثى "اللي ما باس تمها غير أمها"..... واليوم الذي يتوقف فيه هذا الإيمان: سيستغني عن غشاء البكارة......ويتحول إلى ذكر غربي....... المهم خلاصة الأمر: المسألة كما قلت تتعدى الأعراف و التقاليد.....إلى الطبيعة البشرية بحد ذاتها......... عكل إذا شي واحد فهم شي حرف من ألي كاتبو فوق......يفهمني:lol:......... وعالهامش: مو كأنو الموضوع مكرر??! |
اقتباس:
مين ها الأحدهم يلي قال؟؟؟:larg: |
اقتباس:
|
تعقيباً على كلام ورأي كريم
من خلال كلامك ربطت الموضوع بشي من الغريزة وشي من الطبيعة الذكورية وكلامك فيو وجهة نظر لكن البيئة والتربية والمجتمع الها اثر كبير كمان شو السبب اللي خلا الرجل الغربي يتجاوز هالتفكير ويتعامل مع الموضوع كأمر عادي أو بالاحرى ما عاد كتير مهم على عكس الرجل الشرقي اللي بيفكر كتير بهالامر |
معادلة ها الغشاء معادلة متوازنة متل مابقولولك في بنات عاملين العمايل ومازالو محافظين على عزريتهم
هاد مو معناها يا جماعة الخير اني اقبل اخد انسانه من غير غشاء؟؟؟؟:shock: في بنات كتير انظلموا بحياتهم بفقدانهم ها الغشاء باحدى الطرق الصدفة اي من غير عملية جنسية هدول البنات شو زنبهم؟؟؟ قبل كلشي المصارحة والفحص الطبي ومع احترامي لكل شب بيقبل انو يتزوج بنت غير عزراء اي كانت على علاقة جنسية غير شرعية بغيره مع حبيب او عشيق |
اقتباس:
|
| الساعة بإيدك هلق يا سيدي 08:40 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون