يعني بفهم من كلامك انو هالمسكين بشار ما كان دريان بشي وفجاة هيك دقوا علي الباب وباسوا ايدو ليصير رئيس :lol:

التوريث فكرة اخترعها الاسد الاب وهي ناتجة عن حقدو على الشعب السوري واصرارو على اذلال هالشعب حتى بعد ما يموت حضرتو
بدأت الفكرة مع تحضير باسل الاسد وبعد سنوات طويلة من التحضير شاء رب العالمين ياخدو ونكاية بالشعب تم استدعاء الاحتياط الابن التاني بشار من لندن وقطع دراستو والبدء بتدريبو علما انو ما كان الو اي علاقة بهالقصص وماكان حدا بيعرفو ولا الو اي نشاط علني باي مجال
وتم سحب ملف لبنان من خدام وتسليمو لبشار كنوع من التحضير و تكفل ابوه بازاحة الروس الكبيرة اللي ممكن تهدد الوريث متل الشهابي وعلي دوبا

فقضية التوريث هي جريمة مسبقة ومحكمة التخطيط تماما متل بقية جرائم حافظ الاسد بحق الشعب السوري

اي لانو الزلمي من يوم الخلق قال بس اكبر بدي ذل الشعب السوري هيك هواية مو اكتر :lol:

أنت قلتها ماحدا قالها

يعني هو فعلا بعيد عن المكر الرئاسي وقصص القمع والترهيب السياسي

ومن وقت استلم وعد يكون متل مابدنا بس المسكين شوبدو يساوي اذا تلات رباع الشعب مابتلبقله الديمقراطية

واذا سوريا مستهدفة من العالم كله وبالأخص من الوطن العربي وخاصة الدول العربية القوية متل مصر و السعودية

وكل العالم ناطرينه على الكوع وبالأخص شعبه


وحاج تفتكره انو لو اجانا رئيس غير بشار كان الوضع افضل

يعني انت بنظرك سياسة بشار متل سياسه ابوه؟؟؟

بس بكل ردك ما جاوبت على أسئلتي ....

لا جاوبت انت عم تحاول توحي انو حافظ الاسد ما الو ايد بالتوريث وانتو تم بعد موتو وانو مو بشار اللي عمل تعديل الدستور بينما انا قلتلك انو بشار تم تحضيرو للتوريث من 1994 وعطوا مناصب ورفعوا رتب الجيش ما بيستاهلها وبعد موت الاب كان كل شي تقريبا بايد ابنو والي عملوا تعديل الدستور ورفعو لرتبة رفيق كانوا عبارة عن موظفين صغار نفذوا الاوامر وبس

اسمو فريق مش رفيق
من كلامك بستشف انو الرئيس جدا قوي وانو كل يلي حوليه موظفين صغار
انا صار عندي شوية تضارب بالافكار يلي عم شوفها عندكون
يعني هو القوي ويلي حوليه هني ضغار
ولا هو ضغير وضعيف ويلي حولية عم يمشوه متل ما بدون؟؟؟
على كل برافو عليه اذا حسب ما عم تقول هيدا رجل جدا قوي قدر يركع كل رجال الدولة والسياسيين

اقتباس:

لا جاوبت انت عم تحاول توحي انو حافظ الاسد ما الو ايد بالتوريث وانتو تم بعد موتو وانو مو بشار اللي عمل تعديل الدستور بينما انا قلتلك انو بشار تم تحضيرو للتوريث من 1994 وعطوا مناصب ورفعوا رتب الجيش ما بيستاهلها وبعد موت الاب كان كل شي تقريبا بايد ابنو والي عملوا تعديل الدستور ورفعو لرتبة رفيق كانوا عبارة عن موظفين صغار نفذوا الاوامر وبس

هلئ انا بصراحة ما كنت حابب علق عالموضوع ...... لا ايجابياً ولا سلبياً

بس عندي تعقيب صغير ......

تصحيحا لمعلوماتك يا استاذ ( ابو فهمي )

بشار الأسد كان تاني ابعد واحد عن الكرسي ....... من بعد ماهر والتحضير للكرسي كان لباسل مو لبشار او لماهر وبحب ذكرك انو باسل اتوفى ب 1996 يعني معلوماتك مو زابطة

بما اني علقت وعلقت عالموضوع ....... اي شخص بالعالم الو مواقف ايجابية وسلبية ....بغض النظر عن موقفي منو او من الرئيس الحالي بشار الأسد وكمان بغض النظر عن العلاقة بين حافظ والشعب السوري شو كانت.... جيدة او لا ...... بس سياسياً هاد الزلمة اثبت جدارتو صحيح الخسائر اجت كبيرة بالفترة اللي كان مستلم الحكم فيها بس هاد ما بيعني انو ما كان محنّك سياسياً وبدرجة كبيرة

تحياتي
Ahmad :mimo:

كمان بحب ضيف شغلة ............... انو مو بس سوريا اللي موظفين بيمشوها ..... أي دولة بالعالم فيها هيك ظاهرة واقوى الامبراطوريات بالعالم فيها هيك ظاهرة ...... لذلك مو شغلة كبيرة هي .

تحياتي

انا براي انو سياسة الراحل حافظ الاسد ما في اي شخص فينو ينكرها انو سياسة رجل قوي ومحنك واكيد كلنا سمعنا وشفنا اراء كبار ورجال العالم بقيادتو هو شخص وقيادي يستحق الاحترام

وانا بظن انو حتى لو كان اجا شخص ورئيس غير الدكتور بشار اكيد مارح يحط الشعب بحضنوووو ويغنجو شعب العربي والسوري ما خرجو ديمقراطية لانو منصير كلنا بدنا نشتغل بالحكم

ممكن لو سمحتي هالتقييم توفريه ؟ لأنو انا سوري و حاسس خرجي ديمقراطية و مو انتي -مع احترامي- اللي بتقيمي اذا خرجنا أو ما خرجنا... فيكي تحكي عن حالك بس لا تشملي الحكي رجاءا ...


تحية

منتصف كانون الثاني (ما بتذكر اليوم بالضبط بس كنا بالعطلة الانتصافيه) سنة 1994... اكيد جدا.. كنت صف رابع.


بس اقتضى التنويه عهالشي

عفواً ...... صار في اختلاط عليي

بس النقطة اللي كنت بدي اوصلها واللي مصّر اوصلها ......... مو بشار اللي كان عميتم تحضيرو للكرسي :pos:

يسلمو ياس وبنفسجة عالتنوية

بعرف يا رفيقة انو اسمو فريق غلطة طباعة هي مو الرئيس تبعك هو القوي انما ابوه دمر كل شي بالدولة لدرجة ما ضل مؤسسات ولا برلمان ولا حكومة كلن موظفين صغار بيقولوا حاضر سيدي ومين كان بيسترجي يقلو للديكتاتور لا وخاصة بقضية متل توريث ابنو ولما مات الاب ما ترك راس كبير ورا كلن قصن مشان يضمن لابنو انتقال امن للسلطة وهدا ما بيعني انو بشار قوي او فهمان بل برايي العكس

بس النقطة اللي كنت بدي اوصلها واللي مصّر اوصلها ......... مو بشار اللي كان عميتم تحضيرو للكرسي

انا هدا اللي قلتو لما مات الاصلي جابوا الاحتياط ودربوا وانت بتعرف تماما انو ما كانت مفاجاة لحدا بسوريا ولا برا سوريا استلام بشار يعني سلامة فهمك شغلة بديهية كانت هي في سوريا الاسد

أوامر مين ؟ و هالموظفين كانوا تحت أمر مين

و الرئيس الراحل حافظ على فرض كان مزبط كل شي ومحضر كل شي ... مين مستعد لينفذ تعليمات رجل ميت ؟
الرجل راح .. يعني ما بقى ألو سلطة على حدا .. بقى مين الي يا حزرك منح الدكتور بشار رتبة فريق و مين الي عدل الدستور ؟!

أمر بديهي انو نقل الحكم (كي لا نقول توريث) كان أمرا محضّرا بعناية فائقة جدا... لأنه تم تصويره كاستمرار لنهج أبيه لمن كان يهمه استمرار هذا النهج. و كذلك تم الاعلام عنه كعنوان تغيير جعل استلامه الحكم مقبولا حتى من بعض الأوساط الناقدة للسلطة.. فالنتيجة كانت شبه الاجماع في أوساط القرار و القوة (لا ادري ان كان اجماعا) على ان بشار is the man ... يعني كان عن قناعة لدى أسياد القرار+ تقبل شعبي... لك يكن اجبارا فقط لأنه, كما قال صياد الطيور... الميت لا يجبر أحدا... انما كان سيناريو مرسوم و اعتقد ان السيناريو المرسوم كان اجمل من الذي يجري حاليا.. و كان يمكن ان يمشي بصورة أخرى لولا ظروف عديدة .. لكن هذا السيناريو نتركه لموضوع آخر


تحياتي