والله ملاحظ أنو أغلبية يللي عم يشتاقو للأكل الشامي هني من المهاجرين يعني يللي برات الشام حالياً .. هي ليكني أنا ساكن بالميدان وقرفان التسئية والفول والفتة ..

أنا ما قلت أني ما بحب الأكل الشامي .. بس بحب الوجبات السريعة أكتر منو بطبيعة شغلي .. يعني أغلب الأوقات بقضيها بيتزا أو سوبريم ومن هالوجبات ..

كنتاكي بالشام متل ما قالت وحدة بالموضوع .. بيشبه كل شي إلا كنتاكي :x .. يقطع عمرون هني وآخر وجبة أكلتا عندهم .. دفعت 500 ليرة وياريت شبعت على جوانح الدجاج يللي عطوني ياهم .. الله يرحم أيام Dixy يللي كان فاتح بالمالكي عالقليلة هداك كان في عندو شوية ذوق بالوجبات السريعة عالطريقة الأميركية!

ليش مقياس الحضارة هو ماكدونالد وكنتاكي؟

اي ... مية أهلين رترووووت ..


بس كمان عندكون بأمريكا صار في فلافل ..... و بتلاقيها بـ 18 طعمة مختلفة
و بأشكال أيضاً مختلفة
و أنتجو روبوت بيتضمن فلاتر و مراوح لصنع الفلافل ( كطعام صحي ...مو جنك فود )



و صارت أسعارو كمان سياحية ....
4 سندويشات بـ 20 دولار




أيضاً و أيضاً .....عملوا للفلافل صفحات و مواقغع الكترونية



متل هالموقع

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

أيامك يا فلافل

ال 4 ب 20.....يعني ال 100 سندويشة ب 500 :shock::shock:

سامر سامر تعا نعمل مشروع بكراج بيتا لريتا...شو رأيك؟بلا دراسة بلا شغل بلا بطيخ...اقل شي بنبيع 100 سندويشة باليوم...500 دولار باليوم..الله حيو..
سامر الزكي ابو الافكار الروعة :gem::gem:

ولك بلا ماكدونالدز بلا كنتاكي:pos:

هلأ مع انو كتير أكلو لزيز :hart:ولازم يكون بكل دولة
بس
يا أخي بضل أمريكي:sick:
وعنجد فلتسقط امريكي:jakoush:

هلأ نحنا هون زهئانين هيك مطاعم بس والله انو بابا لما يسافر ع سوريا من أول ما يرجع لبعد شي شهرين زمان بضلو يحكي عن أكل سوريا ومشاوي سوريا ومعجناتها:oops:
وبكفي التبولة
ولك والله ما بخلي اشي:sick:
وحتى نفس الأرجيلة بالشام عقاسيون آل بتسوى الدنيا وما فيها:cry:
ولا القعدة العربية يللي بتكون بالمطعم
اي نيااالكون:cry:
والله نفسي روح ع سوريا ع شي مطعم هيك قديم
وبكفي أكلو شامي

ولك اااح شو نفسي زور حارة من حارات الشام

قال في مثل بقلك


اللي مايطول العنب .. حامضاً عنه يقول :p

ماعندكم ماكدونالدز ولاكنتاكي؟؟؟:shock:
شو هالتحضر.؟؟؟؟؟؟؟؟؟؟؟؟؟؟؟؟؟� �؟؟؟؟؟؟؟؟؟؟؟؟؟؟؟؟؟؟؟؟؟؟؟؟� �؟؟:gem:

قال كنتاكي قال ...ولا الماكدونالد عا اضربين

بيعرفو يعملو فلافل شامية.....لأ
بيعرفو يعملو كبة حلبية...لأ
بيعرفو يعملو عجة حمصية....لأ
بيعرفو يعملو فول ابو عبدو....لأ

اذا ابسط هالاكلات اللي طعمتها احسن من الف مطعم جاهز بالعالم مو بس بسوريا ....ما بيعملوها ...ليش لحتى اخفق عقلي واروح واي لشو رح يفتحو اصلا

اما عن الرقي والتخلف...اللي بيربطهون بوجود هالمطاعم وعدمها بيكون سطحي ونظرتو عا نياتها

وانا عايش هون وما اشتهيت افوت عا ماكونالد ابدا

اي شريك ...بس هني بيعتبروا الفلافل اكلة اسرائيلية ....:lol:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

مو مهم مين بيرفع راية الفلافل


المهم تبقى راية الفلافل مرفوعة :gem:

للمرة الولى بوافق سامر...

انا بصراحة كتير معدتي بتنزعج من الاكلات السريعة كلها
بس الفلافل والله غير شكل احيانا بروح من الجامعة وفطسانة من الجوع ببعت عفلافل مع انو اكل امي غير شكل بس الفلافل عالم تاني

سامر هي صارو تنتين التالته ما رح يصير خير بيناتنا :pos::frown:

:lol::lol:
وانا لو بدوق الكنتاكي يلي عندك بقطر لح بلاقي طعمتو بتشبه كل شي الا الكنتاكي ما لح يعجبني و يمكن تقلب معدتي كمان و صير شكلي بيشبه هاد المحارب الاخضر :mrgreen:

ولي حكي عن الفلافل فالفلافل الاميريكيا, انو بتكره الفلافل, طهمتها متل دوا السعله ولونها اخضر محروق مع انو في محلات عربيه بس لاتشد ايدك ..

هو شريك اذا بدك المزبوط ...يسرقو الفلافل ...عرضية

بس اذا هني زلم ..يسرقو السختورة مثلاً ...او الدرنات ...او الحلاوات و الصوابين ....او البيضات و السودات و كلشي بيخطر ببالك من احشاء و اطراف و رؤوس و عضلات و اجهزة تنفسية و تناسلية و هضمية بالخاروف

هي ..من بعد اذنكن يعني ....اختصاصنا ...و ما بعتقد في ابن كنتاكي بيطلعلو معنا :gem:

++++++++++++++++++++++++++++++++++++++++++++++++++ +++++++++++++

تعيش امريكا

( هي كرمال ريتا :o )

التالتة رح بتكون مفاجأة بكرا

يحرق اخت الفلافل .. هالاكلة كل ماباكلا بحس حالي رح غص
متل لقمة الزئوم بفرد شكل ..

اخي كنتاكي غير غير
واللي مايدوق العنب حامضا عنه يقول :p