|
اقتباس:
اكيد دراسة بدون شغل. اما ازا اكانت بالمجال الادبي او الهندسات فممكن انك تشتغل. اما الشغلة التانية: طبيعة البلد وفرص العمل فيه. اقتباس:
اقتباس:
ازا انت بتحب الطلعات والفوتات كتير و صاحبات وبنات وقصص روح على شقة أحسنلك. اما ازا طبيعتك هادية وعيشة شباب فالسكن الجامعي كويس جداً. علماً انو للدراسة الشقة أحسن. :D |
اهنيك يا اخي الباشق المجروح على رئيك واتمنى لك التوفيق
|
هلأ انا ما فيني انصحك لأني ماني مغترب
بس بقلك ,, ما تلتزم بشي ,, ما في قواعد,, بدك تروح وتجرب شهر زمان وساعتها انتي لحالك بتعرف مصلحتك رح اكتب متل ما بيكتبو بآخر ورق الامتحان:o مع تمنياتنا بالتوفيق:mimo: |
الغربة
بصراحة الغربة صعبة كتير وخصوصي اذا كانت اميركا او اوروبا وبيقول المتل اسأل مجرب ولا تسأل حكيم
انا من تجربتي للغربة بأوروبا صلرت متل المجانين وخصوصي اذا لوحدك واول فترة بتموت ..........كل مابتزكرها ببكي اول شي لازم للشخص اللي بدو يعيش بأوروبا انو يكون اجتماعي شوي اما اذا كان من النوع المنعزل عن الناس فما حيمشي حالو كتير وأوروبا غالية وخصوصي فرنسا وبالتالي حتخليك تقبل بكلشي وبالمعني التاني مافي انزعة بالشامي وبتخليك وين ماشفت حدا عم يحكي عربي تركض وراه لانو حتحن لما تسمع الحكي بس بالنهاية فيها جوانب ايجابية دراسة وشهادات عالية وهيك وفي نظام بس حيجي وقت تمل وترجع للبلد الخلاصة ....مو سهلة الغربة |
الغربة
بصراحة الغربة صعبة كتير وخصوصي اذا كانت امريكا او اوروبا وبيقول المتل اسأل مجرب ولا تسأل حكيم....
انا من تجربتي للغربة باوروبا صرت متل المجانين وخصوصي اذا لوحدك.. اول شي لازم للشخص اللي بدو يعيش باوروبا يكون اجتماعي شوي انا اذا كان من النوع المنعزل عن الناس فحيطق وينفجر يمكن من الوحدة واوروبا غالية وخصوصي فرنسا وبالتالي حتخليك تقبل بكلشي وبالمعنى التاني مافي انزعة بالشامي......... وبتخليك ويم ماشفت حدا عربي او عم يحكي كلمة عربي تركض وراه لانو حتحن لما تسمع الحكي بس بالنهاية فيها جوانب ايجابية...دراسة وشهادات عالية وحقوق انسان وهيك مع شوية عنصرية ببعض البلدان الاوروبية للعرب بس في نظام وحيجي وقت وتمل وترجع للبلد والخلاصة...........الغربية مو سهلة ابدا |
عظم الله اجركم ... :pos:
|
صحيح انو الحياة في اوروبا صعبه بس الشهاده احلى
|
علمتني الغربة أن أنظر إلى الورد كلما ضاقت نفسي ولكنها في نفس الوقت علمتني أن أبتعد عنه … علمتني الغربة وافهمتني تلك القصة التي كانت تحكيها لي أمي وأنا طفل عن الصداقة فأدركت أن للصداقة حدود أبعد بكثير من مجرد كلمات تقال .. علمتني الغربة أننا نملك أشياء كثيرة لكننا لا ندرك قيمتها علمتني الغربة أن أكتم ألمي بداخلي وإن كانت ستفضحه عيوني فلعل الإنسان الذي آلمني في تللك اللحظة ليس هو الإنسان الذي عرفته سنيناً علمتني الغربة الكثير والكثير وكان من بين ما علمتني أنها أخبرتني من أنا .. علمتني الغربة معنى اني سوري علمتني ان الانسان (في الوقت الحالي) لا يهمه الا مصلحته علمتني ان الموت ألف مرة فوق ترابك يا سوريا اهون من التفكير بالخروج خارجك.. فإن الغربة في كل حرف منها حرقة قلب مشتاق وحنين ... وألم ... وعذاب الغربة كربة كما يقال ولكن فيها يتعلم الإنسان المحال و يقدر قيمة تراب أرضه .. علمتني الغربة وما اقساه من تعليم ان تحس بانك وحيد في وسط ,الكل فيه يرغبك ولكن كل لمصلحته علمتني ان ارى صديقي في الوطن عدوي خارجه كل هذا لا يساوي دمعة عين من امي لفراقي.. |
معلم طارق....
لسا بكير عهالاسئلة...لسا باقيلك سنتين و شوي..... ركز ع درسك....درسك اهم شي هلأ و بعدين بتشغل بالك بالاختصاص...بكير لسا بكير.... من هون لتخلص بتتغير كتير أمور..... اهم شي انك ما تشتت حالك بمية شغلة.....اي اذا لسا ماعرفت شو توجهك و لا اخدت كل السريريات...اي كيف بدك تتوجه و تحدد لوين بدك تسافر من هلأ.... دروس عمي...دروس....و لحقااااااااااااااان.... |
اقتباس:
هلا ازا جاي تدرس عنا(اميركا) وناوي ترجع فانت جاي ع اساس international student وهالشي رح يمنعك تشتغل ادام الدولة... ممكن تزبط حالك وتلاقي حدا يشغلك من تحت الطاولة(بس هي احيانا ممكن تكون صعبة) الدراسة بالجامعة مو سهلة ابدا.... وبيعطوك وظايف كتيير واحسب حسابك انت رح تاخد ضعف الوقت اللي بياخدو الطالب العادي (الاميركي) طبعا ازا لقيت شغل مع دراستك رح يساعدك هالشي بالتعامل مع العالم.. ومع فهم الحياة هون.. وازا حالتك المادية بتسمحلك انو ماتشتغل بيكون منيح مشان جامعتك مشان يخليلك وقت تدرس بس كمان ازا قدرت توفر وتصرف شوي ع حالك وتبحبح هالشي ممكن يخفف الغربة عليك شوي يعني لتعيش حياتك... هلا بخصوص السكن... سكن الجامعة كتير مناسب بعتقد لانو كتير بيقدرو يراعو ظروف الطالب.. وممكن تطلع مع شخص اميركي وهالشي بخليك تقوي لغتك...والتعامل مع عالم مختلفين حلو.. هلا تلاقي حدا سوري؟؟ هي حسب الجامعة اللي رايح عليها ممكن تلاقي ممكن ماتلاقي ع الخالص فماكتير تحط الفكرة براسك.. وازا بدك اي مساعدة قللي |
اذا بدك انا بروح معك و يمكن اسبقك
على كلل تاخد معك غراض كتير و اهم الشي حلوق قبل ما تسافر الحلاقة كتير غالية برا بالسلامة |
اقتباس:
يعني برايك ادا بغير اماكن في موضوع او تخصص هو بيريدو ما موجود ببلدو ما بيروح؟! وادا بغير بلد الظروف التعليمية او الشروط كانت افضل كمان ما بيروح؟! وفي امور تينية...بس ما بدي اذكرها..اكتفيت باللي فوق |
اول شي احنا ما اعترضنا على الطلعه بس بشرط الرجعه والله لو معو كنوز الدنيا مابينسوه بلدو واهلو وناسو
|
والشي الاهم انو الغربه صعبه وذله الله لا يكتبها علينا
|
اقتباس:
الحلاقة بسوريا عند حلاق متوسط او مابدي قلك متوسط يعني الحلاق العادي اللي بيحلقوا عندو الكل يعني الحلاقيين العاديين الحلاقة عندو ب50 شعر .. ودقن كمان ب50 صارو مية .. اخي قول غليت ولعيونك منعملا دقن وشعر بــ150 مع انو اقل بس منقول 150 و150 = ع القطري 10 ريال بالزبط الحلاقة هون عند حلاق هندي ب15 شعر بس ومع دقن ب10 صارو 25 ريال قطري اي مايعادل ع السوري 355 ليرة تقريبا .. يعني بتفرق معك ع السوري بين الحلاقة بسوريا (150 ليرة) والحلاقة بقطر (355) 205 ليرات تماما .. هي طبعا عند حلاق هندي ازا بدك تحلق عند تركي او سوري او مغربي مثلا او اي شي عربي فيدك 25 للشعر فقط .. و15 دقن صار 40 ريال 40 ريال ع السوري = 540 ليرة سوري :shock: لاحظ الفرق .. بقى مشان هيك بطلت احلق شعري كتير انا .. ولو ما الحلاق صاحبي وبراعينا شوي ماكنت حلقت من سنين بس صاحبنا يعني بحاسبنا ع التسعيرة القديمة وقريبة من تسعيرة سوريا نوعا ما فتأمل يارعاك الله وطبعا ازا استثنينا قصة الحلاقة المزكورة فاأنا مع الغربة وللعضم .. وبصراحة صاير عبحس الغربة احسن من بلدو الواحد وهكزا |
صحيح الكلام انا مقيم في السعوديه وبلتحديد في العاصمه الرياض بيروح الواحد منا ع الحلاق نفس ما قال اخوي في قطر وغير هيك الحمام الشامي بتدفع 100ريال سعودي ولازم تحجز ابلها بكم يوم
|
انا من جهتي رح قول رايي
الغربة مو مو حلوة بالعكس الغربة بتخليك تتعلم وتدرس منيح الحياة وتكتسب ارادة قوية اكيد رح تفشل مرات بس لا ما تقطع الامل كمان مو حلوة الواحد يصل ببلدو كول العمر بقى انا وحدة من الناس ما بعملا وبشجع ع الغربة بس للواحد اللي بيثق بنفسو ورايح يدرس و ياسس مستقبل مو متل بعض الناس اللي اخدتون اهواءالدني يعني انخدعو بالمظاهر |
طارق انتا هون ما عم نلحق عليك .... كيف برا....
على كل انا بقدر طلعك عالأردن اذا بدك .... بس نصيحة ... ما بدك .. تحياتي الحارة ظل جيفارا |
| الساعة بإيدك هلق يا سيدي 16:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون