طيب عزيزي ..
أنا ماني شايف في داعي لاعتذارك مع انّك كنت متسرع شوي بالحكم:lol: .
و ثق بأنّي أغبطك و أغبط الحوار معك .
الموضوع داخل بتشعيبات .. " أولها سلوكيه الرجل و فطرته دخولاً بتعاليم دينيه و انحلالات خُلقيه و روابط اجتماعيه أسرية مفككه " .
و منشان يكون كلامنا أكادمي أكتر بدنا نتريث شوي فقط لتعزيز الحوار بوثائق و براهين .. بظنّك معي .؟

بجوز تسرعت شوي!!! :oops::oops::p
أكيد أنا معك، بس المشكلة إنو عمنحكي بموضوع كل الأشياء يللي ذكرتهن بيدخلوا فيه.

لك الشغله يللي عم تحط مليون قيد بالحوار بأن تبعيه المرأه و انصياعها للرجل مذكوره بكافه الأديان و مهما حاولت لا بد ما تضطر لإدخال الدين .. و اذا بدك تحكي عن بأن المرأه خطّاءة و هذا مذكور بكل الاديان و بأن المرأه يجب ان تنصاع للرجل .. هيك مذكور بكل الكتب السماويه .
ظاهره نشوز المرأه و سبل التعامل معها .. خلينا نكون اكتر واقعيه .. بدل ما نحكي عن الديانات ليش ما ناقش الظاهره و نشوفلها أساليب للعلاج .
برأيك بيكفي انو نقول : " أنا ضد ضرب المرأه " خلص اختصر السيره .. طيب يا أخي ناقشنا بنشوز و شذوذ المراه و الاساليب و التدابير التي يجب اتخاذها بأقصى الأبعاد .

معك حق بكلشي، بس يا ترى هل معنى انصياع المرأة لأوامر جوزها واحترامها لتعبو طول النهار برات البيت سبب ومبرر ليضربها إذا غلطت؟؟؟!!!! ونحنا هلأ بزمن المرأة عمتطلع وتشتغل وحتى تحمل السلاح وتروح عالحروب، صحيح أحيانا مالو مبرر وجاي على حساب ترباية الولاد وانحلال الأخلاق، بس هادا الشي حاصل، مافينا نهرب منو، وبمعظم الأحيان المرأة عمتقدر توفق بين البيت والشغل، شفت كيف صرنا بموضوع تاني تماما!!!!! مستحيل تعزل هالموضوع بالذات عن كلشي عادات وأديان بالمجتمع.
المهم، شو هوي نشوز المرأة؟؟ ولاننسى إنو الرجل إلو كمان نشوز، والعنف مو حل لحل هيك مشاكل، ولازم شدد على إنو المراة بهالزمن عمبتشارك الرجل بكلشي، وكمان عمتتغلب عليه، وفي كتير رجال قاعدين بالبيت للطبخ والنفخ ونسوانن عمبلقطوا رزق!!!!!! فيا ترى بحقلها تضربو بهيك حالة إذا نشز الزلمي؟؟!!!!!
ولييييييييييييييييي على هالموضوع شو مشربك!!!!!! عنجد بطقق!!!!!! لك غابرييل من وين نكشتلنا هالموضوع!!!!!!!!! يحرق عرض هالشيخ وهالقناة يللي فتحت عليك هالموضوع!!!!!! روووووووووووح إلهي يشربكك بشي موضوع متل ما شربكتنا!!!!!!!!!! :jakoush::jakoush::jakoush::p

من القرآن الكريم .. " الرجال قوّامون على النساء بما فضّل الله بعضهم على بعض و بما أنفقوا من أموالهم فالصالحات قانتات حافظات للغيب بما حفظ الله و اللاتي تخافون نشوزهنّ فعظوهنّ و اهجروهنّ في المضاجع و اضربوهن فإن أطعنكم فلا تبغوا عليهن سبيلا ان الله كان علياً كبيرا "


طبعاً النشوز هوي العصيان و الآيه واضحه بعلاجها لعصيان المرأه " النقاش أو التفسير ليسى عن ضرب المرأه بمطلق الصلاحيات " .
و اذا ملاحظ الخطوات التي يجب ان تتبع تباعا في علاج نشوز المراه التي اذا تم الخلل بها يتوجب على الرجل الوقوع بالمحضورات ..
1 الوعظ
2 الهجر في الموضع " فسرت هالشي مسبقاً "
3 الضرب الذي فسره العلماء بالتالي " ضرب غير مبرح غير مشين لا يكسر و لا يؤذي جارحه شريطه
عدم السب أو استخدام الالفاظ التي ممكن بدورها تسبب ايذاء و اضطهاد نفسي .

بعدين الضرب يجب ان يكون بشروط متوفرّه في الزوج كعقلانيه الرجل و قدرته على تدبر الامور مع وضع بعين الاعتبار بان اللجوء للضرب يجب ان يكون بآخر المطاف لأنه كم من إمرأه أعقل و أكثر تدبيراً من الرجل, و لكن احكام الشرع وضعت على الشكل العام و ليسى الخاص .
بآخر الحديث بدي اذكر حديث للرسول عليه السلام حيث قال: " لن يضرب خياركم " .

صارت تقريباً جليّه أحكام اللجوء للضرب بالشرع .
هل لنا التطرق لعلاج نشوز أو عصيان المراه للرجل بشكل علماني حياتي معاصر..يعني شو هي آراء البقيه الذين يرون خلاف وجهات نظر الشرع .
ما هو علاج نشوز المرأه برأيك .؟

بعتذر على القطعة المفاجئة وما قدرت انسق بالتزاماتي الحالية فسببت القصة هي انقطاع على النت بس في جملة ضربت لي على عصبي بشكل كتير كبير وبدها محاضرات ومواضيع بمئات الصفحات وبعتقد كافية لاعلان الخطر

وكان في ضرب لطيف رمزي وفي ضرب لئيم فعلي

صرنا بالقرن الواحد والعشرين ولسع الضحك على اللحى ماشي ودارج بين الشعب

بدك تخبريني ان للضرب حدود

انا بعتقد قانوني الماشي عليه بالحكم على الامور ما بيمتلك انصاف حلول او انصاف آراء
انا من مؤيدي مذهب ليكن كلامكم نعم نعم او لا لا
الماء الفاتر يبصق من الفم
فتجي تقولي لي ضرب خفيف وضرب عنف
وكل هاد الشي باسم الله !!!!!!!!!!!!!!!!!!!!!!!!!!!!

صديقي اذا كان شخص بده ينصحني بالطريقة هي
مع احترامي لمرجعك ومصداقيته والوهيته لكن بينطبق عليه المتل القائل " جدي لعب بعقل تيس "

برجع بكرر مع احترامي لمرجعك

لكن اذا واجهت مشكلة ما مع زوجتي واتبعت بحل المشكرة التسلسل الوارد هون .
اول شي بنصحها اذا ما ردت عليّ بتركها وبهجرها وبضربها فاذا رضيت لمشيئتي خلص انحلت المشكلة


بعبر عن هي الفكرة بكلمة واحدة فقط

الديكاتورية

بعتقد بدي الاقي مكتوب ورا راسي " العصر الحجري "

توضيح :

انا عقبت على الموضوع فارضا ان احد الاشخاص نصحني باتباع الطريقة التالية لمعالجة الأمور :D

برجع بكرر مع احترامي للمصدر انا عبناقش فكرة

طيب أنا عم ذكّر بس.... الملاحظة عامة لجميع المشاركين

طيب مسيو غابي هي ليكني مستوعب كلامك بالرغم من عدم رؤية أي بشائر كلام منهجي مدعّم بأسانيد و وثائق .. ما رح قول "سفسطة ..! " بس رح ارجع اعطيك مجال أرحب للعوده للنقاش البنّاء بأسلوبه المألوف .. يعني أسلوب تثبت فيه حقائق و وقائع .


مع تجاوز بعض المصطلحات التي لم يكن لك ذكرها ان كنت تتحدث على أرض الواقع .. لم يكن هنالك أي نصح لك باتباع اساليب الشريعه الاسلاميه .. بل كان هنالك سؤال لكل المحاورين الذين يرون حلول مخالفه لذلك .
بدّك تنتبه المره الجايه .!! أو اذا بدّك تحكي "تكلم و بجرأه و لا يضيرك بأفكارك شيئ " و من دون تراجع .

ارجع و اسألك مره تانيه و ارمي كل شي على جنب "شو هوي برأيك علاج المرأه الناشز العاصيه " .. بعّد شوي عن قراءه تعليقات و محاوله تفنيدها بأسلوب سطحي .
هات ما عندك, باعتبارنا عم نناقش ظاهره... شيل فكره تصريح الضرب بالشريعه الاسلاميه و انتقل بأفكارك لأميركا أو أوربا أو حتى الهند "حاول تقرأ من هالاحصائيات يللي حطيناها " .. فكرلي بليش عم تنضرب المرأه و بكل مكان .. طبعاً بحق و من دون وجه حق .
بظن انا عم اعطيك فرص أكتر من غيري و ما عم سكّر عليك الطريق .

هذا أمر مفروغ منه مو بس لانه هو صاحب الموضوع من خلال التلميحات اللي وضعها بالموضوع اخذ نصوص اسلامية
لا يسعني الا انه اقلك روح شوف حقوق المرآة عند الدول الغربية وصلوا لقمة الاتحطاط والفسق واكتر دولة السويد كلهم اولاد زنا محارم هنيئا لحقوق المرآة يا امة الحضارة والعقلية :D

بتمننى نستمر على هاد الوضع لاطول فكرة ممكنة :D

صديقي انا ما تراجعت وما كنت متقلب بموقفي انا كتبت الرد ووضحته بالرد اللي تلاه بتمنى ما يكون في كتير تعليقات على هي الفكرة لانها واضحة والحوار اهم مما نعقب على تصرف الافراد خلينا بالافكار وليس بالافراد .

اوكي بدك تعرف راي وانا بدي احكيك بصراحة .
المشكلة متل ما انت قلت مانها وليدة اليوم او امبارح فهي من الازل موجودة منشوفها حتى بتصوير الانسان البدائي عبشد مرته من شعرها وماشي حتى بعض الافلام الكاريكاتورية عتعقب على هي الفكرة ان المرأة حاليا هي عبشتد الرجل .
منرجع للكفرة المشكلة نابعة من البنية الفيزيولوجية للجسم فجسم الرجل اقوى من جسم المرأة بحكم البنية الفيزيولوجية الشي اللي الحق بالمرأة العار على مدى العصور فهي ضعيفة جسدية وبالتالي فهي عبدة للاقوى والي هو الرجل .
ومتل ما وضحت الاحصائيات المشكلة منتشرة حتى القرن الواحد والعشرين بكافة بقاع الارض .

بعتقد من غير العدل انك تسأل شو هو الاجراء المطلروب لتقويم المرأة الناشز العاصيه فهو سؤال عنصري لابعد الحدود .
مطالب المتحضرين هي شو هو الاجراء المطلروب لتقويم الانسان الناشز والعاصي سواء كان رجل او امرأة .
قد يكون يوجد تمييز حتى وقتنا الحاضر بين النساء والرجال لكن بعد فترة ليست ببعيدة ومع كل الجهود المبذولة بعقتد المرأة بدها تصل للمساواة بكافة المجالات بما فيها العقاب حتى .

لكن متل ما قلت مشكلتنا هي المرجع حاليا ذكر اكتر من مرة ان تربية الانسان العربي والعلوم التي يتلقاها والقيم التي يتربى عليها لا تستطيع منحه المجال للوقوف بوجه المشاكل او لوضع التساؤلات حتى .

بما ان الله هو اللي يوصي بتقويم تصرف المرأة الناشز العاضية بمعنى آخر هو اللي بيعطي للرجل الحق بتقويم هاد السلوك بشكل او بآخر ومن بعض هذه الاشكال الضرب حتى لو قدرنا نتخلص من عملية الضرب بده يبقى الرجل هو الوصي على المرأة وهو المقيم لسلوكها وهو منفذ مشيئة الله على الارض في هاد المجال .

حتى تحصل المرأة على حقوقها بالمجتمعات الاوروبية يجب ان تتحلى بالجرأة لمواجهة العقلية الذكورية للدفاع عن حقوقها ومطالبها وبعتقد هاد شي لسع ما تحقق وهو ليس يالشيء السهل لكن مع المواقف اللي عمنشوفها بقدر اقول لك القصة مانها مطولة كتير .

لكن بالجهة المقابلة حتى تحصل المرأة العربية على حقوقها فهي بحاجة لجرأة عظيمة للوقوف بوجع العقلية الذكورية من جهة ولمواجهة تعاليم الله من جهة تانية وهاد شي مستحيييييل بالوقت الراهن .

بتشكرك على ردك الغني اللي يعتبر احد اعمدة المضوع ولا يمكن الاستغناء عنه

وشكرا على المعلومات القيمة والموثقة اللي قدمت لنا اياها

:D

الرجل المنهزم هوي اللي بيضرب المراة ...
و هالرجل هوي نوع من الحيوانات اللي ما في منا فايدة ...و يبدولي انو كتران هالنوع بالعالم ...
شكرا الك جبرا