|
ما بعرف بكون كتير مندفع إذا بقول اني شفت من ورا كلماته بوادر حرب جديدة ....
بس ما حاسس بدايات حرب ... بس بصراحة الخطاب العاطفي المقترن بممارسة على الأرض عند السيد حسن نصر الله خلاني إنسى إنو هو قائد لحزب ديني وخلاني انسى موقفي المسبق من الاحزاب الدينية.... بشوف بكلامي تأكيد على ان الصمود ما يزال له صدى تحياتي الحارة ظل جيفارا |
اقتباس:
|
اقتباس:
وين الفلط ......!!!!!!!!!!!! :pos: |
يا جماعة بعتت تقرير بمشاركة عاطلة مشان هيدي الأخت اللي فوق اللي نازلة تحكي عبري حدا يمسح ردودها بالعبري بعدين يمسح ردي هيدا انا كمان :jakoush:
تحياتي الحارة ظل جيفارا |
اقتباس:
نقطة 2: مين قال انو شيعة البحرين ما عندهن ولاء لبلدهن ...اكيد عندهن ولاءلبلدهن بس ايران عم تقدملهن الاشياء يلي مملكتهن او ملكهن بالاحرى ما قدملهن ياها ....انت بتعرف انو سكان البحرين الشيعة ما بيقدروا يتوظفوا مثلاً او ما بيقدروا يفتحو مشروع تجاري جوا البلد...وبتعرف كمان انو يلي بيتحكم بأمور الدولة من اصغر شرطي لاكبر مدير يا بيكون هندي يا باكستاني يا سعودي بس من غير الشيعة !!!!!! نقطة 3: مين قال انو الشيعة مسحوا كرامة الشيخ أحمد ياسين الله يرحمو بالارض ...لك العالم منين بتألف هالقصص والله اول مرة بسمع فيها ..انا يلي معسكر عالجزيرة والمنار والعالم والنيو تي في اول مرة بسمع فيها هالقصة :shock:....بالعكس انا من اشد المعجبين بالشيخ أحمد ياسين رضوان الله عليه ...وبايران في كتيييييير لافتات حاطين فيها صورو ... نقطة 4: نحنا شذينا عن الموضوع كتيييير يعني مالي حابب عيد واسأل زيادة .... نقطة 5: الله يخليلنا السيد حسن وكان كلامو بمنتهى الهدوء ...يعني انا ما توقعتو هيك يحكي انا توقعتو ينزل بهادل اكتر من هيك فيهن ...يعني الزلمة كأنو كان طالع من البراد!!!! :oops: بالنهاية ميرسي أخ مسطول على طول:D |
اقتباس:
لا مافي فلط بالموضوع .. لمجرد التوضيح فقط |
اقتباس:
مودفاعا عن ايران بس مشان الشهادة التاريخية هالحكي مغلوط وبرند عليه بطهران في شارع علي اسم الشيح احمد ياسين وايران قطعت علاقاتها مع مصر ولحد هاليوم بسبب وجود شارع علي اسم الي الشب الاخونجي الي اغتال السادات واذا رجعنا للاخبار بالسنيتين الماضيتين راح انلاقي ان بالوقت الي الاخوة العرب سحبوا ايدهم من دعم حماس المحاصرة من العدو الاسرائلي فراح انشوف ان ايران دفعت اكثر من 250 مليون دولار مساعدات نقدية لحركة حماس بكل زيارة كان بيعملها هنية لطهران الفكر الطائفي العدائي للمذاهب التانية هوه فكر وهابي صرف البعض بحاول ان يغطي السماء بالغربال ويقول ان مقتدي الصدر هوه الي بلش الحرب الطائفية اذا لغينا 30 سنة من الحكم الطائفي للنضام الصدامي المقبور الي ضاق فيه الشيعة والاكراد الويل علي ايدو فان مالازم نلغي السنيتن الاولي بعد االاحتلال الاميركي والي كان فيه عشرات المجازر ضد الشيعة والي كان بيقابل سكوت ملزوم بفتوى للمرجعيات الشيعية ضد قتل اي سني لحد ماصار تفجير مرقد الامام الهادي وصار عندها الرد من قبل الشيعة والي ضلت المرجعيات الشيعية ضد اما مقارنة بين ايران وحماس وبين السعودية وحزب الله فبعتقد عيب ان تنذكر لان السعودين منع الصلاة للحزب بنص دين الحرب خلصونا من كل هالعلاك لسا شيعة وسنة مين ماكان بيعادي الصهيوني هوه صديقي وانا مستعد كون بصف واحمل مع اذا مو بالسلاح فبالكلمة اممي |
اقتباس:
اي اغلب سكان البحرين شيعة صح و عنا ولاء كبير لحزب الله صح بس ولاء لايران والله اول مرا بسمعها ها.. يمكن لانو كتار من الشعب البحريني اصولهم ايرانية؟ والله انا بصفتي بحرينية بشوف انو اهل البحرين بالزات بعيدين كل البعد عن الطائفية و ما بظن انو بالبحرين انسمح بكرامة الشهيد احمد ياسين الله يرحمو ويسكنو فسيح جناتو بالعكس الجمعيات الشيعية و الحركات الشيعية هي كانت اول المبادرين لاقامة حفل لتأبين الشهيد و اول المبادرين لمسيرات التنديد بقتلو.. و الشهيد احمد ياسين اطهر ما يكون من انو نحنا نغلط عليه :D يا اخي لا تحكم ع شعب انت ما عشت معو انا ما بقلك انو السعوديين مش هيك .. مبلا السعوديين بيحكمو ع الانسان من خلال طائفتو.. انا مش بصدد اني دافع عن البحرين كرمال انا بحرينية لا بس عم احكي كلمة الحق و ازا على قولتك ما عنا ولاء لوطنا .. فانت مش عايش معنا لتشوف شو بيصير فينا ليبطل يكون في ولاء;):D |
اقتباس:
يعني انسان عاش ببلد وانولد فيها ليش ما يكون معو جوازها ع الاقل احسن من عملية التجنيس العشوائي يلي بتقوم فيها حكومة البحرين لناس بيفوتو عليها من اليوم الاول وبتلاقي الجواز بايدهم ;) |
اقتباس:
|
شيعي سني مسيحي .. كلو واحد .. ما دام همي عرب ..
وكل واحد بوقف ضد اسرائيل بكون بطل .. مثل السيد حسن نصرالله .. وكل واحد بقف مع اميركا واسرائيل بكون خائن .. مثل ملك السعوديه عبدالله .. وما في دخل للطائفه .. وخطاب السيد حين نصرالله ..كان يحكي فيه . .. بكل ثقه .. فتعجبني ثقة هالرجل .. |
للتاريخ فقط...دولة البحرين او خلينا نقول مملكة البحرين..هي بالاساس أرض فارسية..
ومن الناحية الديمغرافية بنلاقي اغلب السكان من اصول فارسية قديمة..يعني مو قبل مية سنة..بل قبل الالاف مؤلفة من السنيين.. هلأ الحكي انو هالدولة شيعية وتكن الولاء لايران..مشكلة الدولة ومشكلة الملك ذاتو..ولازم يحلها هو بنفسو.. لما بنشوف كل اجراءات الحكومة والاجراءات الملكية..بتزيد من خنق المواطن وبتحطو بخانة الولاءات الخارجية..اكيد وطنية المواطن رح يفتر بمرحلة..ويبدأ البحث عن اشياء تانية.. بالنهاية والخلاصة..لا يصح إلا الصحيح..الدولة ان كانت شيعية او كانت مجوسية...الناس لازم تكون احرار فيها.. |
هلا صحيح نصر الله شيعي
بس الشهاده ل الله انو رمز عربي بشرف يعني يلي عملو وقت لبنان شي بيرفع الراس مو معقول ما نقدر اعمالو لانو شيعي :shock: |
| الساعة بإيدك هلق يا سيدي 15:16 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون