|
والله ياريمي متل ماقال ياس ,, عندنا شي 16 جهاز امني بسوريا كل جهاز الو تخصص معين ,, وبالاخر بتتم عملية اغتيال شخصية مهمة متل عماد مغنية !!!
معناها فشل ذريع |
ملعوب جديد
وهلق صار دور نصر الله المبجل لنشوف شو بدو يعمل من جديد |
الاجهزة الامنية يلي موجودة بسوريا مهمتهااا بس كيف بدها تخنق هالشعب وتزلو وتحكمو اطول فترة حتى لو كان الثمن السلام مع اسرائيل
|
رحمك الله يا ليث الميادين,
كل ثانية من حياتك كانت هزيمة لهم والحمد لله حتى استشهادك كان بداية, نعم بداية, بداية سقوط كيانهم الغاصب. من بين الحروف تخرج الكلمات ومن هذه الكلمات ستخرج الأفعال وأعلم تماماً بل على يقين كامل, بداية نهايتهم قد بدأت, نعم والله قد بدأت وليشهد العالم بأسره. أسأل الله سبحانه وتعالى أن ينصر من نصر دينه ، وخصوصاً هذه الثلة المؤمنة الموجودة بجنوب لبنان وهم حزب الله ، اللهم انصرهم بنصرك وأعزهم بعزك ، اللهم إنك تعلم بأنهم يقاتلون عدوك وعدوهم ، اللهم فانصرهم على أعدائهم بحق محمد وآل محمد, وصلى الله على محمد وعلى آله الطيبين الطاهرين . |
عملية تصفية مانها اكتر من هيك..
يمكن بكرا رح يزقلوا بظهرو عملية اغتيال حريري وهيك بتضيع الطاسة..لانو الزلمة بح.. بس لعما شو عامل هالزلمة اعمال بحق الانسانية.. ___________________ ع الهامش..بس اكتر شي ضحكني بكل هالاحداث..انو وكالة سانا والفضائية ما نزلوا الخبر إلا بعدما انصرعت الدنيا بالاخبار من وكالات خارجية.. والخبر نزل انو عبارة عن انفجار جرة غاز بسيارة...:lol: واسفر عن قتيل..وع اساس القتيل مجهول الهوية.. |
اقتباس:
|
اقتباس:
|
اقتباس:
بعدين خليك واقعي شوي .. كيف ممكن اسرائيل تنتهي ؟! إذا حتى السعودية و مصر و الأردن "اسمحولي سميهن الهلال السني" اعترفوا باسرائيل وعم يعبدوها ليل مع نهار بدل الله ... بقى حزب الله لحالو بدو ينهي اسرائيل ؟! يا ريت يقدر بس مستحييييييييييييل ... انسى الخطابات يا أخي .. هاد الحكي تبع اليوم للإستهلاك الإعلامي مو أكتر . |
على الأقل أحيا وأنا رافعٌ رأسي وأحلم بالنصر بل أيقنه تماماً.
مالم توقن بوجود نور فدع رأسك في التراب. المستحيل هو فقط أن يحقق شيئاً من لم يحلم أصلاً. |
بدي ضيف شغلة...انو ما كتير الناس تحط ثقلها ووزنها ع هيك احزاب دينية مدعومة من الخارج...
هاد الحزب بالدرجة الاولى حزب مدعوم من ايران..يعني في بعض الاحيان تصرّف اعمال الحزب للمصالح الايرانية بالمنطقة.. ما رح احكي ع الدعم السوري للحزب..كون سوريا بوقت من الاوقات كانت بتساعد وبتدعم حركة امل..وايران بعد نشوء هالحزب بمباركتها..قامت بدعمها المباشر..ومتل ما بتعرفوا انو قامت مناوشات بين حركة امل وحزب الله بفترة الحرب اللبنانية..وراح عشرات القتلى بين الطرفين..والجوز من نفس الطائفة..لكن المعركة كانت لاجندة خارجية..وتصفية حسابات.. يعني الشي اللي بخلي الواحد يستغرب كتير..وخصوصاً بالسياسية..انو كيف بوقت سوريا كانت تقف بصف ايران وقت حرب الخليج الاولى..وعم تدعم حركة امل ضد حزب الله المدعوم من قبل ايران..!!؟ لا يخفى ع أحد انو هالحزب قدم كتير للشعب والوطن اللبناني..وقدم اشخاص في مقابل التحرير.. لكن ياخد ع الحزب انو مدعوم دعم كامل من ايران..وايران كدولة الها مصالح..وتتبع مصالحها فقط.. ولو فتحنا موضوع عن ايران وكيف بتمشي ورا مصالحها ما رح نخلص بنوب..لكن قبل ما سكر ع المشاركة هاد..رح حط سؤال وهو كيف ايران الدولة الشيعية المناوئة للتطرف السني بتحتفط وبتقدم المكان للقائد سني متل حكمتيار وهالقائد كان الباب لدخول الحركة الاصولية لافغانستان..؟ ويا هلا.. ___________________ نسيت ضيف شغلة..انو هالشخص المذكور بالموضوع..كان بالبداية يساري..بعد فترة توجه وصار يميني محافظ وبشدة كمان.. |
اقتباس:
ما دخل .. لأنك إذا بتقارنو بطالبان بيطلع علماني طالبان كانوا أشبه بقطيع غنم و ليسو بشراً اقتباس:
مغنية ؟ اقتباس:
خففلي حماسك معلم .. أنا راسي مانو بالتراب بس إنت عيونك بدن عوينات وما بدي أيقن بالوهم لأني ما بحب إتخوزق بالأخير ... منيح ؟ |
اقتباس:
|
اقتباس:
|
اقتباس:
ما رح قول اني ضد ايران...لكن اللي بدي قولو انو المصالح لازم تكون مشتركة..بمعنى انو ما يتم تركيب المصالح الايرانية فوق كل المصالح العربية... لانو في ازمات كتيرة بين بعض الدول العربية وايران بشأن الحدود..وبعض الاراضي... وايران كدولة بتلعب دور كبير لحماية مصالحها البعيدة بالدول بالعربية..ع هامش المصالح المغيبة فعلاً للعرب..بالدولة الايرانية.. ازا بنشوف تاريخ ايران بعد الثورة..بنلاقي انو الدعم الاولي اللي اجى من طرفهم كان للجهات اليسارية..هالشي كان بالبداية كون الثورة كانت جديدة هنيك.. لكن بعد فترة قامت هي بانشاء بعض الاحزاب والحركات وقامت بدعمهم.. بشأن مغنية متل ما ذكر ياس..انو بدء مع الفتح وكان من اعضاء القوة 17 ومتل ما بتعرف انو هالقوة كتير كانت الها مكانة بذلك الوقت..لكن بعد خروج فتح من لبنان ..رح لطرف الجبهة يعني ضل يساري..حتى تم انشاء الحزب وانضم تحت لوائهم.. |
أول شي مبروك للشباب الشهيد ونيالو على هالموتة اللي كل المقاومين متوقعينها من عشرين سنة
بالنسبة للحكي عن انو المشهد ممكن يكون تمثيلية مدبرة العربية نت كتبت مقال عن هالشي تحت عنوان "صاحب "الثعلب الشيعي" يشكك في اغتيال "شبح" حزب الله عماد مغنية": - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بس انا بحب اكّدلكن انو الحاج استشهد والشباب شافوا جثتوا وما كانت محروقة متل ما عم بقولو يعني انا ما بستغرب يكون للنظام السوري ضلوع بالموضوع يعني تقديم ورقة للاميركان مقابل عدم توجيه المحكمة الدولية نحو سوريا خاصة في ظل عدم ثقة حزب الله بسوريا وهيدا الشي انا سامعو شخصيا من كذا مسؤول بحزب الله منهم نائب الأمين العامز يعني بضل النظام السوري مستعد يبيع مين ما كان مقابل بقاؤوا في الحكم والدليل انو تحقيق حزب الله بالقضية منفصل عن التحقيق الرسمي السوري. عالهامش الحاج ما كان يتنقل بحراسات مشددة متل ما قالوا الشباب كان أغلبية الأوقات يتنقل لحالو وأحيانا مع شوفيرو الخاص. وبالنسبة لصديقي فادي ليش اعتبرت انو زوال اسرائيل وهم؟! بن غوريون قال "اسرائيل تسقط عند خسارة أول حرب" ومتل ما قال السيد انو بن غوريون احد أعمدة كيان اسرائيل هو الأخبر بنقاط ضعفها. اسرائيل ليست عبارة عن دولة لها جيش, بل عن جيش مموه بدولة تسقط ما ان يسقط الجيش اللي تمرغ راسو بالوحل بحرب تموز. والأكيد انو حزب الله ما استعمل كل أوراقو بالحرب وهيدا كلام مش بالهوا وعلى مسؤولية كل اللي بيعرفو الحزب منيح. ليش بدنا نضل حاطين فكرة اسرائيل الغول اللي ما بيموت براسنا؟! فيك تراجع عدد المهاجرين من والى اسرائيل خلال الأعوام الماضية وبيتضح بداية سقوط مفهوم اسرائيل الوطن القومي لليهود والحبل عالجرار. وبالنهاية الحاج خلص دوروا أو بالأحرى أنجز الجزأ الأكبر ووضع خطط مسبقة لكل الاحتمالات وما بقي غير التنفيذ ومن المحتوم أن رد حزب الله على العملية سيكون من تخطيط الحاج شخصيا. صحيح هوي ما حمل نجوم على كتافو بس كان أعظم مخ عسكري بالصراع العربي الاسرائيلي بشهادة أعدائو وقتلوا أصبح مجرد انتقام مرضي بعدما أصبح في حزب الله العشرات من الحاج رضوان |
اقتباس:
يعني مدام القيادات تبعتك بحزب المدري شو اسمو مو واثقين بسوريا وبالنظام السوري شو قاعدين عبيعملو بعض القيادات لعنا هلأ .. وهو هادا زاتو اللي مات شو كان عبيمعل بسوريا مدام مالك ثقة بسوريا والنظام السوري فرقونا يا اخي لعبو بعيد من عنا .. منيح اجت من طرفكن مو من طرفنا .. اخي بلا هيك ثقة .. وبيني وبينك بترتاحو وبتريحو ... ووالقيادات اللي سمعت منا هاحكي كمان يعني اول الشي منرتاح منكن ومن وجع راسكن .. وبتلعبوا بعيد عنا لانو نحن ماناقصنا اللي عنا بكفي ;) بعدين بركي اميركا بتحل عنا شوي لما بتلعبوا بعيد عنا كمان .. يعني ع الطرفين نحن ربحانيين .. الحمدلله انو طلع اخيرا سبب يخليكن تبعدوا عنا شوي وترتاحو وتريحو |
اقتباس:
هاد النصر وهم بالنسبة الك ... بس بالنسبة لأغلب الشعب العربي و الاسلامي هو واقع وسيتحقق ان شاءالله مرحليا ليس المهم النصر بحد ذاته بل النضال من أجل تحقيق النصر وفي النهاية اذا الشعب يوما اراد الحياة....... فلا بد ان يستجيب القدر "ع قولة سمير جعجع مبارح":o اجل يا صديقي رح نطردهم كما طردنا الصليبيين والمغول والاتراك والغرب كما طردناهم من الجنوب كما طردناهم من غزة سنطردهم من حبل الغسيل ومن اناء الزهور سنطردهم من حجارة هذا الطريق الطويل ...... و ما بدنا منك شي لا انتي ولا غيرك بس" فكوا عنا" متل ما قال السيد حسن :D ترونه بعيدا ونراه قريبا و دائما مع احترامنا لرايك الاخر:D |
اقتباس:
شوف لقلك .. - اسرائيل اليوم دولة قائمة معترف فيها من أكبر الدول الإسلامية "السعودية - مصر - باكستان - اندونيسيا ... " و أصغر الدول كمان " الأردن - موريتانيا - تونس - المغرب .." لك حتى الفلسطينية اعترفوا و آمنوا !!! - وصلت لمرحلة النووي و مصانع السلاح عندها متل مصانع هتلر .. ما بتوقف وعم تبيع سلاح للهند و الصين .. تخيل يعني !!! - أميركا صارت دولة مو بس شقيقة و راعية و محتضنة ومتبنية لإسرائيل و أفكارها الصهيونية .. لاء صارت كمان دولة جارة لإسرائيل بفضل البغل صدام حسين - بحال الحرب ما بقى في داعي أميريكا تبوس إيدين الأوروبيين عالمتوسط لتأمين جسر جوي يساعد اسرائيل .. أساطيلها بالخليج بتكفي و زيادة __________ بس اسمحلي قلك إنك زودتها ع سوريا و اتهاماتك مجرد تخمينات ... بس يا حوينة الدلال اللي بتدللوه بسوريا بالجامعة كانوا شباب الحزب و الحركة محبوبين و مدللين لأبعد حد :D |
| الساعة بإيدك هلق يا سيدي 10:23 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
واسفر عن قتيل..وع اساس القتيل مجهول الهوي