|
اقتباس:
بقولو, اذا اراد الشعب يوما الحياة, لابد ان يستجيب القدر. اذا الشعب بطل تطبيل عالنظام للطالعة والنازلة, النظام بيحسب الف حساب قبل ما يعمل شغلة غلط. بدال ما يعملها هو ومرتاح. لما الشعب بطل تطبيل للنظام, بيطلع من بيناتو ناس بتعرف شو الغلط اللي عملو النظام وبتعرف انو هاد ما لازم يصير. واذا هية بيوم استلمت, ما بتعملو. بس طول مو شايفين انو النظام عين الله عليه, فاذا وين المشكلة بالبلد!!!!!؟؟ نحن هون بمنبر اخوية عم نحكي ونلعي, ونكتب مشان الناس تشوف الغلط وتعرف مين المسؤول عنو, مشان تعرف مين تحاسب. الحل بايد الشعب. ولما الشعب يكون واعي, هو اللي بمشي البلد متل ما بدو. |
هلئ مرحبا اخوية
وكل الي مرو لهون انتو عمتحكو عالفساد طيب وين الفساد عنا بسوريا مافي هيك شي بالمرة نحنا سوريا وبالاخص الحكومة السورية بعيدة كل البعد عن هالاتهامات لك انتو وين عايشين انتو حكومتنا انزه حكومة مرت عسوريا ...... واكيد ما رح يمر بعدها لانو الحكم ملزق تلزيقة الله مولاها وتغيير حكومي مافي لانو عميحاربو الفساد بافضل شكل بسوريا ما عنا فساد ابداااااااااااا بادارة المرور على سبيل المثال ...... وباقي الامثلة عالطريق ....... مافيها فساد ازا اجيت شي يوم قلتلكن انو مرة لما توفى جدي الله يرحمو السنة الماضية كان يشتغل على سوزوكي موديل السبعينات 1976 على ما ازكر رحنا لنبيعها لانو الوضع عنا بالبلد كتير مريح وما بخلي الواحد يبيع حالو مشان يضل عايش ولما بدنا نصفي زمتنا عند ادارة المرور بينطلي واحد خايف على مصلحة الوطن ومصلحة البيئة وبيطلعلي بمخالفة 6000 ال شو هي ضريبة اوزون ....... اي يلعن رب هيك نظام شو رح يسدو طبقة الاوزون بهال 6000 لعما عهالمسخرة وبتقلولي في فساد بالبلد لك دخيل الله وين الفساد بالموضوع نحنا ما عنا فساد ها لا تسدقو هالحكي نظامنا السوري هو النظام الوحيد اللي ما عليه عيوب ........... نكتة جديدة سجلولي ياها عندكن |
اقتباس:
المشكلة انو ازا هالنظام عين الله عليه بنصحو بنضارات عالحارك للمحروس اقتباس:
اي اهلين واعي انو وعي هاد اللي بصير عند هالشعب ازا ولادنا لهلئ اول كلمة بيوعو عليها امة عربية واحد وحزب البعث والله وبشار وبس من وين بدك يجيهن الوعي؟؟؟ |
رجعنا لنقطة البداية
ما استفدنا شي |
شلون يعني رجعنا لنقطة البداي وما استفدنا؟؟
يعني شو مثلا بدك ياني اعمل؟؟ اقعد وقول بالروح بالدم نفديك يا بشار؟؟ هيك منكون استفدنا؟ |
اقتباس:
عم بحكي عن الرد اللي قبلك طبعا التطبيل والتزمير ما بيفيد والاحسن انك تقول للمخطئ مخطئ بعينه وتفهمه وين غلط لحاله مو تحمل مثلا مسؤولية الكهربا للنظام وحزب البعث والرئيس والحكومة ونبدا نسب تقوم ترد عالم تانية ويمشي طق الحنك جاد بدي اسالك وقت كانت الكهربا عم تقطع بسوريا الحديثة ولهلا شو كان صار لو طلع الشعب مظاهرة بالسبع بحرات وطالب بالستقالة الوزير بس لا الشعب اتحرك ولا الوزير استقال وقولك بيعملا الشعب شي نهار |
اقتباس:
لك يا حبيبي يا عيني بدك الشعب يطلع ويساويلك مظاهرات؟؟؟؟؟؟ لك البني ادم ببلدنا ازا بدو يقول به بتلاقي الستيشن ادام بيتو ناطرتو ويلا ادامي على كفرسوسة لشوف وانت بتعرف منيح شو يعني كفرسوسة ازا كل بني ادم ببلدك هيك عمصير فيه من وين بدك يجيها قلب العالم تطلع وتتظاهر وتطالب وتندد باستقالة او غير استقالة مو ليخف هالنظام الدكتاتوري على رب هالشعب لحتى يقدر حدا يسترجي يفتح تمو بحرف وبعدين حتى لو طلع الشعب بمظاهرة وطالب باستقالة وزير ما.............. ما بدك مين يسمع |
اقتباس:
هي قلت به وما حدا قللي على كفرسوسة ليش شوفي بكفرسوسة؟ وليش لحتى ما تتظاهر ؟ بعدين في فرق وقت بتحكي بعقل ومنطقية وانو تحكي شروي غروي هلا وقت بتعلي صوتك يسمعوا وعلى فرض الموضوع متل ما عم تحكي لكن لتقعد العالم ببيوتا وتسكت وخلص نسكر هالمسلسل |
اقتباس:
اقتباس:
اقتباس:
ليش فيك تخبرني العالم شو عاملة غير هيك؟؟؟؟ |
اقتباس:
ليش الواحد صاير لما يحكي الشي متل مانو صاير بدون استبدال مفردات او تغيير بصير شروي غروي ما رح نطلع عن الموضوع الاساسي........ |
| الساعة بإيدك هلق يا سيدي 07:10 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون