أخوية - التوحد الطفولي

أخوية (http://www.akhawia.net/forum.php)

- فلسفة و علم نفس (http://www.akhawia.net/forumdisplay.php?f=67)

- - التوحد الطفولي (http://www.akhawia.net/showthread.php?t=89175)

اقتباس:

كاتب النص الأصلي : Reemi (مشاركة 1100659)

بس هالولد الي بالصورة اكيد وصل لمرحلة جيده من العالج حتى قدر يرتب هدول فوق بعض , صح؟

لا . العلاج ما دخلو
هنن أطفال التوحد عندهن قدرة عترتيب المكعبات . عالتلوين والرسم عفنون ابداعية معينة ما بيقدرو باقي الأطفال يعملوها
انا بذكر ذاكرة هالشي ببداية الموضوع
:D

كتير من أطفال التوحد بيكون عندهن شي من الابداع .. بيعملو أشيا الاطفال العاديين ما فيهن يعملوها .[/quote]
شكرا اول شي
كلامك مزبوط كتير.. لانو عدة مرات قريت انو الاطفال المابين بالتوحد بسبب قدرة تركيزون العالية على شي محدد ممكن انو يكونو مبدعين بشي معين مثلا في منون مبدعين بمجال الحساب الفوري يعني بتسالون عدد من مراتب متعددة ضرب عدد تاني بيجاوبوك فورا دون كتابة وهي موهبة مو اي حدا بيقدر يتمتع فيا..
كمان في منون عندون قدرة خارقة على الحفظ.. يعني ممكن يحفظ اي كتاب مع ارقام صفحاتو..
والملفت للنظر انو هدول الاشخاص لما بيبلشو يتحسنو من مرض التوحد بيفقدو قدراتون المتميزة بشكل تدريجي وبيرجعو طبيعيين وهي مسالة بيطول شرحا شوي.. اذا حدا حب اشرح اكتر بحكي كمان..
طبعا لما منقول في اطفال ما بيكون الكل بس هي ظاهرة ملفتة موجودة بكترة عند اطفال التوحد

بالبداية شكر كبير على الموضوعبس في عندي سؤال يا ريت حدا يقدر يجاوبني عليه,
هلا بالبداية انا عندي طالب بصف الرابع يعني عمرو تسع سنين , بيتمته بذكاء نادر وذاكرة ما طبيعية , يعني مثلاً بالرياضيات مسألة حسابية بيقدر يحلها بدون ما يحتاج ورقة وقلم على عكس رفقاتو , بس فيه مشكلة أنو التركيز والانتباه عندو كتير ضعيف , وكلامو كتير قليل , وقدرتو على الكتابة كتير ضعيفة , وعندو تفاعل اجتماعي بس ضعيف يعني ممكن أنو يكون عم يتواصل معي بشكل كتير طبيعي وفجأة بيسكت وبروح , كمان بالنسبة لتعاملو مع زملائو بالصف في تفاعل اجتماعي بس ضعيف وقليل ما بيحكي مع حدا لمدة طويلة.
هلا السؤال هون هل التوحد درجة واحدة ولا فيه عدة درجات من التوحد.وحالتو لهل الصبي هيي حالة توحد ولا ضعف تركيز.
تاني شي كيف ممكن قوي علاقتي معو وخليه يتفاعل أكتر بالدرس . وحتى أقدر خلي تفاعلو بشكل عام أكبر .
بتمنى اذا حدا عندو معلومات يساعدني
:D

هلا...
هلق انا بتوقع انو الطفل عندو حالة توحد.. من اعراض التوحد الرئيسية ضعف المهارات اللغوية وزيادة مهاراتو الحسابية وبيكون واضح قدرتو على اللعب بالعاب المكعبات والاشغال اليدوية وانو يقعد على اللعب وقت اطول من غيرو من الاطفال.. يعني اذا كان الطفل عندو هادا العرض اضافة الى الاعراض اللي ذكرتيا بتوقع يكون عندو حالة توحد..
مزبوط كلامك عن انو في درجات للتوحد..
هلق علاقتك معو بتصير قوية .. بدون ما تلجأي للاهتمام المباشر يعني بدون ما تنفردي معو..
اول شي ممكن تسلمي مهام بالصف.. وممكن انك طلبي منو يكون عريف مثلا.. او تزيدي مشاركتو بالصف..
بعدين ممكن تحكي معو على انفراد..
هادا رأيي .. وبتمنى تخبرينا عن التطورات..

اقتباس:

كاتب النص الأصلي : فسحة أمل (مشاركة 1153997)

مزبوط التوحد الو درجات حسب درجة تقدمو

هلأ أنا مافيي قلك اذا معو توحد اولا مافيني اجزم , لأن كتير اطفال بيكون عندهم انغلاق عالذات وخجل بالصغر
في ادوات للتشخيص
بس هي الأعراض يلي ذكرتها تخلي الاحتمال أكبر
والحل برأيي تطلب من أهلو عرضو على اختصاصيين يستخدمو أدوات التشخيص يلي تم ذكرها بالموضوع أو أساليب تانية

اقتباس:

أدوات التشخيص:
يبدأ التشخيص المبكر وذلك بملاحظة الطفل من سن 24 شهراً حتى ستة أعوام وليس قبل ذلك، وأول هذه الأدوات:

1)أسئلة الأطباء للآباء عما إذا كان طفلهم:
- لم يتفوه بأيه أصوات كلامية حتى ولوغير مفهومة في سن 12 شهراً.
- لم تنم عنده المهارات الحركية ( الإشارة- التلويح باليد - إمساك الأشياء) في سن 12 شهراً.
- لم ينطق كلمات فردية في سن 16 شهراً.
- لم ينطق جملة مكونة من كلمتين في سن 24 شهراً.
- عدم اكتمال المهارات اللغوية والاجتماعية في مراحلها الطبيعية.
لكن هذا لا يعني في ظل عدم توافرها أن الطفل يعاني من التوحد، لأنه لابد وأن تكون هناك تقييمات من جانب متخصصين في مجال الأعصاب، الأطفال، الطب النفسي، التخاطب، التعليم.

2)مقياس مستويات التوحد لدى الأطفال(Cars):
ينسب إلى "إيريك سكوبلر " Eric schopler - في أوائل السبعينيات ويعتمد على ملاحظة سلوك الطفل بمؤشر به 15 درجة ويقيم المتخصصون سلوك الطفل من خلال:
- علاقته بالناس.
- التعبير الجسدي .
- التكيف مع التغيير.
- استجابة الاستماع لغيره.
- الاتصال الشفهي.

3)قائمة التوحد للأطفال عند 18 شهراً (Chat):
تنسب إلى العالم"سيمون بارون كوهين" Simon Baron-Cohen - في أوائل التسعينيات وهي لاكتشاف ما إذا كان يمكن معرفة هذه الإعاقة في سن 18 شهراً، ومن خلالها توجه أسئلة قصيرة من قسمين القسم الأول يعده الآباء والثاني من قبل الطبيب المعالج.

4)استطلاع التوحد:
وهو مكون من 40 سؤالاً لاختبار الأطفال من سن 4 أعوام وما يزيد على ذلك لتقييم مهارات الاتصال والتفاعل الإجتماعي.

5)اختبار التوحد للأطفال في سن عامين:
وضعه “ويندي ستون” Wendy Stone - يستخدم فيه الملاحظة المباشرة للأطفال تحت سن عامين على ثلاثة مستويات التي تتضح في حالات التوحد : اللعب - التقليد (قيادة السيارة أو الدراجات البخارية) - الانتباه المشترك.

هلأ كيف تتعامل معو
إذا ماكان مصاب بالتوحد فيك تستعمل أساليب كسر الخجل وتجعلو يقوم بالمباردة وهالشغلات
أما اذا تم تشخيص التوحد معو
فالقصة بدها طرق مدروسة
في أسلوب البطاقات التعليمية أنت كمعلم فيك تستخدمو
بس طبعا في علاجات العقاقير والحمية الغذائية والتحليل النفسي والموسيقى لازم الأهل يتبعوها
هي الأساليب كمان مذكورة بأول الموضوع

أنت برأيي واجبك تخبر أهلو إذا أنت ملاحظ بوادر هالأعراض
يا هلا فيك
هاد رأيي نشوف كمان شو بقية الآراء الموجودة
:D

اقتباس:

كاتب النص الأصلي : Nay (مشاركة 1154150)

هلق علاقتك معو بتصير قوية .. بدون ما تلجأي للاهتمام المباشر يعني بدون ما تنفردي معو..

مزبوط حكيك ناي نقطة مهمة
دايما أطفال التوحد يهربو من الاهتمام المباشر
:D

بيجنن هالموضوع يعطيكي العافيه :D
وشكرا على الشرح المفصل والمفهوم
يسلموا:D