أخوية - الاعضاء البشرية ... بين التجارة والتبرع

اقتباس:

كاتب النص الأصلي : Fares

أنا لفت نظري (شبه) إجماع كل مين علق ع الموضوع ع نقطتين:
1- الإتجار بالأعضاء حرام ويجب مكافحته.
2- ما في مشكلة بالتبرع بالأعضاء بعد الموت..

هلأ فيما يخص النقطة الأولى... أنا ما بشوف أنو الإتجار بالأعضاء حرام.. الحرام هو يلي الوضع يلي بيخلي الإنسان يوصل لمرحلة أنو يرضى يعيش ناقص عضو على أن يموتوا كل أعضاؤو...
أنا بشوف أن الإجرام هو أنو أنا بيع عضو شخص تاني! (نصب طبي، اختطاف أطفال، ....) أما إذا شخص وبكامل وعيه وإدراكه قرر أنو يبيع كليته مثلاً، فأنا هون بشوف أن مبلوعة نوعاً ما..

أما فيما يخص النقطة التانية... أنا بشوف أنو في مشكلة... المشكلة بعدم التبرع بالأعضاء بعد الموت!! يعني إذا أخذتها من منطلق إنساني، فأنا عم ساعد شخص على الحياة بالوقت يلي أنا ميت بجميع الأحوال.. وإذا أخذتها من منطلق شخصي أناني بحت، فأنا بهالطريقة عم أوصل للخلود بأن رغم موتي إلا أن أحد أعضائي لسا عايش....

على فكرة بالنسبة لموافقة الأهل أو الزوج أو الزوجة ... إلخ.... فالقانون هون بألمانيا أريح... أنا مثلاً موقع على ورقة أنو وقت موت ما مسموح للشخص يلي بيستلم جثتي أنو يسأل حدا من أهلي إذا بوافقوا على التبرع بأعضائي. يعني أهلي ما عاد مسموح أنو يتدخلوا بمصير أعضائي بل الطبيب يلي بيقرر وفاتي له كامل الصلاحية بالتبرع بما ينفع من أعضائي...

هلئ ما ممكن يكون الإتجار لصالح مؤسسات خيرية وبيتم من خلال عمليات مشروعة بترخيص مو وزارة الصحة؟؟
يعني متل شخص بكون بصحة جيدة وجسمو بيقدر يأدي الوظائف الحيوية- لنفرض مثلا بكلية وحدة - بيروح ببيع
كليتو لاحد هالمؤسسات وهي بدورها بتمنحها - ما بتبيعها طبعا - لاحد المرضى او المستشفيات بعتقد هيك بكون الإتجار شرعي ...
أما البيع للتخلص من الفقر فبظن انو هي اكبر مشكلة ومشكلة بالانسان اللي عم يبيع احد اعضاء جسمو انو انسان ماعرف يشتغل بجسد كامل كيف بدو يشتغل وعندو نقص باحد اعضائو .... طبعا في حق كبير على الدولة
اللي بتخلي شعبها يوصل لهي المرحلة. هاد بالنسبة للنقطة الولى أما بالنسبة للنقطة التانية
فأنا معك انو فيها نوع من الانانية في حال كان هاد الشخص اللي تبرع بعد موت امتنع عن تقديم احد اعضائو لشخص ما ... بس إذا كان على استعداد قبل ما يموت بالتبرع وما اجت فرصة مناسبة أو ظرف بيسمح انو يتبرع
فهي بتكون انسانية طبعا وبناخد بعين الاعتبار انو لو موجود مؤسسات متل اللي حكيت عنها بالنقطة الاولى بتسمح للشخص انو يتبرع بمقابل او بدون مقابل - طبعا المقابل بكون شيء رمزي - ولنفرض مثلا انو رعاية صحية في حال اتعرض لازمة ما .... هلئ وشغلة تانية ممكن هاد الانسان ما يكون جسمو قادر على تأدية وظائفو في حال نقص أحد الأعضاء بينما لما يموت ماعاد بتفرق لانو ميت وما بعتقد انو هيك بكون صار في خلود بالموضوع
لانو بالنهاية هاد العضو رح يموت....- الموت نتيجة حتمية لاي مخلوق -