- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

والخامسة
عم بستعجل لانو الاخوية ما بعرف شو قصتا ساعة بتفتح وعشرة لا

كلا الأغنيتين رائعتين..

فيروز هي دمعة فرح و نظرة أمل.. هي الاحساس و الفن و الرقي, هي الموسيقى الراقية

الأغنية الرابعة بصراحة أول مرّة أسمعها ... جميلة جدا" و ذات كلمات رائعة... فعلا" الرابط الأسمى هو الانسانية, جميع الامور الأخرى جانبية...

يا سلام!!!

يا أخي كلنا سوا فرقة رائعة فعلا... الأغنية أول مرّة كمان اسمعها رغم انو عندي أغاني كتير لكلنا سوا... شكرا عالاضافة :D

عودة من جديد الك
واخيرا حلينا عقدة بطء الخط عقبال العقد الاخرى

ياس ايمتى اخر حفل موسيقي حضرته

آخر حفل حضرته كان بشهر نيسان الماضي لمّا اجا الشاب خالد .....

فقرة التواقعيع في 5 تواقيع من الاعضاء بالاخوية

شآم ... وجع يغور فينا عميقاً ..
ولا يستكين ..
ولا يصرخ ...
شام ... سامحينا !!!
روحــــــــــــــي
ســـــــــــــــوريا

zen


عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
krimbow


When you look at her Eyes .. & she's looking back in your's
you feel stronger & weaker at the same time..
the truth is.. you don't know what you feel

simon

إذا تعبت أضع رأسي على كتف قاسيون و أستريح و لكن إذا تعب قاسيون على كتف من يضع رأسه
chefadi

أنا أفكر ... إذا الفكر موجود
أنا أتألم .. إذا الحزن موجود
أنا أضحك .. إذا فالسعادة موجودة

أما (( أنا )) فهي حقيقة قائمة بذاتها بدون إثباتات , و لولاها لما كان كل من الفكر و السعادة و الحزن موجود ....

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

sabe

فقرة الوصايا العشر رح اطلب منك تكتب وصيتك

أوصي والدي ب

أوصي أعز أصدقائي ب

أوصي طارق الغوراني ب

أوصي زياد الرحباني ب

أوصي فخامة الرئيس بشار الأسد

أوصي بالتبرع بكل مكتبتي الى

أوصي التبرع بكل ما املك الى

أوصي أن يصلى علي وأدفن في

أوصي من احب ب

اعترف بشئ لم افله من قبل وهو

بهالفقرة صاحبي اتعكست الادوار وصرت انت المحاور وانا الضيف بانتظار اسئلتك والمجال الك

هلا اجا دور موضوع حق الدفاع

بجيش وطني حقيقي و بدون اعتبارات حزبية طائفية طبعا" مستعد أخدم بل و مستعد أتطوع. بالجيش الفاسد الحالي الموجود أكيد الجواب هو لآز

هاد الكلام انت اللي قلته وبيبقى رايك وانا بحترمه بس
شو يعني اعتبارات حزبية
شو يعني اعتبارات طائفية
على اي اساس انت بتحكم على الجيش الحالي انه فاسد

الاسئلة الثلاثة هدول مو انا اللي عم بسالك ياهون عضو معنا طلب مني عدم ذكر اسمه طلب اني اسالك ياهون والك حق الدفاع

يعني هو شعر,, لكن تشبيه الشام بالوجع ما أحبو.. شام العزة و الكرامة, شام العلم و الأدب

راح أحكي شغلة: لما كريم بدأ بالأخوية كنت مشرف على المنبر الحر.... كان معقدنا بكل الأقسام, كان مشاغب المنتدى لأنو كان شاطر ينكش مواضيع قديمة... بسرعة صرنا صحبة و لما اضطريت أترك المنبر اقترحت على حسام اسم كريم لاشراف المنبر (اقترحت كمان اسم عضو آخر بس هالعضو ما وافق لذلك ما راح اذكر اسمو)... و صار كريم مشرف


كلام جميل و صاحب التوقيع عضو رائع فعلا...

دوّر على أغنية أسمها : when you tell me that you love me

قاسيون جبل الآلهة تبعنا.... شوفة الشام بالليل من قاسيون على نفس أركيلة و كاسة شاي تسوى شارون ببردعتو



لك سعيد!!! وين راح النسكافيه؟؟؟!!!

كلام حلو و صحيح...

أنو يبقى كما هو .... انو لا يتغير

أعز أصدقائي ما فيني أوصيه بشي, ما بدو توصاي ... بس أنو يسلملي على بيروت

انو يجيب الشباب معو و يجي بسرعة... مشتاقيلهون
زياد أوصيه أنو يدير بالو على أناملو , وأنو هالبيانو ما يبطل عزف و هالقلم ما يبطل كتابة
أنو يفكر بالفرق بين الدولة و المزرعة الخاصة, انو يعرف أن القوة لا تصنع الحق, و أنو يخلي ببالو أنو الحديد و النار لا يكفي لخنق الحرية

أي حدا يقراها و يستمتع بيها

ما عندي هالأملاك الخيلة... هالكمبيوتر و السماعة و كم كتاب....كمان ليللي بيحتاجهون من أصحابي
الشاة المذبوحة لا يؤلمها السلخ. أنا موصي و عامل وثيقة مشان في حال الوفاة يتم التبرع بكل الأعضاء الممكن التبرع فيها لآنقاذ حياة أحد, و الباقي لكلية الطب اللي عم ادرس فيها.... دفن مافي

مثل ما أوصي أبوي .... لا تتغيري وليك :lol:

و الله ما بعرف هلأ ما بيخطر على بالي شي!!

لما بعتتلي أول دعوة للبرنامج قلتلي أنو أنا عضو أستفزك أحيانا ... ليش؟؟؟

ومني كمان تحية لسعيد على الجهد الي عم يبذله كرمالنا كلنا

ما حبيتها هاي حق الدفاع... ما عملت شي غلط لحتى أدافع عن نفسي ... يالله مو مشكلة.

اعتبارات حزبية ماني جايبها من بيت أبوي.. الجيش العربي السوري بنظامو الداخلي هو جيش عقائدي و ليس جيش وطني... يعني الجيش عم يدافع عن عقيدة محددة و هي العروبة و الاشتراكية البعثية و أنا لا أحمل هالعقيدة... أنا مستعد أدافع عن سوريا بمفهوم مجرّد

اعتبارات طائفية: يعني بشرفكون سمعتو بشي واحد من الجزيرة رتبتو فوق العقيد .... في مناطق بسوريا مظلومة بالجيش و ما عندها امكانية للصعود. و في أسلحة متل سلاح الجو حكر تقريبا على أبناء منطقة معينة. و لما أقول طائفية ما أعني فقط طائفة دينية... بل حتى على مستوى مناطق


أنا ما أحكم بل أنا أقول أنو الجيش العربي السوري جيش فاسد بل و فاسد جدا..ز
- كمية السيارات الفاخرة التي تحمل لوحة الجيش لا يمكن فهمها و لا فهم سبب وجودها.
- أبناء كبار ضباط الجيش العربي السوري هم كبار رجال الأعمال (هذا من فضل ربي)
- بسوريا اذا راح تخدم جيش و عندك مصاري فيك تخدم وين ما بدك و كيف ما بدك بالرشوة.
- الجيش العربي السوري ينفق مبالغ هائلة على بعثات دراسية لصالح أبناء الذوات فقط
- الجيش العربي السوري ينفق مبالغ هائلة على علاجات بأفضل المشافي لصالح ناس لا علاقة لهم بالجيش ز

وهكذا كثير

ياس نورت البرنامج بشكرك كتير على الحلقة

سلامي الك والى اسبانيا وناطرينك بالشام

بتمنالك كل التوفيق

ضيفي الجايي هو ash

yass الك الكلمة الاخيرة

شكرا جزيلا على استضافتك.... و استروا ما شفتو منّا


:D:D:D:D:D