|
اقتباس:
فيكي تقوليلي شو فهمتي .؟ |
اقتباس:
انا الغلط غلطي .. و ما كنت حاسبها مظبوط .. بعتذر منك لأنو قلتلك أنو انت موالاة .. اقتباس:
أذا أنت شخصياً بتشوف هل رد فاضي و مالو معنى و بس حكي .. بيجوز غيرك يشوفو غير شي .. اقتباس:
أما ليش كريم .. كريم أنسان مثقف و لـ أبعد حدود .. كريم كان ليبرالي .. و معارض لـ بعض سياسات الدولة .. كريم سوري و ابن سوري و جداً عن جد .. ومن الشام .. كريم لما قرر يعارض ( مدري أذا هل تعبير صحيح كتير ) .. ما كان همو أنو يقبض مصاري على الحكي يلي عم يحكيه .. لأنو وضعو المادي كان كتير منيح .. كريم كان عم يحكي لـ مصلحة البلد .. لمصلحة سوريا .. كريم أنسان ما بيقل الذل و ما بيحطا واطية لـ حدا .. كريم انحرم من حريتو فدا الوطن و وضحى بـ أغلى شي عندو كرمال هل بلد .. هاد الحكي ما بيتطبق على كل رجالات دولتنا الكريمة .. اللي همون الوحيد يعبو جيوبون و يأمنو حياتون لـ 500 سنة تاني .. |
اقتباس:
|
اقتباس:
لكان شو كانو عم يعملو كل هالوقت !؟ شو كل هالاسئلة ؟ يعني بتندج تحت اي نوع من الاسئلة !؟ اقتباس:
* - مأخودة من عبقرية - :p .. تانياً ... بئا انت تركتلي كل الرد " الطويل العريض " واجيت ع نص السطر اللي قلتلك هات شي بيثبت كلامك .. وكل شي ما عدا هيك طنّشتو ! يلا بسيطة ... مو هالقصة الكبيرة بكل الاحوال .. اقتباس:
المهم .. امبارح كنت عم دوّر ع المقابلة هي .. فـ احزرو شو طلع معي ؟! ( بالاضافة لالها ) طلع معي رأي المنتج تبع المقابلة :p هلأ هو حكى كتير ، بس بالنسبة للموضوع اللي بيخصنا قال عن اجوبة الرئيس السوري : " and i think he's responsable of surprise a number of people , because certainly he did not shy away from an answer " فـ 1) يعني بعد هيك تعليق منّو ، بتظن انو كانت الاسئلة عند الرئيس من اسبوع ولهيك " اتفاجأو " بردودو !؟؟ بالعكس !! كان رح يلاقيها عادية كتير ، بما انّو اخد وقتو ليفكر بكل سؤال مليون ساعة ! ولا كان " اندهش " هداك بالاجوبة اللي قالها مع انو عرفانين هنن شو سائلين ... 2) فعلاً فعلاً انتو غريبين ! كل العالم الغربي واقف ضد سوريا ، و بيعتبروها " دولة ارهابية " وعم يحذرو رعاياهم انو يروحو لهنيك ... بس ( ولاحظلي هالـ بس الله يخليك ) ، بس مع هيك .. ما بينكرو انو بشار الاسد شخصية بتثير الاعجاب .. بعدين بتجو انتو ( اولاد البلد ) وبتبلشو نق ليوم النق " مو عاجبنا " .. " وبدنا غيرو " .. " ويا ريتو بيعمل شي قد ما بيوعد " ... انا برأيي ، من خلال الفترة المنيحة اللي قضيتها بسوريا هالسنة من بعد 3 سنين ، البلد تحسّنت كتييييييييير ... اي صح ، لسه في فساد .. و اي صح ، لسه البلد بدها شغل كتير .. لــــــــك و اي صــــــــــــــــــح ، كل الظروف ضدنا ، ومع هيك بعدنا واقفين .. لك شو بدكن بالضبط !؟ أي دولة تانية كانت راحت من زمان بظل هيك ظروف ! اتطلع عالخريطة .. من كل الجهات البلدان المجاورة لسوريا يا اما فيها حروب يا اما تابعة لاميركا ومتل ما بتؤمر بيصير .. الاستقرار الداخلي فايت بمليون حيط ، وبقيانة سوريا الوحيدة اللي سالمة من هيك شي لهلأ ... بدل ما تضلّو واقفين بمكان واحد و" مالنا متحركين لتغيرولنا الرئيس " ويجي واحد ع مرائنا ( هي اذا صار واتفقتو ع واحد واجمعتو انو اي والله هاد عاجبنا ) .. ليش ما تبلشو تعمرو وتغيرو وتطورو بالبلد بغض النظر مين رئيسك !؟ هي لبنان ، مو عاجبها حدا من الحكومة ... بس هل العالم وقّــفو حياتون من هون ليحلّو الازمة !؟ اميركا ، ما عادو يطيقوه لبوش بالفترة الاخيرة ، هل هالشي منعون وعطّل عليهون حياتون ونغّص عليهون معيشتون !؟ لاء ! لكان ليش نحنا هيك !؟ بتضلّو بتقولو ( شبعنا وعود وهات الفعل بئا ) ... طيب ليش ما بتشوفو حالكون متل ما بتشوفو غيركون ؟ يعني انتو بدل ما تضلّو عم تتابعولو حركاتو وسكناتو وهو مو عاجبكون ، بس لحتى تمسكو عليه شغلة وتجو تقولو " هه شفتو !؟ ما قلنالكون مو نفعان ! " .. ليش ما تكملو حياتكون عادي وتساعدوه لحتى ينهض بسوريا !؟ بعدين اصلاً كيف بدّو يعمل شي وما بيطلع قانون جديد الا جاهزين للاعتراض قبل ما نعرف شو هو واذا فيه مصلحة لسوريا ولالنا ولا لاء .. بتعترضو بس لانو المصدر " هو " ! اقتباس:
وقت اللي كان كريم هون ، شوف " كم " المشاكل والشكاوي والاعتراضات اللي كانت عليه وعلى اسلوبو .. و لمــّا غاب .. صار " كلّــنا كريم " .. نفس الشي صار وقت طارق ... ما عم احكي عنك ، بعرف انو انت معو من البداية .. بس حبّيت قلك انو مشاعرك تجاه شخص - بالذات في ظل هالاوقات والغضب العارم من اللي صار معو / فيه - ، ما بتعني تأهيلو ليكون رئيس .. :D |
اقتباس:
هلئ هو الفكرة من حيث المبدأ صحيحة - تكملو حياتكن عادي وتساعدوه لحتى ينهض بسوريا - بس شو المقومات الموجودة بالبلد حاليا ليكمل الواحد حياتو عادي .. طبعا الغلط مو بالحكومة لحالها المسؤولة عن الاوضاع الداخلية بسوريا كمان الشعب إلو دور كتير كبير بالوصول لهيك اوضاع -طبعا عم احكي عن الناحية الاقتصادية - وهي الناحية المحركة لنق الشعب واعتراضو معو انو هو مساهم بالوصول لهاد المستوى كمان في كتير امور الشعب إلو دور فيها وانتو بقى دققوا بكل شغلة بالبلد من كل النواحي |
اقتباس:
:D:D:D:D:D:D:D:D الى ابد الابدين امين |
اقتباس:
انا سمعتون قالو انو بشار الاسد ديكتاتور, وقالو كمان انو سوريا كانت دولة الها مركز مهم كتير بالقديم, بس هلق ومع سياسة الحكومة الحالية قلبوها لدولة متخلفة. (شي من قبيل هالحكي) اما بالنسبة لاولاد البلد, فهني بيعرفو بلدهون اكتر من اللي مو ولاد البلد, وبيعرفو شوفيها وشو ما فيها اكتر من غيرون. اقتباس:
:humm::humm::humm: مو ملاحظة انو ردك كتير, مو شوي فيه تحيز مع الحكومة؟؟ |
اقتباس:
حدا أعترض عـ القانون أستثمار رقم 10 ؟ لا .. لأنو هل قانون كان عم يخدم البلد .. نحنا ماننا معارضة مطلقة .. ولا نحنا معارضة بـ الأصل .. نحنا شباب .. لما بيكون غلط منقول غلط ..ولما بيكون صح منسفقلو و مندعموا .. وماننا جاهزين للأعتراض قبل ما نعرف شو القانون مثلا.. متل أنو كل شخص مجهزلو تهمة قبل ما يخلق .. مو همنا الوحيد أنو يتغير الحكم .. همنا الوحيد سوريا تعمر .. و أذا كنا عمم نطالب بالتغيرر ببعض الأحيان .. مو معناه بدنا شخص يمشي مصالحنا و الشعب التاني كلوو بحفض .. هدفنا أنو ما منشوف أشخاص كارهين حياتون لأنو ما عم يلاقو أكل .. هدفنا لما يجي مستثمر بدو يعمل حركة بالبلد و يشغل البلد و ينميه .. تستقبلو الدولة و تمشي شغلو .. هدفنا لما الطالب يتخرج من الجامعة .. يلاقي شغل و يشتغل .. مشان يحس حالو عامل شغلة عما يفيد هل مجتمع .. مو يعقد 5-6 سنين لا شغلة لا عملة بعدين يفكر بالسفر .. أنا كنت طالب بكارلوريا ( ولساتني ) كل ما كان واحد يسألني شو بدك تدرس .. ما كان يستناني حتى جاوب .. كان بيقلي بدك تسافر ما ؟ لا انا مابدي سافر .. بدي ضل بالبلد و أشتغل للبلد .. بدي يتحقق حلمي و شوف سوريا دولة ينضرب فيها المثل .. بالحضارة بـا التعليم . بالثقاقة . بالتطور . بالنضافة . بدنا ترجع سوريا متل أيام زمان زمان .. لما كانت مركز أشعاع حضاري .. و منارة هدت كل الأمم .. :D |
اقتباس:
الله محيي اصلك .....:D رااااجعة باذن الله :gem:...طبعا بأذن الله او سعدو او اي الاه ..بس بأيدين شبابها ...يعني ما بكفي نقول سوريا الله حاميها .. ونسدق ونقعد بالبيت ونااااام :jakoush::jakoush::jakoush: |
اقتباس:
بس أكيد هذا مو رأي الغالبية في الغرب، وكثيرين ممن يصفون سوريا وحكومتها بأنها دولة داعمة للارهاب،وبأن رئيسها ديكتاتور، يعتمدون في آرائهم على الاعلام الغربي، ومافي داعي نحكي مين الجهات المسيطرة على وسائل الاعلام المؤثرة في الغرب، لأنها صارت معروفة اقتباس:
مو شرط انو كل واحد بيحكي رايه بجانب من جوانب سياسة الدولة ، يكون متحيز للحكومة وموالي لها،بالسراء والضراء، في كتير ناس بتأيد الحكومة بسياسات معينة وبتخالفها بسياسات أخرى،وهالشي مابيعني انها موالية او معارضة سلامات:D |
اقتباس:
هلأ وقت اللي بتكون بسوريا . بتشوف كتير "غروبات " سياحية كلها اجانب .. انا بقلك .. الاميركان مو كتار ، الاوروبيين اكتر .. ليش ؟! المهم ،ما لفتت نظري هالشغلة كتير. ولا كتير دققت عليها ... اللي صار بعدين انو مرة كنت عم شوف فيديو باليوتوب نشرو واحد عن اجازتو بسوريا ، الفيديو كتير حلو .. وكاتب هو تعليق جنبو انو " بتمنى ارجع زورها مرة تانية " .. بتنزل لتحت لتقرأ التعليقات بتلاقي شغلات عنجد بتدايقك ... كذا واحد كانو كاتبين عم يقولولو " ? is it safe to go there " ... واحد تاني كتب " I am Italian American who wants to visit Syria and America makes us all fear to leave America. وشخص تاني : Saint Ram Bone says thanks for the view inside Syria. Let us hope Israel and the regime in the USA under the dictator of swords does not attack Syria also. The time has come to draw the line to land thieves. America's mass media is a propaganda torch for our mutual enemies 2 ) مشان النقطة التانية ، اي قلتلك انو صح في فساد .. بس لا تحمّل كل اخطاء البشرية عالحكومة ! لقلك موقف صار قدّامي ، رحنا لنجدّد الجواز مع ابن خالتي ، فـ متأخرين وشوب وعجئة وما بعرف شو .. قام اجى يرشيه مشان يخلص من هالقصة ونمشي:p ، للمفاجأة شو صار ؟! الزلمة رفض :o .. قال طالعة قوانين جديدة ومغيرين كتير موظفين وكل واحد بيرتشي عم يتبهدل ويمكن يتبدّل وما بعرف شو .. هلأ ما بعرف اذا الزلمة هو هيك شريف ولا خوفاً من القوانين عمل هالشي ... بس المهم هو النتيجة النهائية .. انو الحكومة عم تحاول تحلّ هالقصة .. الحمدالله ايام بتحسّ انو الحكومة بدها تعمل شي . حابّة تطوّر وتغيّر .. بس الشعب تعوّد ع الغلط كمان ! بدّك تصلّح وضع البلد ،صارت مهمتك مضاعفة هلأ .. لانو بدك تصلّح الشعب والحكومة ... وما حدا عم يحاول يساعد التاني ، وكل واحد بيحط الحق عالتاني وبالاخير بتضل مكانك راوح .. لا رحنا ولا اجينا .. اقتباس:
تقريباً نفس الشي ... دخلت عالموضوع لقيت الكل " ضـــــــــد " - او مشان ما نظلم حدا ، الاغلبية العظمى - يعني ما عادو شافو غير السيئات وما عادو حكو غير عن الاخطاء اللي عم تصير بسوريا .. ما عادو عم يتطلعو الا من منظور واحد .. كمان انا مو " مع " بالمطلق " ولا " ضد " بالمطلق ... بس يا اخي الشيئ بالشيئ يذكر ! فـ لهيك حبّينا نقول الجانب التاني من الحكاية ... حلو العدل . وحلوة الصراحة :D اقتباس:
عظيم .. وهاد هـدفنا كلنا :D |
اقتباس:
بتشكّرك .. كلام حلو كتير :D |
اقتباس:
معليش سماح هالمرة:lol:، وطالما كنتي رح تجاوبي بنفس الفكرة، فمافي فرق سلامات:D |
بخصوص الاول, سوريا جدا حلوة للاجنبي لما بدو يروح يعمل سياحة. بس نحن ما عم نحكي عن السياحة ما هيك?
بالنسبة للتاني, فانا من شي 8 سنين او اكتر كنت انا وابي بالسيارة قام اجا ابي وعطا الشرطي 25 ليرة. قام هداك ما قبل. من 8 سنين. وانت فهمي شو قصدي. بكل الاحوال, انا اللي عم شوفو بسوريا هو فساد من كل النواحي عدا كام بناي جديدة عامليهون ليقولو عملنا. اللي عم شوفو انو اللي قادرين يساعدو الدولة سياسيا او ثقافيا هني بالسجون. لو بالفعل بدهون يبنو كانو عطو حرية على القليلة للعلمانيين اللي بسجونهون. واناعم شوف سوء تخطيط بكافة الاصعدة وعم شوف انو نتخابات مجلس الشعب (الدمقراطية) كانت مثال يضرب فيه بالواسطات والفساد. هاي كمان صارت هالسنة يعني. مو تطوير?? على القليلة انتخابات متل العالم والناس. انا ماني عم قول الشعب ادمي وفهمان. لا انا قايلها كتير قبل, الشعب السوري متخلف وتلت ارباعو معدوم الثقافة. بس شو منساوي, اذا كل ما طلع واحد فهمان بيبعتوه عالسجن. طيب ساعدو الشعب يصير بني ادم لحالو ما بصير. لانو قبل ما تستلم حكومة الاب ما كان الشعب واللي ما تغيرت كتير. ما كان الشعب هيك يا خيتو نحن ما بدنا نقلع الرئيس وبدنا ياه, بس على القليلة خلو العالم تحكي. خلوها تساعد بتطوير بلدا اقتباس:
|
اقتباس:
وانا كمان لما كتبت الرد ماكنت عم اقصدك انت تحديدا، بس اكيد انت لاحظت خلال تجوالك بصفحات المنتدى انو شغلة اطلاق التهم عالطالعة والنازلة دارجة كتير بهالفترة، المعارضة بتتهم الموالاة والموالاة بتتهم المعارضة، وفي ناس المفروض انهم لاهون ولاهون، بس شو ماعملو وشو ماحكو بتلاقيهم بقدرة قادر اتصنفو ياموالاة يامعارضة. عنجد شغلة:sick: تحياتي الك وهي وردتين:D:D |
اقتباس:
وانا ما قصدي عالسياحة وقت اللي حطيت الرد .. لاحظ اني كتبت اقتباس:
اقتباس:
بس كمان .. اذا ما خليت خربت ! - ان كان بوقتا او هلأ - .. اقتباس:
اقتباس:
اقتباس:
بس كمان ، كان في عالم عم تصوّت لا على التعيين ، بس مشان " يبرّو ذمتون " ع اساس .. مع انو الشغلة مو اجبارية .. وكمان بعرف عالم صوتت بدون ما تقارن بين هاد وهداك .. خلص هاد جارنا ، هاد بنعرفو .. واكيد اللي بنعرفو احسن من اللي ما بنعرفو .. فـ برجع بقول ... وضع البلد مو سببو جهة وحدة بس .. اقتباس:
اذا الشعب السوري تلت ارباعو هيك .. شو تركت لبقية العالم ؟! :? |
عدنا لنفس الحلقه المفرغه يلي ناس بتلف فيها من جوا و ناس بتلف فيها من برا بردودهم
يعني انا رأي الشخصي الرئيس عطا الاجوبه الصح و بالمكان الصح ،والاهم يلي بتخدمنا كسورين و بتخدم سوريا يا اخي ما بعرف شو مخكم انتو يعني مثلا بدكم يحكي اي امريكا هيه ام الحريه و الديمقرطيه بالعالم و شرفو فوتو على بيوتنا و ستبيحو تفكيرنا و اظهرو البطل الامريكي يلي ما بيقهر و خلونا نحطلو صور على قلعة صلاح الدين و على جدران سوق الحمديه خلونا نرفع علامكم ، ولا بتحبو نحط صورة بوش على قبر صلاح الدين الأيوبي او يوسف العظمة ؟؟؟ او بتحبو انو نفوت الجيش الامريكي يعمل عرض عسكري بحواري الشام ، يلي بيوم حاربة الاحتلال الفرنسي ؟؟؟ شو المطلوب من رئيس عم يحاول يخلي شعبو معزز قدام الكل ولو على حساب الشعب بس نحنى الوحيدين يلي صامدين بوجه اكبر قوتين بالعالم يلي هنه امريكا و أسرئيل ، و كل هاد بسبب مين مو من الرئيس و لنحكي القيادة العليا ؟؟ امركم غريب يا ولاد بلدي ولله امركم غريب ، بتنتقدو و انت من داخلكم بتعرفو حتى لو تغير الرئيس مالح نكون بحال افضل ولا واحد بالميه ... ويلي بيعجبني فيكم اكتر يلي بيحكو و بينتقدو و بيعارضو وهنه خارج سوريا هدول يلي بيبعو حكي بالهوا و هنه عايشين حياتهم يمكن بيفكرو بسوريا مره بالاسبوع بس هنه معارضين للحكم و الاحلا القيادة تبع المعارضه يلي كلهم قوميه او وطينه ، اموالهم كلها من اسرئيل او امريكا ، كيف زبطة معهم القوميه و كيف بدهم يحررو الشعب يا حرام وهنه عايشين من الجزار يلي عم يضغط على هل شعب ؟؟؟ بالنهايه انا مع الدكتور بشار و الحكي مو خوف انا برات البلد من سنين ، بس الدكتور عم يعملو جهدا بكل شي ولا تحكولي شوف الشعب كيف عايش ، رأئيس على ما يزيد عن 27 مليون نسمه كيف بدو يظبط كل شي لحالو ، اي انتو بتكونو عاملين محل فيه شخصين الواحد ما بيحسن يضبط شريكو انو ما يسرق من مصاري المحل لتلومو رئيس عندو مية قصه و قضيه ... خلو تفكيرنا شوي متفتح و طلعو من هل قوقعه ... الله يحميك يا دكتور بشار ، و يقويك و ينصرك على كل واحد بيهدد امن سوريا اولا و بيهدد سيادتك ... |
اقتباس:
اذا هيه همها رايو عن الجيش الامريكي و العراق ، وكل هل حديث بتحكيلي السياسة كانت قليله كحديث !!! |
| الساعة بإيدك هلق يا سيدي 23:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون