أخوية

أخوية (http://www.akhawia.net/forum.php)
-   السقيفة (http://www.akhawia.net/forumdisplay.php?f=58)
-   -   ما في أمل (http://www.akhawia.net/showthread.php?t=78415)

اممي 02/09/2007 23:50

:Dيسلمن عالتثبت :D

ABO SUHAIL 03/09/2007 00:04

تلت شغلات صغار
1 ليش ما عما يفتحو الفيديوات معي؟
2 ليش هادا الموضوع بالسقيفة؟ تحشيشة ما ختلفنا . بس تحشيشة على مستوى المنبر!!؟ اما المنبر صار مستوى متدني اكتر من هيك تحشيشات؟!؟!؟
3 شكرا كتير عكل الحلقات وعالتعب تبعكون:D

Barleb 03/09/2007 03:06

عم تسألو عن أمل .. اي امل سافرت و تجوزت وصار عندا ولاد .. و عطتكون عمرا من خمس شهور .. يعني بأختصار البقية بحياتكون ..

اللقطات كتير حلوين ..

بس كأنو انا متذكر شي كمان متل هل ( مسلسل ) بس كان ابيخ شوي ..

hanny dagher 03/09/2007 04:51

قائد الثورة


علتان : اااااااااخ وين شارد يا ؟

فلان : وين يعني؟.... بافكاري .....

علتان :ها كانو الواحد منا عندو شي يشرد معو غير افكارو اي انا قصدي شو هيي الافكار اللي شارد معا ؟

فلان: لك كنت عم قول لحالي هالثورة هاي بقيادة مين

علتان:اني ثورة منن؟

فلان: الثورة اللي كنت شارد فيها

علتان : قصدك الثورة العربية الكبري؟؟

فلان :لا هاي ما حدا جاب سيرتا بنوب

علتان:قصدك ثورة يوليو؟

فلان :لا مو ثورة يوليو لا

علتان: لا يكون ثورة القسام ؟

فلان: الله يرحم التراب اللي لمو لا مو القسام

علتان: لا يكون الثورة البلشفية ؟

فلان: اعوز بالله شو البلشفية

علتان :ولا الثورة الفرنسية؟

فلان: لا ولا الفرنسية

علتان:لكن انو ثورة كنت عم تفكر فيها ؟

فلان:الثورة اللي لسا ما صارت

علتان :ايوا اللي لسا ما صارت

فلان:اي نعم

علتان: شبا؟

فلان: كنت عم قول لحالي الثورة اللي ما صارت اذا صارت بقيادة مين رح تكون ؟

علتان: وشو طلع معك ؟

فلان: ما طلع معي شي بالمرة احيانا بقول انو بجوز هادا اللي بدو يقود الثورة هيك موجود بيناتنا هون

علتان: هون ؟

فلان: واوقات بفكر انو ممكن يكون بقرنة ما بيعلم فيها حدا بالمرة

علتان: ايوا......

فلان: واحيانا بفكر انو اسعتو ولد صغير وبالمدرسة واوقات بقول انو قائد الثورة بجوز لسا لهلأ ما خلق

علتان: هاي هاي ازبط وحدة خليك عليها

فلان : اينو وحدة منهن؟

علتان: تبع اللي لسعتو ما خلق اللي بدو يقود الثورة

اممي 03/09/2007 06:02

اقتباس:

كاتب النص الأصلي : ABO SUHAIL (مشاركة 731198)
تلت شغلات صغار
1 ليش ما عما يفتحو الفيديوات معي؟
2 ليش هادا الموضوع بالسقيفة؟ تحشيشة ما ختلفنا . بس تحشيشة على مستوى المنبر!!؟ اما المنبر صار مستوى متدني اكتر من هيك تحشيشات؟!؟!؟
3 شكرا كتير عكل الحلقات وعالتعب تبعكون:D


يعني خيي شو مشكلة السقيفة ...يمكن وجود هالموضوع هون بيبين ان السقيفة مثلها مثل كل الاقسام
وحشيشة عن حشيشة بتختلف
وبالنسبة الي حابب يظل الموضوع هون.
اما ليش ماعم يفتحو معك فشريك نزل الwin rar لانن مضغوطين وبعدين اكيد بيشتغلو
تحياتي الك ولكل الشباب :D

اممي 03/09/2007 06:25

وهي قائد الثورة ...عفكرة يعطيك العافية هاني بس ياريت تنزل شوية مؤثرات صوتية مع الي عم تكتب لان الي بيقرا قائد الثورة بيحس انو في شي ناقص
ال10000 وردة الك :D

hanny dagher 03/09/2007 07:53

اقتباس:

كاتب النص الأصلي : اممي (مشاركة 731584)
وهي قائد الثورة ...عفكرة يعطيك العافية هاني بس ياريت تنزل شوية مؤثرات صوتية مع الي عم تكتب لان الي بيقرا قائد الثورة بيحس انو في شي ناقص
ال10000 وردة الك :D

اولا: وين المرفق ليش ما حملتو :?

ثانيا: بالنسبة للمؤثرات الصوتية
المشكلة اللي صارت انو حلقة قائد الثورة كتبتها وكنت طالع من البيت مشوار فيا دوب زبطت المؤثرات الكتابية وطلعت دغري
منجرب بحلقات تانية

ثالثا: في حلقات ما رح تطلع حلوة كتابة لازم الواحد يشوف الفيديو مثال (حلقة الكلمات المتقاطعة )

رابعا : بالنسبة ليش نزل الموضوع هون بالضبط متل ما قلت خيي اممي بس كانت الفكرة انو السقيفة قسم متلها متل بقية الاقسام ولو انو مشاركاتا ما انحسبت

خامسا: انا رايح نزل حلقة تانية :D

hanny dagher 03/09/2007 08:46

أكل هوا


فلان: هلأ انتي بحياتك اكلت هوا

علتان (بعصبية) : شو هالسؤال هادا؟ بزعل منك ها

فلان: لا لا لا تزعل ولا تاخد على خاطرك دخيلك انتي بس جاوبني

علتان: طبعا لاء

فلان: مو مزبوط هالحكي لانو اللي متل حكاياتك اكيد بحياتو اكل هوا

علتان (بعصبية): لاء هالمرة رح ازعل منك ها

فلان (ببرود): لك اي لا رح تزعل ولا شي فهمني اول وجاوبني بعدين

علتان: شرف

فلان: ما بتحلم انو يكون في عندك هيكي اموال كتيرة وما تحتاج حدا ؟

علتان: اي طبعا

فلان: ها ها وما بتحلم انو يكون في عندك فيلا كبيرة وخدم وحشم وتقعد فيها؟

علتان: اي طبعا بحلم

فلان: يا عيني عليك وما بتحلم كمان انو يكون عندك افخر نوع للسيارات هيك تطلع فيها وتتبروظ ؟

علتان: اكيد

فلان: ممتاز طيب وما بتحلم انو تكون هيك رجل محترم ومقدر بين العالم ؟

علتان: اكيد

فلان: طيب وما فكرت انو هادا الحلم ممكن يتحقق او لاء ؟

علتان (بحزن) : هو بتصور انو صعب صعب

فلان: وطالما بتتصور انو صعب ليش لحتى تحلم

علتان (بتلبك ) : لانو ...................................

فلان : انا رح قلك ليش لانك عم تاكل هوا............ (يتابع بعصبية ) شراب شاي شراب بلا جنان وقلة عقل

ABO SUHAIL 03/09/2007 09:30

اقتباس:

كاتب النص الأصلي : اممي (مشاركة 731580)
يعني خيي شو مشكلة السقيفة ...يمكن وجود هالموضوع هون بيبين ان السقيفة مثلها مثل كل الاقسام
وحشيشة عن حشيشة بتختلف
وبالنسبة الي حابب يظل الموضوع هون.
اما ليش ماعم يفتحو معك فشريك نزل الwin rar لانن مضغوطين وبعدين اكيد بيشتغلو
تحياتي الك ولكل الشباب :D

هلق هو من ناحية انو السقيفة قسم متلو متل باقي كل الاقسام ما اختلفنا علية
بس انو انا قصدي المضمون
يعني ما حلو الواحد يحط خبر رياضي بالصالون , او شي قصيدي بقسم الرياضة, او سؤال عن الطقس ببريد المنتى الخ...
انو انا ما كان قصدي ليش بالسقيفة لانو ما رح يحتسبو المشاركات. لانو ما بعتقد انو في حدي لهلق كتب رد هون هامو عدد المشاركات, ولا انا غلطان؟
ووالله خيو مشان الوين رار عندي ايا , بس ما عما يقدر يفك الضغط تبعون وعما تطلعلي رسالة خطء
هلق بجوز يكون الحق عالفيستا, ففبقا جرب بعدين بال اكس بي

واخيرا شكرا الكون كتير اخواتي على هالتحشيشات
سلامات

hanny dagher 03/09/2007 10:49

اقتباس:

كاتب النص الأصلي : ABO SUHAIL (مشاركة 731622)
هلق هو من ناحية انو السقيفة قسم متلو متل باقي كل الاقسام ما اختلفنا علية
بس انو انا قصدي المضمون
يعني ما حلو الواحد يحط خبر رياضي بالصالون , او شي قصيدي بقسم الرياضة, او سؤال عن الطقس ببريد المنتى الخ...
انو انا ما كان قصدي ليش بالسقيفة لانو ما رح يحتسبو المشاركات. لانو ما بعتقد انو في حدي لهلق كتب رد هون هامو عدد المشاركات, ولا انا غلطان؟
ووالله خيو مشان الوين رار عندي ايا , بس ما عما يقدر يفك الضغط تبعون وعما تطلعلي رسالة خطء
هلق بجوز يكون الحق عالفيستا, ففبقا جرب بعدين بال اكس بي

واخيرا شكرا الكون كتير اخواتي على هالتحشيشات
سلامات

خيو السقيفة للحقيقة والواقع هيي مركز التحشيش يعني معظم التحشيشات عم تنزل هون فلهيك فيك تقول انو الواحد اللي بدو يفوت على اخوية يدور على حشيش بيطلع دغري عالسقيفة لانو السقيفة ما بيخطر على بال شباب مكافحة الحشيش يدورو في واذا دورو ما رح يلاقو شي

بالنسبة للوين رار انتي صبتها بعينها يا صاحبي في مشاكل كتيرة بين برامج الضغط العادية win (rar ,zip) والفيستا مدري ليش سبحان الله يا اما ما عم يرضى ينزل يا اما اذا نزل ما عم يرضى يشتغل
جرب عالاكس بي وخبرنا شو بيصير معك :D

brave heart2 03/09/2007 12:00

صاحب رأي
 


صاحب رأي : تأليف ممدوح حمادة

علتان : هلق انت الك رأي بالشغلات يلي عم تصير ..

فلان : اوووف طبعا ولا قالولك عني اني بهيم وما لي رأي

علتان : يعني الك رأي بكل الشغلات ولا بأشياء محددة ؟؟

فلان : بكل الشغلات طبعا يلي بعرفها او بسمعها بنكلي فيها رأي اما بالشغلات يلي ما بعرفها ولا بسمع فيها

طبعا ما بكنلي فيها رأي

علتان : معناها في شغلات كتير ما عم تسمع فيها

فلان : بالعكس أنا رجل مجتهد ومتابع لكل المحطات والصحف المحلية والعربية والدولية لا يا سيدي وفيك تقول انا

متابع لكل الاقاويل والاشاعات كمان وكل شي بيصير انا بسمع فيه تقريبا لا ياسيدي مو تقريبا كل شي بيصير انا

بسمع فيه

علتان : وكلو الك رأي فيه ؟؟

فلان : أكيد كلو الي رأي فيه انا يلي بيعرفني من مميزاتي اني ما بقدر كون حيادي نهائيا يعني الشغلة يا امة

بتعجبني يا اما ما بتعجبني أنو شغلة ما تفرق معي مستحيل ..

علتان : معناها موافق على كل شي عم يصير

فلان : بالعكس تسعين لا بل تسع وتسعين بالمية من الشغلات يلي عم تصير الي رأي مخالف فيها ويا سيدي

مو تسع وتسعين بل مية بالمية

علتان : اي مستحيل مستحيل يكون الك هيك رأي

فلان : اووووف .. وليش بقى ؟؟ يعني مو مبين من شكلي اني صاحب رأي

علتان : لا العفو ما خص الشكل بالنص

فلان : وشو يلي خص بالنص لكان ؟؟

علتان : كلامك هادا مو مقنع حسبها لحالك بتكتشف

فلان : وشو يلي بدي احسبو لحتى اكتشف ؟؟

علتان : لو كنت صاحب رأي اي ما كنت قاعد هون وعم تثرر وتحكي

فلان : شو الحكي ؟؟ يا لطيف يا لطيف ما اغشمك يعني ماني متوقع انك تكون ساذج للهدرجة

علتان : ليش بقا ؟؟

فلان : لك انا صاحب رأي بس ماني بهيم لحتى عبر عنو ...... اي شو بدك تروحني هيك بشربة مي


مارح تزبط معك ......... ما في حدا يسمعك .....

________________________________________________












hanny dagher 05/09/2007 11:11

اقتباس:

كاتب النص الأصلي : اممي (مشاركة 729900)
بابا بطل
ارجونا تحيليكن الموضوعي لهالحلقة الي انا بعتقدها كانت من اجرا الحلقات بالمسلسل


اسف عالتاخير وعالتطنيش
انا من جهتي ما رح نزل حلقات تانية قبل ما هيك ناخد فكرة عن كيف العالم فهمت هالحلقة
انا من جهتي فهمتها بطريقتين اول طريقة سهلة بسيطة وبتنحكى مع اني بعتقد انها مانها المقصودة من ورا هالحلقة واللي هيي انو بكرا الولد بس يكبر ويفهم انو ابو مانو هالشخصية الفذة اللي كانت بعينو وانو ابو مديون لفوق راسو وعم يضطر يمسح جوخ ويبوس صرا** مشان يضل عايش هوي وعيلتو كيف رح تصير نظرتو لبيو
هلأ لهون بعتقد انو معظم العالم فهمتها متل هيك

الطريقة التانية انو فكرت فيها وخطرت على بالي بس ما لقيت دليل على صحة الفكرة اللي طلعت براسي فلهيك بفضل ما احكي فيها لانو خطرة اول الشي وتاني الشي لانو ما رح اقدر اقنع حدا فيها

بانتظار تحليلاتكن :D

handsome 05/09/2007 11:31

انا ما قدرت افهمة غير هيك!
يعني شو هوي المعنى التاني الي مخبى؟

انا فهمت بس انو بس يكبر رح يصير يقول بابا خروق بدال بابا بطل!
بس ما بعرف اذا في الا معنى تاني بقلب الشاعر؟

اذا في شي فكرة تاني خيو هاني جرب بس هيك تلمحلنا شوي بركي منصير نفكر بنفس الخط الي عما تفكر في انت كمان؟
سلامات

brave heart2 05/09/2007 11:35

اقتباس:

كاتب النص الأصلي : hanny dagher (مشاركة 734577)
اسف عالتاخير وعالتطنيش
انا من جهتي ما رح نزل حلقات تانية قبل ما هيك ناخد فكرة عن كيف العالم فهمت هالحلقة
انا من جهتي فهمتها بطريقتين اول طريقة سهلة بسيطة وبتنحكى مع اني بعتقد انها مانها المقصودة من ورا هالحلقة واللي هيي انو بكرا الولد بس يكبر ويفهم انو ابو مانو هالشخصية الفذة اللي كانت بعينو وانو ابو مديون لفوق راسو وعم يضطر يمسح جوخ ويبوس صرا** مشان يضل عايش هوي وعيلتو كيف رح تصير نظرتو لبيو
هلأ لهون بعتقد انو معظم العالم فهمتها متل هيك

الطريقة التانية انو فكرت فيها وخطرت على بالي بس ما لقيت دليل على صحة الفكرة اللي طلعت براسي فلهيك بفضل ما احكي فيها لانو خطرة اول الشي وتاني الشي لانو ما رح اقدر اقنع حدا فيها

بانتظار تحليلاتكن :D



والله يا شريك هوة المفروض تنفهم متل ماقلت بالتفسير الاول ... بس اذا بدك خربان بيوت ممكن

نعمللها اسقاطات بتخوف وعلى روس كبيرة كمان .... بس خليها على معناها البسيط احسن

حزير ليش ..... لانو مارح تزبط معك ما في حدا يسمعك

Willi 05/09/2007 12:34

اقتباس:

كاتب النص الأصلي : handsome (مشاركة 734589)
انا ما قدرت افهمة غير هيك!
يعني شو هوي المعنى التاني الي مخبى؟

انا فهمت بس انو بس يكبر رح يصير يقول بابا خروق بدال بابا بطل!
بس ما بعرف اذا في الا معنى تاني بقلب الشاعر؟

اذا في شي فكرة تاني خيو هاني جرب بس هيك تلمحلنا شوي بركي منصير نفكر بنفس الخط الي عما تفكر في انت كمان؟
سلامات

هو هيك القصد. (حسب ما وصلتني)
يعني انو هو زلمة منتوف وعايف الله اللي خلقو مانو قادر يعمل شي.
والابن بس يكبر رح يعرف هالشي

hanny dagher 05/09/2007 12:39

اقتباس:

كاتب النص الأصلي : handsome (مشاركة 734589)
انا ما قدرت افهمة غير هيك!
يعني شو هوي المعنى التاني الي مخبى؟

انا فهمت بس انو بس يكبر رح يصير يقول بابا خروق بدال بابا بطل!
بس ما بعرف اذا في الا معنى تاني بقلب الشاعر؟

اذا في شي فكرة تاني خيو هاني جرب بس هيك تلمحلنا شوي بركي منصير نفكر بنفس الخط الي عما تفكر في انت كمان؟
سلامات

اقتباس:

كاتب النص الأصلي : Willi (مشاركة 734634)
هو هيك القصد. (حسب ما وصلتني)
يعني انو هو زلمة منتوف وعايف الله اللي خلقو مانو قادر يعمل شي.
والابن بس يكبر رح يعرف هالشي


انتو بدكن توقعوني بعرفكن انا
لك اخ بس منكن اخ قلكن بريف هارت فيها خربان بيوت القصة
:jakoush::jakoush::jakoush::pos::pos::pos::pos:

Willi 05/09/2007 12:47

انو ما انتبهت لا لردك ولا لرد بريف هارت مدري ليش :shock:

بس انو ما طلع معي التفسير التاني :humm:

شو يعني الفكرة مثلا انو هلق العالم مفكرة سوريا شغلة كبيرة على الصعيد الدولي. وبس يوعو بيعرفو انو نحن فافوش!!؟؟

brave heart2 05/09/2007 17:03

اقتباس:

كاتب النص الأصلي : hanny dagher (مشاركة 734640)
انتو بدكن توقعوني بعرفكن انا
لك اخ بس منكن اخ قلكن بريف هارت فيها خربان بيوت القصة
:jakoush::jakoush::jakoush::pos::pos::pos::pos:

يحرق سعدو .....لكان فهمتها انت متلي .....

والله مصيبة مصيبة ....:sick::cry:



اقتباس:

كاتب النص الأصلي : Willi (مشاركة 734648)
انو ما انتبهت لا لردك ولا لرد بريف هارت مدري ليش :shock:

بس انو ما طلع معي التفسير التاني :humm:

شو يعني الفكرة مثلا انو هلق العالم مفكرة سوريا شغلة كبيرة على الصعيد الدولي. وبس يوعو بيعرفو انو نحن فافوش!!؟؟


لا هي فكرة عادية وما بتخرب بيوت .... الموضوع من الداخل مو الخارج

وأكتر من هيك ما رح احكي ...... انت بأميركا اما نحنا هون :cry:




الساعة بإيدك هلق يا سيدي 00:53 (بحسب عمك غرينتش الكبير +3)

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.04650 seconds with 10 queries