أخوية
الصفحة 3 من 5 < 12 3 45 >
عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)
-   منبــر أخويـــة الحــــــر (http://www.akhawia.net/forumdisplay.php?f=15)
-   -   أنت مع قانون الإعدام .. (http://www.akhawia.net/showthread.php?t=76656)

Syrian Gay 29/08/2007 01:09
اقتباس:
كاتب النص الأصلي : E L W A R (مشاركة 717997)
ذنبو انو بالبلد اللي عايش فيها المجرم اللي قتلو مو خايف من عقوبة الاعدام لانو مافي متل هالعقوبة
وانو باسوأ الاحوال رح ينسجن مؤبد ويطلع بعد شي عشر سنوات لحسن السير والسلوك ؟؟
يا أخي الكريم
أنا بحط نفسي بمكان الضحية
ولما كون انا الجاني الله لا يقيمني الانسان لازم يتحمل جزاء أفعاله
وهل يتحمل جزاء افعاله بالقتل ؟

طيب معقول ما نعطيه فرصة ... وبرجع بقول ليش مين نحن لنقتله ؟ نحن متلنا متلو بعتقد

Syrian Gay 29/08/2007 01:13
اقتباس:
كاتب النص الأصلي : maro18 (مشاركة 723153)
يعنى مجرمى الحرب والسفاحين مش بس ينعدموا مرة واحدة لا مرات
معاااااااااااااة
يعنى اللى قاتل شخص ودمر حياته وشرد عيلته شو بيستاهل غير الاعدام ويكون عبره لغيروا
حتى لو انحبس الدهر كله ما بيكفى
كمان ليكون عظة لغيروا انه اللى بيقتل بينقتل :jakoush:
والواحد كتير بيخاف على عمروا يعنى لما يعرف ان جريمته عقابها الاعدام بيراجع نفسوا قبل ما بيعملها غير ما يكون هينحبس بس
اذا شخص قتل شخص ما ..ما رح يكون الحل انو نحن كمان نقتلو وهيك يكون عم يصير جريمتين للبشرية

وشو بشان انو الحقد والثأر ما بيحللو المشاكل بالعكس بيزيدو الكراهية بالمجتمع
ويللي رح يساوي جريمة معينة عالاغلب بظن ما رح يفكر بموضوع انو اذا قتلتو للشخص اني رح انعدم و اغلب الاحيان التفكير بيصير بعد عمل الجريمة وهداك الوقت بيبدأ الندم وما إلى هنالك

Syrian Gay 29/08/2007 01:18
اقتباس:
كاتب النص الأصلي : ارسلان (مشاركة 723746)
انا مع الاعدام بشكل خاص مش عام

بعدين تسمحلى اخالف شرطك واجيب نص ديني

الاية القرانية بتقول بسم الله الرحمن الرحيم ( ولكم في القصاص حياة يا اولى الالباب)

وممكن بعضكم يتسائل ليش ما قال ولكم في الحياة قصاص

لان الاسلام دين رحمة وسماحة ما اراد ان يصور الحياة كلها بشكل الموت والقتل والفعل ورد الفعل
انا كتبت بالموضوع انو بعيد عن الدين

ونحن هون ما عم نعطي رأينا على اساس الاديان

بس ما زال انت عم تقول انو ديننا دين رحمة وسماحة طيب ليش عم تطبق الدول الاسلامية الاعدام ؟
انا ما عم أسألك بس عم حطك بالصورة وما بدي منك ترد على سؤالي لأن هيك بتطلع خارج نطاق الموضوع إصلاً

ارسلان 30/08/2007 10:41
طبعا دينا دين رحمة وانسانية

وانا مع الاعدام ليش لا ن احنا بنعيش في مجتمع تسوده ثقافة الثأر وحضرتك عارف اذا لم يقتل القاتل سوف يقتل ناس ابرياء ليس لهم ذنب الا ان القدر جعلهم اقرباء القاتل

بس هذا راي في حالة القتل

انا مش مع الاعدام في جميع الحالات فليس كل حالات القتل تستحق حكم الاعدام والا سيكون تعسف كبير

في استخدام هذا الحق فهناك قتل خطأ وقتل عمد وهناك بحث في ظروف القاتل والا سباب التي دفعته الى ذالك

وغير ذلك من الاسباب التي تقف حائلا دون اطلاق حكم الاعدام على اطلاقه

شكرا لك

laityman 30/08/2007 11:31
معو وضدو
 
انا مع عقوبة الاعدام في المجتمعات المتخلفة
واللي بتكاد تكون فيا العقوبة الرادعة الوحيدة هي الاعدام
ولازم قبل ما نفكر نلغي عقوبة الاعدام
نلغي قضية الثأر وجريمة الشرف اللي بظن اننون مشاكل اكتر الحاحا من مسالة الاعدام
اما في الدول ذات المجتمعات المتحضرة واللي الحبس وحده كفيل بحرمان المجرم من قيمة بيتفقدها المجرم في البلدان المتخلفة وهي الحرية مشان هيك الغاء الاعدام كافي في الدول المتقدمة
وشكرا

ارسلان 30/08/2007 11:41
وشو رايك ان الكثير من الدول الممتقدمة مع اعتراضي على استخدام هاذه الكلمة

تسمح بالاعدام

واول هذه الدول الولايات المتحدة الامريكية والعديد من الدول الاخرا

zahir 30/08/2007 11:41
انا ضد قانون الاعدام وشكرا على الموضوع

laityman 30/08/2007 12:06
اقتباس:
كاتب النص الأصلي : laityman (مشاركة 725971)
مشان هيك الغاء الاعدام كافي في الدول المتقدمة
وشكرا
بس انا ما قلت انو الاعدام ملغي بالدول المتقدمة
يا ريت نعرف نقرا قبل ما نفرح على حالنا ونعلق

ارسلان 30/08/2007 12:13
يا سيــــــــــــــــــــــــــــــــــــــــدي ما تزعلش

انتا قلت المتحضرة على راسي

فسرلي شو يعني التحضر

laityman 30/08/2007 12:22
اي شو عليه منحكي
 
اكيد مو يعني التحضر عرض عضلات الدول القوية على الدول الضعيفة
التحضر هي انو الانسان يشعر بانو حريتو اغلى من اي شي تاني وانو حرمانو هي الحرية لسنين معدودة هو اكبر بكتير من جريمة الاعدام
بس للاسف بالمجتمعات المتخلفة واللي مجتمعنا منا للاسف -وما بظنك رح تقللي انو مجتمعنا حضاري سواء بمفهومك ايا كان او بمفهومي-منشوف فيه ظواهر متل واحد بشيل عن التاني جرايم قتل ودعارة وسرقة بس لانو ابن عمو او قرايبو ليش لانو بالسجن رح يعيش مرتاح من كل هم ومارح يفتقد للحرية اللي هو ما بيملكا اصلاومشان اقطع الطريق عليك وما تقلي شو تعريف الحرية
فابسط تعريف هو ان تكون حر باختيار عملك مهمتك بالحياة مو والله تضل تركض ورا اي لتصل لاي شي بالهوا
بيكفي نزاود ونقول برا مو متحضرين منحلين اخلاقيا ونحنا هو عم نعمل السبعة وذمتا
وسلام

oliver68 30/08/2007 12:30
اقتباس:
كاتب النص الأصلي : laityman (مشاركة 725971)
انا مع عقوبة الاعدام في المجتمعات المتخلفة
واللي بتكاد تكون فيا العقوبة الرادعة الوحيدة هي الاعدام
ولازم قبل ما نفكر نلغي عقوبة الاعدام
نلغي قضية الثأر وجريمة الشرف اللي بظن اننون مشاكل اكتر الحاحا من مسالة الاعدام
اما في الدول ذات المجتمعات المتحضرة واللي الحبس وحده كفيل بحرمان المجرم من قيمة بيتفقدها المجرم في البلدان المتخلفة وهي الحرية مشان هيك الغاء الاعدام كافي في الدول المتقدمة
وشكرا
أنا معك بهالفكرة لحد ما، يعني عقوبة الإعدام بالدول المتقدمة لازم تكون محصورة بشكل أكبر من الدول المتخلفة، بس ما لازم تلتغى بالمرة؛ لأن بكل بساطة لما تتراخى الدول المتقدمة بالعقوبات رح تصير دول متخلفة، لكن يا حبيبي ليش نحنا متخلفين؟؟؟ لأن متراخين مع هالعالم، لك حبيبي مافي ولا نص ديني على الأرض بحلل جرائم الشرف، بس الحكومة بتتهاون مع المجرم لأسباب أكتر من متخلفة وبيلزؤوها بالدين، لكن بالدول المتقدمة مافي من هالحكي، والمجرم بيتعاقب على قد جريمتو وبدون وسايط أو تدخلات خارجية، ولو وصلت الدول المتقدمة لمرحلة التراخي وتخفيف العقوبات، ساعتها رح تصير متخلفة.

laityman 30/08/2007 12:33
اقتباس:
كاتب النص الأصلي : أبو طريق (مشاركة 726017)
أنا معك بهالفكرة لحد ما، يعني عقوبة الإعدام بالدول المتقدمة لازم تكون محصورة بشكل أكبر من الدول المتخلفة، بس ما لازم تلتغى بالمرة؛ لأن بكل بساطة لما تتراخى الدول المتقدمة بالعقوبات رح تصير دول متخلفة، لكن يا حبيبي ليش نحنا متخلفين؟؟؟ لأن متراخين مع هالعالم، لك حبيبي مافي ولا نص ديني على الأرض بحلل جرائم الشرف، بس الحكومة بتتهاون مع المجرم لأسباب أكتر من متخلفة وبيلزؤوها بالدين، لكن بالدول المتقدمة مافي من هالحكي، والمجرم بيتعاقب على قد جريمتو وبدون وسايط أو تدخلات خارجية، ولو وصلت الدول المتقدمة لمرحلة التراخي وتخفيف العقوبات، ساعتها رح تصير متخلفة.
معك مو 100% مليون بالمية

ارسلان 30/08/2007 15:55
اكيد مو يعني التحضر عرض عضلات الدول القوية على الدول الضعيفة

هي الي كان بدي اوصلو

واسيبك لقنعاتك

الإنساني 05/09/2007 01:59
ان الإنساني وبدرس بكلية الحقوق,لأحلى موقع وأحلى شباب ولأني لا اذكر تماما المحة التاريخية عن الموضوع ,بشعجكن بالمحة عن الإعدام باإيام القادمة واي مساعدة بخصوص القانون انا حاهزوهاي إميلي:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

Syrian Gay 29/09/2007 17:39
بما انو في خمول بأخوية

فـ UP

احكولكون كم كلمة مفيدة



UP ... UP ... UP

:D

Government 30/09/2007 15:03
مع مع مع مع وللدم

was616im 30/09/2007 15:14
اي نعم يا سيدي انا مع عقوبة الاعدام و لكن حسب رأيي الشخصي وفقا للحالات اللي حددها القران الكريم لانها شاملة:D

phoenixbird 30/09/2007 16:34
أنا مع عقوبة الاعدام بمجالات محددة بس
متل القتل العمد عن شبق اصرار
الخيانة العظمى للوطن
وبرايي كمان الدعارة والاتجار بالبشر والمخدرات


الساعة بإيدك هلق يا سيدي 21:58 (بحسب عمك غرينتش الكبير +3)
الصفحة 3 من 5 < 12 3 45 >
عرض 40 مشاركة من هذا الموضوع في صفحة واحدة

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02974 seconds with 10 queries