|
مرحبا و الف مبروك النجاح
انا بصراحة بنصحك تدرسي هندسة لانها احلى اشي ممكن الواحد يدرسة يعني بتتعلم و بتنبسط في نفس الوقت بالاضافة انو راح تتعاملي مع صفوة عقول البلد اللي عم تدرسي فيها. بس اسمحيلي لقترح انك تدرسي هندسة صناعية "Industrial Engineering" لانه احلى من الدني ...اظن. و لانو المستقبل الها ...هادي اكييييييييييد. المهم ما بدي اطول في الحكي انا خلصت هندسة صناعية من الجامعة الاردنية من شهر و نص ازا مهتمة او حابة تعرفي كمان عنها بليييز لا تترددي ok wish u all luck in the world byeeeeeeeeeeeeeeeeeeeeeeee:deal: |
بدك رايي بتروحي على الكليتين وبيتسالي طلابون واساتذتون وانت بتقرري
|
اقتباس:
|
اقتباس:
بس بحب ضيف .. مشكلتنا أنو مناخد أعلا فرع طلع عالمفاضلة و منعتبروه هوي اللي كان رغبتنا من الصغر .. هون الغلط أنا وقعت بهالغلط مدري لمّا طلعت المفاضلة حسيت أنو كان أملي و أحلامي كلو بفرعي .. و مدري هلأ ليه عم حس أنو ما عم حبّو و كرهانو .. لذا نصيحة بحبشي بالكليات و المعاهد اللي لتحت شوي بالمفاضلة .. لا تحصري اختيارك بأفضل كليتين .. بجوز تلاقي ميولك بكلية مجموعا 150 .. محد بيعرف .. درسي شي بتحبي و بتميلي الو أحسن ما تدرسي كلية مشان السمعة و أنو هندسة و طب و من هالعلاك الفاضي .. و على عيني .. :D |
حبايبي أنا طب و صيدلة شايلتون من دماغي
يعني ما عندي اهتمامات أو ميول لألهن من أنا و صغيرة كان بدي ادخل مدني بس المعلوماتية الها مستقبل خاصة أنا حاطة براسي اني رح كمل دراسة للأخير والمعلوماتية لساها فرع جديد عنا بجامعة تشرين يعني عدد الطلاب اللي حتاخدهن الكلية ليكملو دراسة كبير و كمان لأنو ما في دكتور بجامعة تشرين اختصاصو الأصلي معلوماتية أما المدني ما بياخدو إلا واحد من كل فرع من الدفعة كلها(فيكون تقولو يعني كانو شي 700 طالب السنة الماضية) وكمان في شغلة انو المعلوماتية فيها مجال للإبداع أكتر بكتير من المدني اللي وصلو فيها لقمة الابداع بحكم انها كلية عريقة و قديمة يعني اذا بدي اعطي شي جديد رح ينحصر بمجالات محددة متل مواد البناء مثلا أما دراسة المشروع أو تنفيذه فهو معلوم و إلو طريقة وحدة يعني أنا محتارة بين رغبتي من انا و صغيرة و بين الأفضل لمستقبلي |
اقتباس:
1- عم تقولي انو المعلوماتية فرع جديد وانت حابة تكملي دراسات عليا بس لما بدك تتخرجي بعد خمس سنين انشالله بيكون تخرج قبلك تسع دفعات يعني صار فرع قديم وما رح تاخد الكلية اكتر من تنين من كل اختصاص اذا ما من هلء ما عم يصير هيك يعني تكملي احتمالها متل الهندسة المدنية تماما 2- انتي ملا بتعرفي شو بيصير بجامعة تشرين دائما الطالب المتميز وخصوصا بالمعلوماتية لأنو في مجال الواحد يشتغل على حالو بيتصادم مع المدرسين والداترة ومو ضروري المتميز والذكي يتفوق لأنو عنا اللي بيتفوق هو الدريس والبصيم صحيص انا ما دارس معلوماتية بس عندي كتير رفقات خريجين معلوماتية 90% مجرد موظفين بس درسي مدني ومتل ما قلتي انشائية بالتحديد لأنو في الها مستقبل بالشغل الخاص |
اقتباس:
هاي انا تخرجت بخمس سنين وعدد محاضرات النظري اللي حضرتا بتنعد على اصابع الايدين والحمد لله مهنيا كويس كتير والله العظيم اخر مرة درست فيها هي بالبكالوريا اما الكلية كانت تسلاية |
:hart:اولا مبروك النجاح انا السني خلصت توجيهي والحمد لله معدلي منيح ناوي ادرس هندسه مدنيه تخصص رائع والو مستقبل والهندسه احسلك والقرار الك ـــــــــــــــــــــــــ ـ بتوفيق:hart: |
ميرسي كتير للكل
أنا قررت انو رح تكون أول رغبة المعلوماتية و التانية الانشائية لأنو على هالمفاضلة الحلوة احتمال كتير كبير انو ما تطلعلي المعلوماتية إي العمى شو هالمفاضلة:shock::shock: شي بيخلي الواحد يخبط راسو بالحيطان:krimbow: |
الف مبروك
|
انا عم ادرس بيولوجيا وناوي بس خلص ان شاء سافر وكمل وعلى فكرة في بعد ال4 سنين بجامعة مانشيستر
36 اختصاص منن الهندسة الوراثية واطفال الانابيبو البيو انفورماتيكس (المعلوماتية المرتبطة ببالبيولوجيا) البيو جيو كيميستري والعديد من الاختصاصات الرائعة والبيولوجيا من اكثر الاختصاصات طلبا في اوروبا وهو من اكثر الاختصاصات اهمالا في بلدنا لجهل اهميته |
| الساعة بإيدك هلق يا سيدي 16:32 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون