|
اقتباس:
يمكن التنتين بس بعتقد التانية اكبر من الاولي وهاد هوه الي مخوفني ....ان في لحظة اهتزاز االاجهزة الامنية(لآسامح الله) راح يشكلو القسم الرجعي بالتيارات الاسلامية خطر حقيقي بيهدد الوفاق الوطني عنا بالبلد وساعتها البلد راح تعاني كتير كتير من حكم الناطقين باسم الله وعلة راسي تحيتك ملاحظة:رفيقي عملت مشاركة بقسم الصور بعتقد انها راح تعجبك وبتظل الراية حمرا :D |
شو هالدين
شو هالدين التافه اللي عم تحكي عنو لسا عملولنا المسجد الاحمر والاصفر والازرق لك يضرب الاسلام والنصارى واليهود بقلب بعضن بس تحية للشعب السوري على هالاجماع كيف ما كان يكون
|
اقتباس:
بس لما الشغلة بتتعلق بتصويت ببرنامج تلفزيوني ...ما بظن رح يكون في حاجز خوف كبير كمان لا تستغربو كتير أنو صارعنا أجيال واعية (نسبياً ) لأن سوريا محكومة بنظام علماني من 44 سنة و كمان الناس عم تشوف الأصولية شو عم تعمل بباقي البلدان ...و الوضع مو خفيان على حدا المهم شو ماكنت الاسباب ....برجع و بقول :على راسي الشعب السوري |
اقتباس:
|
اقتباس:
تمام و أنا بعتقد نفس الشي ، حاليا الخوف من الأجهزة الأمنية هو يللي ضابع هال الفئة المتشددة بس بكرا أي مشاكل أمنية شوف شو حيعملو و خصوصا منلاحظ أنو موجة التدين كترانة بالبلد بلكم سنة الأخيرات أكيد ملاحظين موضة هالحجاب يللي البنات صايرين عم يلبسوا و صاير منتشر بشكل كتيير و حتى بكتير أحيان عم نرجع نلاحظ لبس المنديل على الوجه أو تغطية نصف الوجه هاد كللو ما بيدل على الخير و بأكد أنو في توجه ديني عند نسبة كبيرة من الشعب و هاد التوجه هو يللي نحنا متخوفين أنو يطور بشكل معين وخصوصا إذا راحت هالقوى يللي حاطة حدود لكل هي المظاهر المتشددة ... :shock: ولييييييي الله يجيرنا بكرا قال بصيرو يلاحقو الشباب يللي لابسين شورت بالشوارع منصير نحنا منخاف على حالنا من الطلعة برا البيت :p صورة رائعة رفيق تحياتي من كل قلبي :D :D |
اقتباس:
هلق بالنسبة لنسبة الأجيال الواعية يللي عنا والله أنا بصراحة بشك فيها يعني بتجي شي 10بالمية و لا أنا متشائم ،، :o بتمنى كون متشائم و تكون النسبة أكتر من هيك ..:? كل الناس عم تشوف الأصولية شو عم تعمل بغير بلاد بس بدك مين يفهم :confo: :idea: شوف بمصر كل مانها عم تقوى و عم يزيد خطرها ، و حتى عنا هون بسوريا لاحظ نسبة المحجبات بالسنين الماضية إديش زادت نسبتون و لو بتعرف شو المغريات يللي عم تتقدم للصبايا و شو مقدار الدعم يللي عم يتقدم لحتى يحطو قطعة هالقماش و يلفو راسون فيها و يدعو التدين فيا :frown: يعني هلق و المهم وشو ماكانت الأسباب ......... كمان بدي إرجع و قول : على راسي الشعب السوري ( بس يصير يفهم كمان شوي زيادة ) :p :D |
اقتباس:
حكيك سليم وبعتقد الكل عم يلاحظ ان من السنة االاولي لحد التخرج كم بنت بتتحجب والله ياشباب في رفيقات اتحجبو ...يارفيقة ليش اتحجبتي ...والله الله هداني يا اخ...بعد اسبوع بنسمع ان البنت اتزوجت يعني القصة صايرة توجه اجتماعي بالاضافة الي ان في كتير من الناس التقدمين اتحولو لكتير رجعين والمشكلة ان المورجعي هو بالشرط تقدمي لان المجتمع اليوم مقسوم بين واحد رجعي او واحد فوضوي(الي ماهمن بالحياة غير البسط ويعيشو ايامن) |
هلا أنا وعم أقرا بالموضوع من أولو خطر ببالي نفس السؤال يلي حكيتو فيه
هو وعي ولا خوف ومن جهة قصة الحجاب يلي حاسسكن خايفين كتير منها أنا بالعكس شايفها ظاهرة ايجابية وفيها نوع من التحرر لأنو في كتير صديقات ألي بالجامعة تحجبو وعندهن أخوات لساتهن مو محجبين أو بالعكس وهادا نوع من حرية الرأي يلي مستحيل تشوفها برات سورية يعني يا كل العيلة محجبين يا كلها مو محجبين طبعا مع وجود كتير حالات بيكون الحجاب فيها اجباري وهون هي المأساة يعني اذا البنت حابة تتحجب ومقتنعة هي حرية رأي ولا شو رأيكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟ وأهم شي تحية للشعب السوري :D:clap: |
هلا معئووووووووول يا ماد موكس راسك بيتحمل الشعب السوري كلو
ههههههههههههههههههه |
اقتباس:
روح عمو العب بالحارة لأني مو فاضي لثقالتك هلأ |
هي فطرة بالشعب السوري من وجودو
بس يلي خايف منو مظاهر التطرف الجديدة عمجتمعنا مع ندرتا والردة عالدين من كل الطوائف والأديان |
اقتباس:
بس يمكن شعبنا ( بشكل عام ) صار عندو أرضية ثقافية معقولة بتجنبو هيك موجات أهلين علاء :D |
وهي موجة الدعوة للتحجب هي مو موجة ردة ع الدين ؟؟
و بالواقع يعني في كتيير عم يتأثرو بكم كلمة و بتقللك أقنعوني مع أنو بكون مجتمعها و فكرها و عائلتها و بيئتها لهال البنت بشكل عام مو هيك بس بتتأثر بسرعة نتيجة إفتقار الكثير من شباب مجتمعنا للوعي الكافي يللي بيحمي الشباب من هيك موجات و أحلى تحية لأحلى أبو سمرة و للشباب كلها :D |
اقتباس:
|
هلأ أنا في شي عم يخليني إستغرب شوي .. وهو أنو كيف نمط الشعب السوري الحقيقي.. يعني ما عرفت بسوريا مين يشكل الطبقة الأكبر .. المتدينيين أم العلمانيين! ساعات بشوف منتديات سورية بحس حالي وقت فوت عليها وكأني فايت على مشيخة إسلامية من كتر ما بنشم بخور جوات المنتدى من أعضاء يمكن لحيتهم بتوصل لعند بطنهم .. وقاعدين عم يتغنوا بأنو سوريا دولة إسلام ودين وهالكلام المعروف هادا .. وساعات بفوت على منتديات سورية بحس أنو في عنا ناس منفتحين وبآمنوا بالعلمانية وبيعترفوا بأنو الدول الأوروبية والأمريكية تقدمت بسبب علمانيتها .. فبستغرب وبفكر وبقول .. يا ترى أية فكر هو يللي طاغي أكتر على الشعب السوري .. الفكر الديني الرجعي أو الفكر العلماني المتقدم؟! |
اقتباس:
لانو ما لائي بسس ه الايام بتعرف موسم تزاوج فتعا كرمال العب عليك :larg: |
اقتباس:
الشعب السوري قادر بتميزه النخبوي على تقبل فكرة فصل الدين عن الدولة، وبنفس الوقت أن يجد في المتدينين مصدر لتتمة العلمانية الواعية التي يتقبلها الإنسان الشرقي المحافظ والمتمسك بقيمه وأخلاقيته (الإجتماعية) باعتبار أن كل ما يصدر عن تصرفاته هي محض تجاربه وتجارب سابقيه... فهو يرى الآن أن التجربة الدينية سقطت من قبل الجميع ولم يعد قادر على احتمال مصادرها (جيرانه مثلاً) الذين ينتمون إلى طوائفهم أكثر من إنتمائهم لأوطانهم ؟ التجربة اللبنانية خير مثال ... الشعب السوري: شعب خلاق ومبدع ليست جديدة (لديه طوائف وفئات أكثر من كل البلدان المحيطة به).. واستطاعت جميعها (بحكم التوافق الإجتماعي الواعي) أن تنصهر وتتفاعل مع المجتمع ؟؟ مع قليل من الخوف تجاه الأجهزة الحاكمة ... مواضيعك حلوة يا مادمكس ... والشباب كمان كفو والله ... :D |
طيب
اوكي باي |
| الساعة بإيدك هلق يا سيدي 17:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون