|
عيد الميلاد
9 ملف مرفق .
يا شباب هاي السنة كان عيد الميلاد بحمص خيلة كبيرة البهجة دخلة على قلوب الأطفال الصغار والبالغين الكبار وتزينة حمص تزينة غير شكل الى درجة انو انا كون راجع من السهرة شي 3 وش الصبح حس الشوارع كأنو الصبح من قوة الأضوي...........:?
المهم انو هدول الصور انا اخدون شي الساعة 4 الصبح بس فيون مشكلة انو انا كنت شوي سكران وما كتير:oops: مركز من شان هيك طلعو غامقين بس لحتا تشوفون بيوضوح ومن دون اي تعكير وتحصلو على نتائج مذهلة لازم تشوفون بعتمة تامة يعني طفو كل الأضواء وحتى الخفيفة وكبرو الصورة وتمتعو........ :gem: |
اول شي يسلموووووووووووووووو :gem: كتير الصور حلوين
بس انا راسي قالب شوي صور الزينة وين صايرين؟ ماعرفت :cry: شفت صيدلية مشهور بس اذا هي اللي ببالي معناتا بعاد كتير عن الحميدية |
اقتباس:
وهو راسك ما قالب بس انا وقت صورت الصور كنت شربان نفس اركيلة ضراب مخي بس عادي هلق اول صورة جنب الساعة الجديدة الصورة التانية سكة الحمدية وانت رايحة بتجاه الملجأ فينك تشوفي بيتزا كورنر بالصورة يعني أخرة شارع الأظن وانت طالعة على الملجأ الصورة الثالثة بالعكس وانت جاي من الملجأ بتقطعي سكة الحمدية وانت نازلة على شارع الأظن فينك تشوفي تكسي الحمدية الرابعة جنب قصر النقرور فينك تشوفي الباب وبتجاه الملجأ الخامسة بعد قصر النقرور بشوي عند زاوية الندور وبتجاه وادي السايح الساسة عند صيدلية المشهور صح كلامك بس ما نو بعيد عن الحمدية بنص الحمدية السابعة(تعبت) هاي دخلة من الدخلات اذا بتعرفي بقالية الياس الصدي هاي الدخلة القدامة التامنة بأخرة الحمدية من جهة وادي السايح الأخيرة بلاكين متفرقة يمكن دوختك بالأكتر بس المهم انو من أولة وادي السايح كل شارع الأظن لعند الملجأ خط تزين واحد بتوقفي بأولة وادي السايح بتشوفي الأضوي للملجأ نشاء الله يكون وضح الموضوع ;-) 8) |
10 ملف مرفق .
أحلى حمص العدية
|
اقتباس:
هلأ استوعبت بس انا الي سنتين مونازلة عالحارة يعني بيتزا كورنر وغيرا ماكانو على دوري :cry: سو بدك ماتواخذني ماكتير كنت عم استوعب ثانكيووو عذبتك معي :سوريا: |
اقتباس:
وعذابك راحة يا ريت كل العذابات متل هالشغلة ;-) :سوريا: |
 لمتابعة وهاي هدية كام صورة     |
يا سلام عند الساعة القديمة
اول صورة طالعة حلوة |
اقتباس:
|
اقتباس:
|
اقتباس:
|
اقتباس:
محل بيتزا كورنر فتح 3 تيام وسكر بطريقة عجيبة ومعك حق ماتعرفي .... بس الحكي من شي قرن تقريبا .... وصرلو أكتر من سني فاتح محل توزيع دخان بالجملة . ملاحظة هيك عالماشي : يعني اذا كتير مشتاقين للرجعة عندي اقتراح ...... تعو انبدل ...أنا بروح محلكون وانتو بتجو لهون ...... شو قلتو !!!!!!؟ :سوريا: |
اقتباس:
خلص بكرا لمن برجع ع سوريا ولمن بدي ارجع لهون بتطلع انت بدالي بالطيارة اتفقنا |
اذا بدكم مزيد من الصور
شوفوا هالصور شو حلوة
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :jakoush: :hart: :hart: :hart: :hart: :clap: |
4 ملف مرفق .
هدول كام صورة بالشام وقت العيد
|
mhmary
شي حلو انا اجتني صورة الشجرة بساحة جورج خوري و ما عاد لقيتها منيح يلل يحطيتها هون هلق صارت عندي ....... يسلموا ايديك :heart: |
خود هي لكان
1 ملف مرفق .
شلوووووووووووووووووووون
|
حيو أبو فريس شو الظاهر انو الطواقي اشتغلوا شغلهم :lol: :lol: :lol:
|
| الساعة بإيدك هلق يا سيدي 04:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون