|
حقك تعصبي وتنزعجي وتاخدي الموقف اللي بدك ياه
بس من الشخص اللي عمل هل العملة الواطية يعني شو دخل الموقع بعدين كل واحد بيعبر عن نفسه وعن تربيته واخلاقه فقط بقى ما بدها كل هالزعل والعيطة وروقي وطولي بالك شوي وباقترح عليكي تعطي اسمو لهل التافه للمشرفين وهني بيتأكدوا وبيعملو اللازم واذ كان هالحكي صح ساعتها يا ستي وزعي اسمو بالمنتدى و شوفي شو رح يصير فيه لانو اكيد الشباب ما رح يقصرو :adal: :deal: |
اقتباس:
بس اخويه ........................ بضل احلى موقع شفتوو بعمري ومستحيل نتخلى عنوو والي بعتلك الرساله بمثل حالووو ............ مستحيل يمثل اخويه |
اقتباس:
كلنا فداء للموقع :adal: كلنا فداء للدلوعة :D |
ياعزيزتي يعني مابعرف شو بدي قلك
هلأ اذا كنتي بتشتغلي وزملائك كلهم محترمين ممكن باي وقت يجي مراجع مثلا ويقلل ذوق ويجرحك بس مابيعني تنسحبي من العمل لانو هالعمل فاشل وادارته فاشلة وبالحارة اللي انتي ساكنة فيها لنقول كل الجيران محترمين وانتي ماشية بالشارع ممكن يمر شب من برا الحارة ويقلل ذوق بس مو يعني انو الحارة سيئة ومو يعني انو الجيران قل احترامون ومو يعني كمان انو ننسحب وننقل على حارة غير مرور شخص بلا اخلاق مابيعني ابدا انو الجو كلو بلا اخلاق وانو في تحريض على قلة الاخلاق مارح احكي اكتر من هيك وبكل الاحوال اذا بتحبي تضلي هون اهلا وسهلا وبيضلو محلك ومطرحك واذا لسه مصممة تمشي مافيي قلك غير موفقة :D |
ummmm
ما الكيش حق تحكي عن الموقع كامل هيك لأن بصراحة مش بعرف شو علاقة اشي اجاك برسالة خاصة بالاعضاء والمشرفين !! يعني اولا مع احترامي الشديد الك ما حد بعرف كيف العلاقة بينك وبين المخلوق اللي باعتلك الرسالة ازا كنتو صحاب او لأ !! ازا اه صففا خيتو المشكلة مشكلتك لأنك اخترتي صحاب غلط وما حطيتيلهم حدود اما ازا لأ فشكلك ذكية كفاية لتحللي براسك انو واحد لا بعرفك ولا بتعرفي ببعتلك رسالة فيها موقع غلط مش عشان سواد ع يونك ولا لأنو اخوية سامحتلو بس لأنو انسان مريض وهدفو مريض زي وجهو ّّهاد بحال ما كان باعتلك الرابط وهو مش بيعرف انو اباحي ّّ في مواقع تحميل هيك بتكون ! عشان هيك بتخيّل انو لازم تعتزري لأخوية عن التجريح اللي جرحتي الها ولاعضائها ومشرفينها احترامي |
اقتباس:
واذا كانوا بعض الشباب والصبايا تعاضدوا معك وابدوا استيائهم ودعوكي لانك تفكري بقرارك...فأنا بشوف انو خروجك من مجتمع أخوية هو أفضل من بقاءك فيه بعد ردة فعلك المرفوضة جملة وتفصيلا...وتصرفك غير مبرر على الاطلاق واساءتك للناس هون هي اسؤا مما فعله يللي بعتلك الرسالة.... انتي اكيد مو غبية لتعرفي انو يللي بعتلك الرسالة الخاصة ما بيمثل أخوية...ومانك غبية لتتحججي بمرحلة لاحقة انو الغضب هو يللي خلاكي وبلحظة طائشة تسييء لكل الناس...وبالتالي اهانتك لاخوية..واضح انها متعمدة وانما قصة الرسالة الخاصة هي اشبه بذريعة.... يللي بعتلك الرسالة الخاصة...ابن حرام...بس مو الرد بيكون انك تسيئيلنا النا.... اذا ضربني رفيقي بالمدرسة بروح بعصب وبضرب أخي بالبيت؟؟؟؟؟شو هالمنطق الاعوج والخاطئ؟؟؟ أنتي مدينة للكل باعتذار...وبالأخص للحكيم والمشرفين والمنسقين... :D |
اقتباس:
|
بس بتعرفي...بيضل تصرفك أحسن من الاميركان...لو كان الاميركان متلك كانت العراق بألف خير...يعني كانو عصبو من صدام شوي...وبهدلو وشتمو وسبو العراقيين لانو ما عندهم ديمقراطية وحملو حالهم ودارو ضهرهم ومشو بعد ما نزلو اعلان بالجرائد العراقية انهم حردانيين....
هي نقطة بتتسجل لصالحك.... |
يا بنت الاكارم يا خيتو صدقيني عالنت كلو نفس الشي بيتكرر وفي اقبح من هيك كمان بس ما في داعي تركزي على هيك قواعد شادة ويمكن راح تشوفي اخطر وتعرفي اكتر عالنت بس نصيحة لا تكسري راسك ولا توجعيه يا طنشي يا سبي بس لا تنسحبي
واخوية ما الها دخل لانو ما فيها تراقب الكل مستحيل تحياتي بنت الاكارم:D:D |
يعني انتي بموقفك هاد ظلمتي موقع أخوية وأعضاء الموقع
وخلطتي الحابل بالنابل :pos: انا لو محلك بحط هادا العضو بقائمة التجاهل وهيك بيصير مابتستقبلي منو اي شي سواء خاص او عام في طريقة اخرى انك ترسلي رسالة خاصة بهالموضوع الى صاحب الموقع والقائم عليه HUS وتخبريه باسم هذا المعتوه وانو هيك هيك ساوا معك وانا على ثقة تامة ان القائم على الموقع ماراح يقصر بنوووووب بعمل الاجراءات اللازمة :adal: تحية الك وياريت تكبري عقلك وتكوني اوعى من هيك شغلات سخيفة لابد للمرء ان يتعرض لها بأي زمان واي مكان |
يا شباب مين قال انو الرسائل الخاصة ما بتتراقب :?
بتتراقب بكل سهولة من لوحة التحكم بس بالادمنسترايتر بس في plug-in بينضاف للكونترول بانل بيصير بيشوف الادمين الرسائل الخاصة:larg: |
اقتباس:
وكون واثق انها هون مابتتراقب حفاظا على خصوصيات الاعضاء ومو ممكن انو كرمال احتمال بعت رسالة من هالنوع نخرب الخصوصية تبع آلاف الرسايل اللي عم تنتعت :D |
انا عم قول يعني بتتراقب (يعني ممكن تتراقب)
يعني شغلة سهلة وما بيقدر حدا يحس بس يعني نحنا واثقين :p بعدين وين المشكلة ما زال بس حسام يللي بيشوف وحسام ما بيشارك بالمواضيع وما بيكوّن عندو خلفيات للأعضاء بشان هيك خلي يراقب يعني ما بيصير شي ما رح تخرب الدنيا مع انو ما بظن انو يهمو هالشي :D |
اقتباس:
نو انا مو من راي انها تسب عليه .. لانها هيك ورجتو انها شافت الموقع متل ماهو بدو .. تانيا عطيتو اكبر من قيمته ;) اقتباس:
انا معك ... هاد التصرف الاسلم كل محل في ناس محترمة وناس مو محترمة وناس مخباي بتيابها يعني كل ما اتغمقتي بالشخصض اكتر .. بتكتشفي عيوب وحسنات .. هلق بنت الاكارم شكلها طلعت ونهت الموضوع من عندا والبنت محترمة انو ماحكت اسمو وياريتها حكت [quote=تالين;635503]هلاء واحد متل هاد يلي عامل هيك شي ليش عاطينو كل ه الاهمية اصلا و عم تحكو فيه هلا هو بيكون عم ينطوط لانو صار محور نقاش . و بعدين بنت الاكابر يعني ما كتبتي لوين منسحبة منشان يجي و يبعتلك نفس الرسالة بس لا تفتحيها هي المرة ها:o يعني بكل بساطة متل ما الت the morning و خلص هلق يعدمني اك من قلة الشباب بالمنتدى مالقيت تبعت الا لبنت :pos::o:lol: بمزح بمزح :D:p |
| الساعة بإيدك هلق يا سيدي 06:49 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون