|
اقتباس:
|
اقتباس:
أما بدون تقديم الاثباتات والتبريرات الكافية رح تنهز صورة هالمحكمة ادام الشعب ورح يطلع ناس تكمل مسيرة الشباب وبيطلع يوما ما واحد يقدر يغيير لنوصل لمحكمة قادرة وواجبها اعطاء الأدلة والاثباتات. |
اقتباس:
|
بـاختصار ..
اذا هاللي نحبسوا كانت نيتن كويسة وصافية وماقصدوا يأذوا هالبلاد وهالعباد وانحبسوا ظلم فأن شاء الله الله يفك اسرن ويحبس اللي ظلمن وينتقم منو .. واذا كانو مالن مظلومين وكانت نيتن سيئة ووسخة وبدن يضروا هالناس فأن شاء الله مؤبد .. وبالناهية الله يفيك اسر كل مظلوم ...:D |
اقتباس:
اقتباس:
هي صار ترويج انو الشباب اجتمعو بمدري مين و سافروا لمدري وين و أخدو مصاري من مدري مين بس هاد كلو علاك مصدي و ترويج لشائعات على نموذج الطابور الخامس و الجستابو يعني متل ما روجوا عن ميشيل كيلو لما و طلعت على النيو تيفي أو غيرها على لسان ماريا معلوف انو سافر على قبرص و قبض مصاري من مدري مين .. بس ما في أي إثبات أنو ميشيل كيلو اصلا طلع من سوريا أي يمل من حكومة الزفت اللي قاعدة على قلوبنا بسلطة قانون الطوارئ .. و الاعتقالات و الأحكام التعسفية لشرفاء الناس اللي استرجت ترفع راسها و صياد يرضى عليك حاجة تدافع عن هالنظام اللي سارقك قبل ما يسرقني متل ما نو سارق كل الناس ولا شو بتفسر أنك متضطر تتشحتف و تتغرب من شان تأمن أكل عيشك؟ سدير المعاني يستر عرضك لا تزاود علينا كل المشاركين هون تلت ارباع المشاركين هون يساريين و ملحدين بدك وهي قصة الخيار بين حكومة ديكتاتورية و استلام متطرفين للسلطة هي الصورة اللي بترسمها الأنظمة القمعية اللي مقتنعة أنو ما في قوة بتزيحها من مكانها إلا قوة الإنقلاب أو الغزو يعني ما رح تروح من مكانها إلا بالعنف هي حكومة مو سمعانة بشي أسمو الشعب و حقوقو بتقرير مصيروا و انتخاب ممثليه و و بجميع الأحوال إذا سمحت خليك بالموضوع و لا تخرج عنه بردودك |
اقتباس:
هي رزقتك ومكان عملك صار برا ... كل واحد كان برا البلد معناها مسروق ومنهوب ؟؟ أنا بدافع عن نظام شايفو من منظوري صحيح ... يمكن من منظورك ومن منظور غيرك سئ ... ما في حدا كامل على فكرة .. أنا عم رد هالردود لدافع عن سيادة الرئيس بهالشكل الأستفزازي قصداً ... للناس الي ما بتعرف شي بالسياسة ولا بالبلد و بتجي بتسوي حالها فهمانة ومدري شو ... وما عاجبها شي بالبلد ولك الله وكيلك اذا فازت سوريا بكرة القدم بيعترضو وما بيعجبهم .... انت عيني Danito :D |
يمكن هالمرة فعلا الحبس للرجال ..
الرجال: الجنس القادر على اعتناق مبدأ وتطبيقه بموقف وتنفيذه بفعل .. :hashish: |
danito ..
نظام الطوارئ اذا عم يروح فيه 10 ابريا .. عم ينجينا من 100 bad guys .. بيجوز أنت بعيد شوي عن الحياة الواقعية .. عذراً .. بس لولا قانون الطوارئ بصراحة كنا تبهدلنا .. قصدي عـ الأكراد و جند الشام و أخوان المسلمين .. .. يعني أذا أجت أخبارية مثلاً على واحد أنو عندو سلاح .. بيستنوه لـ يستعمل السلاح مشان يعرفو أنو معو ؟ من فترة هون ( بالجزيرة السورية ) صار في حكي أنو في عالم من عايلات راقية وكتير كتير .. منتمية لـ جند الشام .. و انعفطو ( تحت ظل قانون الطوارئ ) و واحد منون أعترف على سيارة مفخخة رح تدخل عـ البلد من العراق .. و بالفعل مسكو السيارة عـ طريق الحسكة قامشلي و لاقو فيها متفجرات .. يعني بتتصور انو لو هل سيارة انفجرت شو كان رح يصير .. ؟ __ بس يلي يضل طول عمرو بيدافع عن الأسد و البعث .. هاد وواحد كزاب و عميل نظام و مخابرات .. لأنو ببساطة الواحد مننا .. بألف يا ويلاه بيكفل حالو .. كيف بتقدر تكفل مثلاً رئيس جمهورية ما بتعرف عنو غير يلي بينكت بالصحف التابعة للنظام ؟ |
اقتباس:
عـ كل حال .. الحكي هلا ما رح يفيد .. و مافي شي بيضل مخبا للأبد ... كلنا زعلنا عـ الشباب .. و كلنا خفنا أنو ننسحب مع الشباب .. المهم .. سوريا باقية و الكل رح يروح |
اقتباس:
:shurup: لأنو ما بكفي اللي عم يسكتونا كل يوم .. حتى أنت .. |
اقتباس:
اقتباس:
بناء دار المعلمات بالخمسينات صار هلق وزارة ا لتربية و هاد الشي نسبيا مفهوم بس فيك تقارن مع الأبنية الحالية لإعداد المدرسات بالمزة الأشبه بمهاجع السجن في المزة أما دار المعلمين بالمالكي فالآن أصبح القيادة القطرية يعني نقلو المعلمين لأبنية مخجلة و اقامو مكاتب بيروقراطية لحزب أقل ما يقال عنه حاليا لا طعم له و لا رائحة رح أيدك على التهم التالية ليس لكل الشعب لكن ربما لجزأ كبير او ضغير منه اقتباس:
اقتباس:
اقتباس:
اقتباس:
اقتباس:
ترعى الفساد و الفاسدين في كل الأجهزة التنفيذية الحيوية (شرطة جمارك قضاء خدمات تعليم) نشر الطائفية و تعميقها عن طريق تخصيص مقاعد في الوزارات و مجلس الشعب و الدوائر الحكومية على اساس حصص كوتا طائفية وحيث يتم التغاضي بل الموافقة و مباركة تحول كل دائرة إلى صورة مصغرة عن عشيرة المدير أو قريته أو طائفته ... (ليس طائفة معينة أو منطقة معينة بل تقسيم يشمل الجميع) اقتباس:
إذا الحكومة اكتشفت أن المواطنين فاسدين و خربانيين و لم تقم بتقويمهم فهذا يعني أنها إما فاشلة لا تستطيع التعاطي مع مشاكل الوطن والمواطنين الرئيسية و هذه مشكلة عويصة وإما انت تكون فاسدة مثلهم و هي بالتالي جزأ من فساد المواطن و لايهم من يسبق من لكن هذه كارثة اقتباس:
اقتباس:
لكن ماذا عن أحلام المواطن بعيش كريم ؟ هذا موضوع مؤجل اقتباس:
بس بدي قلك احترم حالك و إنسانيتك اللي صرعتنا فيها و لا عاد تحكي على الشعب و تتهمه بالبهائمية لأنها هي الإهانة كتير كبيرة و بتحز بنفسي و بدي قلك الشعب خليه على جنب أما أسلوبك في الكتابة فسلملي على الدكتور عدنان سليمان اكبس على لوحة التحكم شيتك و هو زر في أعلى الشاشة من اليمين و هنيك فيك تابع مشاركاتك |
اقتباس:
بس المشكلة أنو تعب كتيير تعبوه الكبار بنوعيهم.. قام ارتاح علينا.. بس طوّل.. حلّو يجلّس شوي مو هيك؟ |
اقتباس:
أنا أبي انحكم سبع سنين.. كان إلو سبع سنين إلّا شهر بصيدنايا.. طلع بعد شهر من حكمو |
اقتباس:
كمان في مليون طريقة وطريقة لحماية البلد دون التذرع بقانون الطوارئ .. لما يكون في جهاز أمني جيد ومخابرات جيدة ومتابعة للجماعات " الارهابية" و غيرو وغيراتو .. بدون ترهيب وتخويف الشعب والناس اللي بحالها .. اللي بقصدو انو مو ضروري يكون في قانون طوارئ لنحمي بلدنا .. بيكفي يكون في جهاز امني جيد . وقصة السيارة أو اي قصة تانية مشابهة مو مبرر ليضل قانون الطوارئ ماشي. |
اقتباس:
النقاط اللي ذكرتها حكيت فيها من قبل و لن اكرر ما قلت, بخصوص عدم مسؤولية الدولة عن قذارة المواطن و عن تكفيره لاخاه المواطن و عن تعصبه الاعمى و و الخ,اللي بتصنع منه شعب سافل لا يستحق ان يكون انساني... بخصوص ان الرئيس بشار ليس طائفي. و قلت انه تمسيح جوخ؟؟ ليش؟؟ اليست زوجته سنية؟؟ بتعرف حتى زيد هي على معلوماتك, انا بشوف انسان طيب, يعني قلبه حي .. مربى عز و أ قل حملا لأفكار جاهلية من الكثيرين منا.. موضوع كلامي على المجتمع, هذا حقي.. انا عنصر من هذا المجتمع و يحق لي ان اصف مرض في جسدي .. لا تنسى.. و كلامك التاني بخصوص الامور الثانية, شكرا الك, لك رأيك لكن لا اوافق نهائيا و ها انا اشكك في فهمك كما فعلت سابقا لمقومات الانسانية في المرء..... معظمنا حتى لا يعرف ماذا تعني كلمة فهم.... و الدليل اننا اسفل الامم. النقطة هي ما نها عم تفوت كتير بالاذهان... لان الاذهان اساسا مريضا.. بيجي واحد بيقلك " شوف يا اخي. شوف افريقيا,, نحن بألف خير" بقلوا انا... ان لم اكن شعب سوريا سيد الشعوب فلا حياة تستحق ان تعاش.. و ان لم نكن صانعين دولة السلام التي لا تجد فيها سارق و لا تجد فيها كاذب حتى لو اغريته بالمال و اللي ما بتشوف فيه ظلم و و و و و الخ..فلسنا اهل للانسانية ان لم نكن كل ذلك... يا ديتو... انت تعلم تماما مواصفات شعبنا الفعلية و ليس ما يدعي.. من كذب و نفاق و سرقة و و و الخ.. طيب معقول يعني يكون هيك شعب اخلاقي؟؟ و اذا كان ليس اخلاقي, الا يكون هو السبب في ان لا يستحق افضل مما هو فيه؟؟ بعدين على فكرة.. الرئيس بشار مهمته اصعب من رئيس دولة انسانية متقدمة.. بتعرف ليش؟؟ لانك تقود الانسانين بالكلمة و تكفيهم الاشارة و ربما لست بحاجة لا الى كلمة و لا الى اشارة لانهم يسعون دائما الى فهم مقومات الانسانية و كيف ممكن ان يكونوا افضل ما يمكن ان يكونوا, لكن لحكم شعب بهائمي,, انت بحاجة لعصاية و دولاب و و و و الخ.. و الدليل ما نحن فيه... اكرر اكرر.. يحيا من قال .. شعب ان ضرب الحذاء به يوما.. الخ.. واقول صدق.. ولكن هذا لا يعني اني قاطع الامل من الشعب.. لاء.. بل انوه اننا شعب مريض و لا بد ان نستحقق افضل من الذي نحن فيه.. بعدين على فكرة الفساد ليس خارج الشعب.. الشعب هو من يستلم المناصب و المراكز .. و يقوم بكل السرقات والاعتداء على اخوه المواطن و استغلال منصبه لمصالحة الشخصية.. بل الرئيس و تحديدا الرئيس بشار, اراه فعلا يريد الاصلاح و يريد ان يقمع صاحبين النفوس الضعيفة اللا انسانيين.... لكن من كثرتهم ليس الامر بالسهل.. الم اقل لك اننا شعب بهائمي مجرم؟؟؟؟؟؟؟؟؟؟؟؟؟؟؟؟؟؟ حزني على اطفال لم يولدوا بعد, يأتون مجتمع خيرا لهم ان لا يولدوا فيه.. العيب ليس في الانسانية و ليس فيما وصفت لك و للقراء... الانساني سدير المعاني.. |
اقتباس:
لك بعرف انو شعبنا مانو شعب مثالي؟ اصلا مين الشعب المثالي؟ أصلا مين الفرد المثالي؟ حاج تآجر بهالشعب و نحن كلياتنا منو يعني بقبلا منك تقول في جزأ من الشعب هيك و هيك بس مو تقول الكل بقبلا منك بغير موضوع بس أنك تلوم الشباب بشكل ضمني و أنت لا بتعرفهم شخصيا و لا بتعرف شي عن قضيتهم و بترجاك لا عاد تكتب عن الإنسانية أو غيرا بهاد الموضوع يعني فتاح موضوع جديد إذا بتحب بس هون خلينا بصلب الموضوع |
كما تكونوا يوال عليكم.
إن أغلب كلام السيد سدير المعاني لا غبار عليه
ويمكن أن يطبق على نسبة عظيمة من الشعب السوري. ولكن بالنسبة لموضوع الشباب فإذا كانت المحكمة نفسها غير شرعية وقانونية، فكيف نناقش الأحكام الصادرة عنها. لا ترجو السماحة من ظالمٍ --------- فما في النار للظمآن ماء |
اقتباس:
ممكن توضحلنا عدم شرعية المحكمة و قانونيتها بنظرك ؟ و على اي اساس بنيت كلامك ؟ |
| الساعة بإيدك هلق يا سيدي 16:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون