|
اقتباس:
له يازلمة ولو :cry: بس انا يعني ماقصدت شي غلط لاسمح الله بس يعني قست الشغلة على حالي فيعني ماقصدي انو اتحيز لطرف او يعني ماقصدي انو يمنعوا الادان مثلا لاسمح الله بس قصدي انو يعني انا لو كنت نايم الساعة 4 وش الصبح واجا جرس الكنيسة مثلا ضرب بنص ادني فأكيد رح انزعج واعد سبك وحشك لانو يعني جرس الكنيسة مابيعنيلي شي ومالي شغل في .. ف يعني نفس شي قستا ع هالزلمة المسيحي مثلا اذا ادن ادان الصبح وفيقوا يعني فهو شو بدو بأدان الصبح لانو شو بدو يقوم يصلي الصبح مثلا ..:shock: بينما انا اذا فقت على ادان الصبح فيعني لازم افيق لانو هيك هيك لازم اصلي الصبح بقى عرفت شلون يامعلم .. ومالي قصد بهالكلام انو اتحيز لحدا على حساب حدا ابدا :D:D |
حكومة ..... ياللي عندو نية يفيق يصلي ما رح ينطر لجرس كنيسة ولا آذان ( مع احترامي للتنين ) ...... انما الاعمال بالنيات ......:D |
اقتباس:
اكيد معلم تايغر :D |
اقتباس:
انا شلون بدي صلي صلاة الصبح اذا ماسمعت اذان الصبح فهمني شلون بركي صليت قبل موعد الصلاة هل هذا الشيء بيجوز برأيك:shock:!! مابتشوف شلون الناس بيجتمعوا على موائد الافطار بشهر رمضان واول مايبلش الاذان بيفطروا هلق هدول الناس اذا ماسمعوا الاذان شلون بدهم يبلشوا الفطور فهمني ياها!!! وشو دخل النيات بالنص هلق اذا انا مجبر على هالفرض وعم اصلي هالفرض كل يوم شو دخل نيتي بالنص ؟ طيب شلون بدي اقوم بأداء هذا الفرض اذا ماسمعت الاذان ؟ بركي صليت صلاة العشاء ولسا وقت صلاة العشاء مادخل ؟ هل هذا يجوز ايها المتفقه ؟ شغلة تانية ليش عم تقارن صلاة المسيحيين بصلاة المسلميين !! نحنا الله مفضل علينا عم نوقف بين يديه 5 مرات يوميا وباتصال دائم مع الله عز وجل بالدعاء وغيره من الفرائض والسنن بينما انتوا مرة وحدة اسبوعيا واغلب يلي عم يقوموا بالصلاة بالكنائس عندكم من العجائز وكبار السن باعتبار انو راحت عليهم ايام الشبوبية :yahoo: بالنسبة الك اخ حكومة بتضل صديق عزيز وانا مقدر الظروف المحيطة بك بقطر باعتبار ان البيئة هناك منفتحة زيادة عن اللزوم حتى اكثر من الدول الاوروبية ومانسمعه عن بناء كنائس بقطر وبناء منتجعات سياحية للاوروبيين والقواعد الامريكية هناك اكيد اثرت على المجتمع القطري بشكل كبير جدا لدرجة انه اصبح لايفرق بين الصالح والطالح لذلك انا لاالوم الاخوة القطريين حيث انهم كانوا بعالم واصبحوا بعالم اخر والاجواء اختلفت عليهم 180 درجة تحياتي الك ايها الصديق العزيز والغالي :deal: |
اقتباس:
اقتباس:
كمان يؤسفني أقلك روح عالجوامع ما بتلاقي غير كبار السن .. بغض النظر عن صلاة الجمعة |
اقتباس:
له يامعلم .. اسمحلي اقلك انو هالمعلومة مو دقيقة ابدا واذا بدك تتأكد روح ع جامع الروضة مثلا بحلب .. وبوقت صلاة العشى كمان وشوف مين اكتر كبار السنة ولا الشباب |
اقتباس:
حبيب انت ياللي عم تحكي جد ولا عم تمزح ؟؟؟!!!! يعني انا من كذا سنة بدبي شفت هدول الساعات تبع ياللي بيحددولك موقع القبلة 100 % و وقت الصلاة كمان 100 % ...... يعني بتسمح تقلي انو المؤذن كيف بيعرف وقت الصلاة ؟؟!!!! هاللا بتقلي انو شغلتو , اي و انت لما البدك تتوجه لربك لازم تكون انت كمان على قد هالصلاة و تكون شغلتك , ولا الله ما بيستاهل انك تتعب حالك منشان صلاته ؟؟!!!! تاني شغلة مبينتك و من كلامك كتير بتعرف بالمسيحية و فروضها !!!! نصيحة الشغلة ياللي ما بتعرف فيها و منشان مصداقيتك لا تحكي فيها .... ;-) |
اقتباس:
يعني إذا بدنا نقعد نطالع سلبيات دين من الأديان منضل لبعد بكرا .. كل واحد على دينو الله يعينو .. بقا لاتأخزنا :D |
اقتباس:
لاتواخزنا على زلة اللسان الفظيعة بس مو هاد موضوعنا الأساسي لاحظ ان الاخ تايغر قال انه لما كان بدبي شاف آخر تكنولوجيا البوصلات تبع تحديد القبلة واوقات الصلاة طيب اذا هالتكنلوجيا موجودة بدبي هل معنى هذا الكلام انها متوفرة بالعالم الاسلامي كله !!! كمان انا كمواطن عادي اذهب من العمل الى البيت ومن البيت الى العمل هل يتوجب علي ان انهك نفسي في البحث عن اوقات الصلاة وان احرم نفسي أجر الصلاة مع الجماعة مع أجل عيون أخي المسيحي الطماع الذي يستكثر علي اذان مدته تقل عن دقيقة !:shock: هل هذا منطق بشري !!! يعني حتى لو عندي منبه وصحاني المنبه ليش أحرم نفسي الصلاة مع الجماعة ؟؟ وليش نمنع الصلاة الجماعية ؟؟؟ بفرض أن المسلم أدى فرض الصلاة فهذا لايكفي لأن صلاة الجماعة فرض كفاية بالمجتمع يجب على بعض افراد المجتمع المسلم القيام بها والا اصبح المجتمع آثماً ودمتم ... |
اقتباس:
روق روق .. :lol: أول شي هدول اللي حكا عليون تايغر موجودات بكل دول العالم و أسهل من تعيير المنبه ما في هلق رح أفترض في جنب بيتك كنيسة و أول ما بتجي لتنام بيدق جرس الكنيسة و انت نومك خفيف يعني رح تفيق .. أكيد رح تنزعج طيب ليش ما نكون واقعيين و كمان هالمسيحي التعيس شو ذنبو من عز الصبح يفيق و تروح نومتو على صوت الأدان أكيد مالنا ضد الأدان بس لكل شي حدود كان جنب بيتي القديم مأدن قبل الصلاة بساعة بطلع برندح و بعد الصلاة بنص ساعة بضل عبرندح و أنا ما أنام لبين ما يخلص .. طيب بشرفك هاد حكي ..؟؟ " في الحرية العامة ليس لأحد الحق في أن يفعل ما تحرمه عليه حرية الآخرين " جان جاك روسو و بكرر أنا مالي ضد المقدسات المسيحية أو الإسلامية .. و بحترمون أشد الإحترام بتمنى تكون فهمتني :D |
اقتباس:
هدول ناس مابيعرفوا من الاسلام غير اسمو زحتى مابيعرفو اسمو معناتو مافي عتب عالدول الاجنبية الغير مسلمة |
يا جماعة شغلة رفع الأذان مو كل هيك مزعجة ، لأنو كتيير في أيام ( و أنا بعرف أنو كمان كتيير غيري هيك )بيمر اليوم كللو و ما بيسمعو فيه صوت الأذان أو ما بينتبهولو لأنو ضجة المدينة بتغطي على كل شي ..
بس إعتراضنا على أذان الفجر يللي من الساعة 4 وش الصبح يعني ما بيكون غير صوتو عم يلعلع بالبلد و بيكون الهدوء مطبق ... و أكتر شي بيزعجني هو خطبة الجمعة يللي بيذيعوها على المآذن كل يوم جمعة و بتضل أكتر من نصف ساعة بعض أحيان و بيكون الشيخ عم ينظر و يعظ و يهدي هال العالم على كيفو يعني مو الكل مضطر ليسمع هيك حكي و هيك تنظير من وجهة نظر الشيخ تبع الجامع يللي جنبنا ،، لأ و المصيبة لما كذا شيخ بيطلعو و بيصيرو يخطبو بنفس الوقت بقا هون لا بيعود الواحد يفهم شو عم يصير و لا يميز شي ... :cry: |
اقتباس:
هاللا خلينا نحكي نقطة نقطة ... منشان التكنولوجيا فلا هي آخر تكنولوجيا و لا هي غالية يعني السعر مو حجة لانو اي شخص بيقدر يشتري هالمنبه هاد لانو سعرو كان كتير زهيد ..... تاني نقطة انو اجر الصلاة لربك بتستاهل انو تنهك حالك بالبحث عن وقتها ( انا هيك بظن ) , لانو الواحد اذا عندو اي طلعة عادية ( و تعتبر تافهة بالمقارنة مع صلاة ! ) مع رفيقة او رفيق رح ينهك حالو بالبحث عن مطعم مرتب او فيلم سينما حلو مشان تنجح الطلعة فكيف لقاء مع ربك !!!!! زائد انو الناس باوروبا ( المسلمين ) انا ما عم افهم كيف بيلحقو صلواتهم علما انو الاذان ممنوع بشكل قطعي ! .. شغلة تانية انو انا ما حبيت خلطك بين الآذان و بين الصلاة بس المهم انو انا ما اعترضت اخي على باقي اوقات الآذان ( مو الصلاة ) لانو انا مو هدفي احرمك من شعائرك الدينية ياللي انا بحترمها بس انو عم نقلك بس آذان نص الليل هو المشكلة و هادا انا بظن انو ياللي بيقصد بيقدر يوح على المسجد ويصليه لانو الموضوع بدو انو تفيق وتتوضى و توصل للمسجد ..... يعني ممكن تعتمد بهالوقت على المنبه لانو آذان دقيقة قبل الصلاة ما رح يخليك تلحق الصلاة و انت بسابع نومة ..... برجع وبقلك انا مو هدفي انو احرمك من الآذان أو الصلاة , بس انو حط حالك محلي كمسيحي , او انو ممكن انت تستحمل صوت جرس كنيسة الساعة 4 وش الصبح فوق راسك ؟؟؟!!!! تحياتي .... |
كان فيه حل احسن من اللي قولتيه
اني مااروحش عند خالتي يوم الجمعه بس ممكن خالتي تيجي عندنا يوم الجمعه وتجيب معاها السماعات ههههههههههه سلم على خالتك ايه بس اوعى يصرلك شي :p |
اقتباس:
ما نفع الروزنامات التي توزع - و العلم الذي وصلنا إليه - ماذا لو كان الإنسان نومه ثقيل ألا يستعين بمنبه :shock: و مجدداً تشيعون خرافات حول المسيحية - المسيحية ليس فيها قبلة و ليس هناك عدد صلوات محدد او مظاهر مكشوفة كما اليهود و المسلمين - السيد المسيح وبخ اليهود لانهم كانوا يصلون بالشارع و بالحدائق لانه منافقو الدين - الصلاة المسيحية في أي وقت و ربنا قال : " صلوا و لا تملوا لئلا تقعوا في ضيق " لا يوجد عدد محدد لأن روح الله تصلي فينا فالرجاء توقفوا عن نشر الخرافات حول المسيحية ... 5 صلوات العدد كما سمعت غير اسلامي و مأخوذ عن الصابئة ...:gem: و مجدداً تستكثرون بناء بضعة كنائس في قطر و أوروبا فيها آلاف المساجد :x غريبة هذه العنصرية ..:jakoush: و لست أنت من يحاسب الانسان اي انسان على علاقته بالله شاباً أم شيخاً - منافقاً أو كاذباً انظروا الخشبة التي في عيونكم - كل هذه الصلوات غير نافعة ، معظم الذين في السجون هم مسلمون ... و مواظبون على واجباتهم الروحية ... إذا اعتمدنا الثمار لمعرفة الحق - فهذا افلاس روحي و دليل ان العقيدة الاسلامية لا تؤثر في متبعيها ... |
اقتباس:
أولا ما فهمت المثال تبع المساجين شو قصدك فيه و شو دخلو بالإسلام و كأنو ما في مسيحيين بالسجون :?::?: أو تقول أن العقيدة الإسلامية لا تؤثر في متبعيها !!! هذا الكلام بشكل نسبي صحيح و بالمقابل العقيدة المسيحية أيضا لا تؤثر في معظم متبعيها و أكبر دليل على ذلك الحركات اللادينية المتنامية باستمرار في أوربا أو في العالم العربي حتى و إن كانت بشكل خفي و غير معلن أحيانا و خصوصا أن معظم متبيعها مسيحيون و يوجد أكيد عدد منهم مسلمين و لكن برأيي أن سبب نشأة هكذا حركات هي في اكتشافها أن الدين المتداول حاليا بين أفراد المجتمع لا يعبر عن التسامح و لا عن التآخي بين متبعي العقائد المختلفة و أكبر دليل على كلامي النعرات الطائفية المستمرة و المستترة و المعلنة في معظم الدول العربية أيضا أريد أن أعود لأركز على رفضي القاطع لفكرة الشمولية فلا أعمم فكرة معينة على أتباع عقيدة ما كما تفعل أنت دائما مع تحياتي و احترامي لكم :D :D |
هلق الواحد يحكي الصراحة.
انا ما كان زيادة يزعجني صوت الاذان. (ان كان مأذن واحد عم يأذن) بس اللي كان يزعجني اكتر الشي هو انو في شي 15 واحد عم يأذن فوق راسي وكل واحد عم يأذن شكل. والانكى من هيك انو في منهون اصواتون مزعجة بجد :cry: بالزمانات قريت على سيريا نيوز. عن مفتي الجمهورية. قال انو الاذان رح يصير بس بالمسجد الاموي. وباقي الجوامع رح يكون فيها متل مسجلة. بس يصير الاذان بيفتحو المسجلة. وهيك بيطلع الصوت تبع المسجد الاموي. برأيي اذا تنفذت هالشغلة. فهية شي حلو كتير. |
اقتباس:
بالنسبة لي فكرة الأذان الموحد فكرة مقبولة وماعليها غبار ... ومافي اي مانع من اختبارها او تجربتها .... وان نجحت فيجب الاستمرار بها وعدم الانقطاع عنها .. خصوصا أن رابطة منشدي جامع بني أمية الكبير بدمشق تحتوي على أجمل الأصوات .... والشخص لايمل من سماع تلك الاصوات بسبب جمالها حتى ولو كان هذا الشخص ليس مسلماً على كل حال اتمنى ان تطبق تلك الفكرة بأسرع وقت ممكن لأنني أيضاً لاأرى أي مانع شرعي من تطبيقها !!! تحياتي...:D |
| الساعة بإيدك هلق يا سيدي 11:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون