|
اقتباس:
هلا ما طلع معك غيرو لا حبيبي انا استفتيتو عن حب بسياستو الخارجية بصراحة بس لو بدي انتخب على اساس الشكل كنت نقيت شادي اسود :lol: |
اقتباس:
قال دخلت منتدى قلت بلاقي فيه حوار سياسي راقي اذا رئيسك بتقول عنو هاد الكائن فسلااااااااااااااااام على ديمقراطيتكوم باااااااااااااااااااااااا اااااااااااااي اول مشاركة واخر وحدة ترقو اول يا شباب |
اقتباس:
قال جروهون قال خخخخخخخخخخخخخخخخخخخخخ شعب اذا ضرب الحذاء براسه صرخ الحذاء باي ذنب اضرب |
اقتباس:
يعني منين بتخرفو هالحكي مابعرف يعني يمكن بس للمعارضة عم يعملو معكون هيك يا حبيبي خخخخخخخخخخخ والظلم كلو عليكون يا مساكين ويلي ساكنين برا لاقطر اجا الانتربول وشحضون ليصوتو كلو ممكن |
اقتباس:
يعني صاير فيك متل اللي كذب كذبة وصدقا .. هي أنا موظفة وبعرف ناس كتير موظفين وعنا طلاب وعساكر بالجيش ما سمعت انو حدا أجبر حدا اللي انتخب انتخب بملئ ارادته واللي انتخب من الخوف وااااااااااااهم لأنه مافي شي من كل هالشي ومنحبك يابشار غصب عن اللي بيرضى واللي ما بيرضى .. |
اقتباس:
طولي بالك بنفسجة خانم ولا على بالك كل واحد من هدول العاملين حالهن معارضين بيكونوا عم بيعارضوا على أساس مصالحهن الشخصية وبس.... وبس يصير الجد بتلاقيهن أوسخ و أندل من هيك مافي بس شو تقولي يا حرام يلي مابيطال العنب بيقول عنوا حامض شفنا شو صار بديمقراطية العراق الموعودة من 4 سنوات إلى الأن وشو عم بيصير بفلسطين الشقيق كل واحد مو هاموا غير مصلحتوا وبس نحنى ما عم بنقول بحديثنا إني الحكومة السورية حكومة مافي متلها لا أكيد فيها اغلاط بس الأغلاط هي ممكن كتير إنها تتصلح وممكن نتغلب عليها بس بنتغلب عليها بالحب و الصدق و المعاملة الجيدة مو بنجيب ناس مو معروفة قرعة أبوها من فين وبنقلهن شرفوا هي سلمناكن سكين ورقابنا وعملونا ديمقراططين صدقيني كل هالمعارضين عبارة عن ناس منبوذين من المجتمع الداخلي و الغربي أولاً و أخيرأ ,,,ونحنة رح نصير ونصير ونصير لإني الله مع الجماعة و مع الناس يلي بتحب بعضها و الله يديمك يا بشار بوجه كل واحد حقير ومابيحب غير مصلحتوا وبس وهي لأحلى بنفسجة :D:D:D |
اقتباس:
بس دائما كنت لاقي في احترام لشخص الرئيس بغض النظر اذا انت بتتفق معو او لا اذا انت قابل فيه اولا بالنهاية هيدا رئيس دولة وما برضى يكون رئيس دولتي متل رئيس دولة لبنان مين ما كان بيسبو لانو عيب بجد ولانو من يدعي انه معارض للرئيس لا يستوعب معنى الديمقراطية في التعاطي شكرا لك:ss: |
اقتباس:
|
اقتباس:
ليه شبها الحكومة يا ابو ما بعرف شو ولله مو معتر الا انت معتر بأفكارك ومعتر بعقلك |
اقتباس:
بعدين أنا عمبحكي مع المخلوقة انمحق مني إلها :larg::larg: ، إنتي شو دحش أنفك بالنص :frown::frown::frown::frown: ؟؟؟؟؟؟؟ بعدين تركك مني و من أفكاري و من اسمي، هدول الشغلات لساتك صغير عليهن، التهي بالشغلات يللي على قدك و قد مستواك. ما ناقص علينا إلا أصابع رجلينا. :pos::pos::pos::pos::pos: :frown::frown::frown::frown::frown::frown: |
اقتباس:
بالاذن منك يعني هيدا الموضوع انا بقررو مش انت ولما بدي اطلع بطلع ولما مابدي اطلع مارح اطلع بعتذر اذا سببتلك ازعاج بس بمزاجي بطلع وبمزاجي بفوت ولا اسمكون اخوية عالفاضي يا مليانين بعدين يا فهمان بما انك من معارضي بشارومش عاجبتكم الحكومة فانت اكيد من محبي سعدو وجنبلاط والسنفورة الامور وتسلملوي يا اصحاب الثوابت خخخخخخخخخخخخخخخخخخخخخخخخخخخخخخخخ:deal: |
اقتباس:
بالله ليش شو متوسط الاعمار هون؟؟؟؟ |
عوووووووووووووووووووووووو ووووووووووووووووجة
اقتباس:
بعدين إنتو ليش ما عندكن حل وسط، يعني إذا لم تكن معنا فأنت علينا، ليش هيك سياستكن؟؟؟؟؟ عيوني أنا لاني معارض ولا بنتمي لأي معارضة أو حزب، شو بدك تروحيني إنتي :cry::cry::cry::cry::sick::sick::sick::sick: ؟؟؟؟ أنا بني آدم مستقل و مواطن عادي معتر و عمعبر عن يللي بشوفو، و بعدين أنا بكره جنبلاط و جماعتو و يللي بأيدن و يللي بيكرهن، لأن اللبنانيين ما نايبن شي لا من جنبلاط ولا من حزب الله، تنيناتن عميتسابقوا على نتف ريش المواطن اللبناني المعتر، و على نفس النغمة كل الحكام العرب، و ما عندي إيمان بكل حاكم عربي، و كل واحد منن وصل للسلطة بدعم اليهود و أميركا، و لا قللك بدعم اليهود و بس. يعني بالمحصلة، عفوا فيروز و معذرة.... عوووووووووووووووووووووووو ووجة :pos::pos::pos::pos::pos: و هي أحلى رد على السلام :deal::deal::deal::deal::deal: و مع ورد كمان :D:D:D:D:D:D |
يعني الغريب بالموضوع انو البعض الغير سوري صار بدو يعلق
فرجاء اللي برات سوريا ما يدخلو والنسبة اللي اجت لبشار الأسد هي حقيقة وانا حطيت نعم وما حدا جبرني مع اني من الشام مالي من لاساحل ومالي منتسب لأي حزب ولا علوي ولا شي بس بحبو هالشخص وبحب سياستو ولح ضل قول نعم للأبد وبتمنى من المتغربين اللي عايشين بره يجو ويشوفو كيف البلد تطورت وصارت احسن من اول بكتير كل واحد الو رأيو انا بحترم كل الآراء بس حرام هالمبالغة كلها |
اقتباس:
فقبل ما تقول ليللي عايش برا سوريا يجي و يشوف التطور، إنتي روح على شي بلد و شوف كيف التطور على أصولو. بعدين إزا لساتنا عمنطوب البلد لشخص أو عائلة معينة، بحياتنا ما نتطور. لك ألمانيا يللي معظم سكانها عنصريين و بزمن هتلر يللي احتل أوروبا ما سموها "ألمانيا هتلر"، و يا سيدي هرتزل يللي خلق دولة اسرائيل من العدم، الاسرائيليين ما سمو هالدولة على اسمو و ساووها "اسرائيل هرتزل"، فبربك ماشي بمخول إنو نحنا نسمي "سوريا الأسد" و لأ المصيبة إنو الجولان و الاسكندرونة لهلأ ما قدرنا نرجعهن :cry::cry::cry: عوووووووووووووووووووووووو ووووووووووجة :jakoush::jakoush::jakoush: |
حبيبي والله انا بعرف انو الفساد عم ياكل من خيرات هالبلد
وبعرف انو السرقة شغالة ع الطالعة والنازلة وبعرف انو الرزق لناس وناس وانو نحنا هالشعب المعتر عم نشتغل وندرس ليل مع نهار وما عم يطلع بإيدنا شي بس كمان ما فينا ننكر انو في تطور ببعض قطاعات البلد والقضاء ع الفساد ما بيصير بيوم وليلة وبكل الاحال هي بلدنا وبدنا نطول بالنا وشكرا الك اخي |
اقتباس:
و أنا قلتلك إنو مو المشكلة بوجود التطور أو عدمو، المشكلة إنو التطور ما عميتناسب طردا مع موارد البلد، يا أخي عنا موارد متل اوروبا و أحسن، بس البلد عميتطور بشكل بطيء جدا، هي إزا سلمنا إنو يللي عمبصير تطور، و أنا بتحفظ على هالشي، لأن لهلأ الجامعات ما عمبتخرج كفاءات بتنافس خريجين دول العالم المتطور، و أنا برأيي الشخصي هادا معيار التطور (التحصيل العلمي)، و على أساسو تطورت أوروبا و أميركا. اقتباس:
و كمان إنتي قلت إنو البلد "بلدنا"، يعني ملك الشعب، يعني "سوريا الشعب" مو "سوريا الأسد". بالآخر يا صديقي انا ما عندي شك أبدا بحبك للبلد، و أنا متأكد إنك بتحب البلد متل أي مواطن شريف، و بتحب البلد متلي و يمكن أكتر مني كمان، و تفاؤلك رغم كل هالعقبات هوي أكبر دليل على هالشي، و إنشالله يجي اليوم يللي نشوف فيه سوريا متل أي دولة أوروبية متطورة بعلما و شعبا. و الشكر إلك أخي :D:D:D |
اقتباس:
هيك فرقت اذا بدك تذكرني معك حق شكرا الك بس انا نسيت ماخبرتك اني لقيت انو قراري غير صائب ولازم ارجع عنو وهيك عملت فالحمد لله الذي هدانا الى ما هو صواب تاني شي يا اخي العزيز الحمد لله هي نحنا متفقين على شغلة وانا كمان بكره هالشلة وانا ماعم قول انك ضدي انا بس كنت عم حاول اكتشف رايك بهدول اللبنانيين مو اكتر ورميتلك طعم وانت حكيت شكرا على التوضيح وبالنسبة للمستقلين هدول احلى شي ويا ريت كل الناس تفكرر باستقلالية رح عرفك على اصدقائي المستقلين كمان بس انا للاسف فكري ليس استقلالي ولا اامن بالمواقف الوسط لهيك بحب كل شخص يكون يا ابيض يا اسود واان معك انو كل حاكم عربي وصل بدعم اميركي ويهودي لدرجة انو بشار لما وصل عالسلطة ما ترك بوش عبارة ترحيب فيه ما قالها يارجل من كتر ما دعمو كان رح يبعتلو صواريخ عابرة قارات ونفس شي هيدا الرئيس شيت اسرائيل على كل الف سلام الك والله يهدي الجميع الى الطريق السليم اختك بنفسجة:clap: |
| الساعة بإيدك هلق يا سيدي 08:57 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون