والله انا برايي
انو صحيح ما حدا بيحب يحكي عن بلدو و ما بحب يصير لها اي شي بس......
سوريا هي لطلعت اغلب السكان براتها مو لحنا حبينا نطلع من دون سبب.
والله من جهة انو اذا الواحد بيطلع برات بلدو بيحس حالو غريب انا ما بوافقك بهل الشغلة
لانو تعال شوووف عنا والله ولا بتحس حالك غريييب استراليا متروووسة عرب

معلش يا انسة يا ريت ما نخلط بالامور........هلق اذا استراليا متروسة عرب فهي بتغنيني عن بلدي؟؟؟؟؟؟؟
شو هالمنطق الغريب؟؟؟؟؟يعني من قراءتي لمشاركتك حسيت انو ما عندك اي انتماء لسوريا بل لاستراليا....
يا انسة وين ما رحتي بين العرب والاسترليين بضل اسمك سورية........وقد ما اخذت جنسيات بضل اصلك سورية....
وحابب وضحلك شغلة تانية....سوريا ما طلعت سكانها براتها....يمكن النظام..... يمكن الامن....بس مو البلد الي بيطلع سكانو منو.....لذلك احكي على كلشي الا سوريا.......سبي مين ما بدك ولا تسبيها.....سلامي
:deal: :deal: :deal: :deal: :deal: :deal: :deal: :deal:

يا اخي والله هيك عجبتني يا معلم ايه هيك من زمان احكي هل الحكي هيك انت بتحسسني انك وطني عنجد ومو متل البعض الي بيحب النظام اكتر من بلدو وبيربطلك سوريا بالاسد .... تحياتي يا معلم

لك التعى قلبي وانا عم قلك وقول للكل لك سبو مين ما بدكم واحكو على شو ما كان بس لاتسبو البلد...لانو هي انتماءنا والشي الي بيجمعنا.........تحياتي الك

والله مين اللي قلك انو انا عم بحكي على سورية و مين اللي قلك انو انا قلت انو سورية هي اللي طلعت سكنها. انا وقت اللي قلت هيك كنت بقصد انو النظام لانو طبعا سورية ما فيها اطلع سكانها شي مفرووغ منه.
و بحب اقلك انو انا ما بنتمي لاستراليا اكتر بل للنظام تبع استراليا و انا كمان ما عم بنكر اني سورية.
و كمان بقلك اني بحس حالي مو غريبة ابداااا. تاني شي نظااام استراليا ما خلا اي حدا يترك استراليا بالعكس الكل بتمنى يطلع على استراليا ليش يا ترىى بسبب المعيشة الحلوة. و هدا اللي خلاك تفكر اني بنتمي لاستراليا شوووي;-) :pos:

يمكن ما قريتي مشاركتي منيح......يا انسة شو ما بدك احكي عالنظام وسبي مين ما بدك وهذا كله راجع لقناعتك الشخصية لانو كل انسان حر بمعتقداته طالما لم تكن مضرة بالجماعة......
اما لما تحكي عالبلد وقتها ما صارت قناعة ....صار حقد لانو البلد هي ملك الجماعة وليس الفرد.....وطبعا انا ما عم اتهمك بالحقد بس عم بينلك الامر فقط........وشكرا لمشاركتك

يعطيك العافية معك حق الكطن مالو بديل لو كان خراب

والله يا صاحبي هذا الكلام الي بينسمع والي بينفهم.......
لك وين ما راحوا ما عم يفهموا انو هالبلد هي امهن وبيتكنو فيها غصب عنهن........
بكون الواحد عايش برى او جوا ومعه قرشين ومفكر حاله اكابر اذا قلد الاجانب وسب هالبلد......

والله ما حدا ما بيصحلو يكون اكابر و بقول لا ....انت اذا صحلك تكون اكابر بتقول لا.
بس انت نسيت شغلة انو الاكابر مو بس اللي معهم مصاري حسب ما انت قلت....الاكابر هم اللي عندهم اخلاء و فهم ... و برجع و بقلك ما حدا بهل المنتدى سب بلدو بل سب النظااااااااااااااااااااااااااااااااام:x :x :x

لك شو بدو يحكي الواحد ما بعرف.....

يعني انت ضد كلامي

موضوع رائع والواحد لو برم العالم كلو مارح بيشوف متل سوريا وحضارة سوريا واهلها اخ ع سوريا وع الحياة بسوريا يلعن الغربة وهديك الساعة الي تغربنا فيها عن بلدنا..مشكورين شباب ع النقاش بس روقو وهدوا اعصابكن ..وسوريا الله حاميها..الله يطعمني وارجعلك يا بلدي الحبيب:cry:

لك والله ما بتحس طعمتها لتدوق مي غير مية الفيجة.......
وما يتشم هواها غير لتجرب هوا غيرها.......
وما بتشوف امنها وسلامتها غير لتعيش بغيرها.......
قد ما تغربنا بالبلاد بتضل هية الي بتجمعنا......
الله يحميكي يا شام.......