|
برأيي أنو لازم قبل ما نفكر انو الزواج قبل ما يكون بين مسلم و مسيحية هو زواج بين شخصين بيحبو بعضون , يعني مثلا أنا أبي مسلم و أمي مسيحية و لا بصغري و لا هلأ حسيت بأي مشكلة لأنو ولا واحد منون اجبرني على شي ولا حتى يعني تربيتي كانت على أساس ديني .
بس باعتقد انو هالزواج لو ما تم على أساس علماني ما بظن انو حيكون زواج ناجح |
اقتباس:
اقتباس:
تحياتي :D :D |
ممكن اسئل سؤال؟؟؟؟؟؟
الاخ اللي طرش السؤال ليش ما حطوا بالعكس كمان؟؟؟؟؟؟؟؟؟ شو راي الجماهير بزواج المسيحي من مسلمة؟؟؟؟ واذا حدا عم يسئل شلون خطر على بالي هالشي ؟؟؟؟ بقلكن بكل بساطة.......... على مبدأ ليش لأ |
هلأ وقت تكون عم تدور على إنسان يفهمك و يحترمك و يحبك من كل قلبه و تكون شخصيته متوافقة مع شخصيتك و كتير أحيان ما منلاقيه فتخيلوا لو لقيناه و كان من غير دين أو كان أسود أو حتى كافر شو المشكلة إذا كان هو المطلوب هو يلي منحس براحة غريبة حدو و هو الأمل بالنسبة إلنا و لما تكون هيك القصة حقيقية ما لازم شي يوقف بوجه هالشخصين
هلأ مشان رأي رشاقة و سعيد لما بنت أو شب بيختار شريك حياته رح يكونوا متفاهمين أكيد و آراؤهم وحدة أو قريبة من بعضها مشان هيك ما فينا نقول أنهم متل الجتمع و انشاء الله تكون فكرتي وصلت |
اقتباس:
|
اقتباس:
اما باوربا او اميركا الشغلة عادي واقل من عادي واكبر شاهد عليها السويد حيث هناك نسبة عالية جدا من زواج الرجال السويديين من نساء جزائريات ومع هيك انا بضل مصمم ع رايي انو اذا حدا بعرفو (شب او صبية) اخدت من غير دينها اول كلمة بقولها الله يرحموا كان رفيقي والله يساعد اهلو |
اقتباس:
|
اقتباس:
في كتير عادات ماخرة تطورنا ما في داعي ندخل فيها هلق..... وباعتقد الشي اللي عم نحكي عنو اخر شي ممكن ياثر عالتطور |
يا جماعة سؤال : هلأ الدين مو هو معاملة و لما بنت أو شبّ بيلاقي حدا يفهم عليه و يعامله منيح بكونوا اخترعوا دين جديد أفضل من كل الأديان لأن ما حدا عم يتعامل صح مع مسألة الدين و بعدين هلأ الله مو محبة فالحبّ الصادق يلي بيجمع شخصين بكون الله مباركه يعني أهم شي مدى التفاهم و الاتفاق بين هالشخصين :)
|
اقتباس:
هلأ يمكن تقوليلي انو الحب بيصنع المعجزات وما بعرف شو وانو اذا بحبو بعضن ما في شي بفرقن ... هاد كلو حكي حلو بس كل التجارب اللي صارت (على الأقل التجارب اللي أنا بعرفها ) أثبتت عدم صحة هالكلام ... على كل حال هاد رأيي ... وتحياتي |
اقتباس:
|
اقتباس:
اقتباس:
|
برأيي غلط أنو نحكم على زواج أنو فاشل سلف قبل ما يتم, و كمان عم ينحكى انو هالواج دائما فاشل , يعني دخيلكون الزواج بين شخصين من نفس الدين لازم يكون ناجح.. و طبعا اعتقد انو هالشي الو علاقة بالتطور , لأ نو عم بيضيع وقت بهالشغلات, يعني اذا اتنين حبو بعضون مين نحنا لحتى نمنع هالشي ,
|
يا جماعة الخيـــــــــــــــــــر:
يعني صرلنا شي نصف قرن عم نناقش الموضوع و بدون الوصول الى نتيجة لأنو المسألة ما بتخضع لقانون و إنما لوجهات نظر و أساساً بتخضع للجغرافيا يعني وقت منناقش هالموضوع بفرنسا مثلاً غير وقت نناقشو بالصومال غير وقت نناقشو بسوريا لذلك أنا بشوف أنو الزواج قسمة ونصيب :P و الله يوفق للنصفق و هتونا متاتا :shock: :lol: :lol: :lol: :lol: :lol: :lol: يلا شباب هجوم ع الصالون بلا منابر حرة بلا وجع قلب :P |
أنا معك مية مية :D :D :D
|
اقتباس:
أنا هيك اكتفيت |
اقتباس:
:shock: :shock: :shock: :shock: :shock: |
هلا اول شي هو سؤال حلو ومرتب بس في شغلة بدي اعرفها ليش كل واحد منكن عم بيلف ويدور وما بدو يشارك
يا عمي اولو رأيكن وخلص وشو ماكان د اما انا فأنا ماني مع هادا الزواج مو لانو مسلمة لانو مجتمعنا مجتمع متحجر ما عندو مزح بنوب سواء عند المسيحيين او المسلمين رامو |
| الساعة بإيدك هلق يا سيدي 16:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون