|
عزيزي البنت المتحجبة كليا وانتوا فهميين قصدي
مش حجاب شعر ولابسي بنطلون بفسر جسمها وتمشي على وحدة ونص تكون البنت المتحجبة طاهرة عفيفة شريفة نقية صافية كذلك رأيت بعض البنات الغير المتحجبات لديهن عفة وشرف وطهارة ولكن متساهلات لحد ما وبعتقد هادا الرد للمسلمين لو سمحتوا |
اقتباس:
|
والله هذا الموضوع يجب التحاور به ما بين المسلمين واشكرك اخ ليـــــــــمون على هذا الموضوع لان هذا الموضوع من اهم المواضيع التي يجب ان يتكلم عنها
|
اقتباس:
بس عموما معروف انو البنت المحجبة أكتر خلقا من غير المتحجبة ولكل قاعدة شواز |
بس لو كان سؤالي بشع شوي
بيقدر حدا يقول لي شو الفائدة من الحجاب باللغة العربية حجب الشيء اي منعه من الظهور ليش حتى أحجب شي الله اعطاني اياه الرجاء الرد بدون حساسيات :D |
اقتباس:
ليش هو ما يتفهمها و يرضى انها تكون بلا حجاب ما دام بيحبها و بتحبو ......:pos: |
اقتباس:
|
اقتباس:
ما عاد في قواعد لان كلو صار شواذ |
في نوعين محجبات
الاول مو مقتنع و هدولي ما بعرف شو بدي قلهن و التاني مقتنع و هدول بقلهن الله يجزيكم الخير و المو محجبات كمان ما بعرف شو بدي قلهن بس انا عندي احترام للبنت المحجبة لانو فيها بكل بساطة تشيل الحجاب و تأرجي جمالها و مفاتنها للعالم بس التزامها ما عم يسمحلها سو: عم تكون فرصها اقل و لكن رضيانة (اي بتسوى كل بنات الدنيا) (بس لما تكون عن قناعة) دم تم |
اقتباس:
هلق ممكن تقللي كم مشكلة صارت منشال بنات انا بقلك كتير طيب و شو السبب ؟؟؟ بتيجي بنت مع واحد على كفتريا و تلات ارباع ضهرها مبين و نص قفاها (لانو البنطلون بيكون سالت كمان) بيقوم بيشوفها شب بيلطشها و بتعلق الا اذا كان اللي معها مقورن بنيجي للنقطة الحساسة في عندك الحجاب المفروض تيجي معو الاخلاق العالية و اللبس المحترم و لما بيحكي عن اللبس المحترم يمكن انت بتشوف mbc 4 و شوف البنات اللي بيطلعو بالدعاية هاي تبعيت its 4 u حلوين و مراتبين و على الموضة خلاصة الحكي (قلة مشاكل و وجع راس ) |
اقتباس:
وهاي كمان مرة غلطنا ومنك السماح يا معلمتي :jakoush: |
الإحترام يرتبط بالحجاب إلى حد ما فليس بالضرورة أن تكون كل محجبه محترمه.
المسأله تكمن في قوة الإيمان بالله و مراعاته في السر و العلن و في الحياء. للأسف الشديد بعض النساء يتخذن الحجاب ستاراً لأفعال فاضحة مشينه و وسيلة للوصول إلى بعض مأربهن . و هناك نساء فرضت عليهن عادات المجتمع أو عادات العائلة نفسها عدم لبس الحجاب و مع ذلك تجدهن في منتهى الأدب و الإحترام نظيفات السريرة و يتمتعن بحياء يفوق ما تتمتع به محجبه أتخذت الحجاب ستارا شرعيا أو أرتدته فقط لأن تقاليد عائلتها أو بلدها أجبرتها عليه . |
اخواني واخواتي هناك الكثير من البنات المحجبات يتحجبن اجباريا لكن عن غير اقتناع وهذا يؤدي الى مانراه من بعض المحجبات من لااخلاقيات لانها غير مقتنعة بالموضوع فقد حجاب من اجل الارضاء اما الفتاة المحجبة عن اقتناء بالتأكيد سوف تظهر بأجمل صورة وأجمل مثال ......
لذلك نحن نتكلم عن البنت المحجبة عن اقتناع عسى الله ان يهدي كل الصبايا والجمال جمال الروح ليس الشعر و:oops: ........الخ |
انتو عم تناقشوا عن الحجاب , طب ما الصلاة أهم من الحجاب ؟
اي تلت أرباع المتحجبات ما بيصلوا أصلا,و هي مشكلة كبيرة لأنو هادا معناتو أنو تلت أرباعون مانن متحجبين على أساس ديني الحجاب طبعا فرض بالأسلام و ما حدا بينكر هالشي بس قبل ما الوحدة تفكر تتحجب لازم تتبع دينا منيح و تعمل الفروض الأساسية , و تقتنع بحجابا قبل ما تتحجب و تعرف أنو لازم تحترم حجابا, نحنا بس عم ناخد القشور بالدين و ما عم نهتم بالجوهر الأساسي و هي مشكلة و منقول الله يهدينا |
كل واحد على دينو الله يعينو
بعدين البنت إذا بينت شعرها لح نصير ش****** و بعدين الحجاب قناعة و بعدين هي قصة شفتها شوف عيني كنت بنفق الأداب نزلت بنت لابس مانطو و حجاب فيمي رسمي متل سيارات المدعومين و هي بالنفق شلحت وطلع الحفر و الميني جوب و فاتت على الجامعة يعني هي مالها مقتنعا بالقصة بس مشان واحد جحش أسمو أخوها عمى تعمل هيك مو مشان قناعة و في كتير بنات لا بسين لبس عادي و محترمات و بينحطو على الجرح بيطيب (هادا الموضوع بايخ و سخيف ) |
مزبوط أبو وليم (الحجاب قناعة)
بس نحنا عم نحكي الشغلة هاي نسبية يعني البنت اللي لابستو عن قناعة هاي هي الصح |
انا بحكي الفرق بين المسلمة وغيرها انو المسلمة بتكون متحجبة حجاب صحيح
ويعني البنت الي بتلبس بنطلون ديق مع حجاب فهيك لا منها ولا من حجابها في شغلة انا كتشفتا بالاعضاء انو معظمهم حاطين فكرة انو المحجبة بالعادة ما بتكون شريفة باخلاقها ومعاملتها طيب يعني البنت ليش ما تجمع بين الحجاب و الصفات الحلوة هلا انتو حاطين هاي الفكرة بس بحب صححلكون اياها واقوللكون هلا اصلا البنت المتحجبة ليش تحجبت غير عشان تصون نفسها وتحمي حالها فهادا بدل على اخلاقها ومعاملتها وبدل على انها بنت شريفة طبعا انا بحكي عن البنات المتحجبات حجاب صحيح مش الي اهلهون غاصبينهون على الحجاب غصب بليييز يا جماعة الموضوع والحوار حلو ما بدنا حدا يعكر الموضوع ويحولو لخناقات بليييييييييييييز وميرسي على طرح الموضوع |
اقتباس:
كلشي عندك سخيف ؟؟ اخي من اولها اذا الموضوع ما عجبك لا تعلق لانو اخر شغلة بحب يسمعها صاحب الموضوع انك تقول عن موضوعو سخيف مع العلم انو مو انا صاحب الموضوع دم تم |
| الساعة بإيدك هلق يا سيدي 08:38 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون