|
اقتباس:
|
معناها نيالنا ... هي ما خلصتيه وعم كتبيلنا هيك مواضبع .. بكرا أذا بتوصلي لـ أخر 50 صفحة .. بدك عيلة حشيشة كلون مو بس أبو حشيشة
|
يا جماعة حرام عليكم
غلط نحكي عن حالنا انه احنا ابناء العجز، لأنه واقعنا مش عجز الصح انه نحكي ابناء الزمن، ابناء الماضي ، ابناء الصمود بتعرفوا ليه ؟؟؟؟؟ لأنه احنا مش عاجزين، احنا مقموعين ومع ذلك ما زال في النا منبر نحكي منه في النا صوت نعليه، ارادتنا ما زالت موجودة، اهدافنا كل يوم بتكبر بالتالي احنا مش عاجزين، لكن احنا في انتظار اللحظة المناسبة، التمرد والغليان والانفجار كله رح يجي بس اصبروا رح تحسوا بالتغيير شوي شوي ، ورح يبدى معكم من البيت وانا بحكي من تجربة مش مجرد حكي وتنظير اصبروا، وكل يوم جددوا ارادتكم وثبتوا موقفكم وركزوا على الهدف واعرفوا شو الوسيلة الصح. وان غدا لناظره لقريب |
اقتباس:
الاحترام |
تغيير الذات شي مش سهل بالمرة بس ممكن والشغلة بدها وعي وإرادة واستمرارية
بس تغيير الاخرين شي اكتر من صعب..يعني مجتمع متعود على شغلة غير ربك ما بيقنعو بغير هيك لحتى يتغير الوضع لازم نكون قادرين على تقديم التضحيات\ يمكن المعنوية \ يعني اذا كل شخص مشي بقناعاتو للاخر باي موقف بيمر عليه حتى لو كان هالمسير رح يخلي الناس تنتقده وتحكي عليه وتبتعد عنه فهالتغيير بيتم بس المشكلة انو قلائل اللي بيقدرو يتحملوا الخسائر المعنوية بمجتمعهم وخاصة باول فترة لانو مو كل الناس رح تفهم وتقدر انت ليش تصرفت هيك |
ليش الـ up ?
|
اقتباس:
زكرتني بالذي مضى .. اييييه :hashish: |
ما بعرف ليش ؟
سألي يلي عملها. أهلين رفيقا .. أهلين بالرفاق |
تذكرت هالموضوع وانا عم اقرا بقية المواضيع يللي مستجدة على الساحة
ابناء العجز ...... رح نضل ابناء العجز ورح نضل ساكتين وبالاخص بالاجواء الجديدة يللي صايرة ولاشو؟؟ وسؤال خطر على بالي بعد صفنة وسحبة سيكارة طويييييييييلة ... ونفخة هيك كبيرة :larg: الثورة موجودة بقلبنا ولا ماتت .... وكيف الثورة عم يفهمها كل شخص ؟؟؟ وماذا بعد الثورة ؟؟؟ |
انا الثورة بقلبي ... بس ناتعتلا شي لترين سيمو ..
_ اما بعد الثورة .. بقدر المواطن ياكل 3 مرات بالأسبوع لحمة .. بيرتفع معدل القراءة لـ أكتر من 6 دقايق بالسنة .. بيصير اللي عما يشتغل 12 ساعة باليوم يعيل عائلة كاملة و يزيد معو .. بيصير طالب لما يخلص ثانوي و يفوت جامعة .. ما يتفاجئ أنو شو هاد .. لا بيكمل معلوماتو .. مو بيغيرها .. بيصيرو العالم يسمعو فيروز و مرسيل و لينا و شربل و زياد و الرحابنة و وديع الصافي بدل هيفا و نانسي |
اقتباس:
طبعا بيكفي لانو اكتر من هيك ما بقى نتحمل فقر .... وذل .... وتعتير .... واهانة بيكفي .... نيرفانا ....بهالكم يوم الجايين الك مني هدية هون بالمنتدى وبعدة اماكن رح ورجيكي انو لا لساتنا مو عجزة ... ولا ممكن نعجز ... هدية الك ولكتير من الاعضاء يلي بهمهم الموضوع وكتير رح يلوموني ......!!! بس رح اثبتلك انو صرختنارح توصل وتخرق جدار الصوت والصمت |
اقتباس:
هون ..................... البرهان انو مو ابناء عجز - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
بس القضية مو قضية كريم بس وغيرو .. القضية أكبر من هيك بكتير .. نحنا عجزنا ما توقف عند اشخاص معينين أو عند وطن بل امتد حتى مس انسانيتنا وحقنا بالحياة .. ما عم نقدر نقدم لادام .. يعني ما عم نقدر نتحضر متل البشر .. نحنا مجردين من حريتنا .. من حقوق كتيرة .. وما عم نقدر نطبق مواطنتنا متل الخلق بدون ما تطلعلنا مليون قصة بوجهنا .. |
لو كانت الناس كلها بتفكر متلك لكانت الدنيا بالف خير
|
اقتباس:
,وانا معك بس طريق الف ميل بيبدا بخطوى .... خلينا سوا نقدم هالخطوى ونفكر بالبعدة والبعدة :D |
| الساعة بإيدك هلق يا سيدي 13:51 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
