|
جرب شي مرة تدرس الأخبار من اي نشرة وعكل الأقمار بيشتركو بلعبة وحدة.. لعبة الكلمات وعندن مية طريقة ليخبو النص التاني من كل الحقيقة مرة بيقولو استشهد .. مرة بيقولو مات مرة بيقولو توفى.. او فارق الحياة مرة بيقولو حكومة ومرة بيقولو نظام ومرة بيقولو الشارع ومرة اسمو الراي العام بتحس المصدر مصدر واحد شي دولة عظمى او حزب معارض وهنن نفسن مهما اخترعو القاب وبهالنشرة بيقولو عنن ضحايا وبهالنشرة صارو ميليشيات وسرايا مرة بيقولو مجاهد مرة بيقولو ارهاب ولازم المذنب يطلع لابس كوفية وجلباب مرة بيقولو تحالف مرة اسمو احتلال واللي مبارح كان تطرف بكرا اسمو اعتدال واللي عم يبني مفاعل .. ملفو تحت الاضواء وصاحب اطنان القنابل.. ما منشوفو بالانباء واذا فتيشة بيصرعونا.. عاللي صار بتل ابيب واذا بغداد احترقت كلها .. مارح تدرى يا حبيب - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
:D..............
|
لو تعرفو بيّن ( ابوهن :lol: ) هون ولد هون اندفن عمر هالدار وراح ما ترك وصية للعلن وبتشهد حجارو يللي مجبولة بحلم رح يبقى هالبيت العتيق متربع بصدر الزمن ولادو اجتمعو بالدار بعد ما الاب ارتحل كل واحد بعيونو سؤال عن بين ما حدا سأل شو اللي بيطلعلي وشو اللي بيطلعلك الك وقتا صار اول شرار ومن بعدا شعلت نار الأول قرر انو ياخد كل شي وبيعتبر انو حقو انهضم والتاني عم يحاول يقنع الكل انو من حقو الدار هاد يلي بدو يبيع ويمشي ما بيهمو لو بيتو انقسم كل نهار نفس الحوار بيبشر بانفجار - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
يا ترى شفت قدسيا وانسيت قلبك عباب السرفيس يا ترى فلست شي مرة وصرت من الفقر قديس يا ترى طليت من شباك فايق ع جبال لبنان وبعد الفنجان الألف لقيت الحلو نعسان يا ترى شفت جمعة عزا والميت نهر بالشام نحنا جمعة عزا والميت نهر نشيع الهوا بورق الحبق نشيع الحزن بكاسة عرق نشيع الضجر بشدة ورق ونحنا الحبق ونحنا العرق ونحنا الورق ونحنا كل شي جاية من المطر وكل شي في بخور انحرق - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - * انو هاي حبيتا كتير .. فظيعة :oops: |
كل يوم بقول انو بكرة رح بيكون احسن بشوي بس شوي بكفي شوي كل يوم بقول انو بكرة رح يتغير شكل الحي وبعده الحي هو الحي شو بدك تحمل يا بكرة لتحمل الله يحمل معك امال الناس يلي ما بتقدر الا تلجأ الك الاب اللي عم يسال حتى قالو مجنون ما بيعرف ابنه وينه ميت ولا مسجون الشباب الي عم بيهاجر وضجر الامهات ولا اللي بعده ناطر عبواب السفارات شو بدك تحكي مهما تحكي مافي مين يسمعك بتحس انك بارضك منفي والهوا عم يخنقك ضايع بزمن الحرب بتدور على هوية جرفتها ريح الغرب ... ريح الغرب القوية الريح اللي سرقت اسمك وما بتعرف انت مين انت مجرد رقم وطابع وصورة عاليمين كل يوم بقول بتمنى بكرا انو يكون اسوأ بشوي بس شوي بكفي شوي كل يوم بقول يا رب ما يتغير شكل الحي ويبقى الحي هو الحي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - كمان هاي حبيتا كتير :gem: |
الله خلق هالدنية وقسمها على تنين وقت بتشرق عالاول بتغرب ع التاني العين ونحنا اللي بيناتن عايشين على حسناتن عم نشقى ونركض وما عم نحلق نسد الدين شرق وغرب نحنا وين عايشين بالدين سكابا يا دموع العين الأول عندو نار والتاني عندو حديد علقت بيناتن بالماضي وصارت تقيد تصافو بعد العلقة .. وبآخر الحلقة طلعنا نحنا الهدية وصرنا خاروف العيد شرق وغرب عيد سعيد الله يبارك ويزيد راحت ع العيد .. والعيد بعيد نحنا منعرف انو الارض مدورة وبتدور طب ليش كلن عم يدورو ونحنا ما عمندور ما عم نلحق نركب .. ولا ما عم نلعب ولا عجبتنا الفرجة وما عاد في النا دور شرق وغرب Tell Me More ما عاد في النا دور لركب حدك يا الموتور - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
عجل قوام يا عبد السلام .. سهرتنا سهرة فوق الكلام السهرة الليلة في صالون المدام .. عجل قوم يا عبد السلام السهرة حلوة واللمة كبيرة .. فيها النشترية واعيان الديرة البعض مفرفش .. والبعض محشش والكل بدو .. رضا المدام عطر هدومك الله يديمك .. والبس جديدك واترك قديمك عسى المدام .. تكون نديمك ويمكن يا عبدو .. تحبك المدام هناك حتلاقي راجي ومطيع .. راحو الصالون وسبقوا الجميع اخدو مكانهم ويا نيالهم .. وشربو المدام من ايد المدام والله يا عبدو هالشغلة مو تمام .. اوعا تتهور يا عبد السلام وما بدك هالسهرة .. بصالون المدام - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
سما نايمة وعم تحلم بنجمة او لعبة والدنية عم تغلي بره ما فينا نخبي بتعرف تضحك ومالا سنان ما بتفهم بحقوق الانسان والمجلس قرر يحاصرها وهية عم تحبي سما ملت لاني قالب عالجزيرة ما عمتفهم معنى التقرير يمكن لسه صغيرة عم تطلع عالتلفزيون من رفقاتها يمكن مليون ماتو التقرير الماضي وهي هية السيرة سما مو خرجها عقوبات لانها حساسة ما بتحب تشوف الناس اللي عم بتقاسي وما بتتحمل منظر الجنود وعالم حولها عم بتموت اصلاً هي ما بتدخل باي شي سياسي سما تعلن للمجلس انه بدها تنام وتعلن مسؤوليتها عن كل الاحلام وبتوعدكن اذا ما صار والمجلس فك عنها الحصار رح تتعاون وتشرب حليباتها بكل الأيام - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
صواتهن جاي من بعيد من خلف المدى جاية حجر بينده للايد رح نبقى للنهاية هادا صوت الارض قلوبهن صديقها الموت وعيونهن عم تطلع غضب سنينهن والوقت خلا نظرتهن توجع هاد حقد الارض بليل مجروح نايم هالولد بيحلم بتخت وبيت وبشوية بلد فاق عصوت بعيد جاية من السما شوية بيعلى وبيزيد وبتشعل هالسما مثل مبارح من هلق ورايح كل يوم طبعا في قصف مهما القصف يزيد ويزيد الصدى هو تعود ما يخاف ولا يسأل حدا شاف الموت صغير وصار يتقبله ما عاد تفرق كتير بالنسبة الو تعلم يكره وصار بيشبه يلي كل يوم بيقصفو صار بدو يكبر ليقدر يثأر ليلي ماتو وهنن بين ايديه اذا كنت مفكر انو ما رح يتذكر بكرة بتواجه يلي مراهن عليه عم تزرع موت وتزرع كراهية فكر لبكرة لما بيجي الحصاد اطفال الموت ملو دور الضحية وما كنت تمل تلعب دور الجلاد ميزان الضعف رح يجي يوم ويتبدل وقتها الولاد ما عاد يكونو ولاد واجيال الموت بكرة ما عادت تقبل انك تتجبر وهي بايدها الزناد هي القذائف عمتصنع مستقبل .. مستقبل اسود ناطر تحت الرماد وتيار العنف رح يجرف اللي تأثر او يللي هادن او وقف عالحياد - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
تارك كل شي .. ورايح عالجنوب لعندك ماشي .. ماشي عالجنوب كل الطرقات التانية مسكرة عرفنا الحقيقة لكن وصلتنا مأخرة ووحدو طريقك باقي مفتوح ماشي لعندك .. صوبك بدي روح تارك كل شي .. ورايح عالجنوب لعندك ماشي .. ماشي عالجنوب تارك احلام الماضي والكلام تارك اوهام الضعف اللي بيعمل سلام والحقيقة مافيها اوهام وحدا القوة اللي بتعمل سلام - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
Band Names اكبس عالصورة لتشوفها بحجم كبير 190 كيلو بايت  انو هاد السيدي مبارح جبناه ... وما سمعناه كونو اجينا هلكانين من الحفلة المهم كنا عمنسمعو ونحنا عمنكتبلكن كلمات الأغاني بشكل عام الألبوم عجبني... وفكرتو جديدة نوعاً ما لكن بيغلب عليه الطابع السياسي ( هني اشارو لهالشي بصحيفة الوطن .. انو الالبوم رح يحكي عن احداث 11 ايلول واحداث العراق وتموز .. تبع لبنان ) وهيك خلصنا :D |
اقتباس:
اقتباس:
اقتباس:
اقتباس:
اقتباس:
:D |
لك ريتو يعطيك العافية ربي
مع ان كنت متمني لو كانت الاغاني مضغوطة ( شايف شحاد ومشارط :p) :D:D |
مشي الحال . نزلت كل الاغاني . عم بمسع اول بأول . الانطباع الاول جيد . :D |
احمد ..... شغلني معك بالاذاعة :lol:
|
حلو الالبوم، مع انو لسا عمبتعرف عليه، يمكن صرنا نفضل هاد النوع من الموسيقا عن القرف يلي بضخو بوسائل الاعلام..
|
اقتباس:
|
شكراً أحمد عالألبوم
أغانيهم دايماً حلوة كلنا سوا خصوصي غنية شرق وغرب بس مو عاطينها حقها بالألحان بس معانيها جدا رائعة |
| الساعة بإيدك هلق يا سيدي 03:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون