|
هلا بدي اروح بس لي عوده وتعقيب على كلامك امرأه من ورق
تحيااتي الك امرأه من ورق:D :D :D |
سلامات عيوني :D :D :D
|
اقتباس:
الحجاب مأخوذ من الدين و الدين يأخذ من الكتب و ليس من من ينتسب للدين . اذا بدي اتعرف على الدين المسيحي ما بشفلي بياع خمارة مثلا و بتعرف منو على الدين المسيحي بل أقرأ الانجيل لأتعرف علية. أي في المثال الذي طرحتية لا أعتقد ان العذر من الدين بل من من يطبقة. |
اقتباس:
سوري بعرف طلعت برات الموضوع بس وجب التنويه :D الي رجعة على الموضوع بس ليصير بالبيت |
اقتباس:
بالله هلق سؤال عم تقولو انو اللي عم يعملوه خادش للحياء طيب يعني شو الخادش فيه؟ والله اللي بيسمعكون بقول عم يمارسو الجنس بنص الشارع |
اقتباس:
موضوعنا هون هو راينا نحنا كعرب باللي عم نشوفه انا اللي معترضه عليه انه اسير التشرد عم يقول انه عم ينظر الهم نظرة حسرة ليش حسره ليش انتم فسرتم الامور على انه هو رجال محروم وهو بتمنى انه يكون بين احضانها كمان انت فسرتي انها مطلوب منها انها تلبس هيك لبس بدون رغبه منها وهي كمان عم تتمنى انها تكون متل المرأه التانيه ليش اصبحوا هم اللي على خطأ كمان انت عم تطالبينا بأنا نعذر فرنسا انها عم تمنع المسلمات من الحجاب وين الحريه اللي عم نحكي عنها وشو اللي خلاكي تعذريهم انت ولا بس عشان دوله غربيه كل اللي بتعمله حلال وصح ونحنا لازم نوافق على هالشي بدون اعتراض حتى بالفكر بجد ما بعرف لوين نحنا بدنا نوصل بهالتفكير انه لازم نتقبل اي شي بيجينا من قبل الغرب تحيااااااااتي |
اقتباس:
لغتك الام شو هية؟؟ اقتباس:
|
اقتباس:
وتحياااااتي:D:D |
اقتباس:
|
اقتباس:
|
اقتباس:
بس بيعجبني شلون بيتمهزة عليها وهو مو فهمان شو معناتها اقتباس:
لانك قلتي بردك انو هية عم اتطالبك تعذري فرنسا وهية كتبت شي تاني غير هاد بالخالص حتى فرنسا اللي عملتو عملتو على خلفية بتدل على تطور وفهمنة فرنسا منعت الرموز اللي بتدل على ديانات او قوميات منعنا من التمييز العنصري مو تعديا على حرية الافراد الشخصية بدنا كتير لنوصل لمستوى التفكير اللي وصلو الغرب بس لازم بالاول نفهم ونوعى ونبطل صنعة بيع الشعارات والاخلاقيات |
اقتباس:
في هاي معك حق بس الي عملته فرنسا بمنعها للحجاب بالعكس زاد الامر سوء وكشفلنا كم هي عنصريه مو منع للرموز متل ما عم تحكي لانهم لو بدهم يمنعوا الرموز الدينه او القوميه كان منعوا الراهبات من الملابس اللي عم بلبسوها يدل على انهم راهبات |
اقتباس:
بس بفرنسا على علمي انو ما منعو الحجاب بالشارع ... منعو بس بالمدارس والجامعات والمكاتب العامة ... وما بس عن الاسلام .. كمان منعو المسيحي يلبس صليب واليهودي يلبس نجمة داود . ومنعو اي شي بيدل عن الدين كيف ما كان انشالله بوزي او من عباد البطاطا... بس كل العالم قتنعت بالموضوع وطبقتو دغري الا اخواتنا السلام .. واعتبرو الشغلة تعدي عالدين والمعتقدات والعادات والتقاليد وما بعرف شو اسا كمان ... ومشان المقارنة بعتقد انو وجهت نظري واضحة .. ببساطة اسا بدنا كتير .. واحلى تحيي للكل لانو عنجد حاسس انو اول مرة بيصير نقاش متل الخلق والعالم او عالقليلي من زمان معد صار هيك نقاشات.... |
هلأ اجى دوري لاكتب ردي على المقارنة بالصورة
من أول وهلة للنظر إلى الصورة بنضحك على المفارقة العجيبة والصدفة الغريبة بين الاشخاص... وبعدين نبدي رأينا باللي عم يصير بالصورة.. طبعاً كل واحد رح يرد ويكتب من خلال خلفيتو الديني أو الثقافي أو التقاليد والاعراف اللي ببلدو.. انا بشوف انو الاثنين على صح ... اللي على يسار الصورة عملهم نابع من ثقافتهم... واللي على يمين الصورة كمان عملهم نابع من ثقافتهم الديني وتقاليدهم ... كلام الرحال الصغير على انو اللي على يسار الصورة هم عبارة عن حيوانات ببوسوا بعض في أي مكان(البوس مش معيار لنبني قرار انو هالاشخاص حيوانات ام لا) ... لو تمعنا بالصورة اكتر لشفنا انو المراة عم تهمس بأذن الرجل (احتمال عم تحكي شي نكتة) هلأ هالنظرة هل يا ترا هي نظرة حسرة أم لا؟ هون السؤال ... بنت الاكارم قالت انها نظرة استغرب واستنكار للعمل الغير مهذب بنظرهم من وجهة نظر ديني بحت لانهم متشربين ثقافتهم الاجتماعية من دينهم ... برأيي المتواضع النظرة يمكن تكون نظرة حسرة ممزوجة بالاستغراب وبعض من الاستنكار... الحسرة لانو الزلمة ما بيقدر يعمل هيك ادام العالم متل ما بدو ... لان الدين وتقاليد واعراف مجتمعو بيمنعو هالشي. الاستغراب... وهالنظرة لازم تكون بالاول ... لانو الفعل كان فجائي بالنسبة إليهم والاستنكار ... العمل اللي عم يصير بين المرأة والرجل عم يصير كمان ادام نظر ومرأى زوجتو وطبعاً هيك زلمة طبعا ما بحب زوجتو تشوف هيك اعمال غير مهذبة ...(حسب اعتقادو الثقافي والاجتماعي) اما عن قرار فرنسا بمنع الرموز الدينية والقومية ومن ضمن الرموز الحجاب ... شخصياً انا ما بأيد هيك قرار... وعن كلام ويلي ان القرار طلع لمنع التمييز العنصري ... التمييز العنصري ما رح يتلاشي بتلاشي الرموز الديني من المجتمع .... هلأ سؤال بفرنسا في تمييز عنصري؟ لحتى يطلع هيك قرار!! مثال... العنصرية بأمريكا ما كانت بسبب الرموز الديني كانت العنصرية حسب اللون (الاسود والابيض) واكيد لما بيكون الاسود دينو مسيحي هالشي ما رح يشفعلو انو يكون بمنأي عن العنصرية من البيض... واعتقد انو قرار الحكومة الفرنسية بمنع الرموز كان بالاكثر موجه للمسلمين.... تحياتي |
اقتباس:
ومرة تانية بليييييييييييز اقر أو ردودي منيح..... يعني هون بالموضوع مافي غير اني بدي وضح شو كان قصدي من الرد السابق لانكن وببساطة بتكونو قريتو كلامي بسرعة واخدتو منو كلمة عالسريع وعملتولي عليها قصة مع اني بكون قاصدتها تماما بمعنى غير |
اقتباس:
بل من قبل الشعب هلق اي نعم الشعب الفرنسي متحضر و بشكل عام ما زيادة عندو عنصرية بنظرتو لباقي الناس بس هاد ما بيمنع انو في اشخاص كتير عنصريين طبعا ما رح والله يخيرو لونو للاسود مشان يبطلو العالم يميزوه عن الباقي بس هدول شغلات من الممكن انو يتفادوها اما لون البشرة هاد صعب تتفاداه هلق انت قلت اقتباس:
الحكومة الفرنسية ما منعتو بالشارع منعتو بالمدارس والجامعات يعني للمسلم (او غيرو) كل الحرية بانو يلبس اللي بدو ياه خارج هدول الاماكن وطبعا مافي داعي نوضح انو حتى اللباس المزلط كتي هاد كمان ممنوع بهالاماكن يمكن عم تقول انو موجه للمسلمين بالخصوص لانو المسلمين هني اكتر شي لباسهون واضح بالنسبة للبقاية بس ما بأيدك بهالكلام المسلمين هني اللي عملوها هيك لو تقبلوها متل باقي السكان كان اختلف الوضع كتير |
اقتباس:
:lol: انها الحرب |
عجبني الانتقال من موضوع الصورة لموضوع فرنسا بس متل العادة حديث بيجر حديث بيصير عنا حديثين مجرورين ببعض وخود على حكي بقى
هلأ طبعا كل واحد عبر عن وجهة نظرو ورايو بموضوع الصور وكان رايو نتيجة تربيتو الاجتماعية والبيئة اللي عاش فيها فترة تكون الفكر عندو ومن ناحية تانية بمدى فهمو لدينو ومدى تأثرو بحكي رجال الدين هلأ انا خلينا نحكي اول شي عن تربيتي وبيئتي انا ربيت ببيئة نوعا ما محافظة ليس الى درجة التعصب ولكن عندها بعض التحفظات من ناحية بعض التصرفات ومنها هاي التصرفات بالنسبة للدين انا بعرف شو اساسيات الدين وبمشي عليها خلينا نقول نتيجة هالظروف هاي انا ماني مع التعصب الشديد ولست مع الاباحية العامة وما اقصده بكلمة اباحية ليس العبط والحوش والبوسة على الخد وانما ممارسة الجنس على الملأ هلأ انا ماني مع اللي عم يصير بيمين الصورة لانو هادا نوع من التعصب اللي انا ما بطيقو ومن ناحية تانية ماني ملاقى مشكلة باللي عم يصير بيسار الصورة لانو لا يندرج تحت اطار الاباحية العامة يعني انا من خلال رفقاتي ومتابعاتي وقراياتي انا ما لقيت دين بيمنع العبط والحوش والبوس على الخد وبرجع وبكرر كلامي انو العبطة والحوشة هيي اكتر حنية ومحبة من التسليم المصافحة يعني انو قديش انا بحبك لما بعبطك قديش بكون عم عبرلك عن مشاعري وقديش انتي رح تلاقيها حلوة مشان شغلة فرنسا فرنسا طالعت قرار بمنع الرموز المسيحية والاسلامية واليهودية على الملأ يعني بدك تلبس صليب لبوس ما حدا ماسكك بس بتضبي تحت كنزتك تحت قميصك وما بتبينو على الملأ المشكلة اللي صارت انو صار المسلمات ما بدن يبينو الحجاب ومن ناحية تانية ما رح يقدرو يتخلو عنو وهادا اعتبر (مبني للمجهول هادا الفعل ) تهجم من فرنسا على الاسلام وهوي مو هيك ابدا هوي محاولة من الحكومة الفرنسية لمنع التمييز الديني (وما رح قول العنصري مشان ما تعلقو عليي ) يعني لو ما عانت من هالشغلة ما كانت طلعت بهالقرار يعني خدو اكبر مثال عنا بسورية انا حملت مادة بالجامعة لانو الدكتور عرفني مسيحي وغيرو وغيرو بالدوائر الحكومية هلأ بجوز نص الحكي اللي حكيتو يكون مطروح بس حسيت حال بفقع بطق اذا ما حكيتو حوصليتي ديقة انا :D الله يخربيتكن تعبتوني :p هاي تاني مرة بكتب هالرد اول مرة كتبت رد اطول من هادا قامت فصلت الكهربا عن الكمبيوتر قبل ما ابعتو امت رجعت كتبت هادا :cry: |
| الساعة بإيدك هلق يا سيدي 07:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون